Morgunblaðið - 20.10.1996, Blaðsíða 4
4 SUNNUDAGUR 20. OKTÓBER 1996
MORGUNBLAÐIÐ
r1
VIKAN 13/10 -19/10
►STJÓRN Sölumiðstöðvar
hraðfrystihúsanna hefur
samþykkt að gera félagið
að iokuðu hlutafélagi.
Stjórnarformaður SH telur
að með þessari breytingu
öðlist félagið ný sóknarfæri
en forsenda breytingarinn-
ar sé að SH haldi styrk sín-
um, bæði fjárhagslega og
markaðslega.
►ístak bauð lægst í end-
urnýjun flugskýlis banda-
riska flotans á Keflavíkur-
flugvelli sem boðin var út
fyrr á árinu. Samkvæmt
heimildum Morgunblaðsins
hefur verið ákveðið að
ganga til samninga við fyr-
irtækið en tilboð þess var
um 17% undir kostnaðar-
áætlun. Ef af því verður er
þetta fyrsta stóra verkið
fyrir varnarliðið sem kem-
ur ekki í hlut íslenzkra
aðalverktaka frá stofnun
þess árið 1954.
►YFIRMAÐUR fíkniefna-
deildar Iögreglunnar hefur
upplýst að grunur leiki á
um að viðskipti með fíkni-
efni séu stunduð á spjallrás-
um á alnetinu.
►TVÆR íslenskar konur
unnu til verðlauna í evr-
ópskum samkeppnum í vik-
unni. Guðrún Ardís Össur-
ardóttur sigraði í keppni
þýska tiskublaðsins Burda
um titilinn „Besta sauma-
kona Evrópu“. Þá var María
Ellingsen valin besta leik-
konan á alþjóðlegu kvik-
myndahátíðinni Schermi
d’Amore í Veróna á Ítalíu
fyrir leik sinn i kvikmynd-
inni Agnes.
Þrír taldir af eftir að
Jonna SF 12 fórst
ÞRÍR skipveijar af Jonnu SF 12 frá
Höfn í Hornafirði, eru taldir af en bát-
urinn fórst á sunnudagskvöld austur
af Skarðsfjöruvita. Leitarskilyrði voru
slæm á stóru svæði nærri slysstað á
sunnudagskvöldið, tíu vindstig, sand-
rok og brim. Næstu daga var gerð víð-
tæk en árangurslaus leit en m.a. voru
fjörur gengnar frá Eldvatnsósi að Sól-
heimasandi, um eitt hundrað kílómetra
langt svæði.
Landsfundur styrkti
Sjálfstæðisflokkinn
DAVÍÐ Oddsson, formaður Sjálfstæð-
isflokksins, sagði að loknum 32. lands-
fundi flokksins að fundurinn hefði
styrkt stöðu Sjálfstæðisflokksins mjög
mikið og væri traustur bakgrunnur
fyrir ráðherra flokksins. Talsverð átök
urðu við afgreiðslu á sjávarútvegs-
málaályktun flokksins á landsfundinum
sem samþykkt var méð talsverðum
breytingum frá upphaflegum drögum.
í samþykkt fundarins segir að skyn-
samlegast væri að byggja á núverandi
fiskveiðistjómunarkerfi sem hafi m.a.
gert sjávarútveginum kleift að komast
í gegnum erfiðleika seinustu ára.
Gosi undir
Vatnajökli lokið
ELDGOS undir Vatnajökli fjaraði út í
upphafi vikunnar og telja jarðvísinda-
menn að því sé lokið eða að það liggi
tímabundið niðri. Hættuástandi hefur
verið aflýst á jöklinum vestanverðum.
Nýtt fjall hefur myndast á gossprung-
unni en talið er að það hverfí undir
jökulinn þegar fram líða stundir. Mæl-
ingar á Grímsvötnum sýna að vatnsyf-
irborð hækki um hálfan metra á dag
en samkvæmt síðustu mælingum hefur
yfirborð Grímsvatna náð 1505 m hæð.
Jeltsín rekur Lebed
BORÍS Jeltsín Rússlandsforseti rak á
fimmtudag Alexander Lebed, sem átti
drjúgan þátt í að tiyggja honum endur-
kjör í forsetakosningunum í sumar, úr
stöðu yfírmanns öryggismála í Rúss-
landi.
Anatolí Kúlikov innanríkisráðherra
hafði dagana á undan gagnrýnt Lebed
harkalega fyrir að ætla að sölsa undir
sig völd í landinu. Kúlikov er hins veg-
ar talinn vera peð í valdatafli þeirra
Víktors Tsjemomyrdíns forsætisráð-
herra og Anatolís Tsjúbajs, skrifstofu-
stjóra forsetans.
Lebed var maðurinn á bak við frið-
arsamkomulagið við Tsjetsjena og telja
ýmsir að friðinum í Tsjetsjníju sé stefnt
í hættu með brottvikningu Lebeds.
