Morgunblaðið - 05.11.1996, Blaðsíða 25
MORGUNBLAÐIÐ
ÞRIÐJUDAGUR 5. NÓVEMBER 1996 25
LISTIR
„Þetta gæti
verið satt“
Stopp-leikhópurinn frumsýnir Skiptistöðina,
nýtt íslenskt leikrit eftir Valg~eir Skagfjörð,
í Ölduselsskóla í kvöld. Orri Páll Ormars-
son kynnti sér þessa farandleiksýningu sem
aðstandendur líta á sem innlegg í umræðuna
um fíkniefnaneyslu unglinga.
FÁIR vágestir hafa gert jafn mik-
inn usla í röðum íslenskra ung-
menna og fíkniefni. Aukið úrval
og útbreiðsla hafa leitt til aukinnar
neyslu og horfur mættu vera betri.
Samfélagið er þó smám saman að
vakna til vitundar um vandann og
þótt menn greini á um leiðir bland-
ast engum hugur um að spyrna
verði við fótum — hið bráðasta.
Sagt hefur verið að fáir miðlar
séu betur til forvarnafræðslu falln-
ir en leikhúsið — sé vei haldið á
spöðunum — og nýjasta innleggið
í þessa umræðu er einmitt nýtt
leikrit, Skiptistöðin eftir Valgeir
Skagfjörð, sem Stopp-leikhópur-
inn frumsýnir í Ölduselsskóla í
kvöld klukkan 20.
Fjórir unglingar, þrír strákar
og ein stelpa, verða fyrir tilviljun
innlyksa á skiptistöð yfir nótt.
Ekkert þeirra er af sama sauða-
húsinu — einn er krimmi, annar
„skoppari", þriðji íþróttamaður og
stelpan er á kafi í neyslu. I fljótu
bragði virðast þau því ekki eiga
mikla samleið en þegar líða fer á
nóttina kemur í ljós að ekki er
allt sem sýnist. Þótt fíkniefnin séu
miðlæg ber umræðan þau um víð-
an völl og þegar upp er staðið er
áhorfandanum látið eftir að meta
hvern mann þau hafa raunveru-
lega að geyma — hvort við þeim
blasi von eða vonleysi?
„Þetta er farandleiksýning fyrir
alla sem láta málefni unglinga sig
varða en við höfum kostað kapps
um að vera ekki með einhæfar og
fráhrindandi predikanir,“ segir
Þórarinn Eyfjörð leikstjóri en bæt-
ir við að sérstaklega sé miðað við
9. og 10. bekk grunnskóla, 1. og
2. bekk framhaldsskóla og for-
eldrafélög. Að sýningu lokinni
munu fagaðilar í forvörnum frá
SÁÁ stýra umræðum um efni leik-
ritsins. „Það skiptir verulegu máli
hvernig unnið er úr sýningunni og
fróðlegt verður að heyra hvaða sýn
krakkarnir hafa á þennan heim
sem við skyggnumst þarna inn í.
Þess vegna brugðum við á það ráð
að fá þessa aðila til liðs við okk-
ur,“ segir leikstjórinn.
Dökk mynd
Skiptistöðin dregur upp dökka
mynd af heimi unglingsins, með
þá staðreynd fara Þórarinn og
Eggert Kaaber, einn leikaranna,
ekki í launkofa. Verkið sé þó
barnaleikur í samanburði við
margvíslegt efni sem unglingar
hafi aðgang að, svo sem banda-
rísku kvikmyndina Kids, sem ku
njóta mikillar hylli um þessar
mundir. „Vissulega dregur verkið
ekki upp fagra mynd af þessum
afkima samfélagsins, enda er
markmiðið að leggja stein í götu
þeirra sem hugsanlega eru á leið
þangað. Boðskapurinn er einfald-
ur: Það er ekki þess virði,“ segir
Þórarinn.
Stopp-leikhópurinn var settur á
laggirnar á liðnum vetri og var
TÉl ED
oisiL@i[aA
NŒ K
R
Lan Shui,
hljómsveitorstjórí
[inar Jóhannesson
einleikari
Efuisslaú
TOlíLlílKAll l HASIWLM101
FIMMTUDAGÍNN 7. NÓVEMBÉR KL. 20.00
Felix Mendelssohn: Suðureyjar
Karólína Eiríksdóttir: Klarinettkonsert
Anton Bruckner: Sinfónía nr. 4
SINFÓNÍUHLJÓMSVEIT ÍSLANDS
Háskólabíói vib Hagatorg, sími 562 2255
MIÐASALA Á SKRIFSTOFU HLJÓMSVEITARINNAR OG VIÐ INNGANGINN
Morgunblaðið/Kristinn
MAGGI (Hinrik Olafsson) deilir og drottnar á skiptistöðinni og
tekur hér Gulla íþróttagarp (Eggert Kaaber) í bakaríið.
