Morgunblaðið - 05.11.1996, Blaðsíða 15

MORGUNBLAÐIÐ
ÞRIÐJUDAGUR 5. NÓVEMBER 1996 15
LANDIÐ
Gamalt hús með nýtt hlutverk
Morgunblaðið/Karl Á. Sigurgeirsson
UNNIÐ að endurbótum á pakkhúsinu, húsi Verslunarminja-
safnsins á Hvammstanga.
Hvammstanga - Endurbætur
standa yfir á gamla pakkhúsinu á
Hvammstanga, en húsið er eitt af
elstu húsum staðarins. Á þessu ári
var stofnað sjálfseignarfélag um
Verslunarminjasafn á Hvamms-
tanga og er aðsetur þess í pakk-
húsinu.
Húsið var síðast í eigu Verslun-
ar Sigurðar Pálmasonar og þar
áður í eigu Kaupfélags Vestur-
Húnvetninga og gegndi ýmsum
hlutverkum en þó fyrst og fremst
sem vörugeymsla. Vissa er þó fyr-
ir því að Sigurður Páhnason kaup-
maður lét salta þar dilkakjöt sem
selt var til Noregs á fjórða ára-
tugnum. Húsið kom hingað frá
Skagaströnd og er á ljósmyndum
frá um 1910.
Pakkhúsið er sjálft hluti af
Verslunarminjasafni staðarins og
var ákveðið að halda upphaflegri
gerð þess að innan. Húsið er byggt
úr bjálkum og klætt með heilli
súð. Á innviðum þess má sjá ýms-
an fróðleik svo sem nöfn verka-
mann og dagafjölda við ákveðin
verk.
Til þess að húsið mætti nýtast
sem heilsárshús var ákveðið að
einangra það, bæði veggi og þak.
Jámið var tekið af og komið fyrir
einangrun utan á klæðninguna og
bárujára sett aftur yfir. Síðan
verða gluggar færðir út og þannig
heldur húsið upprunalegu útliti.
Þúsundir gesta sóttu safnið
Verslunarminjasafnið var opið
á liðnu sumri og reyndar vísir að
því á afmælishátíð Hvammstanga-
hrepps árið 1996. Gestir skipta
þúsundum á þessum tveimur
árum. Safninu berast munir frá
fjölmörgum aðilum, en stóran sess
skipar Krambúðin, sem að mestu
er úr búi Sigurðar Davíðssonar,
kaupmanns á Hvammstanga. Á
pakkhúsloftinu er sýning á Ijós-
myndum frá Hvammstanga og
mannlífinu á fyrri árum.
Verslunarminjasafnið er rekið
af Galleríi Bardúsa sem hefur
góða aðstöðu fyrir söluvörur sínar
á jarðhæðinni. Bardúsa er félag
handverksfólks í héraðinu og er
starfsemi þess með ágætum. Fé-
lagið er virkur þátttakandi í átak-
inu Islenskt, já takk.
Með endurgerð pakkhússins
skapast ýmiss konar möguleikar
á aukinni starfsemi í því. Þar hafa
verið móttökur hópa, sem koma á
Hvammstanga. Einnig er rætt um
að halda þar námskeið í hand-
verki og ýmsir aðrir möguleikar
eru í stöðunni. Galleríið er nú
opið eftir hádegi á föstudögum
en afgreiðslutími verður lengdur
þegar líður nær jólum.
Islenskt, já takk.
Nýjar bygginga-
lóðir á Akranesi
Akranesi - Bæjarstjórn Akraness
hefur samþykkt deiliskipulag fyrir
Leynisbraut á Akranesi en þar er
gert ráð fyrir 38 byggingalóðum og
er stefnt að því að úthlutun lóðanna
geti hafist fljótlega.
Leynisbraut er framhald af svo-
kölluðu Grundahverfi og liggur milli
Víðigrundar og landamarka við
Innri-Akraneshrepp. Á milli húsanna
við Víðigrund og hinnar nýju byggð-
ar er gert ráð fyrir opnu svæði og
tengist það svæði við ströndina, svo
og við golfvöllinn og skógræktina.
Þarna verða, eins og fyrr er nefnt,
38 lóðir, 18 fyrir einbýlishús og 20
raðhúsalóðir. Gert er ráð fyrir að
hægt verði að byggja húsin í ýms-
um stærðum en þó er tekið fram
að tvær neðstu húsaraðirnar sem
standa næst sjónum verði einnar
hæðar hús.
Á undanförnum árum hefur nær
eingöngu verið byggt í Jörundar-
holti sem staðsett er ofan við
Grundahverfið. Þar eru enn til lóðir
svo óhætt er að segja að vel sé séð
fyrir byggingalóðum um þessar
mundir, enda má búast við því að
byggingaframkvæmdir fari að fullu
af stað með betra atvinnuástandi
og bjartsýni á framtíðina.
Morgunblaðið/Jón Gunnlaugsson
HIÐ nýja byggingahverfi við Leynisbraut á Akranesi. Húsin við Víðigrund eru til hægri á myndinni.
Mógane Coupé, 2 dyra.
Aukabúnaöur á mynd, álfelgur og vindskeið.
Renault Mégane
uppfyllir allar þínar óskir
z
•a
s
Renault Mégane 5 dyra
Ríkulega búinn og einstaklega öruggur. Loftpúðar fyrir ökumann og
farþega. Öryggisbelti með strekkjara og höggdeyfi. Rafdrifnar rúður,
fjarstýrð samlæsing á hurðum og skottloki, aflstýri, útvarp með fjarstýringu,
snúningshraðamælir, þokuljós o.m.fl.
Veröfrá 1.468.000 kr.
RENAULT
FER k KOSTUM
Négane
MEISTARAVERK
RENAUUFIk
FIMMFALDUR
HEIMSMEISTARII KAPPAKSTRI
92 93 94 95 96
Mégane Coupé 2 dyra
Draumur þeirra sem eru ungir - og þeirra sem vilja halda sér ungum. 90 eða
150 hestafla véi. Loftpúðar fyrir ökumann og farþega. Öryggisbelti með
strekkjara og höggdeyfi. Fjarstýrð samlæsing á hurðum og skottloki, aflstýri,
útvarp meö fjarstýringu, snúningshraðamælir o.m.fl.
Verö frá 1.468.000 kr.
ÁRMÚLA 13, SlMI: 568 1200, BEINN SlMI: 553 1236