Morgunblaðið - 25.10.1996, Blaðsíða 4
TENNIS
Sabatini
leggur
spaðann
á hilluna
Gabriela Sabatini, tenniskona
frá Argentínu, tilkynnti í
gær að hún væri hætt atvinnu-
mennsku í tennis eftir 12 ára sam-
fleyttan feril. Á þessum tíma hefur
hún sigrað í 26 mótum og há-
punkturinn var sigur á Opna
bandaríska meistaramótinu árið
1990. „Ég hef verið að velta þessu
fyrir mér síðastliðna fímm mán-
uði,“ sagði hún á blaðamannafundi
í Madison Square Garden í gær.
„Málið er að þekkja sinn vitjunar-
tíma og ég held að rétti tíminn
sé einmitt nú.“
Nokkuð hefur hallað undan
fæti hjá hinni 26 ára tennisdrottn-
ingu á þessu ári. Frá árinu 1986
til 1995 var hún meðal tíu bestu
tenniskvenna heims, en hefur nú
fallið út af þeim lista sökum slaks
gengis á þessu ári.
Hluti ástæðunnar fyrir þessu
slaka gengi er sú að hún átti í
veikindurn í fyrri hluta ársins, tók
þó þátt í Ólympíuleikunum en féll
út í 8 manna úrslitum fyrir Mon-
iku Seles. Þá náði hún sér heldur
ekki á strik á Opna bandaríska
meistaramótinu og hrökk úr
skaptinu í 3. umferð.
Sabatini lék sinn síðasta opin-
bera kappleik á opnu innanhúss-
móti í Zurích í síðustu viku og
varð þar að játa sig sigraða í
tveimur settum fyrir Jennifer
Capriati í fyrstu umferð.
„Þegar ég horfí til baka er ég
ánægð með ferilinn, ég lagði mig
alla fram og meira getur maður
ekki farið fram á við sjálfan sig,“
sagði Sabatíni í gær en hún öngl-
aði saman tæplega 600 milljónum
króna í verðlaunafé á ferlinum.
Nú ætlar Sabatini að einbeita
sér að sölu og markaðssetningu á
ilmvatnsvörum undir eigin nafni
sem hún hefur verið að þróa á
undanförnum misserum.
Reuter
í ruggustólinn
GABRIELA Sabatinl tilkynnlr
ákvörðun sfna. VIA það
tækifærl var hsnnl færður
ruggustóll af gefnu tllefnl.
Hún ætlar nú að snúa sér
að sðlu á llmvatnsvörum.
Þrátt fyrir að Jurgen Klinsmann
hafí ekki verið á skotskónum
'það sem af er tímabilinu í Þýska-
landi og ekki náð að sýna sitt rétta
andlit er stjórn Bayem Munchen
tilbúin til að gera samning við kapp-
ann út feril hans á knattspyrnuvell-
inum. Klinsmann sem er 32 ára er
nú að leika sitt annað tímabil með
Miinchenarliðinu og verði gerður
lengri samningur á hann að gilda
til ársins 1998. Karl-Heinz Rumen-
igge fyrmm landsliðsmaður og nú-
verandi varaforseti félagsins, vill
haída Klinsmann og segir hann
tryggja mörk þótt ekki hafí allt
gengið upp síðustu vikur.
„Hugur okkar stefnir til að halda
Klinsmann að minnsta kosti til árs-
v ins 1998. Ég get hins vegar auðveld-
’lega séð fyrir mér að hann verði
lengur hjá okkur,“ segir Rumenigge.
Klinsmann hefur ekki verið ánægður
með þá gagnrýni sem hann hefur
fengið í haust sökum þess hversu
illa honum hefur gengið að skora.
„Hann veit að hann getur treyst á
okkur,“ sagði Rumenigge.
„Að sjálfsögðu er ég ánægður
með að félagið vill halda í mig og
ég mun athuga hvað er í pottinum
fyrir mig,“ sagði Klinsmann en
sjálfstraustið hefur ekki verið sem
best í leikjum síðustu vikna og
vissulega myndi mark um helgina
gegn Fortuna Diisseldorf hjálpa upp
á sakimar og gæti um leið vegið
þungt í baráttu Stuttgart og Bay-
em á toppi deildarinnar. Þar er
Stuttgart fyrir ofan með hagstæð-
ara markahlutfall en félagið mætir
Borussia Mönchengladbach á
heimavelli á laugardag.
En markaleysi Klinsmanns er
ekki það eina sem hrjáir efnaðasta
knattspymulið Þýskalands. Tveir
leikmenn sem vom í landsliðinu sem
varð Evrópumeistari í sumar era
enn utan vallar vegna meiðsla. Það
era Thomas Helmer og Christian
Ziege sem ekki er að vænta að leiki
með á næstu vikum. Þá era mið-
verðirnir Mario Basler og Thomas
Stranz einnig úr leik að sinni en
skemmri tími mun þó líða þar til
þeir verða reiðubúnir í slaginn.
