Morgunblaðið - 22.10.1996, Blaðsíða 6

6 ÞRIÐJUDAGUR 22. OKTÓBER 1996
MORGUNBLAÐIÐ
FRÉTTIR
Undirskriftír tíl stuðnings kröfu um meðferðarheimili fyrir unglinga
Vandinn ræddur
innan ríkisstjórnar
DAVÍÐ Oddsson, forsætisráðherra,
tók á laugardag við undirskriftum
10 þúsund íslendinga, sem hvetja
til þess að komið verði upp sér-
hæfðu meðferðarheimili fyrir ungt
fólk í vímuefnavanda. Davíð sagði,
að hann myndi ekki gefa nein hátíð-
leg loforð, önnur en þau að þessi
mál myndu verða tekin til mjög al-
varlegrar umræðu innan ríkisstjórn-
arinnar.
Hópur foreldra unglinga, sem
eiga eða hafa átt við vímuefnavanda
að stríða, boðaði til opins fundar á
Grand Hótel á laugardag. Á fundin-
um héldu Sigrún Hv. Magnúsdóttir,
félagsráðgjafi og fyrrverandi for-
stöðumaður meðferðarheimilisins
Tinda, og Sæmundur Hafsteinsson,
sálfræðingur, stutt ávörp. Þá af-
henti Stefán H. Stefánsson, for-
eldri, undirskriftalistana.
Stefán sagði meðal annars, að
þörfin fyrir sérhæft meðferðarheim-
ili fyrir 13-18 ára unglinga væri
augljós. „Nú eiga 200 unglingar í
Reykjavík einni í vanda vegna vímu-
efnaneyslu. Umræðan undanfarið
hefur að vísu snúist að miklu leyti
um að þessi tala sé mjög ýkt og því
tel ég rétt að fram komi, að talan
var fyrst nefnd á fundi hjá borgaryf-
irvöldum. Við foreldrar höfum hins
vegar talað um harða neyslu 200
unglinga. Það orðalag mótast af
reynslu okkar. Við vitum, að böm
sem reykja hass tvisvar til fjórum
sinnum í mánuði og drekka áfengi
um hveija helgi em í harðri neyslu.
Þetta er ekkert fíkt, sem hægt er
að leiða hjá sér.“
Stefán sagði einnig að auðvitað
skipti ekki meginmáli hvort tala um
ijölda unglinga í neyslu væri hámá-
kvæm. Aðalatriðið væri, að vandinn
blasti við.
Heimavarnarliðið sér
fyrstu einkenni
Forsætisráðherra tók við undir-
skriftunum fyrir hönd ríkisstjórn-
arinnar og Alþingis. Hann líkti fjöl-
skyldunum við heimavarnarlið í
fíkniefnamálum. „Ég býst við, að
þó að hið opinbera, sveitarfélög eða
ríkisvald, geti ekki skotið sér undan
ábyrgð, þá ættu fyrstu hættumerkin
sem í ljós koma að sjást í grunnein-
ingunni, innan vébanda heimavam-
arliðsins,“ sagði Davíð Oddsson.
„Það fólk þarf að þekkja einkennin
og geta brugðist við og geta gengið
að hjálp vísri hjá sveitarfélögum og
ríkisvaldi. Ég mun koma þessum
áskorunum til skila á vettvangi rík-
isstjórnar."
Morgunblaðið/Golli
STEFÁN H. Stefánsson afhendir Davíð Oddssyni, forsætisráð-
herra, undirskriftir 10 þúsund íslendinga, til stuðnings kröfunni
um sérhæft meðferðarheimili fyrir unglinga í vímuefnavandá.