Fréttaskýrendur eru þeirrar hyggju
að staða Lebeds, sem er vinsælasti
stjórnmálamaður í Rússlandi um þessar
mundir, hafí styrkst. Lebed sé nú í
sömu stöðu og Jeltsín gagnvart Gorb-
atsjov árið 1987 og gæti reynst Rúss-
landsforseta skeinuhættur. Lebed seg-
ist ekki horfínn af sjónarsviði rúss-
neskra stjórnmála.
Hart deilt
á Bonino
TILLÖGUR Emmu Bonino, sjávarút-
vegsstjóra Evrópusambandsins, um
mikinn niðurskurð í fískveiðum aðild-
arríkja ESB fengu slæma útreið á fundi
sjávarútvegsráðherra sambandsins á
mánudag.
Var búist við að endanleg niðurstaða
yrði 15% niðurskurður í áföngum á sex
árum. Drógu ráðherramir í efa vísinda-
lega útreikninga um stöðu fískstofn-
anna og kröfðust meiri sveigjanleika í
fískveiðistjómun og meiri styrkja til
sjávarútvegsbyggða.
►SÍÐARI kappræður Bills
Clintons Bandaríkjaforseta
og Bobs Doles, forsetafram-
bjóðanda repbúlikana, fóru
fram á miðvikudag. Mikið
var í húfí fyrir Dole, sem
var skeleggari en í fyrri
kappræðunum. Clinton lét
ásökunum Doles hins vegar
ósvarað og samkvæmt skoð-
anakönnun, sem gerð var
að kappræðunum loknum,
var rúmlega helmingur
áhorfenda þeirrar hyggju
að Clinton hefði haft betur,
rúm 20% töldu Dole hafa
sigrað og aðrir gerðu ekki
upp á milli þeirra.
► Albert Belgiukonungur
hvatti á föstudag til þess
að barnaklámsmálið og
morð i tengslum við það
yrðu upplýst að fullu. Mikil
mótmæli voru í Belgiu í vik-
unni í kjölfar þess að rann-
sóknardómara var vikið
frá. Tugþúsundir manna
mótmæltu í Ghent og Antw-
erpen á föstudag og sökuðu
stjórnvöld um að spilla
rannsókn málsins. Boðað
hefur verið til fjöldamót-
mæla í dag.
►HREYFING Talebana,
sem hrakti stjórnarherinn
frá Kabúl, höfuðborg Afg-
anistans, fyrir þremur vik-
um, hefur átt undir högg
að sækja. Talebanar hafa
beðið ósigra fyrir Ahmad
Shah Masood, yfirmanni
stjórnarhersins, sem efnt
hefur til samstarfs við aðra
stríðsherra.
►ÁTÖKUM Kúrda í norð-
urhluta íraks linnir ekki. Sá
armur Kúrda, sem fyrir
skömmu leitaði liðsinnis ír-
aka til að sigrast á andstæð-
ingum sinum, hefur verið á
undanhaldi og hótar að leita
stuðnings í Bagdað á ný á
þeirri forsendu að andstæð-
ingar njóti liðsinnis írana.
FRETTIR
Loðnukvótinn á
30-40 milljarða kr.?
Peningar skipta
sjaldnast um hendur
þegar útgerðarfyrirtæki
skiptast á kvótum í
ólíkum tegundum.
Pétur Gunnarsson
reiknaði þó út markaðs-
verð úthlutaðs loðnu-
kvóta miðað við tilboð
sem hafa verið í gangi
á kvótamarkaði.
VERÐI fallist á tilboð sem út-
gerðarfyrirtæki hér á landi hefur
gert í varanlegan síldarkvóta í
skiptum fyrir loðnukvóta jafngildir
verðið sem það býður því að varan-
legur loðnukvóti íslenskra skipa sé
allt að 40,9 milljarða króna virði.
Þá er miðað við að markaðsverð
eins síldarkvóta sé 90 milljónir
króna og jafngilt markaðsverði fyr-
ir 150 tonn af þorskkvóta og að
markaðsverð varanlegs þorskkvóta
sé nú 600 krónur á kíló.
Morgunblaðinu er kunnugt um
útgerðarfyrirtæki, sem hefur lýst
áhuga á kaupa einn síldarkvóta —
rétt til að veiða allt að 1.220 tonn
af síld, eða 1,1090945% úthlutaðs
kvóta — í skiptum fyrir 0,2% af
loðnukvóta landsmanna.
Úthlutaður loðnukvóti er nú 737
þúsund tonn en miðað við þær for-
sendur stjórnvalda hafa kynnt er
almennt gert ráð fyrir að leyfður
verði 1.278 þúsund tonna heildar-
afli á ioðnu. Miðað við þær forsend-
ur veitir 0,22% kvóti því rétt til að
veiða 2.811,6 tonn.
