Morgunblaðið - 08.11.1996, Side 1

KNATTSPYRNA
Morgunblaðið/Arni Sæberg
Manchini verður
áfram hjá
Sampdoria
ROBERTO Mancini, fyrirliði Sampdoria, afþakk-
aði í gær tilboð frá Inter Milan, en Manchini
hafði lýst þvi yfir að hann hefði áhuga á að
yfírgefa herbúðir Sampdoria eftir að hafa verið
þar í fjórtán ár. Það mun vera sökum þess að
hann er ósáttur við þá stefnu félagsins að selja
marga unga og efnilega menn frá félaginu. Það
komi í veg fyrir að liðið sé í allra fremstu röð
á Ítalíu. Hann sagði I gær að hann hefði ákveð-
ið að verða um kyrrt í Genúa. Aðdáendur félags-
ins hafa legið á bæn undanfarna daga og beðið
þess að Manchini verði áfram en hann hefur
gert 130 mörk fyrir félagið.
Zola í herbúðir
Chelsea?
GIANFRANCO Zola, framheiji ítalska landsliðs-
ins og hjá Parma síðan 1993, er líklega á leið
til Chelsea fyrir um 500 miiy. kr. og leikur þá
með löndum sinum, Gianluca Vialli og Roberto
Di Matteo en gengið var frá atriðum félaganna
á milli í gær. Zola hefur lýst því yfir að hann
væri ekki sáttur hjá Parma, og að hann lynti
ekki við Ancelotti þjálfara. Hann hafði ennfrem-
ur sagst vonast til að í sameiningu fyndu menn
lausn svo að til þess kæmi ekki að hann hyrfi
frá Parma. En I framhaldi af viðræðum við
Aneelotti í gær tilkynntu forráðamenn félagsins
að Zola færi til Chelsea, kærði hann sig um.
Þjóðverjar herða
róðurinn gegn
lyfjamisnotkun
ÞJÓÐVERJAR ætla enn að herða róðurinn gegn
ólöglegri notkun iþróttamanna á lyfjum til að
bæta árangur sinn. Nú stendur fyrir dyrum að
breyta lögum í landinu þannig að notkun á ólög-
legum lyfjum verður hér eftir lögreglumál og
litið á hana sem glæpsamlegt athæfi. Gert er
ráð fyrir að lagabreytingin fari í gegnum þýska
þingið í byijun næsta árs átakalítið, en hún
nýtur stuðnings jafnt stjórnar sem sljórnarand-
stöðu i landinu.
Teitur Þórðarson, landsliðsþjálfari Eistlands, fékk það sem hann vildi
Aftur flautað til leiks hjá
Eistlandi og Skotlandi
Guðni
verður
ekki með
í Dublin
GUÐNI Bergsson, fyrirliði
íslenska Iandsliðsins i knatt-
spyrnu, leikur ekki með lið-
inu sem mætir írum í Dublin
í undankeppni Heimsmeist-
aramótsins á sunnudag
vegna meiðsla en í vikubyij-
un taldi hann jafna mögu-
leika á að geta spilað. „Þetta
gekk ekki upp,“ sagði hann
við Morgunblaðið í gærkvöldi
en bætti við að hann færi til
írlands á morgun til að hvetja
strákana.
Leikmenn a-liðsins og ung-
mennaliðsins, sem voru á ís-
landi, flugu til frlands í gær-
kvöldi og myndin sýnir þá
vera að leggja í hann.
■ Sögulegar/B2
Alþjóða knattspyrnusambandið,
FIFA, tilkynnti í gær að leik-
ur Eisllands og Skotlands í 4. riðli
heimsmeistarakeppninnar, sem var
flautaður af 9. október vegna þess
að heimamenn mættu ekki til leiks
í Tallinn, ætti að fara fram í Tallinn
ekki síðar en .16. mars á næsta
ári. Skotar sætta sig við ákvörðun
FIFA, þó sambandið hafi af tækni-
legum ástæðum áður úrskurðað
þeim 3:0 sigur, og Eistlendingar eru
ánægðir. Aganefnd FIFA ákveður
eftir hálfan mánuð hvort Eistlend-
ingum verði refsað fyrir að mæta
ekki til leiks.
Eins og Morgunblaðið greindi frá
fyrir fjórum vikum var leiktími
umrædds leiks fluttur fram, að
morgni leikdags, vegna þess að
Skotar sættu sig ekki við flóðljósin
á vellinum, vildu leika í dagsbirtu,
og eftirlitsmaður FIFA tók undir
kröfu þeirra eftir að hafa samþykkt
ljósin og fyrirfram ákveðinn leik-
tíma kvöldið áður. Teitur Þórðar-
son, landsliðsþjálfari Eistlands, var
með leikmenn sína á æfingu og vissi
ekki af breytingunni fyrr en ljóst
var að liðið næði ekki í leikinn á
tilsettum tíma. Hins vegar mætti
skoska liðið, dómarinn flautaði til
leiks, flautaði af eftir þrjár sekúnd-
ur og gestunum var dæmdur 3:0
sigur.
Eistlendingar voru mjög óánægð-
ir með framkomu Skota og ákvörð-
un FIFA og sögðust hafa verið
órétti beittir. „Ég vona bara að við
fáum að spila annan leik því allt
annað yrði óréttlæti," sagði Teitur
við Morgunblaðið fyrir mánuði.
Lennart Johansson, forseti
Knattspyrnusambands Evrópu og
varaforseti FIFA, sagði á umrædd-
um tíma að best væri fyrir alla að
leikurinn yrði endurtekinn og það
varð niðurstaðan. Sepp Blatter,
framkvæmdastjóri FIFA, sagði í
gær að Eistlendingar hefðu viljað
leika umræddan leik en tilkynning
um breyttan leiktíma hefði sannan-
lega borist þeim of seint og því
hefði fyrrnefnd ákvörðun verið tek-
in.
Samkvæmt ákvörðun FIFA á
leikurinn að fara fram í dagsbirtu
og sambandið greiðir allan kostnað
vegna ferðar Skotanna. Jim Farry
hjá Knattspyrnusambandi Skota
sagði að Skotar sættu sig við niður-
stöðuna en taldi að erfítt gæti ver-
ið að koma leiknum fyrir og skýra
þyrfti nokkur atriði nánar. „Lands-
leikjadagur er í desember og annar
í febrúar en veðrið getur sett strik
í reikninginn,“ sagði hann.
Gary McAllister, fyrirliði Skot-
lands, átti að taka út leikbann í
Tallinn í október en gerir það í
Glasgow á sunnudag þegar Skot-
land tekur á móti Svíum. „Ég átti
von á að missa af leiknum við Eist-
land en þess í stað verð ég ekki
með á móti Svíþjóð og sá leikur er
mjög mikilvægur í riðlinum,“ sagði
fyrirliðinn.
Aenar Lepponen, framkvæmda-
stjóri Knattspyrnusambands Eist-
lands, var mjög kátur. „Þessi
ákvörðun gleður okkur. Ef veðrið
verður slæmt er hægt að leika i
hlutlausu landi eins og Kýpur,“
sagði hann.
KÖRFUKNATTLEIKUR: KR SIGRAÐIHAUKA í ANNAÐ SINN Á SKÖMMUM TÍMA / B2