Morgunblaðið - 03.11.1996, Blaðsíða 48

48 SUNNUDAGUR 3. NÓVEMBER 1996
ÍÞRÓTTIR
MORGUNBLAÐIÐ
KORFUKNATTLEIKUR
Masterkova
stefnir hærra
RÚSSNESKA hlaupadrottning-
ín Svetlana Masterkova, sem
sló svo rækilega í gegn á
Ólympíuleikunum i sumar, hef-
ur sett sér markmið fyrir næsta
sumar. Markmið hennar eru
ekki auðveld en hin 28 ára
gamla hlaupakona lætur engan
bilbug á sér finna og segist
staðráðin í að bæta sig mikið
á næsta keppnistímabili.
FRJALSIÞROTTIR

Masterkova varð tvöfaldur
Ólympíumeistari í sumar, í
800 metra hlaui og 1.500 metra
hlaupi, og setti auk þess heimsmet
í míluhlaupi og 1.000 metra hlaupi.
En hún ætlar ekki að láta þar við
sitja og hefur sett markið hátt.
„Mig langar mjög mikið til að
verða heimsmeistari og það er
markmið mitt fyrir komandi tíma-
bil. Einnig ætla ég að bæta þau
heimsmet sem ég á og setja auk
þess nokkur ný,“ sagði hún nýverið.
Masterkova er mikil baráttukona
og hún er ekki óvön því að setja
sér markmið - og ná þeim. Árið
1993 óttaðist hún að ferill hennar
væri á enda. Hún hafði verið skorin
upp vegna meiðsla á hásin beggja
fóta og andlegt og líkamlegt álag
virtist vera að bera hana ofurliði.
Hún óttaðist að líkami hennar þyldi
ekki meira álag. „Ég var gjörsam-
lega búin að vera. Annaðhvort var
fyrir mig að hvíla í einhvern tíma
eða halda áfram og eiga þá á hættu
að geta aldrei keppt aftur,“ segir
hún.
Masterkova ákvað að hvíla sig
og hún byijaði ekki að æfa aftur
fyrr en 1995, tveimur árum síðar.
Hún æfði gífurlega stíft, eins og
kona með köllun. Hún var nýbúin
að eignast barn og var ákveðin í
að léttast en innst inni var hún
hrædd um að meiðsli hennar tækju
sig upp.
„Maðurinn minn [Asyat Saitov],
bað mig um að fara mér hægar við
æfingarnar þannig að líkaminn
fengi tíma til að aðlagast álaginu
sem fylgir því að hefja æfingar af
fullum krafti eftir tveggja ára hvíld.
En ég hlustaði ekki á hann og æfði
eins og hver æfing væri mín síð-
asta. Ég vissi að Olympíuleikarnir
í Atlanta gætu orðið síðasta tæki-
færi mitt á þeim vettvangi til að
sanna mig.“
Árangur Masterkovu er ekki
hvað síðst áhugaverður þar sem
segja má að hún hafi verið einstæð
móðir á þessum tíma. Eiginmaður
hennar, sem er atvinnuhjólreiða-
kappi, dvaldi nefnilega langdvölum
á Spáni við keppni og æfingar. „Ég
á móður minni mikið að þakka því
hún var alltaf boðin og búin að
hjálpa mér. Það mæddi mikið á
henni en hún var alltaf tilbúin að
sjá um Nastyu [Anastasiu] litlu og
elda fyrir mig og taka aðeins til,“
segir meistarinn.
Masterkova varð í þriðja sæti í
800 metra hlaupi'á Evrópumótinu
innanhúss í fyrra og hélt til Atlanta
MASTERKOVA hln rússneska, sem er tll hægri á myndlnni,
kom flestum á óvart á Ólympíulelkunum þegar hún sigraðl
örugglega í 800 metra hlaupl kvenna.
sannfærð um að hún gæti að
minnsta kosti krækt sér í brons-
verðlaun í 800 metra hlaupinu 29.
júlí. En hún gerði gott betur og
sigraði glæsilega eins og raunar í
1.500 metra hlaupinu fimm dögum
síðar.
„Fólk óskaði mér til hamingju
með sigurinn í 1.500 metrunum
áður en hlaupið hófst og ég var
mjög afslöppuð og örugg. Það sama
verður ekki sagt um 800 metra
hlaupið, þá var ég taugatrekkt, en
í 1.500 metra hlaupinu var þetta
eins og að hlaupa tvisvar 800 metra
og síðari helmingurinn var miklu
léttari. Þetta var auðveldasta hlaup
sem ég hef tekið þátt í,“ segir
Masterkova.
Þrátt fyrir að hafa hlaupið mjög
vel í Atlanta var hún ekki viss um
að hún gæti sett heimsmet. En það
vafðist ekki fyrir henni því 14. ág-
úst bætti hún heimsmetið í mílu
um 3,05 sekúndur í Zúrich í Sviss
og níu dögum síðar bætti hún
heimsmetið í 1.000 metra hlaupi í
Brussel um 0,36 sekúndur. „Það
var tekin mynd af mér eftir met-
hlaupið þar sem ég bendi á klukk-
una. Margir halda að ég sé að
grobba mig en ég var bara svo hissa
á að ég skyldi hafa náð að bæta
metið,“ segir hin hæverska en
ákveðna hlaupakona.
Glæst framganga Masterkovu á
Ólympíuleikunum hefur þreytt
ýmsu fýrir hana. Fyrir leikana var
eitt fyrirtæki sem hafði áhuga á
að styrkja hana en er nú í samn-
ingaviðræðum við tvö önnur og er
um mun hærri upphæðir að ræða.