fyrsta verkefni hans, umferðar-
leikritið Stopp, sýnt á höfuðborg-
arsvæðinu fyrir 4. og 5. bekk
grunnskóla. Segir Eggert Kaaber
það framtak hafa fallið í frjóa jörð
og formið, fræðsluleiksýning og
umræður í kjölfarið, gefið góða
raun. Leikhópnum hafi því þótt
spennandi að halda áfram á sömu
braut. „Umræða um unglinga og
fíkniefni hefur verið mjög ofarlega
á baugi í þjóðfélaginu undanfarið
og okkur þótti því við hæfi að
næsta verkefni okkar yrði innlegg
í hana.“
Næsta skref var, að sögn Egg-
erts, að leita hófanna hjá hugsan-
legum styrktaraðilum og eftir að
Forvarnasjóður ráðuneytanna
hafði brugðist vel við erindi leik-
hópsins fóru hjólin að snúast. Aðr-
ir styrktaraðilar sýningarinnar eru
SÁÁ, Samband íslenskra spari-
sjóða, Sjóvá-Almennar og Hitt
húsið.
Handritshöfundur Skiptistöðv-
arinnar er Valgeir Skagfjörð, „sem
þekkir lífið frá svo mörgum hlið-
um“, svo sem Þórarinn tekur til
orða. Segir Eggert höfundinn hafa
unnið verkið í náinni samvinnu við
leikhópinn en fjölmargir aðrir aðil-
ar hafí jafnframt lagt hönd á plóg-
inn. „Við höfum farið víða og tal-
að við marga. Krísuvíkursamtökin
lögðu okkur meðal annars lið og
við leiklásum verkið fyrir yngsta
heimilisfólkið þar á bæ.“
Gjörþekktu karakterana
Þórarinn tekur upp þráðinn:
„Við fengum margar gagnlegar
ábendingar í þeirri heimsókn um
hvað mætti betur fara, til að
mynda var heilmikið rætt um kar-
akterana í verkinu og aðstæðurnar
sem þeir búa við. Kom sú umræða
okkur reyndar skemmtilega á
óvart en krakkarnir virtust gjör-
þekkja alla karakterana og gátu
meðal annars bent á suma þeirra
í salnum. Það er því óhætt að full-
yrða að eftir þennan dag sem við
eyddum með krökkunum hjá
Krísuvíkursamtökunum höfum við
sannfærst um að við værum á
réttri braut.“
Ungt fólk hjá SÁÁ var annar
hópur sem leitað var til í því skyni
að kanna hvort verkið hefði ekki
örugglega einhveija raunveru-
leikatengingu. „Okkur var í mun
að fá fast land undir fætur og
horfðum í því samhengi bæði til
trúðverðugleikafrásagnarinnar og
karakteranna. Og okkur til mikill-
ar ánægju voru viðbrögðin þar
jafnframt afar jákvæð — krakk-
arnir voru ekki í neinum vafa um
að „þetta gæti verið satt“,“ segir
Þórarinn.
Að sögn Eggerts og Þórarins
komu ábendingar unga fólksins í
góðar þarfir og var ýmsu í handrit-
inu hnikað til í kjölfarið. Á loka-
sprettinum munu síðan fáeinir ein-
staklingar sem gjörþekkja af eigin
raun þann heim sem er til umijöll-
unar hafa lagt sitt af mörkum.
Og nú þegar komið er að frumsýn-
ingu „bíðum við bara spennt eftir
viðbrögðunum."
Auk Eggerts leika í sýningunni
Dofri Hermannsson, Hinrik Olafs-
son og Katrín Þorkelsdóttir. Leik-
mynd er eftir Þorvald Böðvar Jóns-
son og Þórarin Eyfjörð, hljóðmynd
gera Baldur Björnsson, Kári Þór
Arnþórsson og Þórarinn Eyfjörð
og búninga hannaði hópurinn
sjálfúr.
Lífeyrissjóáir
sameiqn - sereiqn
r ’ . V < "
Juu uii
VIVK
Missir þú starfsgetu, verðir háaldraður eða látir eftir þig
fjölskyldu, færð þú og/eða fjölskylda þín mjög líklega meira
úr sameignarsjóði en þú greiddir til hans.
« / i
l$qri kostnðður - eftirlaun til æviloka
Rekstrarkostnaður á hvem sjóðfélaga árið 1995 var: