Morgunblaðið - 22.10.1996, Blaðsíða 40
40 ÞRIÐJUDAGUR 22. OKTÓBER 1996
MORGUNBLAÐIÐ
Ættbogi
Þrár athygl-
isverður
HESTAR
Baksvið
hrossaræktar
Fyrr í haust var skyggnst örlítið
baksviðs í hrossaræktiiia og forvitn-
ast um hvað er í uppvexti undan
nokkrum landsfrægum kynbóta-
hryssum og látið að því liggja að
framhald yrði þar á. Hér eru
teknar fyrir sex hryssur sem allar
eru vel þekktar á vettvangi ræktun-
arstarfsins.
í FYRRI greininni var byijað á
Rauðhettu frá Kirkjubæ og fer vel
á að byija á hálfsystur hennar Þrá
frá Hólum sem er undan Þætti frá
Kirkjubæ og Þernu frá Kolkuósi.
Þrá kom aðeins tvisvar fram á sýn-
ingum, fyrst í forskoðun og siðar á
landsmóti 1982 á Vindheimamel-
um. Þar hlaut hún hærri einkunn
en nokkurt fjögra vetra hross hefur
fengið, 8,50 fyrir byggingu og 8,45
fyrir hæfileika. Ótrúlegar einkunnir
hjá svo ungu hrossi en enginn efað-
ist um að rétt væri gefið. Enda
heillaði Þrá mótsgesti með ótrúlegri
framgöngu sinni.
í vor fór Þrá undir Orra frá Þúfu
og mætti ætla samkvæmt einkunn-
um og ætt að þar kæmi snillings-
*“ hross að byggingu og hæfileikum
en að sjálfsögðu geta krosstrén
brugðist eins og aðrir raftar. Verð-
ur spennandi að sjá hvað kemur
út úr þessu samspili. Hinsvegar
kastaði Þrá jarpri hryssu undan
Fána frá Hafsteinsstöðum í vor,
fallegu folaldi að mati Víkings
Gunnarssonar kennara á Hólum.
Fáni hlaut sem kunnugt er 8,95
fyrir hæfileika í fyrra áður en hann
var seldur úr landi.
Kolfinnur mikið notaður
á Hólum
Þá er til rauðjörp veturgömul
hryssa undan Kolfinni frá Kjam-
holtum sem Víkingur segir að sé
afar falleg og svo er til þriggja
vetra hryssa jörp undan Anga frá
Laugarvatni, svona í meðallagi að
útliti að mati Víkings. í vetur verð-
ur svo tekin til frumtamningar
þriggja vetra hryssa, fallega mold-
ótt undan Vafa frá Kýrholti. Hafði
Víkingur á orði að litur hryssunnar
væri sérlega fallegur, hreingulur
bolur með svörtu gróskumiklu faxi
og tagli. Vafí er líklega langlakasti
hesturinn sem Þrá hefur verið leidd
undir hvað hæfíleikum viðkemur en
þykir aftur með afbragðsgóða
byggingu. Verður fróðlegt að sjá
hvernig þessi hryssa kemur út í
hæfíleikum því vissulega er röðun
erfðavísanna órannsakanleg eins og
vegir drottins.
Næstur í röðinni er brúnn geld-
ingur undan Kolfinni frá Kjarnholt-
um, ljómandi fallegur að sögn Vík-
ings. Miklar vonir voru bundnar við
þennan fola en eistun í honum voru
ræfilsleg eins og Víkingur orðar það
og gengu seint og illa niður. Var
hann geltur af þessum sökum og
frumtaminn lítillega í vetur, rétt
meðal hestur að getu að svo komnu
máli segir Víkingur.
Dætur Þrár í fremstu röð
Þrá átti tvær dætur sem skipuðu
sér í fremstu röð á landsmótinu
1990 og er sjálfsagt að taka þær
með. Fyrst er að nefna þá eldri
Þrennu sem er undan Feyki frá
Hafsteinsstöðum sem hlaut 8,46 í
aðaleinkunn fimm vetra gömul.
Þrenna fylgdi móður sinni undir
Orra sem er ekki síður spennandi
æxlun. Hún eignaðist hinsvegar
jarpa hryssu undan Hrafni frá
Holtsmúla sem þykir í meðallagi
að útliti. í fyrra átti hún bráðhuggu-
lega brúna hryssu undan Kolfinni
og árið áður kastaði hún moldóttri
hryssu undan áðurnefndum Vafa.
Sú er faxprúð og reisnarmikil
þriggja vetra og verður frumtamin
í vetur að sögn Víkings.
