Morgunblaðið - 05.11.1996, Blaðsíða 4

4 ÞRIÐJUDAGUR 5. NÓVEMBER 1996
MORGUNBLAÐIÐ
FRÉTTIR
Rannsóknastofa í
réttarlæknisfræði
Evu
Klonowski
sagtupp
EVU Elviru Klonowski, réttarmann-
fræðingi, sem starfar um þessar
mundir með hópi sérfræðinga við að
rannsaka flöldagrafir í nágrenni
borgarinnar Srebrenica í Bosníu,
hefur verið sagt upp störfum á rann-
sóknastofu Háskólans í réttarlækn-
isfræði en starf hennar þar var lagt
niður 1. nóvember.
Gunnlaugur Geirsson prófessor,
forstöðumaður rannsóknastofunnar,
segir að ákvörðun um að leggja nið-
ur starf það sem Eva Elvira gegndi
og segja henni upp störfum hafi ekki
á neinn hátt tengst leyfi hennar til
að starfa í Bosníu.
Eva Elvira Klonowski fór til Bosn-
íu í ágúst í sex vikna leyfi frá rann-
sóknastofunni. Starfar hún þar á
vegum bandarískra læknasamtaka
fyrir Stríðsglæpadómstólinn í Haag,
undir vernd friðargæsluliða Samein-
uðu þjóðanna. Eiga rannsóknirnar
að standa yfir fram að áramótum.
Eva kom til íslands fyrir skömmu
og fékk þá tilkynningu um að starf
hennar yrði lagt niður 1. nóvember
Er hún nú farin á ný til Bosníu til
áframhaldandi rannsókna.
„Hún hefur unnið hér við blóð-
rannsóknir í barnsfaðernismálum en
þær hafa verið að leggjast af hægt
og bítandi vegna þess að þróunin
hefur færst yfir í DNA-rannsóknir
en hún hefur ekki kunnáttu á því
sviði. Það var ákveðið fyrir nokkuð
löngu að leggja starf hennar niður
og það er alveg óskylt verkefnum
hennar annars staðar. Þetta er alger-
lega sjálfstæð ákvörðun,“ segir
Gunnlaugur Geirsson. Hann sagði
að ekki hefði tekist að athugðu máli
að fínna annað starf handa Evu hjá
Ríkisspítulunum miðað við sérþekk-
ingu hennar. Gengið yrði frá starfs-
lokum hennar eins og samningar og
lög gerðu ráð fyrir.
í brekkum Fagradals.
Morgunblaðið/Jónas Erlendsson
Hundruð snjóflóða
hafa fallið í Mýrdal
Fagradal. Morgunblaðið.
Mörg snjóflóð hafa fallið í Mýrdal síðustu daga.
Snjóflóðin eru misjöfn að stærð allt frá smáspýjum
til stærri flekaflóða. Engir skaðar hafa orðið vegna
þeirra en menn eru á varðbergi.
Ólafur Gunnarsson, bóndi á Giljum, var búinn að
taka allt sitt fé á hús þegar snjóflóð féll nærri fjár-
húsunum. Hann þorði ekki annað en að rýma fjárhús-
in ef fleiri flóð myndu falla nærri húsunum. Ólafur
sagði tvö önnur flóð hafa komið eftir að hann var
búinn að rýma húsin og að annað flóðið hefði stað-
næmst við heyrúllustafla utan við fjárhúsin.
Orsök snjóflóðanna er talin sú að þegar snjóar á
ófreðna jörð þar sem mikið gras er í bröttum brekk-
um og snjór safnast fyrir verður mjög hált undir
þannig að snjóinn festir ekki í hlíðunum. Þykkustu
flekarnir sem fallið hafa eru á annan metra á þykkt
og tugir metra á breidd.
Að sögn Magnúsar Más Magnússonar, snjóflóða-
eftirlitsmanns hjá Veðurstofu Islands, eru þeir með
í athugun að koma austur í Mýrdal og skoða aðstæð-
ur.
Mörg snjóflóð hafa fallið vestan í Reynisfjalli. Að
sögn Ragnars Indriðasonar í Görðum. tóku stærstu
flóðin með sér 100 metra af girðingu kringum túnin
við bæinn. Hann sagði að vitað væri um sauðfé sem
ekkert kæmist vegna snjóalaga vestan í Reynis-
fjalli. Ekki væri þorandi að reyna að nálgast féð
fyrr en eitthvað bleytti í snjónum.
Klæðskipt-
ingur með
háreysti í
Holtunum
ÞRJÁTÍU og þijár kvartanir bárust
lögreglu um helgina vegna hávaða
og ónæðis. Var meðal annars til-
kynnt um að verið væri að beija hús
að utan í Holtunum aðfaranótt
sunnudags og bárust margar kvart-
anir þar að lútandi.
Við athugun lögreglu kom í ljós
að þar reyndist vera á ferð karlmað-
ur sem er íbúi í kjallara hússins og
hafði sennilega gleymt lyklum að
útidyrum.
Hann hafði reynt að komast inn
úr kuldanum um hríð, en ekki verið
hleypt inn því fólk þar bar ekki
kennsl á hann, enda klæddur kven-
mannsfötum sem töldust ekki vera
hluti af daglegu gervi hans.