Ríkisráðs-
fundur á
Bessastöðum
FYRSTI fundur ríkisráðs eftir að
Ólafur Ragnar Grímsson tók við
embætti forseta íslands var hald-
inn á Bessastöðum síðastliðinn
sunnudag. Á fundinum voru m.a.
endurstaðfestar ýmsar afgreiðsl-
ur sem staðfestar hafa verið utan
ríkisráðs milli funda. Á myndinni
eru talið frá vinstri: Páll Péturs-
son félagsmálaráðherra, Halldór
Blöndal samgönguráðherra, Frið-
rik Sophusson fjármálaráðherra,
Björn Bjarnason menntamálaráð-
herra, Davíð Oddsson forsætisráð-
herra, Ólafur Ragnar Grímsson,
forseti íslands, Halldór Ásgríms-
son utanríkisráðherra, Finnur
Ingólfsson iðnaðar- og viðskipta-
ráðherra, Guðmundur Bjarnason
landbúnaðar- og umhverfisráð-
herra, Ingibjörg Pálmadóttir heil-
brigðis- og tryggingamálaráð-
herra og Þorsteinn Pálsson sjávar-
útvegsráðherra og dóms- og
kirkj u málaráðherra.
Morgunblaðið/Golli
Tryggingayfirlæknir um launagreiðslur til erlendra sérfræðinga vegna aðgerða hér á landi
Ekki í verkahring TR
og gæti skapað fordæmi
TRYGGINGASTOFNUN ríkisins hefur verið
gagnrýnd fyrir að taka ekki nema að litlu leyti
þátt í kostnaði við komu sænsks bæklunar- og
handaskurðlæknis sem gerði skurðaðgerðir á
tveimur bömum á Landspítalanum í liðinni viku.
Megnið af kostnaðinum var greitt af einkaaðilum.
Sigurður Thorlacius tryggingayfirlæknir segir að
um misskilning sé að ræða; það sé ekki í verka-
hring Tryggingastofnunar að kosta aðgerðir inni
á íslenskum spítölum.
Tryggingayfirlæknir segir að Tryggingastofn-
un beri kostnað af meðferð utan spítala en spítal-
amir eigi sjálfir að greiða meðferð sem fram
fari innan þeirra veggja. Þær u.þ.b. 200 þúsund
krónur sem stofnunin hafí greitt í þessu tilviki
hafi í raun aðeins verið styrkur til spítalans til
þess að af aðgerðunum gæti orðið.
Um var að ræða vöðva- og sinaflutningsað-
gerð vegna taugalömunar í handlegg sem orsak-
ast af axlarklemmu í fæðingu. Mögulegt er að
bæta hreyfi- og starfsgetu handarinnar annað-
hvort með svokallaðri taugaígræðsluaðgerð eða
vöðva- og sinaflutningsaðgerð.
Ætti að vera hægt að gera
sinaflutningsaðgerðirnar hér
Tryggingastofnun hélt nýlega málþing með
barnalæknum, bæklunarlæknum o.fl. til að
fara yfir faglega stöðu mála. „Við vildum vita
hvað hefði verið sýnt fram á í sambandi við
árangur af svona aðgerðum. Niðurstaðan var
sú að í raun og veru hefði aldrei verið sýnt
fram á árangur af taugaígræðsluaðgerðum en
þó að það væri ekki sannað þá væri verið að
reyna þessar aðgerðir í nágrannalöndunum og
þessvegna yrðum við sjálfsagt að gera það líka.
Hinsvegar kom líka í ljós að sinaflutningsað-
gerðirnar ætti að vera hægt að gera hér á
landi þannig að ég reikna með að það ætti að
geta orðið í framtíðinni. Við ættum ekki að
þurfa hjálp frá útlöndum til þess enda hafa
slíkar aðgerðir áður verið gerðar hérna. Það
má búast við að upp komi í mesta lagi eitt
tilvik á ári þar sem þarf að grípa til taugaí-
græðsluaðgerðar og við myndum samþykkja
að börn yrðu send utan vegna slíkra aðgerða
ef Ijóst væri að öðruvísi gæti ekki orðið um
bata að ræða.“
Ekki sanngjarnt gagnvart
íslenskum læknum
Sigurður segir að sænski læknirinn hafi sett
upp 500 þúsund krónur sem greiðslu fyrir tveggja
daga vinnu og þá hafí ferðakostnaður og uppi-
hald ekki verið talið með. Þá upphæð hafi Trygg-
ingastofnun ekki getað greitt þar sem það hefði
skapað fordæmi.
