Morgunblaðið - 17.10.1996, Blaðsíða 8

Mmt
KNATTSPYRNA / MEISTARADEILDIN
Langþráður
sigur UnKed
Reuter
DAVID Beckham, sem gerði fyrra mark Manchester United,
í baráttu við Nígeríumanninn „Jay Jay“ Okocha í Tyrklandi.
MANCHESTER United sigraði
Fenerbache, 2:0, íTyrklandi í
Meistaradeitd Evrópukeppn-
innar í gærkvöldi, og er í væn-
legri stöðu. Stórlið AC Milan
tapaði hins vegar fyrir IFK
Gautaborg í Svíþjóð og engan
veginn er víst að stórliðið kom-
ist í átta liða úrslit keppninnar.
> CJigiir Manchester United var
mikilvægur í baráttunni um
sæti í undanúrslitum keppninnar.
Mörk frá David Beckham, eftir 55
mínútur, og franska fyrirliðanum
Eric Cantona fimm mín. síðar,
tryggðu sigurinn og þar með lauk
slæmu gengi United liðsins á úti-
völlum í Evrópuleikjum upp á síð-
kastið. Liðið er nú aðeins einu stigi
á eftir Juventus, sem er efst í C-
riðli.
„Þetta var ánægjulegt kvöld,“
sagði Alex Ferguson, knattspyrnu-
stjóri United eftir leikinn og var
greinilega mjög létt. „Fyrsti leikur
okkar, 1:0 tapið fyrir Juventus í
Tórínó, var lærdómsríkur og lékum
vel allan þennan leik,“ sagði þjálfar-
inn. „Mörkin komu á mjög heppileg-
um tíma, það fyrra 10 mínútur eft-
ir leikhléð og hitt strax á eftir. Það
gerði út af við þá,“ sagði Ferguson.
„Við vonumst til að þetta verði
vendipunktur. Það eru leikir eftir
og enginn þeirra auðveldur en ég
vona að sjálfstraustið hafi aukist
hjá mínum mönnum eftir leikinn í
kvöld.“
Mikið gekk á þegar United lék
gegn Galatasaray í Tyrklandi 1993
"'-og 1994 í Evrópukeppninni. Liðinu
gekk illa og trylltir áhangendur
tyrkneska liðsins slógu leikmenn
þess út af laginu. Annað var upp á
teningnum nú. Gestirnir léku af
mikilli varfærni, gáfu sér mikinn
tíma í öllum aðgerðum og þögguðu
hreinlega niður í stuðningsmönnum
heimaliðsins með þessum hætti.
Fulltrúi Manchester United
kvartaði við eftirlitsmann UEFA í
leikhléi vegna þess að kynnirinn á
vellinum lék háværa músík og
stuðningshróp áhorfendum til að-
stoðar, í fyrri hálfleiknum, og það
var ekki til að bæta andrúmsloftið
hjá heimamönnum.
, Leikmenn United héldu hins veg-
ar haus og Beckham skoraði á 55.
mín. Ronny Johnsen vann knöttinn
af Nígeríumanninum Okocha á vall-
arhelmingi United, sendi knöttinn
til Cantona sem lék honum áfram
fyrir fætur Ole Solskjær. Hann var
þá kominn langt fram á völlinn.
Vörn Tyrkjanna var illa búin undir
gagnsókn, tveir varnarmenn geyst-
ust að Norðmanninum unga sem
sendi knöttinn þá til David Beck-
hams sem skoraði.
Tyrkirnir höfðu varla áttað sig
þegar United hafði skorað aftur.
' Solskjær sendi skemmtilega með
hælnum á Jordi Cruyff á vinstri
kantinum, hann gaf fyrir markið
þar sem Cantona átti ekki í neinum
erfiðleikum með að skora. Stýrði
knettinum í netið af stuttu færi.
En athyglivert er að þetta var að-
eins fimmta mark Cantonas í Evr-
ópukeppni á ferli hans.
Fenerbahce: Rustu Recber; Ilker Yagcioglu,
Uche Okechukwu, Jes Hogh, Kemalettin Sent-
urk, Halil Ibrahim Kara, Tuncay Akgun (Ta-
rik Dasgun 84.), Elvir Bolic, Augustine „Jay
Jay“ Okoeha, Emil Kostadinov (Aygun Taskir-
an 84.), Bulent Uygun (Erol Bulut 65.)
Manchester United: Peter Schmeichel, Gary
Neville, Denis Irwin, David May, Ronny John-
sen, Gary Pallister, Eric Cantona, Nicky Butt,
David Beckham, Jordi Cruyff (Karel Poborsky
73.), Ole Solskjær.
