Morgunblaðið - 01.11.1996, Blaðsíða 4
Htar
lyiLiíiii
HANDKNATTLEIKUR / LANDSLIÐIÐ
■ ÓLAFUR Stefánsson, vinstrihandar-
skytta úr Val, sem leikur nú með Wuppertal
í Þýskalandi, leikur sinn fimmtugasta lands-
leik gegn Eistlandi.
■ BERGSVEINN Bergsveinsson, mark-
vörður, hefur ekki leikið með iandsliðinu í ár
- hann lék síðast 16. desember 1995 gegn
Grænlendingum í Nuuk.
■ EINN nýliði er í landsliðshópnum, Hlynur
Jóhannesson, markvörður hjá HK.
v,- <
Landsliðshópurinn
Morgunblaðið/Kristinn
„SKOTIN verða að vera föst og hnltmlðuð ...“ g»ti Borls BJarnl Akbachev, aðstoðar-
maður Þorbjarnar Jenssonar, landsllðsþjðlfara, verlð að segja við Patrek Jóhannesson.
„Tilbúnir
VALDIMAR Grímsson segir að landsliðs-
hópurinn sé mj'ög samstilltur og tilbúinn í slag-
inn gegn Eistlendingum í undankeppni HM.
„Leikmenn eru ákveðnir að bæta fyrir leikinn
gegn Grikkjum, þar sem menn fengu ærlega
á baukinn. Stefnan hefur verið tekin á að
tryggja íslandi rétt til að leika í heimsmeist-
arakeppninni í Japan á næsta ári. Við verðum
að ná góðum úrslitum gegn Eistlandi og síðan
að standa okkur vel i leikjunum gegn Dönum
sem koma í kjölfarið. Andinn er góður í hópn-
í slaginn"
um, leikmenn í góðri æfingu, sem lofar góðu,“
sagði Valdimar, sem lék ekki með gegn Grikkj-
um.
Þorbjörn Jensson, landsliðsþjálfari, var með
síðustu æfinguna fyrir leikinn í gær og strax
á eftir hélt hann fund með sínum mönnum, þar
sem horft var á myndband frá viðureign Eist-
lendinga og Dana á dögunum. Þorbjörn til-
kynnir tólf manna lið sitt í dag.
Leikurinn gegn Eistlandi verður í Laugar-
dalshöllinni kl. 20.30 í kvöld.
Markverðir:
Guðmundur Hrafnkelsson, Val
Bergsveinn Bergsveinsson, UMFA
Hlynur Jóhannesson, HK
Aðrir leikmenn:
Konráð Olavson, Stjörnunni
Björgvin Björgvinsson, KA
Gústaf Bjarnason, Haukum
Dagur Sigurðsson, Wuppertal
Geir Sveinsson, Montpellier
Gunnar Berg Viktorsson, ÍBV
Júlíus Jónasson, TV Suhr
Ólafur Stefánsson, Wuppertal
Bjarki Sigurðsson, UMFA
Ingi rafn Jónsson, Val
Jason Ólafsson, Leutershausen
Patrekur Jóhannesson, Essen
Valdimar Grímsson, Stjörnunni
KNATTSPYRNA
Engin auglýsingahlé
fyrir sjónvarpsstöðvar
SEPP Blatter, framkvæmdastjóri FIFA, alþjóða knattspyrnusam-
bandsins, segir íviðtali við Kicker ígær að þess sé langt að
bíða að gert verði hló á knattspyrnuleikjum þannig að sjónvarps-
stöðvarnar geti komið að auglýsingum. „Það mun ekki gerast í
nóinni framtíð að leiknum verði skipt upp í þriðjunga eða fjórð-
unga og við munum ekki heldur leyfa leikhlé þannig að hægt sé
að koma að auglýsingum í sjónvarpi," sagði Blatter.
Fagnaðarlæti
kostuðu þrjú
mannslrf
TYRKIR eru þekktir fyrir blóð-
hita og ekki hvað síst þegar
knattspyrnan er annars vegar.
Eftir „lVrkjaránið“ á Old Traf-
ford í Manchester í fyrrakvöld,
fögnuðu stuðningsmenn liðsins
ógurlega. Þúsundir manna
flykktust út á götur Istanbul
og létu öllum illum látum og í
öllum fögnuðinum létust þrir.
Kona og 10 mánaða gamalt
barn hennar létust þegar 25 ára
gamall maður skaut af riffli út
um gluggann þjá sér til að
fagna og á svipuðum tíma fékk
18 ára unglingur skot í hnakk-
ann þegar hann hallaði sér
fram af svölunum hjá sér til
að fylgjast með fagnaðarlát-
unum á götunni fyrir neðan.
Forsvarsmenn þýsku sjónvarps-
stöðvanna RTL og SATl hafa
viðrað þessar hugmyndir en fengið
dræmar undirtektir hjá FIFA og
knattspyrnumönnum. Talsmenn
sjónvarpsstöðvanna segja að stöðv-
amar verði sífellt að greiða meira
og meira fyrir að sýna frá knatt-
spyrnuleikjum og ef vilji sé til þess
að halda knattspyrnunni á opnum
rásum verði að gera eitthvað, ann-
ars muni knattspyrnan færast yfir
á svokallaðar „pay-per-view“ sjón-
varpsstöðvar.