Reuter
JRGEN Klinsmann á mlðrl mynd f lelk með Bayern Mðnchen
á mðtl Köln í þýsku deildlnnl. Stjórn félagsins vlll gera samn-
Ing vlð hann sem gildlr þar tll hann hættlr að leika knatt-
spyrnu. Með honum á myndlnnl eru samherjlnn Mehmet
Scholl til vlnstrl og Mlchael Kostner.
Aðeins heimirt að selja
áleikiíHM
Alþjóða knattspyrnusambandið,
FIFA, tilkynnti í gær að bann-
að yrði að selja miða í stæði á leiki
í heimsmeistarakeppninni í knatt-
spyrnu. Ákvörðun þessi var tekin í
kjölfar slyssins á leik Guatemala og
Costa Rica í Guatemala 16. október
sl. þar sem 81 áhorfandi lét lífið á
áhorfendapöllum en áhorfendur voru
mun fleiri en rými var fyrir og troðn-
ingur mikill.
í bréfí FIFA til sambanda sinna
kemur fram að aðeins má selja miða
í númerað sæti á leiki héðan í frá
og eftirlit verður að vera mjög
strangt. Sérstaklega verður að gæta
þess að falsaðir miðar séu ekki í
umferð eins og talið er að hafi verið
í Guatemala og aðeins handhafar
löglegra miða fái aðgang. Áréttað
er að áhorfendur mega ekki vera í
stæði og ef umgjörð valla er þannig
verður sá hluti þeirra að vera auður
á leikjum.
Sums staðar eru grindverk til að
vama því að áhorfendur komist inn á
leikvöllinn og leggur FIFA áherslu á
að auðvelt sé að fjarlægja slíkar hindr-
anir séu þær fyrir hendi. Ennfremur
er bent á að neyðarútgangar standi
ekki alls staðar undir nafni og úr því
verði að bæta. Framkvæmdanefíid
FIFA kemur saman 7. desember og
þá verður rædd tillaga þess efnis að
fyrmefnd grindverk verði óheimil með
öllu á leikjum í HM.
í bréfinu stendur líka að eftirlits-
maður FIFA ákveði hvenær heimilt
er að hefja leik og undir engum
kringumstæðum má bytja ef ekki er
allt með ró og spekt utan vallar.
Eftirlitsmaðurinn er ábyrgur fyrir
að meta allar öryggisaðstæður innan
sem utan vallar.
Bayern vill
halda Klinsmann
Sameining ÍSÍ og
Óí mál málanna
Sally
Gunnell til
í slaginn
BRESKA hlaupakonan Sally
Gunnell, fyrrum ólymplu-
rueistari í 400 metra grinda-
hlaupi, hefur áhuga & að
halda áfram keppni og stefnir
á Samveldisleikana t Kuala
Lumpur 1998. Gunnell, sem
er 30 ára, meiddist á ökkla á
Ólympíuleikunum I Atlanta I
sumar og var við það að
pakka saman fyrir fullt og
allt en sagði að út.litið væri
mun bjartara nú og hún ætl-
aði sér að endurheimta
heimsmeistaratitilinn á HM í
Aþenu i ágúst á næsta ári.
Ef allt gengi vel væri hún til-
búin til enn frekari átaka.
ÍÞRÓTTAÞING ÍSÍ
Iþróttaþing íþróttasambands ís-
lands verður haldið í íþróttamið-
stöðinni Jaðarsbökkum á Akranesi
um helgina og hefst með þingsetn-
ingu kl. 10 í fyrramálið. 19 tillögur
og ályktanir liggja fyrir þinginu,
m.a. stefnuyfirlýsing um tilhögun á
íþróttauppeldi æskufólks innan
íþróttahreyfíngarinnar, stefnuyfir-
lýsing um þjálfaramenntun og
skýrsla um fjármál íþróttahreyfíng-
arinanr en athyglin beinist fyrst og
fremst að frumvarpi til nýrra laga
varðandi sameiningu ÍSÍ og
Ólympíunefndar íslands í ein heild-
arsamtök.
Sameiningarmálið hefur verið í
umræðunni undanfarin misseri en
skriður komst á það þegar drög
að lögum „nýrra“ samtaka voru
lögð fram sl. vor. Þau hafa verið
í athugun innan íþróttahreyfingar-
innar síðan þá og tekið breytingum
með hliðsjón af hagsmunum allra
sem hlut eiga að máli.
Um liðna helgi sameinaðist
norska íþróttahreyfingin í ein
heildarsamtök en gengið er út frá
sömu forsendum í öllum aðalatrið-
um í fyrrnefndum drögum.
Þetta er 63. íþróttaþing ÍSÍ og
eiga 149 kjörnir fulltrúar rétt til
þingsetu með atkvæðisrétt auk
ýmissa annarra með málfrelsi og
tillögurétt.
Forseti íslands, herra Ólafur
Ragnar Grímsson, heiðrar þingið
með nærveru sinni við setninguna.
KNATTSPYRNA