Morgunblaðið - 24.10.1996, Blaðsíða 6

6 C FIMMTUDAGUR 24. OKTÓBER 1996
MORGUNBLAÐIÐ
ÍÞRÓTTIR
GunnarOddsson, fyrirliði Leifturs, valinn besti knattspyrnumaður sumarsins af leikmönnum 1. deildar
Lykilmaður án titils
HJÓNIN Gunnar Oddsson og Krlstín Bauer fögnuðu vall Gunnars sem besta manns íslands-
mótsins. Þau hjón eiga tvö börn, Odd, sem er 5 ára og Evu Sif sem er eins árs.
Besti knattspyrnumað-
ur íslandsmótsins í
sumar, Gunnar Odds-
son, hefur verið lykil-
maður í þeim þremur
liðum sem hann hefur
leikið með í þau tólf ár
sem hann hefur verið í
meistaraflokki. Hann
sagði Skúla Unnari
Sveinssyni að viður-
kenningin, sem hann
hlaut fyrir að vera best-
ur í sumar, sé eini titill-
inn sem hann hefur
hlotið á ferli sínum með
meistaraflokki.
Gunnar, fyrirliði Leifturs frá
Ólafsfirði, var valinn besti
leikmaður 1. deildar karla í knatt-
spyrnu um síðustu helgi af leik-
mönnum deildarinnar. Hann segir
valið hafa komið sér nokkuð á óvart
því hefð sé fyrir því að menn úr
„sigurliðum" séu valdir bestir.
Gunnar er fæddur á ísafirði, hefur
lengstum búið í Keflavík með smá
viðkomu á Akranesi og í Reykjavík
og síðustu tvö árin hefur hann ver-
ið á Ólafsfirði. Hann lék fyrsta leik-
inn í deildinni árið 1984 en hefur
síðan verið lykilmaður með sínu liði,
fyrst hjá Keflavík, síðan KR og
núna hjá Leiftri. Eins merkilegt og
það nú er þá hefur Gunnar aldrei
unnið titil í meistaraflokki í knatt-
spymunni, þrátt fyrir að hafa alla
tíð verið einn besti maður síns liðs.
Þar til föstudaginn 18. október sl.
að hann hlaut viðurkenningu fyrir
að vera besti leikmaður Islands-
mótsins. „Eigum við ekki að segja
að það standi til bóta,“ segir Gunn-
ar.
„Þessi viðurkenning var í raun
kærkomin því ég átti ekkert frekar
von á að vera valinn bestur þó svo
fólk í kringum mig hafi rætt þann
möguleika. Hefðin hefur hins vegar
verið sú að bestu mennirnir koma
venjulega úr liðum sem unnið hafa
deild eða bikar og því bjóst ég ekki
við þessu. En ég gerði mér grein
fyrir því að ég hef leikið ágætlega
í sumar og því vonaðist ég til að
heyra nafn mitt þegar sá besti yrði
útnefndur," segir Gunnar.
Skemmtilegasta sumarið
Aðspurður hvernig honum hafi
þótt deildin í sumar sagði Gunnar:
„Eg held að þetta sé eitt skemmti-
legasta sumarið í fyrstu deildinni.
Það var spenna á öllum vígstöðvum
alveg fram á síðustu sekúndur og
mikil dramatík í lokin. Ég held að
þetta hafi verið mjög gott ár fyrir
knattspyrnuna."
Gunnar lék eins og áður segir
fyrsta leik sinn í deildinni árið 1984.
Sumarið eftir var hann fastamaður
í liði Keflvíkinga og einnig 1986
og ’87. Þá færir hann sig um set
og gengur í raðir KR þar sem hann
lék í fimm sumur og stóð sig vel.
Aftur lá leiðin til Keflavíkur og nú
lék Gunnar með sínu liði í tvö sum-
ur, 1993 og 1994, en síðustu tvö
árin hefur hann leikið með Leiftri.
Gunnar hefur leikið rífiega 200 leiki
í 1. deild og hefur því kynnst mörgu,
en aldrei fengið að halda á bikar.
„ Skemmtilegasta keppnistímabilið
fyrir mig persónulega var 1990
þegar ég lék með KR - þá komst
ég næst því að fá titil. Við misstum
af meistaratitlinum til Fram á
markamun og síðan töpuðum við í
vítaspymukeppni í úrslitum bikar-
keppninnar eftir tvo framlengda
leiki við Val. Sumarið 1993 lék ég
á ný með Keflvíkingum og það var
skemmtilegt tímabil."