Franz Beckerbauer hefur tekið
svo djúpt í árinni að segja þessar
hugmyndir ,jafn gagnlegar og að
fá gat á hausinn" og „mesta rugl
aldarinnar". Blatter sagði að til-
raunir hafi verið gerðar, meðal
annars í Svíþjóð og í Brasilíu, og
þær sýni að þetta gangi ekki.
„Knattspyrnuvöllurinn er of stór
til þess að þetta gangi.
Sé gert hlé á leiknum tekur það
leikmenn of langan tíma að koma
saman þannig að þjálfarinn geti
rætt við þá og síðan að koma sér
á sinn stað á ný. Hrynjandin í leikn-
um riðlast og menn eru mótfallnir
því,“ sagði Blatter.
■ CARLOS Alberto Parreira,
sem var landsliðsþjálfari Brasilíu-
manna þegar þeir urðu heimsmeist-
arar árið 1994, var í gær rekinn frá
Sao Paulo í Brasilíu en þar hefur
hann verið þjálfari. Liðið hafði leikið
tíu leiki án þess að sigra.
■ BOLTON, lið Guðna Bergsson-
ar, segir að hagnaður verði af rekstri
félagsins í ár, en í fyrra var tapið
um 56 milljónir króna. Hagnaðurinn
í ár á að verða ríflega 20 milljónir
þrátt fyrir að félagið leiki nú í 1.
deild.
■ EIKE Immel, þýski markvörð-
urinn sem jeikið hefur með Manch-
ester City, er meiddur og hefur
misst sæti sitt í liðinu. Hann ætlar
aftur til síns heima og er búist við
að Frankfurt kaupi hann.
■ ÞEGAR er búið að fresta fimm
leikjum í 1. deildinni laugardaginn
9. nóvember vegna landsleikja. Þetta
eru viðureignir Barnsley og
Norwich, Birmingham og Bolton,
Manchester City og Oxford, Re-
ading og Tranmere og Stoke og
Wolves.
■ EVERTON keypti nýverið Nick
Barmby eins og við höfum skýrt
frá. Samningurinn gildir í fjögur og
hálft ár og er talið að kappinn fái
um eina milljón króna í vikulaun.
■ NÚ styttist í að hinn svokallaði
markaður verði opnaður á ný á
Spáni og sögusagnirnar eru þegar
komnar á kreik. Reiknað er með að
sterkustu liðin muni styrkja sig enn
frekar með því að kaupa nýja leik-
menn. Ljóst er þó að einn leikmaður
fer hvergi. Ronaldo hjá Barcelona.
■ REAL Madrid ætlar að tryggja
sér franska landsliðsmanninn
Christian Karembeu sem leikur
með Sampdoria og einnig hinn unga
leikmann Mónakó, Thierry
Hendry. „Fyrr en seinna koma þeir
til okkar,“ segir forseti félagsins.
■ SPÆNSK blöð gera einnig að
því skóna að Real sé á höttunum
eftir leikmönnum frá Brasilíu, en
ástæðan er að myndbandsspóla af
leik Santos og Internacional sást
í aftursæti bíls aðstoðarþjálfara
Real. „Ég er með 17.000 svona spól-
ur,“ sagði aðstoðarþjálfarinn.
■ BEBETO hinn brasilíski hefur
einnig verið orðaður við Sevilla og
neitaði forseti félagsins því ekki,
sagðist líklega fara til Brasilíu um
næstu helgi til að ræða við hann og
ef til vill fleiri.
■ FRANSKI vamarmaðurinn
Jimmy Maillard, sem leikur með
Nancy var í gær dæmdur í tveggja
mánaða keppnisbann, en hann féll á
lyfjaprófi nýlega.
■ BRASILÍUMENN fara víða
þessa dagana og nú er talið svo til
öruggt að franska liðið PSG kaupi
hinn 21 árs gamla brasilíumann
Luizao, eða Luiz Carlos Goulart
eins og hann heitir fullu nafni.
■ LUIZAO leikur með Palmeiras
og komu hann til PSG, þar sem
tveir landar hans eru fyrir, Rai og
Leonardo er líklegt að Julio Cesar
Dely Valdes verði seldur en Black-
burn hefur sýnt honum áhuga.
■ TONY Yeboah, landsliðsmaður
Ghana, sem leikur með Leeds, er
að verða klár í slaginn eftir að hafa
verið frá í sjö mánuði vegna meiðsla
í hné.
■ GUIDO Buchwald, fyrrum fyr-
irliði Stuttgart, er á heimleið frá
Japan, þar sem hann hefur leikið
tvö sl. ár. Þegar hann fór sagði
Gerhard Mayer-Vorfelder, forseti
félagsins, að hann væri velkominn
aftur til að ljúka knattspyrnuferlin-
um. Stuttgart hefur gengið vel í
vetur, bæði þjálfari liðsins og leik-
menn segja að það sé ekki not fyrir
Buchwald, sem fór í fílu og sagði
um helgina að hann myndi ekki fara
á ný til Stuttgart.