Viðmælendur Morgunblaðsins
telja reyndar ólíklegt að fyrrgreindu
tilboði verði tekið og telja líklegra
skiptahlutfall í viðskiptum af þessu
tagi 0,3% af loðnukvótanum fyrir
einn síldarkvóta. Miðað við það verð
er heildarmarkaðsverði loðnukvót-
ans 30 milljarðar króna. Ástæða
þess að viðmælendur Morgunblaðs-
ins töldu víst að viðskipti væru
a.m.k. komin á við tilboðið 0,3%
loðnukvóta fyrir 1,1090936%
síldarkvóta landsmanna er sú að
þá væri verðmæti loðnuafurðanna
í dæminu, miðað við núgildandi
verð, orðið talsvert hærra en verð-
mæti þess síldarkvóta sem látinn
yrði af hendi.
Lítil hreyfing
áloðnukvóta
Loðnukvóti hefur hins vegar lítið
hreyfst á markaði undanfarið en i
stöðug eftirspurn er þó eftir honum,
enda eru sjö loðnuskip í landinu án
kvóta. Fyrrgreint tilboð er m.a. tal-
ið endurspegla þá trú tilboðsgjafans!
að loðnukvótinn í ár sé í hámarki
en vænta megi aukins síldarkvóta
á næstunni.
Björn Jónsson, kvótamiðlari hjá
LÍÚ, vildi ekki taka afstöðu til þessa
tilboðs, þegar það var borið undir j
hann. Hann upplýsti að loðnukvóti
hefði ekki staðið til boða lengi; síð- I
ast þegar hann hefði selst í skiptum
hefði verið miðað við verðið 81
milljón króna fyrir hvert prósent
kvótans en síðast þegar hann hefði
verið seldur og greitt var fyrir í
peningum, sem er fátítt í kvótavið-
skiptum af þessu tagi, hefði verið
miðað við um 60 milljóna króna
markaðsverð fyrir hvert prósent I
loðnukvóta. Sé dæmið reiknað út j
frá því verði er markaðsverð kvót-
ans mun lægra, eða 6-8,1 milljarð- '
ar króna.
Morgunblaðið/Jón Svavarsson
Gönguljós á Hverfisgötu
við Vitastíg
SETT hafa verið upp gangbraut-
arljós á ný á Hverfisgötu við Vita-
stíg og unnu starfsmenn gatna-
málastjóra við að tengja yósin og
stilla þau á föstudag.
í kjölfar breytinga á Hverfis-
götu töldu borgaryfirvöld ekki
ástæðu til að hafa áfram gang-
brautarljós á þessum stað. íbúar
við Vitatorg, sem flestir eru eldri
borgarar, lýstu hins vegar
óánægju sinni með þetta fyrir-
komulag og efndu til mótmæla-
göngu. Mótmælin voru tekin til
greina og samþykkti borgarráð
að setja upp Ijósin á ný.
Nú geta aldraðir íbúar við Vita-
torg og aðrir borgarbúar nýtt sér
gönguljósin og gengið öruggir
yfir Hverfisgötuna.
Andvíg’ur
kjöri sér-
staks þing-
forseta
ÓLAFUR Skúlason biskup segist
vera alfarið andvígur því að í upp-
hafí hvers kjörtímabils kirkjuþings
væri kjörinn sérstakur þingforseti
sem tæki við málum kirkjuþings og
fylgdi þeim eftir eins og biskup og
kirkjuráð hafa gert fram að þessu.
Sagði hann misskilnings hafa gætt
í túlkun á máli sínu á kirkjuþingi í
frétt Morgunblaðsins í gær um til-
lögur um breytingar á skipan kirkju-
þings.
Biskup segist vera hlynntur því
að leikmenn verði atkvæðameiri á
kirkjuþingi og gætu þar orðið fleiri
en vígðir menn. Hann hafi þó lýst’
sig andvígan hugmyndum um að
sérstakur þingforseti væri kjörinn
sem tæki við málum kirkjuþings að
því loknu. Aftur á móti sagði biskup
á kirkjuþingi að minna máli skipti
hvort kirkjuþingsmenn kysu forseta
úr sínum hópi, leikan eða lærðan,
þótt æskilegra væri að fylgja þeirri
hefð sem verið hefur frá upphafi að
biskup sé forseti kirkjuþings en þing-
ið kjósi 1. og 2. varaforseta.
---------».».»----
Genscher
fagnar 50 ára
SÞ-aðild íslands
HANS-DIETRICH Genscher, fyrr-
verandi utanríkisráðherra Þýska-
lands verður heiðursgestur á fundi
sem Félag Sameinuðu þjóðanna á
íslandj heldur í tilefni af 50 ára
aðild íslands að SÞ.
Fundurinn verður 30. október í
Súlnasal Hótel Sögu frá kl. 17-19.
Ávörp flytja Genscher og Halldór
Ásgrímsson utanríkisráðherra. Þá
verða fluttir leikþættir og tónlist.
Hátíðin er opin öllu áhugafólki um
utanríkismál.