Morgunblaðið - 06.11.1996, Blaðsíða 4
TAE KVON DO
Æsispennandi úrslitaviðureign í +80 kg flokki á 3. íslandsmótinu
Ólafur B. Bjömsson úr ÍR
sigraði þriðja árið í röð
ÍSLANDSMÓTIÐ íTae kwon do fór
fram í íþróttahúsi Hagaskóla á
sunnudag. Þrjú félög sendu kepp-
endur á mótið að þessu sinni, en
það fór fram með talsvert stuttum
‘ fyrirvara og hafði það nokkur áhrif
á þátttakendafjölda.
Keppt var í tveimur afbrigðum Tae
kwon do - Tae geuk og Sparring. í
Tae geuk kemur keppandinn einn fram
og sýnir þá taktana sem
Edwjn hann býr yfir. Markmið
Rögnvaldsson keppenda í Sparring er að
skrifar skora stig með því að ná
höggi í búk andstæðings-
ins, en auk þess eru spörk i höfuð leyfð.
Mótshöldurum er skylt að hafa a.m.k. einn
lækni viðstaddan auk sjúkrabifreiðar
vegna slysahættu. Hver bardagi er þijár
lotur, en hver lota stendur yfir í þijár
mínútur. Ákveðið var að aðeins skyldi há
þriggja lotna bardaga í meistaraflokki, e'n
Ioturnar voru tvær í hinum flokkunum.
Meistaraflokki karla í Sparring var skipt
í tvo þyngdarflokka. í +80 kg börðust
ÍR-ingurinn Ólafur B. Björnsson og Sigur-
jón Magnússon úr Fjölni. Viðureign þeirra
var æsispennandi og var spennan mikil
þegar að því kom að tilkynna sigurveg-
ara, en svo mjótt var á mununum að áhorf-
endur vissu_ ekki hver hafði borið sigur
úr býtum. Ólafur var úrskurðaður sigur-
vegari og hefur hann því sigrað í öll þijú
skiptin sem mótið hefur verið haldið. „Það
vilja auðvitað allir vinna sigurvegarann,
þannig að þeir hlutu að koma vel þjálfað-
ir til leiks og búnir að skoða mína baráttu-
aðferð vel. Ég bjóst alveg eins við því að
vinna þetta, en það er ekkert gefið í þessu.
Ég ákvað bara að vera rólegur og fara
ekki of geyst, því hver mistök geta verið
dýrkeypt," sagði Ólafur eftir bardagann.
í þriðja sæti hafnaði Pjölnismaöurinn Sig-
ursteinn Snorrason.
í -80 kg flokki sigraði Björn Þorleifsson
úr Fjölni, en hann sigraði félaga sinn, Örn
Kára Arnarsson, í úrslitaviðureigninni. I
3. til 4. sæti höfnuðu ÍR-ingarnir Styrmir
Sævarsson og Reynir Sveinsson.
I meistaraflokki kvenna varð Ragnheið-
ur Magnúsdóttir úr ÍR hlutskörpust. Hún
hafði betur í úrslitaviðureigninni gegn
Ármenningnum Huldu S. Jóhannsdóttur,
en í 3. til 4. sæti höfnðuðu Fjölniskonurn-
ar Guðrún Karlsdóttir og Sonja Richter.
Fyrsta flokki karla var skipt í þijá
þyngdarflokka. í +80 kg. flokki sigraði
Jón R. Gunnarsson úr Ármanni, en félagi
hans, Ragnar K. Gunnarsson, hafnaði í
öðru sæti. í þriðja sæti var Ingi Atlason
úr Fjölni.
í -80 kg. flokki varð Fjölnismaðurinn
Þórður Ólafsson hlutskarpastur^ en hann
lagði Grétar Guðjónsson úr Ármanni í
úrslitum. í 3. til 4. sæti lentu Atli Már
Ingólfsson og Arnar Bragason, en þeir eru
báðir úr Fjölni.
* í -68 kg. flokki kepptu Ármenningurinn
Normandy Sverrisson og Hörður Kristins-
son úr Fjölni til úrslita, en þeirri viðureign
lauk með sigri Normandys. í 3. til 4. sæti
höfnuðu Fjölnismennirnir Davíð Lúðvíks-
son og Jónas Árnason.
