Morgunblaðið - 29.10.1996, Qupperneq 25

MORGUNBLAÐIÐ
ÞRIÐJUDAGUR 29. OKTÓBER 1996 25
___________________MENIMTUIM____________________
Óvissa um áframhaldandi fyrirkomulag Námsráðgjafar HÍ
Gjaldtaka líkleg
fyrir utanskólanemendur
Úr myndasafni Morgunblasins
MIKLU máli skiptir fyrir nemendur og þjóðarbúið ef
hægt er að velja rétt nám í upphafi. Hér eru Ásta Kr.
Ragnarsdóttir forstöðumaður Námsráðgjafa HÍ ásamt
fleirum að undirbúa Námskynningu 1996.
INNAN Háskóla íslands fara nú
fram umræður með hvaða fyrir-
komulagi hægt verður að reka
námsráðgjöf skólans í framtíðinni.
Vegna aukinnar aðsóknar í þjón-
ustuna og takmarkaðs fjármagns
segir Ásta Kr. Ragnarsdóttir, for-
stöðumaður Námsráðgjafar HÍ,
ljóst að í náinni framtíð verði ekki
hægt með sama fyrirkomulagi að
sinna öllum þeim verkþáttum sem
þar er nú sinnt.
Námsráðgjöf Háskóla íslands er
umfangsmesta þjónusta sinnar teg-
undar hér á landi og veitir um 4.000
viðtöl árlega. Að sögn Ástu eru
aðeins 40% þeirra sem þangað leita
skráðir nemendur Háskóla íslands,
en skólinn hefur veitt landsmönnum
þessa þjónustu ókeypis um árabil.
Segist hún ekki sjá fram á annað
en nauðsynlegt verði að taka gjald
af þeim sem leita þjónustu stofnun-
arinnar og eru utan háskólans.
Einnig sé nauðsynlegt að fá aðra
til liðs við sig til að kosta þann
þátt starfseminnar. „Frumskyldur
okkar liggja hjá skráðum stúdent-
um sem greitt hafa innritunargjöld,
en hins vegar viljum við gjarnan
sinna hinum nemendunum líka,“
sagði hún.
Ekki bara námsráðgjöf
Ásta bendir á að á þeim 15 árum
sem námsráðgjöf hafi verið starf-
andi hafi umfangið aukist jafnt og
þétt og aðstoð nemenda við náms-
og starfsval sé einungis hluti starf-
seminnar. Ráðgjafar leiðbeina nem-
endum um breyttar námsvenjur,
sinna þeim sem haldnir eru próf-
kvíða og aðstoða nemendur á ýmsa
vegu við úrlausn persónulegra, sál-
fræðilegra og félagslegra mála.
Einnig ber Námsráðgjöf HÍ að
sinna hagsmunagæslu sem skipta
má í almenn réttindamál og sér-
hæfð. Almenn réttindamál varða
stöðu stúdenta gagnvart kennurum
og stjómsýslu, til dæmis vegna
mats af ýmsu tagi. Sérhæfð rétt-
indamál er varða sérþarfír stúdenta,
til dæmis vegna fötlunar og sér-
stakra aðstæðna sem geta skapast
vegna búsetu og erlends þjóðemis.
Verkefnin innanhúss hafa þyngst
mikið á undanförnum misserum,
að sögn Ástu. „Nú erum við til
dæmis með 60 nemendur sem em
með sérþarfir vegna einhvers konar
fötlunar. Til þess að fylgja þeim vel
eftir þarf töluverðan mannskap en
þar að auki er ráðgjöfin orðin þekkt-
ari meðal nemenda skólans og þeir
leita hingað í auknum mæli. Þeir
þurfa kannski að lenda í óþarflega
mikilli biðröð vegna þess að við
erum einnig að sinna þeim
óskráðu,“ sagði Ásta.
Fjölsótt ársþing SAMFOKS
Góð líðan barna í skólum
er undirstaða alls
skólar/námskeið
tungumál
skjalastjórnun
LÍÐAN barna í skólum, foreldrastarf
og mat á því voru þau umræðuefni
sem foreldrar höfðu hvað mestan
áhuga á að ræða sín á milli á fjöl-
mennu ársþingi SAMFOKS (Sam-
band foreldrafélaga í grunnskólum í
Reykjavík) sem fram fór sl. laugar-
dag á Grand Hótel Reykjavík. Önnur
málefni ofarlega á baugi voru sam-
starf við skólayfírvöld, námsinnihald,
einsetinn skóli, mat á skólastarfí og
sérfræðiþjónusta í skólum.