Þóra sem er undan Ljóra frá
Kirkjubæ var einnig sýnd á lands-
mótinu 1990 og hlaut þá í einkunn
8,18 fjögra vetra gömul. Henni var
haldið undir Loga frá Skarði í vor
en ól folald undan Kolfinni frá
Kjarnholtum, ljósjarpan hest, í með-
allagi að byggingu en lipur á gangi
Morgunblaðið/Valdimar Kristinsson
GOLA frá Brekkum hlaut 1. verðlaun fyrir afkvæmi á fjórðungsmótinu í sumar en þá komu fram
þijú afkvæmi hennar. Sigurður Marínusson, lengst t.v. situr brúna hryssu, Brá frá Oddhóli undan
Toppi frá Eyjólfsstöðum, þá kemur Hermann Þ. Karlsson á þeim jarpa undan Riddara frá Syðra-
Skörðugili og Sigurbjörn situr Hetju frá Oddhóli sem er undan Ófeigi frá Hvanneyri.
BLIKA frá Árgerði sló eftirminnilega í gegn 1987 hvar sem hún kom
fram, með 9 fyrir tölt og brokk og 10 fyrir geðslag. Myndin er tekin
á fjórðungsmóti á Melgerðismelum, knapi er Sigvaldi Ægisson.
að sögn. Árið þar á undan átti hún
einnig ljósjarpan hest undan Kol-
finni svipaður litla bróðir að útliti.
Þessi foli er ógeltur.
Viðarsdóttir í 1. verðlaun
1994 var Þóra geld eftir að hafa
verið hjá Gusti frá Grund árið á
undan. Það ár átti hún rauða hryssu
sem nú er fjögurra vetra, undan
Fjölni frá Kópavogi, hún er mjög
stór og myndarleg og verður frumt-
amin í vetur. Þá er að nefna fjögra
vetra jarpa Kolfinnsdóttur undan
Þóru sem átti folald í vor en verður
tamin í vetur. Og að síðustu má
nefna fimm vetra brúna Viðarsdótt-
ir sem sýnd var á Vindheimamelum
í vor og hlaut þar góð fyrstu verð-
laun og stóð efst í sinum flokki.
Þetta er orðinn góður ættbogi
út af Þrá og þegar Ijóst að frá henni
kemur margt góðra hrossa.
Krafla klikkar vart
Næst flytjum við okkur sunnar
í Skagafjörðin og skyg:gnumst í
ættboga Kröflu frá Miðsitju. Jóhann
Þorsteinsson eigandi hennar segir
Kröflu hafa átt 11 afkvæmi en sjálf
er hún nítján vetra. Aðeins einu
sinni verið geld og fengu reiðhallar-
gestir þá að njóta hennar á sýningu
um vorið ’95. Hún stóð efst í flokki
hryssna sex vetra og eldri á lands-
móti ’86 á Gaddstaðaflötum með
8,26 í einkunn.
Nú ber Krafla fyl undan Toppi
frá Eyjólfsstöðum en kastaði brún-
stjörnóttu merfolaldi undan Hrafni
frá Holtsmúla. Jóhann segist
ánægður með útlitið á Skyggnu en
svo heitir folaldið.
Albróðir Námu á Ieiðinni
Þá er til tveggja vetra hestur
undan Ófeigi frá Flugumýri sem
Keilir heitir. Þroskamikil og mynd-
arlegur efnishestur, segir Jóhann.
Þriggja vetra foli sem Smiður heit-
ir og brúnn að lit fer í tamningu í
vetur. Hann er undan Otri frá Sauð-
árkróki og því albróðir hryssunnar
Námu sem efst stóð á landsmóti
1990 á Vindheimamelum í fjögra
vetra flokki. Jóhann missti hana
veturinn eftir mótið og var það
mikill skaði. Þá er til brúnn fjögra
vetra hestur undan Kjarval sem
seldur var úr Iandi veturgamall og
rauð fímm vetra hryssa undan Anga
frá Laugarvatni sem Hekla heitir.
Hún var seld fylfull úr landi, því
miður kvað Jóhann og bætti við að
fyrstu fréttir af henni eftir að farið
var að temja hana væru góðar.
Gæðingamóðirin Gola frá
Brekkum svikið tvisvar
Þá er að taka Golu frá Brekkum
en undan henni hefur verið að koma
hvert afrekshrossið á fætur öðru.