Sænsku hálf-atvinnumennirnir í
IFK frá Gautaborg gerðu sér lítið
fyrir og sigruðu ítölsku meistarana
í AC Milan í Svíþjóð, 2:1. Líberíu-
maðurinn Georghe Weah kom Milan
yfír á 52. mín. og liðið ætlaði síðan
greinilega að halda fengnum hlut,
eins og það er reyndar frægt fyrir
þegar það kemst yfir. En það kom
þeim í koll, og eftir að Svíarnir
skoruðu tvívegis á síðustu tíu mín-
útunum blasir sú staðreynd við
Itölunum að þeir gætu setið eftir
þegar keppni heldur áfram eftir
leikina í riðlunum.
Oscar Washington Tabarez, úr-
úgvæski þjálfarinn hjá Milan, gerði
sér strax að leik loknum grein fyrir
þvi hveiju búast við í ítölskum fjöl-
miðlum í dag, og baðst í raun griða:
„Nú er um að gera að halda ró sinni.
Sú ákvörðum liðsins að leggja alla
áherslu á vörnina eftir að hafa kom-
ist yfir var dauðadómur."
Flestir þeirra 42.450 áhorfendu
sem komu á leikinn á Ullevi fóru
ánægðir heim. Sigur IFK, sem
tryggði sér sænska meistaratitilinn
í fjórða skipti í röð um síðustu helgi,
var sá fyrsti í D-riðli Meistaradeild-
arinnar í haust, og Svíarnir eiga
því enn möguleika á að komast í
átta liða úrslit.
ítalska liðið byijaði mun vetur
og þeir Weah og Marco Simone
virtust ætla að halda uppteknum
hætti í keppninni, en þeir voru í
miklum ham gegn Rosenborg í Nor-
egi á dögunum - Weah gerði þá
eitt mark og Simone þrjú. Weah
þrumaði fljótlega í stöng í gær eftir
glæsilegan samleik þeirra félaga, og
hinn ungi Tomas Locatelli átti gott
skot skömmu síðar sem gamla
kempan Tomas Ravelli varð að hafa
sig allan við að veija. Þrátt fyrir
þetta voru leikmenn Milan ekki eins
og þeir eiga að sér og miðvallarleik-
mennirnir áttu í erfiðleikum með
Svíana.
í leikhléinu fór að rigna og völlur-
inn var flugháll. Það gerði leik-
mönnum beggja liða erfitt fyrir, en
kenna má hálkunni um fyrsta mark-
ið, sem Weah gerði á 54. mín. Vam-
armaðurinn Jonas Olsson missti af
knettinum er hann fleytti kerlingar
og Weah skoraði.
Svíarnir höfðu barist með kjafti
og klóm allan leikinn og markið
gerði þá aðeins enn ákveðnari. Erik
Wahlstedt kom inn á sem varamað-
ur hjá IFK og hafði ekki verið inn-
an vallar nema í eina mínútu er
hann skallaði í netið eftir að Ols-
sons hafði platað hinn heimsfræga
Paolo Maldini upp úr skónum og
sent knöttinn fyrir markið.
Tíu mín. síðar gerði Niclas Alex-
andersson svo sigurmarkið. ítalirnir
trylltust er dómarinn úrskurðaði
markið löglegt, töldu Svíann rang-
stæðan en sjónvarpsmyndir sýndu
svo ekki varð um villst að rang-
stöðuleikaðferð Milan brást; vörnin
var flöt og pólski línuvörðurinn
hafi rétt fyrir sér.
IFK: Thomas Ravelli; Mikael Nilsson, Jonas
Olsson, Teddy Lucic, Stefan Landberg (Magn-
us Johansson, 78.); Niclas Alexandersson,
Stefan Lindqvist, Jesper Blomqvist; Magnus
Erlingmark, Stefan Pettersson (Erik Wahl-
stedt, 73.) Andreas Andersson.
AC Milan: Sebastiano Rossi; Christian
Panucci, Alessandro Costacurta, Paolo Mald-
ini, Marcel Desailly; Demetrio Albertini, Mas-
simo Ambrosini, Tomas Locatelli (Michael
Reiziger, 70.), Zvonimir Boban; George Weah,
Marco Simone (Christophe Dugarry, 78.).
■ Úrslit / B4
HOLLENSKU meistararnir í Ajax
héldu upp á 100. Evrópuleik félags-
ins á viðeigandi hátt í gærkvöldi;
fengu Glasgow Rangers í heimsókn
og gjörsigruðu skoska liðið, 4:1.
Portúgalinn Dani gerði tvö mörk í
leiknum, bæði í fyrri hálfleik en þá
var einnig Paul Gascoigne hjá Ran-
gers rekinn af velli fyrir að sparka
í mótherja.
Rangers á einungis fræðilega
möguleika á að komast í átta liða
úrslit Meistaradeildarinnar, en liðið
hefur nú tapað ellefu leikjum í röð
í keppninni, síðan hún var sett á
laggirnar fyrir þremur og hálfu ári.