Þingið stóð yfir allan laugardaginn
og skiptist tíminn á milli fyrirlestra
og hópstarfs. Fyrir hádegi fjallaði
Áslaug Brynjólfsdóttir umboðsmaður
foreldra og skóla um hvers vegna
foreldrasamstarf væri mikilvægt og
gerði grein fyrir starfi sínu, sem er
nýtt innan Fræðsluskrifstofunnar.
Breytt uppeldisskilyrði og
aukin áhrif foreldra
Áslaug sagði að aukin afskipti
foreldra af skólastarfí hefðu haft
afgerandi áhrif á lagasetningar um
grunnskólann á síðustu árum, bæði
hér á landi og á hinum Norðurlönd-
unum. Þá benti hún á að alþjóðlegar
rannsóknir sýndu að börn lærðu
meira þegar foreldrar, kennarar og
aðrir sérfræðingar skólans ynnu
saman og að flestir foreldrar vildu
vera þátttakendur í frekara námi
bama sinna. Hún vék einnig að
breyttum uppeldisskilyrðum bama
og benti á ýmsa þætti sem þar hefðu
áhrif eins og aukin áhrif fjölmiðla,
minnkandi samskipti barna og full-
orðinna, skort á félagslegri þjálfun,
óöryggi um siðferðileg gildi o.fl.
Síðar um morguninn var þátttak-
endum skipt í umræðuhópa og urðu
samræður mjög líflegar. Var greini-
legt að fjöldi spuminga brann á vör-
um þingfulltrúa eftir umræðurnar
því þegar kostur gafst á að spyija
þáttakendur í pallborðsumræðunum
brunnu margar spumingar inni. Fór
svo að Sigrún Magnúsdóttir formað-
ur fræðsluráðs Reykjavíkur gaf for-
eldrum kost á að skila skriflegum
spumingum. „Þó svo að við höfum
ekki tök á að svara þessum spuming-
um munu þær áreiðanlega vera fræð-
andi og koma sér vel fyrir fræðslu-
ráð,“ sagði hún.
Áðrir þátttakendur í pallborðsum-
ræðum voru Árni Sigfússon fulltrúi
í fræðsluráði, Gerður G. Óskarsdóttir
fræðslustjóri, Finnbogi Sigurðsson
formaður Kennarafélags Reykjavík-
ur og Guðbjörg Björnsdóttir formað-
ur SAMFOKS.
Engin lyklabörn
Sigrún Magnúsdóttir sagði að ver-
ið væri að útbúa markmiðasetningu
innan skólakerfísins fyrir næstu 5
ár. Meðal markmiða væri einsetning
skóla og lenging skóladagsins. Hún
sagði að þegar einsetning væri kom-
in á og öll böm væra í skólanum kl.
9-15 vildi hún gjarnan sjá annað
foreldrið heima til að taka á móti
bömunum þegar þau kæmu úr skól-
anum. Þar með yrðu engin lyklabörn
til.
Gerður G. Óskarsdóttir gerði
verkaskiptingu milli foreldra og
kennara að umræðuefni. Einnig lagði
hún áherslu á að boðleiðir væru rétt-
ar og hvatti til aukinna skriflegra
boðskipta á milli skóla og heimila
og öfugt. Hún sagði að mikilvægt
væri að foreldrar leituðu fyrst upp-
lýsinga hjá umsjónarkennara áður
en farið væri til skólastjóra þegar
einhver mál kæmu upp. Þá taldi hún
vaxandi þörf hjá kennurum að fá
hlutlausan málsvara í kerfinu gagn-
vart foreldrum sem gengju of langt
í að alhæfa út frá persónulegri
reynslu.
