Morgunblaðið - 23.10.1996, Blaðsíða 20
20 MIÐVIKUDAGUR 23. OKTÓBER 1996
MORGUNBLAÐIÐ
LISTIR
Leikhúslíf í London
UM ÞESSAR mundir flykkjast ís-
lendingar í kærkomið haustfrí til
nálægra heimsborga. Margir velja
að skreppa til London enda hefur
þessi skemmtilega heimsborg upp á
ýmislegt að bjóða, bæði fyrir þá sem
vilja versla og hina sem vilja njóta
menningarlífsins og skemmta sér á
annan hátt. Flestir kjósa sambland
af hvoru tveggja: nota fyrri part
dagsins til að versla og fara síðan á
veitingastaði og í leikhús þegar
kvölda tekur. Þótt fólk hafí ekki nema
eina helgi til umráða má nota tímann
vel og auðveldlega komast a.m.k.
tvisvar í leikhús - ef áhuginn er fyr-
ir hendi. Þá má til dæmis bregða sér
í leikhús fostudags- eða laugardags-
kvöld og síðan aftur á sunnudagseft-
irmiðdegi, en mörg leikhús í London
bjóða upp á eftirmiðdagssýningar,
kl. 2, 3 eða 4 eftir hádegi.
Auðvelt er að skipuleggja leikhús-
ferðir áður en lagt er af stað í ferð-
ina. Tímarit og bæklingar á borð við
Time Out, What’s On in London og
London Planner fást á flestum ferða-
skriftstofum svo og í bókabúðum og
þar eru listar yfir þær sýningar sem
í boði eru. Panta má miðana hjá
ferðaskrifstofu eða á því hóteli sem
dvalið er á en yfirleitt verður þá að
borga eitthvert þjónustugjald fyrir.
Auðvelt er líka að panta leikhúsmiða
sjálfur í gegnum síma, þegar til
London er komið, borga með kredit-
korti og ná síðan í miðana korteri
fyrir sýningu.
Hér á eftir verður fjallað um
nokkrar af þeim leiksýningum sem
í boði eru á þessum haustdögum í
London, bæði hefðbundnar og nýst-
árlegar sýningar, en ekki um söng-
leiki að þessu sinni en af þeim er
eins og flestir vita mýgrútur í boði
og auðvelt að nálgast upplýsingar
um þá.
Sakamála- og spennuleikrit
Bretar eru frægir fyrir góða saka-
málaþætti sem þeir framleiða fyrir
sjónvarp. Efni af slíku tagi má einn-
ig flnna í leikhúsunum í London og
fyrir þá sem hafa gaman af leynilög-
reglusögum og annars konar „þrill-
erum“ er úr mörgu að velja um þess-
ar mundir.
í Garrick Theatre, rétt hjá Leister
Square, er verið að sýna klassískan
þriller efír J.B. Priestley, Lögreglu-
maður kemur í heimsókn (An
Inspector Calls). Þetta verk var
reyndar sett upp hjá Leikfélagi Ak-
ureyrir í hittifyrra og lék Amar Jóns-
son titilhlutverkið. Verk Priestleys
hefur ramma sakamálasögu en í frá-
sögn verksins felst hörð þjóðfélagsá-
deila þar sem deilt er á sérgæsku
og bruðl efri stéttarinnar og af-
skiptaleysi gagnvart náunganum.
Verkið boðar samábyrgð manna
framar öðru og fjallar um örlög fá-
tækrar stúlku sem hefur fyrirfarið
sér. Lögreglumaðurinn, sem kemur
í heimsókn til hinnar vel efnuðu Birl-
Fjölmargt er á fjöl-
unum í London. Soffía
Auður Birgisdóttír
brá sér til borgarinnar
og segir hér frá leik-
sýningum sem þar
eru í boði nú í haust.
ing-fjölskyldu, sýnir fram á hvemig
hver og einn meðlimur fjölskyldunn-
ar á sína sök á örlögum stúlkunnar
og er allur málflutningur hans -
aðalþráður leikritsins - afar hagan-
lega saminn.
Leikstjóri sýningarinnar í Garrick
Theatre er Stephen Daldry og hefur
uppsetning hans og ekki síður mjög
sérstök sviðsmynd Ians MacNeils,
vakið verðskuldaða athygli. Leikarar
stóðu sig allir frábærlega vel á þeirri
sýningu sem undirrituð sá og var
unun að hlýða á góða framsögn
þeirra á fallegri ensku.