„Við getum ekki bara borgað það sem upp er
sett. Ef við byijum á því að borga einum lækni
hálfa milljón fyrir tveggja daga vinnu þá fréttist
það fljótt og þá geta aðrir farið að gera samskon-
ar kröfur. Okkur fínnst það heldur ekki sann-
gjarnt gagnvart íslenskum læknum þar sem þetta
eru mánaðarlaunin þeirra og vel það. Þó að við
viljum mjög gjarnan stuðla að því að svona með-
ferð geti farið fram hérlendis, sem er ekki bara
sparnaður heldur líka mun þægilegra fyrir bæði
sjúklinginn og aðstandendur, þá er ekki sama
hvað það kostar," segir tryggingayfirlæknir.
Könnun lögreglu
á Suðvesturlandi
Ljósabún-
aður reið-
hjóla og bíla
í ólestri
LÖGREGLAN á Selfossi, í Reykja-
vík, Kópavogi, Hafnarfirði, Keflavík
og í Grindavík beindi fyrir skömmu
athygli sinni sérstaklega að ljósabún-
aði ökutækja, bíla jafnt sem reið-
hjóla. í ljós kom að víða var pottur
brotinn. Bílar voru ljóslausir þótt
ekki þyrfti flóknari viðgerðar við en
að skipta um peru og dæmi voru um
að enginn ljósabúnaður væri á reið-
hjóli.
Á fímm daga tímabili gáfu lög-
reglumenn í Keflavík 29 ökumönnum
áminningu vegna ófullnægjandi
ljósabúnaðar. í Reykjavík voru Ijós
233 bíla skoðuð og reyndust 46 bílar
vera meira eða minna í ólagi að þessu
leyti. Að auki voru allmörg dæmi um
að bílaeigendur þyrftu aðeins að
skipta um perur til að koma málum
í lag.
Þá kannaði lögreglan í Reykjavík
jafnframt hvort ökumenn notuðu
stefnuljós eins og reglur gera ráð
fyrir. Fylgst var með 156 ökumönn-
um og reyndist rúmur þriðjungur,
eða 54, ekki fylgja reglum.
Við eftirlit þetta rakst lögreglan
jafnframt á 5 ökumenn, sem höfðu
ekki ökuréttindi, eða höfðu misst
þau.
í Grindavík var 23 af 99 ökumönn-
um bent á að bæta Ijósabúnað bíl-
anna, auk þess sem 43 sluppu með
það eitt að skipta um perur.
í Hafnarfírði var Ijósabúnaður bíla
almennt í góðu lagi, en á Selfossi
voru 73 ökumenn áminntir og ástæða
þótti til að kæra 9 þeirra vegna lé-
legs ljósabúnaðar. Lögreglumenn í
Kópavogi áminntu 20 ökumenn
vegna þessa og auk þess þurftu þeir
að hafa afskipti af 17 ökumönnum,
sem ekki notuðu stefnuljós.
Léleg eða engin ljós
á reiðhjólum
Af 23 hjólreiðamönnum, sem lög-
reglan í Reykjavík ræddi við, var um
helmingur á reiðhjólum með ófull-
nægjandi ljósabúnaði og tveir með
alls engan slíkan búnað. Lögreglu-
menn í Hafnarfirði voru við skólana
í bænum á morgnana og ræddu við
nemendur, sem voru með ófullnægj-
andi ljósabúnað á hjólum.
Lögreglan bendir á, að í skamm-
deginu er nauðsynlegt að ljósabúnað-
ur bæði bíla og reiðhjóla sé í lagi.