Rússnesk yfirvöld færðu henni sem
nemur 650 þúsundum króna fyrir
gullin tvö og fyrir heimsmetið í
Zúrich fékk hún 325 þúsund krónur
og gullstöng. Auk þessa hefur hún
fengið þónokkurt fé fýrir að koma
fram við ýmis tækifæri og yfirvöld
í Moskvu ætla að gefa henni nýja
íbúð.
En hver ætli sé galdurinn á bak
við árangur hennar? „Enginn gald-
ur. Ég hef sloppið við meiðsli og
svo er þetta bara hörkuvinna," seg-
ir hún. Masterkova hefur dregið í
land eftir leikana í Atlanta og sum-
ir telja að hún hafi breyst. „Asyat
horfír meira að segja stundum öðru-
vísi á mig en hann var vanur og
spyr hvort ég muni breytast eitt-
hvað við frægðina. Hann heldur
sjálfsagt að ég muni gera það en
ég veit að ég verð alltaf eins. Ég
mun halda áfram að elda og taka
til í íbúðinni okkar.“
Masterkova hefur tekið lífínu
með ró eftir leikana og er ekki
spennt fyrir því að keppa innanhúss
í vetur. Þess í stað ætlar hún að
nota veturinn til að æfa nærri Alic-
ante á Spáni, en þar æfir maður
hennar. Hún er enn hrædd við að
meiðast og vill því hvílast vel. „Ég
held að ég eigi ekki mörg keppnis-
tímabil eftir og ég veit að ég myndi
ekki þola annan uppskurð," segir
hún og víst er að það fer vel um
hana á Spáni í vetur þar sem hún
ætlar að æfa sig í spænskunni og
bregða sér á hverfiskrána til að
fara í karaoke.
Reuter
MICHAEL Jordan og félagar í Chlcago slgruðu í fyrsta leikn-
um, lögðu Celtics í Boston. Hér reynir David Wesley að ná
boltanum af melstaranum.
Eins og fyrir
hátfri öld
N
|BA deildin í körfuknattleik
hófst aðfaranótt laugardags-
ins og eins og fyrir hálfri öld, þegar
fyrst var leikið í deildinni, sigraði
New York Knicks lið Toronto. Fyrir
nákvæmlega 50 árum vann Knicks
68:66 en að þessu sinni var sigurinn
örlítið stærri, 107:99.
Allan Houston og Buck WiIIiams
byija báðir mjög vel með Knicks, sá
fyrmefndi gerði 28 stig og liðið er
greinilega til alls líklegt, sérstaklega
þegar Chris Childs verður orðinn
góður en hann er fótbrotinn.
Meistarar Bulls unnu Boston
107:98. Jordan gerði 30 stig og
Kukoc 20. Orlando vann fyrstu 33
leikina í fyrra, en tapaði fyrsta leikn-
um í ár, gegn Washington, 96:92
og átti Rod Strickland góðan leik
með sínu nýja liði og gerði 20 stig
fyrir Bullets.
O’Neal gerði 23 stig í fyrsta leik
sínum með Lakers en liðið lagði
Suns 96:82. Clyde Drexler var í stuði
með Houston er liðið vann Sacra-
mento 96:85. Hann gerði 25 stig,
tók 10 fráköst, stal bolta 10 sinnum
og gaf 9 stoðsendingar, en aðeins
fjórir leikmenn NBA hafa náð tvö-
faldri fernu, Nate Thurmond, Alvin
Robertson, Hakeem Olajuwon og
David Robinson. Úrslit annarra
leikja urðu: Utah -Seattle 99:91,
Denver -Dallas 92:91, Detroit - Indi-
ana 95:89, Miami - Atlanta 94:81,
Minnesota - Spurs 82:78, Nets -
Cleveland 90:77, 76ers - Milwaukee
111:103 og Vancouver - Portland
114:85.
VIÐURKENNINGAR
Akranes, ÍA og Morgun-
blaðið fá viðurkenningu
Uppskeruhátíð frjálsíþrótta
Efnt verður til uppskeruhátíðar frjálsíþróttamanna í tengslum
við frjálsíþróttaþing, sem haldið verður í Reykjavík um næstu helgi.
Hátíðin verður haldin á Hótel íslandi og hefst kl. 19j laugardaginn
9. nóvember. Skráning þátttöku er hjá Fríðu Rún,
sími 566 6647 og fax 566 8023.
Frjálsíþróttasambandið.
Íþróttasamband íslands vottaði
Akraneskaupstað, íþrótta-
bandalagi Akraness ásamt
íþróttafélögunum á staðnum og
Morgunblaðinu viðurkenningu
sína á íþróttaþingi ÍSÍ á Akranesi
um síðustu helgi. Akraneskaup-
staður og IA fengu viðurkenning-
arskjal fyrir uppbyggingu mann-
virkja og Morgunblaðið fyrir íjöl-
breytta og faglega umfjöllun um
íþróttir. Þá voru knattspyrnu-
mennirnir fyrrverandi, Þórður
Þórðarson og Helgi Hannesson,
sæmdir gullmerki ÍSÍ. Ellert B.
Schram, forseti ÍSÍ, afhenti við-
komandi skjölin og á myndinni
tekur Skapti Hallgrímsson, frétta-
stjóri íþrótta á Morgunblaðinu, við
skjalinu. Þingið var haldið á Akra-
nesi í tilefni 50 ára afmælis
íþróttabandalags Akraness og
færði Jón Runólfsson þingfulltrú-
um platta að gjöf frá ÍA.
Morgunblaðið/Halldór