Ajax á hins vegar ágæta mögu-
leika á að komst áfram í keppninni
og liðið stefnir á að leika til úrslita
þriðja árið í röð. Ajax hefur ekki
gengið vel undanfarið, en þjálfarinn
Louis van Gaal brosti að leikslokum
í gær. „Við erum ekki komnir áfram
enn,“ sagði þjálfarinn sem lýsti
Dani sem „stórkostlegum“ leik-
manni. Dani þessi var í láni hjá
Mm
FOLK
■ IVAN Zamorano, landsliðsmið-
heiji Chile, sem Inter Milan keypti
frá Real Madrid, segist ætla að
beijast fyrir sæti sínu hjá liðinu,
þrátt fyrir að hann hafi ekki náð
sér á strik - ekki verið með nema
í sjö leikjum og ekkert skorað.
Hann sat á bekknum þegar Inter
lék gegn Casino Graz í UEFA-
keppninni á þriðjudag.
feittl SA orðrómur hefur verið
að Inter ætli að láta hann fara til
Sevilla á Spáni. „Ég vil vera áfram
hjá Inter,“ segir Zamorano.
■ FJORIR kunnir kappar hafa
verið settir í tveggja leikja bann á
Ítalíu. Paul Ince, Inter Milan
Christian Karembeu, Sampdoría
og Oliver Bierhoff, Udinese, sem
voru reknir af leikvelli um sl. helgi
og Giampietro Piovani, Piacenza,
sem lenti í útistöðum við Ince.
■ FORRÁÐAMENN Inter áfrýj-
uðu þegar í stað úrskurði um bann
Ince. Bannið fékk hann fyrir að slá
mótheija í eyrað, en í sjónvarpi
sást að Ince kleyp hann í eyrað en
andstæðingurinn féll með með til-
þrifum í völlinn og hélt um höfuðið;
þótti sýna mikla leikræna tilburði.
■ RÚSSNESKI landsliðsmaður-
inn Igor Dobrovolsky er kominn
til Diisseldorf. Dynamo Moskva
lánaði þennan 29 ára sókndjarfa
miðvallarspilara til liðsins til júní á
næsta ári.
■ GRAEME Souness, knatt-
spyrnustjóri Southampton, tryggði
sér hollenska varnarmanninn
Ulrich van Gobbel frá tyrkneska
liðinu Galatasaray í gær, en hann
keypti þennan sterka varnarmann
einmitt til tyrkneska félagsins þeg-
ar hann var þar þjálfari, frá Fey-
enoord, í fyrra
■ NUNO Santo, markvörður Vit-
oria Guimaraes í Portúgal, er
væntanlega á leiðinni til Deportivo
Coruna á Spáni. Deportivo hefur
boðið 3 milljónir dollara í hann;
andvirði tæplega 200 milljóna
króna.
■ SÆNSKI framheijinn Martin
Dahlin kvaðst í gær hafa farið fram
á að verða settur á sölulistann hjá
AS Roma. Hann var keyptur í sum-
ar en hefur lítið fengið að spreyta
sig og forráðamenn ítalska liðsins
eru tilbúnir að láta hann fara - svo
fremir þeir fái viðunandi verð fyrir
hann. Glasgow Rangers er sagt
hafa áhuga á Dahlin.
West Ham í fyrra en Ajax keypti
hann í sumar frá Sporting í Lissa-
bon.
Ajax: Edwin van der Sar, John Veldman,
Frank de Boer, Winston Bogarde, Ronald de
Boer, Tijani Babangida, Marc Overmars,
Martijn Reuser (Richard Witschge 42.), Arn-
old Scholten, Marcio Santos, Dani (Nordin
Wooter 78.).
Glasgow Rangers: Theo Snelders, Alex Cle-
land, Jörg Albertz, Richard Gough, Joachim
Björklund, Stuart McCall, Paul Gascoigne,
Brian Laudrup (Peter van Vossen 81.), Derek
Mclnnes (Charlie Miller 81.), Craig Moore, Ian
Ferguson (Ian Durrant 85.)
Juventus tapaði fyrsta stiginu í
Meistaradeildinni í vetur er liðið
gerði jafntefli, 1:1, gegn Rapid í
Vínarborg í C-riðlinum. „Ég er
ánægður með úrslitin en við hefðum
átt að geta fengið meira út úr
þessu,“ sagði Marcello Lippi, þjálf-
ari Juventus.
Juventus: Michelangelo Rampulla, Ciro Ferr-
ara, Moreno Torricelli, Paolo Montero, Sergio
Porrini, Angelo Di Livio, Alen Boksic, Didier
Deschamps, Christian Vieri (Michele Padovano
63.), Vladimir Jugovic, Alessio Tacchinardi
(Attilio Lombardo 71.)
Reuter
MAGNUS Erlingmark, leikmaður IFK Gautaborg með knött-
inn. Það er Paolo Maldlni,varnarmaðurMilan, sem eltir hann.
Stórsigur Ajax