Meiri alvara
Sitthvað hefur sjálfsagt breyst
síðan Gunnar lék sinn fyrsta meist-
araflokksleik. „Já, það er margt
sem hefur breyst. Það sem kannski
hefur mest áhrif er að nú er miklu
meira í húfí hjá félögunum og hveij-
um leikmanní. Það er miklu meiri
alvörubragur á hlutunum núna. Þó
svo menn hafi verið í knattspyrn-
unni af fullri alvöru þá er þetta
öðruvísi núna. Leikur sumra liða
ber það með sér að það er mjög
mikið undir - félögin eru búin að
fjárfesta svo mikið að það má ekk-
ert bregðast. Léttleikinn ræður þess
vegna ekki alltaf ríkjum eins og
ætti þó helst að vera. Ég held að
léttleikinn komi á ný, það tekur
bara ákveðinn tíma að slípa þetta
kerfi sem við erum með.“
Gunnar hefur leikið fimm lands-
leiki, þijá með A-landsliðinu og tvo
með landsliði skipuðu leikmönnum
21 árs og yngri. „Það var árið 1986
sem ég var valinn til að leika með
21 árs liðinu og fyrsti A-landsleik-
urinn minn var 1989, sá næsti árið
1994 og þriðji ári seinna. Það má
því segja að þetta hafi verið ansi
dreift hjá mér. Guðni Kjartansson
og Sigfried Held voru með liðið
1989 og Ásgeir Elíasson var með
það 1994 og 1995.“
Gunnar hefur verið lykilmaður í
þeim liðum sem hann hefur leikið
með og var valinn sá besti á dögun-
um. Býst hann ekki við að verða
kallaður á ný í landsliðið? „Ég veit
það ekki, ekkert frekar. Ég á ekki
von á að það breytist neitt. Ef ég
er ekki valinn núna þá verð ég sjálf-
sagt aldrei valinn. En ég er tilbúinn
ef kallið kemur.“
Kaflaskipti
Það er komið að kaflaskiptum á
knattspyrnuferli Gunnars því hann
hefur gert samning við Keflvíkinga
um að gerast þjálfari meistara-
flokks félagsins ásamt Sigurði
Björgvinssyni og er þetta í fyrsta
sinn sem Gunnar þjálfar meistara-
flokk. „Siggi er hættur að spila en
ég ætla að spila áfram. Við munum
að mestu leyti byggja liðið upp á
sama grunni og var í sumar, á
heimamönnum, en samt er alls ekki
útilokað að við krækjum okkur í
einhveija nýja leikmenn.
Keflvíkingar eru að ganga í
gegnum ákveðin kaflaskipti. Liðið
í sumar var ungt og óreynt, trúlega
yngsta liðið í deildinni. Fyrir utan
Ólaf Gottskálksson í markinu voru
nokkrir leikmenn 24-25 ára en
aðrir í kringum tvítugt. Liðið er sem
sagt ungt og efnilegt og framtíðin
er björt. Það má segja að ungir og
góðir strákar séu að koma upp í
kippum enda hefur verið unnið vel
að unglingamálum hjá Keflavík
undanfarin ár og þetta er afrakstur
þess. Ég kvíðý því ekki að taka að
mér þjálfun. Ég hefði aldrei tekið
þetta að mér einn, en við Siggi
þekkjum hvor annan vel og ég held
að þetta ætti að ganga vel hjá okk-
ur.“
Kjartan Másson, sem þjálfaði
Keflvíkinga í sumar, verður fram-
kvæmdastjóri knattspyrnudeildar-
innar. „Kjartan er kominn í fína
stöðu, hann er mjög drífandi og ég
held hann sé réttur maður í svona
stöðu. Kjartan hefur þjálfað lengi
og því kannski kominn tími til fyrir
hann að fara að hægja á sér á þeim
vetvangi." Gunnar er þegar farinn
að stjórna æfíngum hjá Keflvíking-
um. „Við ætlum að halda okkur
aðeins við efnið eitthvað fram í
nóvember, leikum okkur tvisvar í
viku. Ég sé engan tilgang í að jaska
mönnum út í nóvember og desem-
ber, frekar að halda sig við efnið
og hafa gaman af þessu. Við höfum
aðstöðu til að vera inni á veturna
því hér er lítil reiðhöll sem við höf-
um aðgang að. Hún er reyndar
ekki stór en þar er í það minnsta
skjól fyrir veðri og vindum."
Jafniengi hjá
KR og Keflavík
Gunnar er fæddur á ísafirði í
mars 1965. Fjölskyldan flutti til
Keflavíkur ári síðar og Gunnar flutti
til Akraness með foreldrum sínum
þegar hann var tíu ára og bjó þar
í tvö ár. Hann segir að þrátt fyrir
að hafa leikið með KR-ingum í fimm
ár, jafn lengi og meistaraflokki
Keflavíkur, og á Olafsfirði í tvö ár,
sé hann alltaf Keflvíkingur og
stundum hafi verið erfitt að leika á
móti „sínu“ félagi. „Þegar ég var í
KR fann ég ekki mikið fyrir því að
erfitt væri að leika á móti Keflavík.
Kannski var það vegna þess að við
unnum alltaf. Með Leiftri fannst
mér hins vegar alltaf voðalega erf-
itt að leika gegn Keflvíkingum enda
gekk okkur illa gegn þeim. Ég hafði
miklar áhyggjur af því að „mínir
menn‘! myndu falla, sérstaklega
GUNNAR lék með KR-ingum í fimm ár. Hér er hann í baráttu við Sævar Jónsson úr Val árlð
1990, en þá tapaðl KR fyrir Val í blkarúrslltum. Llðin mættust tvívegis og var framlengt í
bæði skiptin og úrslit réðust ekki fyrr en í vítaspyrnukeppni.