Þau hafa verið í efstu sætum á
kynbótasýningum bæði á landsmóti
’94 og fjórðungsmóti ’96. Hún hlaut
fyrstu verðlaun fyrir afkvæmi á
fjórðungsmótinu í sumar. Gola hef-
ur tvisvar verið geld síðustu árin
og er það mikill skaði þegar detta
út ár hjá hryssum í þessum gæða-
flokki.
Sigurbjörn Bárðarson, eigandi
ÞEIR voru góðir spettirnir sem Krafla frá Miðsitju tók á Gaddstaða-
flötum á Iandsmóti fyrir tíu árum er hún stóð efst í sex vetra flokki
hryssna. Eigandinn, Jóhann Þorsteinsson, situr Kröflu á myndinni.
Golu, hélt henni undir Gust frá
Grund og mun hún vera fylfull. Hún
kastaði hestfolaldi í vor undan
Kraflari frá Miðsitju sem Sigurbjöm
telur klárlega vera stóðhestsefni.
Þá á hann veturgamlan fola feikna
fallegan undan Golu og Segli frá
Stóra-Hofi en hún var geld bæði ’93
og 94. Þá er til brún fjögra vetra
hryssa undan Toppi frá Eyjólfsstöð-
um en Sigurbjörn segir hana stóra
og myndarlega og mikið hestsefni.
Hún var gerð rétt reiðfær. Þá er
til fimm vetra jarpur geldingur und-
an Riddara frá Syðra-Skörðugili
sem Sigurbjörn telur efnilegan
keppnishest. Þá má minna á tvær
hryssur undan Golu sem hafa kom-
ið fram, Röst og Heklu. Röst var
efst í fjögra vetra flokki á síðasta
landsmóti og Hekla í þriðja sæti
flokki fimm vetra hrossa.
Af geðprýðishryssunni Bliku
Að síðustu er nefnd til sögunnar
Blika frá Árgerði sem er líklegast
frægustu fyrir að hafa fengið 10
fyrir geðslag í kynbótadómi. Hún
fékk 7,85 fyrir byggingu og hvorki
meira né minna en 8,84 fyrir hæfi-
leika og 8,35 samanlagt. Eigand-
inn, Magni í Árgerði, segist hafa
verið frekar óheppinn með fyljun á
Bliku, sérstaklega þegar hún hafi
verið hjá landskunnum stóðhestum.
Hún var geld í vor eftir að hafa
verið heilt sumar hjá Stíg frá Kjart-
ansstöðum. En í sumar fór hún
undir Óð frá Brún og gerir Magni
sér vonir um að það hefði lukkast.
í fyrra fæddist móálótt hryssa und-
an Þorra frá Þúfu sem Magna finnst
lofa mjög góðu, hún sé vel í meðal-
lagi prúð. Árið áður fæddist blesótt-
ur foli sem er undan heimahesti sem
Hreyfill heitir og er sá undan Gassa
frá Vorsabæ og Hreyfingu frá Ár-
gerði. Þessi foli var ekki nógu góð-
ur að mati Magna og hann því gelt-
ur. Þá er til þriggja vetra móálótt
hryssa undan Stíganda frá Sauðár-
króki, nokkuð vel gerð, segir Magni.
Árið eftir, ’92, var Blika geld eftir
að hafa verið hjá Orra frá Þúfu og
fannst Árgerðisbóndanum það bit-
urt. Þá á hann fimm vetra hryssu
undan Kveik frá Miðsitju en hún
hlaut 1. verðlaun í vor austur á
Gaddstaðaflötum.
Valdimar Kristinsson
Hestamenn klaufsk-
ir í kynningu
ÆSKULYÐSNEFND Landsam-
bands hestamannafélaga og Hesta-
íþróttasamband íslands héldu á
laugardaginn ráðstefnu þar sem
rætt var meðal annars um hesta-
mennsku og fjölmiðlun. Sigrún
Stefánsdóttir fjölmiðlafræðingur
flutti erindi og urðu talsverðar
umræður í framhaldi af því. Kom
þar fram að þrátt fyrir góða spretti
inn á milli væru hestamenn líklega
ekki snjallir við að koma málefnum
sínum og viðburðum á framfæri við
fjölmiðla og á það sérstaklega við
ljósvakamiðlana. Sýndi Sigrún þar
fram á að í mörgum tilvika vanti
þar á að framsetning og kynning
sé nægilega hnitmiðuð til að vekja
áhuga fjölmiðlamanna og því verði
umfjöllun um hestamennnskuna
minni en verið gæti. Ráðstefnan
þótti vel heppnuð og mjög gagnleg
undir styrkri stjórn Rosemarie Þor-
leifsdóttur og Elínar Magnúsdóttur.