Ifyrir þá sem taka spennu og
gæsahúð á kroppnum fram yfir
lunkna sakamálafléttu má síðan
benda á Svartklæddu konuna (The
Woman in Black) eftir Susan Hill í
Fortune Theatre, sem er draugasaga
af bestu gerð. Nú, og svo er auðvit-
að enn verið að sýna Músagildruna
í St. Martins leikhúsinu ...
Máltíð og leiksýning
Vilji menn sameina máltíð og leik-
sýningu má benda á Brúðkaup Joeys
og Ginu (Joey and Gina’s Wedding),
sem sýnt er á Café Royal á 10 Air
Street. Hér er um að ræða skemmti-
legt leikrit eftir Robert Mackintosh,
þar sem gert er grín að ítölsk-amer-
ískum brúðkaupum, en leikritið
snýst einmitt um eitt slíkt. Áhorf-
endur eru boðsgestir í brúðkaupinu.
Þeir taka fullan þátt í veislunni,
gæða sér á þeim mat sem brúð-
kaupsgestum er boðið er upp á og
skála fyrir brúðhjónunum í kampa-
víni. Þeir verða einnig að gera ráð
fyrir að vera boðið upp í dans oftar
en einu sinni! Verðið á þessa sýningu
er vitaskuld aðeins hærra en á venju-
lega leiksýningu þar sem matur og
drykkur er innifalinn í miðaverði.
Samtímaverk
Nýlokið er sýningum á nýju verki
Harolds Pinters, „Af moidu ertu
kominn..." („Áshes To Ashes“),
sem hann leikstýrði sjálfur í Royal
Court Theatre við West Street. Þá
sýningu sáu færri en vildu en hún
hlaut mjög góða dóma gagnrýnenda.
En fyrir þá sem vilja sjá nýjasta
nýtt í leikritun er úr nógu að velja
í London.
ÚR uppfærslu National Theatre í London á Ödipusi eftir Sófókles. Fyrst er að telja nýtt, athyglisvert
DAVID ROSS og Georgina Beer í hlutverkum sínum í sýningu
Garricks Theatre á leikriti J.B. Priestley, Lögreglumaður kemur
í heimsókn (An Inspector Calls).
leikrit eftir Mark Ravenhill sem
nefnist Að versla og gera hitt
(Shopping and fucking) þar sem
fjallað er um vandamál ungu kyn-
slóðarinnar í Bretlandi sem hefur fá
tækifæri til afreka nú á tímum. Þetta
er kynslóð sem býr við atvinnuleysi
þrátt fyrir að menntunartækifæri
séu nóg; kynslóð fólks sem hefur
fátt annað fyrir stafni en að versla
(fyrir atvinnuleysisbæturnar) og
ríða..., eins og hinn ögrandi titill
vísar til. Leikstjóri er Max Stafford-
Clark og sýnt er í Royal Court Thea-
tre - Uppstairs at the Ambassadors.
Húsnæðisvandi Evu (Accommod-
ating Eva) eftir Sylviu Freedman
er verk sem fjallar um annan sam-
tímavanda, nefnilega ólöglega inn-
flytjendur í Bretiandi. í leikritinu er
tekið á þessum vanda af miklum
húmor og er söguhetjan albönsk
kona sem vegna hinnar ólöglegu
þjóðfélagsstöðu sinnar á í miklum
vanda með að fínna sér þak yfír
höfuðið. Leikritið er sýnt er í King’s
Head Theatre til 28. október og leik-
stjóri er Tom Dulack.
Kvenna, kvenna, kvenna...
Þeim sem hafa sérstakan áhuga
á kvennamálum - kvennabókmennt-
um, kvennakórum, kvennasögu,
kvennleikritum - vil ég benda á tvær
áhugaverðar sýningar.