Einnig var keppt í unglingaflokkum.
Piltaflokknum var skipt í tvo þyngdar-
Morgunblaðið/Golli
Á EFRI myndinni má sjá glæsiieg tilþrif í keppni helgarinnar en á þeirri neðri eru sigur-
vegararnir. Aftari röð f.v., Jón R. Gunnarsson, Atli Ö. Guðmundsson, Ólafur B. Björns-
son, Björn Þorleifsson og Sigursteinn Snorrason. Fremri röð f.v., Ragnheiður Magnús-
dóttir, Normandy Sverrisson, Jón Sverrisson, Anna S. Þórhallsdóttir og Þórður Ólafsson.
flokka. í +64 kg. flokki sigr-
aði Átli Ö. Guðmundsson úr
Ármanni, en hann sigraði
Fjölnismanninn Heiðar Þ.
Jónsspn í úrslitaviðureign-
inni. í -64 kg. flokki stóð Jón
Sverrisson úr Ármanni uppi
sem sigurvegari, en Átli
Hafsteinsson úr ÍR varð ann-
ar. í stúlknaflokki sigraði
Anna S. Þórhallsdóttir úr
Fjölni, en ÍR-ingurinn Þóra
Kjarval hafnaði í öðru sæti.
Á sunnudagsmorguninn
var keppt í Tae geuk og var
þá flokkum beggja kynja
blandað saman. I meistara-
flokki varð Sigursteinn
Snorrason úr Fjölni hlut-
skarpastur, en í fyrsta
flokki sigraði Normandy
Sverrisson. Einnig var
keppt um titilinn „félag
mótsins" og þann titil hlutu
Ármenningar, en þeir fengu
ails 38 stig. Fjölnismenn
höfnuðu í öðru sæti og voru
aðeins einu stigi 4 eftir Ár-
menningum.
Bjarki
bestur
BJARKI Gunnlaugsson
tryggði Mannheim þýðingar-
mikinn sigur i fallbaráttunni
í 2. deildarkeppninni í Þýska-
landi, skoraði eina mark leiks-
ins gegn Gtttersloh. Bjarki var
besti leikmaður vallarins og
var valiun í 2. deildrlið vikunn-
ar í annað sinn á stuttum tima
hjá Kicker. Eyjólfur Sverris-
son og samhetjar hans hjá
Herthu Berlin gerðu jafntefli
á útivelli við SV Meppen, 1:1.
Tennis Borussia Berlín, sem
Helgi Sigurðsson leikur með,
gerði jafntefli við Spandauer
SV, 0:0.
Ágætt hjá
Sigurjóni
SIGURJÓN Arnarsson, kylf-
ingur úr GR, heldur áfram
keppni i Tommy Armour
mótaröðinm i golfi í Banda-
rikjunum. Á dögunum keppti
hann í eins dags móti á Heat-
hrow-vellinum og lék á 74
höggum, tveimur yfir pari.
Erfiðleikastuðull vallarins var
74 þennan daginn vegna
slæmra skilyrða. Siguijón
varð í 15. sæti af 58 keppend-
um þrátt fyrir að slá þrívegis
í vatn sem kostaði að sjálf-
sögðu þijú vítishögg.
Fjögur met
íkraft-
lyftingum
FJÖGUR íslandsmet voru sett
á bikarmóti Kraftlyftingasam-
bandsins á laugardaginn.
ísleifur Árnason setti ungl-
ingamet í bekkpressu er hann
lyfti 147,5 kilóum. Kári Elíson
setti þijú öldungamet í 75 kg
flokki, lyfti fyrst 240,5 kg í
hnébeygju og síðan 245 kg og
í bekkpressu lyfti hann 180,5
kg. FIosi Jónsson setti einnig
öldungamet er hann lyfti 185
kg í bekkpressu í 100 kg
flokki. Verðlaun voru veitt
fyrir bestan árangur, talin í
stigum, í hverri grein og
samanlögðu. Alfreð Björnsson
fékk verðlaunin fyrir hné-
beygjuna og Kári Elison fékk
öll hin verðlaunin.