Morgunblaðið - 27.10.1996, Side 25

MORGUNBLAÐIÐ
INNAN VEGGJA HEIMILISINS
SUNNUDAGUR 27. OKTÓBER 1996 E 25
Það er tómt brj ál
æði að byggj a
Morgunblaðið/Golli
ANNA Sigríður og Björn með augasteininn sinn,
barnabarnið Björn Snæ.
YRIRGEFÐU, hvað mein-
arðu?“ spurði hún og röddin
var allt að því ógnvekjandi.
Ég leit í aðra átt, ræskti mig lítið
eitt og endurtók svo spurninguna;
„Var ekki svolítil rómantík í því
fólgin að byggja sitt eigið
hús... búa til sitt eigið hreiður?"
Löng þögn. Þegar ég þorði ioks að
líta á hana aftur skutu augu Önnu
Sigríðar Árnadóttur bókstaflega
gneistum. í leit að einhvers konar
liðveislu leit ég á Björn Helgason,
bónda hennar sem sat og glotti
góðlátlega að þessari uppákomu.
„Nei, það er sko engin rómantík
í því fólgin, það get ég sagt þér,“
svaraði hún svo og lagði áherslu á
hvert orð. Trúlega hefur hún séð
að ég hélt dauðahaldi í draum-
kenndu sýnina um turtildúfur í
hreiðurgerð því hún bætti við um
leið og hún hellti kaffitári í bollann
minn: „Martröð er lýsing sem á
mun betur við.“
Kjagaði um með kústinn
En hvað fékk þessi hjón þá til
að fjárfesta í fokheldu raðhúsi?
„Við komum heim árið 1973 frá
Danmörku, þar sem við höfðum
bæði verið við nám,“ útskýrði Björn.
„Þá var dóttir okkar sex ára og
fjölskyldan þurfti þak yfir höfuðið.
Við skoðuðum ótal íbúðir; pínulitlar
holur hér og þar, sem allar voru
samt of dýrar,“ sagði hann. „Við
vorum í rauninni bláfátæk,“ bætti
hann við. „Svo rak frúin augun í
auglýsingu um þetta líka forláta,
fokhelda raðhús," sagði Björn og
brosti. Anna Sigríður hristi höfuðið
eins og hún væri enn að furða sig
á þessari bijálsemi.
„Þetta hús var í rauninni það
eina, sem við höfðum efni á,“ sagði
hún. „Þetta var talsvert ódýrara en
tveggja herbergja íbúð ... og það
var það sem réði úrslitum," rök-
studdi hún. „Við keyptum húsið
1974 og í heilt ár var Björn að vinna
í húsinu öll kvöld og allar helgar,“
rifjaði hún upp. „Ég var orðin ófrísk
svo síðustu mánuðina gerði ég lítið
annað en að kjaga hér um með
kústinn. En Björn hamaðist áfram
og í ágúst 1975 fluttum við inn
með tveggja mánaða gamlan son
okkar. Þá voru tvö herbergi tilbúin,
steinsteypa á gólfunum og allsstað-
ar ryk,“ sagði Anna Sigríður.
Hágrét í nóttinni
„Þú varst heldur ekkert sérlega
hamingjusöm fyrstu nóttina í nýja
húsinu," sagði Björn og horfði
stríðnislega á eiginkonuna. „Nei,
það var ég ekki,“ viðurkenndi hún.
„Um nóttina fór ég fram í eldhús
til að ná í vatn í pela handa ný-
fæddu barninu, skrúfa frá kranan-
um og held þá bara á blöndunar-
tækjunum í höndunum. Þá var allt
ótengt og ekkert vatn að fá. Þetta
var dropinn sem fyllti mælinn ... ef
svo má að orði komast,“ sagði hún.
„Ég stóð þarna á miðju eldhúsgólf-
VYy Kringlunni 8-12 •Sími 568 9066
- Parfmtm fjöpna -
inu, með blöndunartækin í fanginu
og hágrét. Björn kom hlaupandi
fram, alveg skelfingu lostin og
spurði hvað væri eiginlega að. Milli
ekkasoganna sagði ég honum að
ég yrði að fá vatn handa barninu.
Hann sagði að það væri nú ekki
mikið mál, það væri búið að tengja
vatnið inni í þvottahúsi," rifjaði hún
upp. „Þetta var óttalegt basl,“ bætti
hún svo við og leit á Björn sem
brosti bara að endurminningunni
um konuna með blöndunartækin
sem grét svo sárt í nóttinni.
Með annarri konu...
