Morgunblaðið - 05.11.1996, Blaðsíða 52

52 ÞRIÐJUDAGUR 5. NÓVEMBER 1996
MORGUNBLAÐIÐ
Dýraglens
Tommi og Jenni
Smáfólk
THI5 15 IT,
LUCV..WE HAVE
TO CONCEHTRATE!
THE 5EA50N 15
AIMOST OVER..
rzr-
^THISIS \ /gAMe\ OURLAST ( OF ] AAU6HHI
6AME>/\U)HAT?/ I CAN'T 5TANP IT! I JUST CAN'T
5TANP IT!

i rlB

Nú er nóg komið,
Gunna... við verð-
um að einbeita okkur!
Þetta er síðasti leikur-
inn okkar ... Hvers
konar leikur?
ÚFF! Ég þoli þetta
ekki! Ég bara þoli
þetta ekki!
Ó, hve lengi, drottinn, hve lengi?!
Hornabolti! Nú man ég eftir síð-
asta hornaboltaleiknum okkar!
Leiktímabilið er bráð-
um á enda...
---------------------------- <
BREF
TIL BLAÐSINS
Kringlan 1103 Reykjavík • Sími 569 1100 • Símbréf 5691329
• Netfang: lauga@mbl.is
Að vilja forvarnir
eða vilja ekki
Frá Jóni K. Guðbergssyni:
MIKIL tíska er um þessar mundir
að tala um forvarnir í áfengismálum
og þykjast vilja efla þær á alla lund.
Nú vill svo til að forvamir hafa mis-
jafnlega mikil áhrif og kostnaðurinn
við að beita þeim er mismikill. Vís-
indamenn hafa reynt að komast að
raun um hvers konar forvamir séu
hagkvæmastar, bæði með tilliti til
árangurs og kostnaðar og nægir í
því sambandi að benda á bókina
„Alcohol Policy and the Public Good“
sem Heilbrigðisstofnun Sameinuðu
þjóðanna stuðlaði að útgáfu á.
Sveinn nokkur Andrésson dósent
og yfirlæknir við sjúkrahús heilags
Jórundar í Svíþjóð hefur raðað mis-
munandi forvörnum á lista þannig
að mest hagkvæmni (sem sagt þær
ódýmstu og árangursríkustu) fær
10 stig en óhagkvæmustu forvarn-
irnar fá tvö stig (þær dýrastu og
árangursminnstu).
Röðin er þessi:
yerólagning 10
Áfengiseinkasala 8
Aldursmörk til áfengiskaupa 8
Lögregluaðgerðir 5
Reglur um áfengisveitingaleyfi 5
Heilsurækt 4
Heilsugæsla 3
Störf félagsmálastofnana 2
Fræðsla í skólum 2
Baráttudagar í fjölmiðlum 2
Að sjálfsögðu eru meðferðar-
stofnanir ekki á þessari skrá því
meðferð er ekki forvörn heldur til-
raun til að bæta úr því sem úrskeið-
is hefur farið.
Áfengisframleiðendur og þeir aðr-
ir sem hafa hagsmuna að gæta í
sambandi við dreifingu áfengis
mega, eins og að líkum lætur, ekki
heyra minnst á áhrifamestu forvarn-
imar. Þær draga úr hagnaði þeirra.
Þeir telja það eitt forvarnir sem ólík-
legast er til veralegs árangurs.
íslenskur almenningur og flestir
stjómmálamenn fram undir okkar
daga skildu á hinn bóginn hvað
klukkan sló. Hér var komið á öflug-
um forvömum sem báru þann árang-
ur að íslendingar hafa drukkið
minna en aðrar Evrópuþjóðir nánast
alla öldina. Nú fínnst hins vegar
sumum að við svo búið megi ekki
standa. Helst þurfi að koma hér á
svipuðu ástandi og Danir búa við
en kostnaður þeirra af drykkjunni
nemur nú, samkvæmt nýlegri könn-
un sem félagsmálaráðherra þeirra
lét gera, ellefu og hálfum milljarði
danskra króna hið minnsta (öll kurl
ekki komin til grafar).
Sem sé: Uppi era raddir um að
leggja niður áfengiseinkasöluna og
lækka lögaldur til áfengiskaupa -
og gengur hvort tveggja þvert á það
sem best er vitað um forvarnir. Hins
vegar er nokkum veginn víst að
þeir sem fremstir fara við að ryðja
virkum forvörnum úr vegi munu
hafa uppi mærðarlegt tilfinninga-
raus um að efla forvarnir um leið
og þeir leitast við að bijóta virkin
sem best hafa dugað.
JÓN K. GUÐBERGSSON,
Máshólum 6, Reykjavík.
Fólk fái forgang
Viðbrögð við bréfi Kristins
Frá Ásu Kristínu Jóhannsdóttir:
Á ÞESSA leið skrifar Breiðhylting-
urinn Kristinn Snæland og er mér
skapi næst að spytja, hvem fj. ..
honum komi Grafarvogurinn við. En
svoleiðis gerir maður ekki. Mér sýn-
ist þó nokkuð Ijóst af skrifum manns-
ins að hann er ekki einn af þeim sem
daglega njóta návistar við náttúru-
perluna Grafarvog. Þama gætir flóðs
og ijöru, þannig að ekki er um fúlan
uppistöðupytt að ræða, eins og Krist-
inn virðist halda. Einkenni bæjar-
hlutans Grafarvogs er hversu náttúr-
an er látin halda sér. Hefði þó mátt
gera betur. Upp af Grafarvoginum
er mýri, sem fyrst eftir að ég flutti
í hverfið var gósenland fugla. Á
hvetju vori komu hinar ýmsu fugla-
tegundir inn í garð hjá manni, eins
og hrossagaukur, spói, lóa, jaðrakan
o.fl. Núna hefur mýrin að mestu
verið ræst fram og lagðir íþróttavell-
ir langleiðina niður að Voginum og
mófuglamir að mestu horfnir. Við
innbyggjar í Grafarvogi verðum því
að leggja leið okkar niður að Vogin-
um til að skoða hið fjölbreytta fugla-
líf sem þar er að finna. Þar er svo
sem ekki í kot vísað, því eins og
Kristinn segir, þá er á fjöru svo ríkt
pöddulíf að fínna á þessum leiram
að fuglalíf er þar afskaplega fjöl-
breytt. Stundum hefur maður freist-
ast til að haga sér eins og ferðamað-
ur eða fuglafræðingur og haft með
sér kíkinn í gönguferðum og flýtt
sér svo heim til að skoða fuglabækur
og fínna út hvaða nýju fuglategund
maður sá núna.
Ég er hlynnt því að stuðla að
útivist fjölskyldunnar, eins og Krist-
inn. En megum við ekki njóta nátt-
úrunnar í sinni eðlilegu mynd og
með þeirri lykt sem fylgir, eins og
sjávarlykt? Sú plastikveröld sem
reynt er að búa til alls staðar, hefur
örugglega ekki eins jákvæð áhrif á
fjölskyldulífið og útivist í hreinni
íslenskri náttúru.
ÁSA KRISTÍN JÓHANNSDÓTTIR,
Reykjafold 11, Reykjavík.
Hvað skal segja? 56
Væri rétt að segja: Nokkur hluti kvennanna var úr sveit.
Svar: Hugleiða mætti, hvort t.d. höfuð kvennanna hafi verið
úr sveit. Rétt væri: Nokkrar kvennanna voru úr sveit.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.