Tvísetning má ekki
stöðva framþróun
Ámi Sigfússon benti á að ýmis
málefni sem varða skólann hefðu
þokast áfram fyrir tilstilli foreldra,
s.s. heilsdagsskóli, aðhald í nýtingu
kennslustunda og einsetningará-
form. Hann sagðist vilja sjá sama
drifkraft foreldra til að hafa áhrif á
innra starf skólanna, þ.e. menntun-
ina sjálfa. Hann taldi einsetningu
eiga langt í land og hvatti foreldra
til að fylgjast með að tvísetning hefti
ekki þróunarmöguleika, s.s. nýsköp-
un, náttúravísindi, tilraunastarf,
upplýsingatækni o.fl. Hann tók fram
að til þess þyrfti að sjálfsögðu Qár-
magn. „Embættismannakerfið og
einsetning mega ekki, éta það allt
upp,“ sagði hann.
Finnbogi Sigurðsson sagði ein-
kenna skólastarfið hversu lítið fjár-
magn væri veitt í það. Hann benti á
að skólinn hefði orðið að bæta á sig
uppeldishlutverki og ýmsum fleiri
verkefnum án þess að til þess væri
veitt aukið fé eða rými. Hann taldi
fjármagn vera til en spumingin væri
um forgangsröðun. Með einsetningu
og lengingu skóladags kvaðst hann
vonast til að hægt yrði að sinna
ýmsum þeim málum sem ekki væri
hægt að sinna nú, svo sem því að
veita nemendum aukna aðstoð við
heimanám án kostnaðar fyrir for-
eldra, fjölbreyttum skipulögðum
vettvangsferðum o.fl. Hann sagði
það til skammar fyrir borgina að
heimsókn í náttúraperlur eins og
Viðey og Heiðmörk væra ekki gerðar
að föstum þætti í skólastarfi með
þvi námi sem þar væri hægt að
stunda.
ENSKUSKÓLINN
Túngötu 5.
¥
Hin vinsælu enskunámskeið eru að hefjast.
★ Áhersla á talmál.
★ 5 eða 10 nemendur hámark í bekk.
★ 8 kunnáttustig.
Viðskiptaenska, rituð enska. Einnig er
í boði stuðningskennsla fyrir unglinga,
enska fyrir bórn 6-12 ára og enskunám
í Englandi. Enskir sérmenntaðir kennar-
ar. Markviss kennsla í vinalegu um-
hverfi.
Hafðu samband og fáðu frekari
upplýsingar í sfma 552 5330.
heilsurækt
Acarya Ashiishananda Avadhuta
sérþjálfaður yogakennari heldur reglu-
lega 6 vikna yoga-námskeið. Hópkennsla
og einkatímar.
Lærðu að hugleiða á árangursrikan hátt
með persónulegri leiðsögn.
Lærðu yoga-likamsæfingar, einstaklings-
bundin kennsla sem tekur mið af líkam-
legu ástandi hvers og eins.
Næsta námskeið byrjar þriðjudagskvöld
5. nóv. kl. 17-19.
Uppl. og skráning í sfma 551 2970
kl. 9-12 og eftir kl. 21 á kvöldin.
Verð kr. 5.000, aflsáttur fyrir skóla-
fólk.
Ananda Marga Yogahreyfing
á íslandi,
Lindargata 14, Rvik.
■ Inngangur að skjalastjórnun.
Námskeið, haldið 4. og 5. nóv.
(mánud. og þriðjud.). Gjald kr. 11.000.
Bókin „Skjalastjórnun" innifalin.
Skráning hjá Skipulagi og skjölum
í síma 564 4688, fax 564 4689.
tölvur
rgjfc Tölvuskóli Revkiavikur
Boraartúni 28. simi 56] 6699.
■ Námskeið
Starfsmenntun:
64 klst. tölvunám
84 klst. bókhaldstækni
Stutt námskeið:
Windows 3.11 og Windows 95
PC grunnnámskeiö
Word grunnur og framhald
Excel grunnur og framhald
Access grunnur
PowerPoint
PageMaker
Bamanám
Unglinganám í Windows
Unglinganám í forritun
Novell námskeið fyrir netstjóra
Intemet námskeið
Hagstætt verð og afar veglegar kennslu-
bækur fylgja með námskeiðum. Skráning
í síma 651 6699, netfang tolskrivik-
@treknet.is, veffang www.treknet.is/tr.
...blabib
- kjarni málsins!