Vaknaði í næstu götum
Kalt var í veðri og flíkurnar skjól-
litlar og sjálfsagt hefur honum runn-
ið svo í skap við þennan skort á
þjónustulipurð hjá þeim sem inn-
andyra voru, að háreystin varð meiri
en ella. Að minnsta kosti varð skark-
alinn svo mikill þegar hann leitaði
inngöngu á heimili sitt að fólk vakn-
aði ekki einungis í nærliggjandi hús-
um heldur og í næstu götum og
kvartaði yfir hávaða til lögreglu.
--------♦ ♦.♦---
Forseti
Alþingis
í Noregi
ÞRIGGJA daga opinber heim-
sókn Ólafs G. Einarssonar, for-
seta Alþingis, til Noregs hófst í
gær. Hér má sjá utanríkisráð-
herra Noregs, Bjorn Tore Godal,
bjóða Ólaf velkominn.
Morgunblaðið/Hjálmar
FLEKKURINN eins og hann leit út úr þyrlu Landhelgisgæslunnar rétt fyrir hádegi í gær.
Stór olíuflekkur
skammt frá Engey
REYKJAVÍKURHÖFN tilkynnti
Hollustuvemd ríkisins í gærmorgun
um olíuflekk á Faxaflóa sem mæl-
ingar Landhelgisgæslunnar bentu
til um hádegi í gær að væri um 6,7
ferkílómetrar að stærð.
Eyjólfur Magnússon, sem hefur
umsjón með mengunarvörnum á sjó
hjá Hollustuvernd, kveðst telja um
vægt mengunarslys að ræða en
hann minnist þó ekki jafn umfangs-
mikils olíuflekks á sjó þau ellefu
ár sem hann hefur starfað hjá stofn-
uninni og raunar lengur.
Akraborgin gerði viðvart um ol-
íuna í gærmorgun og var þyrla
Landhelgisgæslunnar beðin um að
skoða flekkinn í kjölfarið. Maður á
vegum Hollustuvemdar reyndi síðan
að taka sýni af olíunni í gærmorgun
en hún reyndist of vatnsósa og þunn
til að það væri gerlegt og sömuleið-
is mistókst tilraun varðskipsins Týs
í þá vem um klukkan 14.
Eyjólfur kveðst telja um úr- '
gangsollu að ræða, en torvelt sé
að fullyrða um upptök hennar og
hversu mikið magn sé að ræða. I
fyrradag bilaði loka í úrgangsolíu-
tönkum á Laugarnesi, en að sögn
Eyjólfs telja starfsmenn viðkomandi
olíufélags ekki, að olía, sem lak út
af þeim sökum, hafi borist í hafið,
heldur hafí hún öll mnnið í olíu-
skilju skammt frá.
Flekkurinn var suður af Kjalar-
nesi, um fimm og hálfa mílu vestur
af Engey, þegar hann var skoðaður
úr lofti I gærmorgun og hafði
stækkað enn frekar um kvöldmat-
arleytð, sennilega vegna aukins nið-
urbrots olíunnar. Eyjólfur kveðst
telja ósennilegt að fuglar bíði skaða
af olíumenguninni, þar sem þeir
safnist lítt saman á þessum árstíma.
Fjölmiðlakönnun
60% lásu Morgun-
blaðið að jafnaði
AÐ jafnaði lesa um 60% landsmanna
hvert tölublað Morgunblaðsins, sam-
kvæmt fjölmiðlakönnun sem Félags-
vísindastofnun Háskóla íslands gerði
vikuna 8.-14. október. Um 40% lesa
hvert eintak DV að jafnaði og um
4% Viðskiptablaðið.
Þá kom fram að um 77% lásu eitt-
hvað í Morgunblaðinu í könnunarvik-
unni en 63% lásu eitthvað í DV. 4%
lásu eitthvað í Viðskiptablaðinu.
Þegar spurt var um lestur ein-
stakra tölublaða dagblaðanna
tveggja kom fram að 60% lásu þriðju-
dagsblað Morgunblaðsins og er það
óbreytt frá fyrri könnunum sem
gerðar voru I mars sl., október 1995
og mars 1995. Þá lásu 57% miðviku-
dagsblaðið, en lesturinn mældist 60%
í fyrri könnunum.
56% lásu fimmtudagsblað Morg-
unblaðsins, samanborið við 59% I
mars 1996 og október 1995 og 63%
í mars 1995. Föstudagsblaðið lásu
60% miðað við 62% í mars sl. 65%
í október 1995 og 64% í mars 1995.
Þá les 61% laugardagsblaðið en sam-
svarandi tala var 66% í mars, og 62%
í október og mars á sfðasta ári.
Sunnudagsblað Morgunblaðsins var
lesið af 67%, samanborið við 68% I
mars, 65% í október 1995 og 64% í
mars 1995.
45% lásu laugardagsblað DV mið-
að við 57% í mars, 56% í október
1995 og 50% í mars 1995. Þá lásu
43% mánudagsblaðið, samanborðið
við 46% í mars, 51% í október 1995
og 47% í mars 1995.
Þriðjudagsblað DV lású 40% en
sú tala var 42% í mars, 43% í októ-
ber 1995 og 40% í mars 1995. 38%
lásu miðvikudagsblaðið en í mars
lásu 41% það blað, 45% í október
1995 og 41% f mars á síðasta ári.
Fimmudagsblaðið var lesið af 37%
aðspurðra, samanborið við 40% í
mars, 43% í október á síðasta ári og
46% í mars 1995. Föstudagsblaðið
var sömuleiðis lesið af 37% saman-
borið við 40% í mars, 48% í október
1995 og 45% I mars 1995.