í Greenwich Theatre er verið að
sýna Sögu Heiðu (The Heidi
Chronicles) eftir bandarísku skáld-
konuna Wendy Wasserstein. Þetta
leikrit hlaut Pulitzerverðlaunin fyrir
nokkrum árum þegar það var sett
upp á Broadway í New York. Leikrit-
ið segir sögu ungrar konu, sem á
við kunnuglega togstreitu kvenna
að etja: hún er á hraðferð á frama-
brautinni og á í vandræðum með að
sameina þá ferð draumi sínum um
ástríkt sambandi við karlmann og
um að eignast barn. Leikritið er góð
lýsing á tíðaranda 8. og 9. áratugar-
ins og er byggt upp á mörgum atrið-
um úr lífí nútímafólks sem allir ættu
að kannast við. Það sem kannski er
einna mest spennandi við þessa upp-
færslu, sem David Taylor leikstýrir,
er að breska leikkonan Susannah
Harker er í titilhlutverkinu en hún
ætti að vera íslenskum sjónvarpsá-
horfendum kunn eftir fágaða og
skemmtilega túlkun sína á elstu
systurinni í sjónvarpsseríunni Hroka
og hleypidómum sem gerð var eftir
samnefndri skáldsögu Jane Austen
og sýnd var nýlega í Ríkissjónvarp-
inu. Niðurlag leikritsins er hins veg-
ar kannski svolítið „pirrandi" fyrir
íslenskar nútímakonur sem hafa
margsýnt og sannreynt að hægt er
að sameina hvoru tveggja: fjöl-
skyldulíf og frama. En ef tekið er
tillit til þess að verkið lýsir banda-
rískum veruleika (en ekki íslenskum)
má hafa góða skemmtun af því.
í Duke of Cambrigde leikhúsinu
er verið að sýna Elsku Emilía (My
Dear Emily) eftir Sue Emmy Jenn-
ings í leikstjórn Andrew Wade. Þetta
er einleikur sem íjallar um Elizabeth
Garrett Anderson sem var fyrsta
breska konan sem lagði stund á
læknisfræði í háskóla. Verkið lýsir
þeim erfíðleikum sem mættu henni
þegar hún reyndi að stunda læknis-
íslensk tónlist
í Neðra-Saxlandi
TÓNLISTARDAGAR Neðra -
Saxlands voru f ár helgaðir
Norðurlöndunum. Fulltrúar ís-
lands voru Sólrún Bragadóttir
óperusöngkona, Una Svein-
bjarnardóttir fiðluleikari, Hrólf-
ur Vagnsson harmónikkuleikari
og Þórarinn Stefánsson píanó-
leikari.
Þau héldu þrenna tónleika í
bæjunum Oppershausen,
Bleckede og Stade. Tónlistar-
dagar Neðra - Saxlands eru tald-
ir stærsta tónlistarhátíð í heimi
miðað við fjölda tónleikastaða
en haldnir voru 95 tónleikar á
85 stöðum. Hátíðin er haldin
árlega og styrkt af menningar-
sjóði sparisjóða í Neðra - Sax-
landi, en sá sjóður er rekinn af
bankanum „Sparkasse". Sjóður-
inn hefur þann tilgang að
styrkja listastarfsemi af ýmsu
tagi og undanfarið hefur allmik-
ið fé runnið til kynningar á ís-
lenskri list því auk tónlistarhá-
tíðarinnar þar sem ísland var
kynnt, hlaut sýning á verkum
Errós sem nú stendur yfir í
Hannover einnig fjárhagslegan
stuðning úr sjóðnum.
Yfirskrift tónleika íslending-
anna var íslandsferð (Reise nach
Island). Flutt var að mestu ís-
Sólrún
Bragadóttir
lensk tónlist en einnig verk eftir
Mozart, Grieg og Arne Nord-
heim. Af íslenskum verkum á
efnisskránni má nefna sönglög,
píanóverk unnin úr þjóðlögum
og systur í Garðshomi eftir Jón
Nordal, auk þess sem þeir Hrólf-
Una
Sveinbjarnardóttir
Hrólfur
Vagnsson
Þórarinn
Stefánsson
ur og Þórarinn sungu tvísöng-
slag við textann „Ó, mín flaskan
fríða“ og vakti söngur þeirra
bæði kæti og áhuga áheyrenda
og gagnrýnenda. Tónleikarnir
voru allir vel sóttir.
Tónlistarhátíðin fékk mikla
umfjöllun í fjölmiðlum á meðan
á henni stóð.
„Landeszeitung" skrifaði eft-
ir tónleikana í Höllinni í
Bleckede. „ ... Á fyrri hluta
efnisskrárinnar lék Þórarinn
Stefánsson undir fyrir konu sína