Svipurinn á Birni sagði okkur að
honum hefði ekki fundist þetta eins
hræðilegt og Önnu Sigríði. „Gætir
þú hugsað þér að byggja aftur?“
spurðum við ósköp varfærnislega.
Björn leit hálf-afsakandi á Önnu
sína áður en hann svaraði; „Já, ég
gæti alveg hugsað mér það.“ Við-
brögðin létu heldur ekki á sér
standa. Hún horfði á hann eins og
hann hlyti að vera með háan hita
en sagði svo ósköp hlýlega; „Það
verður þá með annarri konu en
mér, elskan mín. Ég myndi aldrei
í lífinu endurtaka þennan leik.“
Tónninn sagði allt sem segja þurfti;
Þetta var útrætt mál.
Þá hefði ég getað gargað
En hvernig gekk hjónunum að
komast að samkomulagi um inn-
réttingar og gólfefni, hvæstu þau
aldrei hvort á annað? „Nei, aldrei,"
sögðu þau bæði í einu. „Sko, þetta
höfðaði aldrei til mín,“ útskýrði
Anna, „svo ég lét Bjöm bara um
þetta. Ég skipti mér bókstaflega
aldrei af neinu sem þessu viðkom,“
sagði hún. „Ég vil hafa snyrtilegt
og fallegt í kringum mig en mér
er það algjörlega hulin ráðgáta
hvernig fólk nennir að fara búð úr
búð til að horfa á einhveijar höld-
ur,“ hélt hún áfram. „Sumar konur
geta endalaust verið að breyta og
bæta, skipta um flísar, gluggatjöld
og innréttingar. Ég dáist að því
hvernig þær nenna þessu,“ sagði
hún, „en ég virðist vera gersamlega
laus við þessa áráttu.
Björn smíðaði meira og minna
allar innréttingar í húsið okkar og
ég skipti mér aldrei af því hvemig
þær ættu að líta út,“ fullyrti hún.
Hér stóðst Björn ekki mátið. „Þú
hafðir nú eitt og annað við innrétt-
inguna í þvottahúsinu að athuga,?
sagði hann vingjarnlega. „Já, þá
mér fannst fullkomnunaráráttan
gengin út í öfgar," viðurkenndi hún
og fórnaði höndum. „Innréttingin
er sérsmíðuð og sérbæsuð. í fleiri
vikur dundaði hann sér við að koma
henni upp, snyrta og snurfusa með-
an það vantaði allt hérna frammi.
Þvottahúsið var fullkomið en stofan
steinsteýpa og ryk. Þá hefði ég
stundum getað argað á hann,“
bætti hún við í trúnaðartón.
Flaggað fyrir lífstíð
<
„Hann hefur alltaf verið svona
vandvirkur. Allt sem hann kemur
nálægt er hundrað prósent, annað
er fúsk,“ útskýrði hún. „Það voru
til dæmis ekki litlar tilfæringar hér
á hlaðinu þegar bóndinn setti upp
flaggstöngina sem við fengum í
fimmtugs-afmælisgjöf. Hún var að
sjálfsögðu steypt niður með heilu
hlassi af steinsteypu og eitt er al-
veg á hreinu ... hún mun standa á
sínum stað ... á hveiju svo sem
annars dynur,“ sagði Anna Sigríður
og klappaði Birni bónda sínum á
kinnina.
iaa
.ersonutrygging
" - f ^ \
erðatrygging
Fjölskylduvernd
felur í sér fjölmargar tryggingar
Fjölskylduvernd er safn trygginga sem henta vel fjölskyldum
og heimilum.
Fjöískylduvemd innifelur t.d. heimilisvernd,
húsvernd, ökutækjatryggingu, brunatryggingu
húseigna, slysatryggingar, sjúkratryggingar og
Víðtœk vernd líftryggingar.
Fjölskylduverad veitir verulegan afslátt, sem
eykst með fjölda trygginga.
Vaxandi afsláttur
Fjölskylduvémd tryggir hagræði ogómældan
sparnað.
ysysys,
Greiðsludreifing Fjölskylduvemd býður greiðsludreifingu
iðgjalda.
Fjölskylduvernd felur í sér mikinn sveigjanleika
til að sníða tryggingarnar að þörfum hvers og eins.
Starfsfólk okkar veitir ráðgjöf um samsetningu Ráðgjöf
þeirra.
Við höfum fengið nýtt símanámer,

Hringdu og fáðu nánari upplýsingar um Fjölskyiduvernd.
rrwri: m..
írygging ser um sma
TKYGGING HF
LAUGAVEGI 178, SÍMI 540 6000, FAX 540 6060