Morgunblaðið - 09.11.1996, Blaðsíða 15
MORGUNBLAÐIÐ
LAIMDIÐ
LAUGARDAGUR 9. NÓVEMBER 1996 15
Varnarbarátta Eiríks í Eyjablómi í Vestmannaeyjum
Selur kjöt og rófur
í blómabúðinni
Vestmannaeyjum - Eiríkur Sæ-
land, blómasali í versluninni Eyja-
blóm í Vestmannaeyjum, hefur fetað
sig inn á nýjar brautir í kaup-
mennskunni. Undanfarnar vikur
hafa nýir vöruflokkar bæst á vöru-
lista verslunarinnar, vörur sem
óhætt er að segja að séu ekki al-
gengar í hillum blómaverslana. Ei-
ríkur hefur komið fyrir kæli í versl-
un sinni þar sem hann er með loft-
þétt pakkað kjötmeti til sölu, auk
þess sem hann selur kartöflur og
rófur.
Eiríkur sagði í samtali við Morg-
unblaðið að hann væri með þessu
uppátæki sínu að svara óvæntri
samkeppni sem hann hefði fengið
frá verslunum Kaupfélags Arnes-
inga í Eyjum. Kaupféiagið ræki
tvær stórar matvöruverslanir í Vest-
mannaeyjum og væru komnar þar
inn vörur sem hingað til hefðu ein-
ungis verið seldar í blómaverslunun-
um í Eyjum.
„Það má segja að þetta sé varn-
arbarátta fyrir sérverslunina. Vest-
mannaeyjar eru ekki það stór bær
að sérverslanir eins og blómaversl-
anir geti þrifíst í honum ef þessir
stórmarkaðir fara að taka inn hluta
af þeim vörum sem við erum með.
Það verður einungis til þess að sér-
verslanir eins og blómabúðir leggja
upp laupana og sú þjónusta sem
veitt er í þessum verslunum verður
þá ekki til staðar í bænum lengur.
Þá þarf að sækja þá þjónustu upp
á land með öllu því óhagræði sem
því fylgir.
Morgunbiaðið/Sigurgeir Jónasson
EIRÍKUR Sæland blómasali í Eyjablómi.
A.m.k. trúi ég ekki að Kaupfélag-
ið ætli að fara að bjóða upp á alla
þá þjónustu sem sérverslanir á þessu
sviði veita,“ sagði Eiríkur.
Viðskiptavinir kaupa kjötvörur í
Eyjablómi í Eyjum, vörur sem ekki
eiga heima í blómabúð frekar en
blóm í matvörubúð. „Ég byrjaði að
selja hér kartöflur og rófur á hag-
stæðu verði. Síðan fékk ég mér
kæli og tók inn saltkjöt og nú er
ég kominn með folaldakjöt líka sem
ég sel líká á lágu verði. Framundan
er jólaverslunin og ég er ákveðinn
í að taka hér inn hangikjöt og
ýmislegt fleira kjötmeti sem 'fólk
vill fá á jólaborðið hjá sér og verð
með það á mjög hagstæðu verði
eins og það sem ég er með nú,“
sagði Eiríkur.
VIÐSKIPT A VINIR kaupa
kjötvörur í Eyjablómi.
Vesturlandspóstur
Nýtt héraðsfréttablað
Morgunblaðið/Atli Vigfússon
JÓN H. Jóhannsson og Unnur
Káradóttir með verðlauna-
gripina.
VESTURLANDSPOSTURINN,
heitir nýtt héraðsfréttablað, sem
kom út í fyrsta sinn þann 30. októ-
ber síðastliðinn. Útgefandi er Borg-
firðingur/Nú sf. í Borgarnesi. Rit-
stjóri og ábyrgðarmaður er Gísli
Einarsson.
í leiðara fyrsta tölublaðs segir
að blaðinu sé ætlað að fylla upp í
það tómarúm, sem hafi verið í út-
gáfu héraðsfréttablaða um nokkurt
skeið. Útgáfu Borgfírðings hafi ver-
ið hætt í sumar og á Akranesi hafi
ekkert blað komið út í nokkum tíma.
Bent er á að á Snæfellsnesi komi
út staðbundin bæjarblöð í þéttbýli
og að hugmyndin með útgáfu Vest-
urlandspóstsins sé að skapa kröft-
ugan miðil fyrir allt Vesturlands-
kjördæmi.
Vesturlandspósturinn er prentað-
ur í 5.500 eintökum og dreift endur-
gjaldslaust inn á öll heimili á Vest-
urlandi.
Morgunblaðið/Egill Egilsson
Smalað á haustdegi
Flateyri - Á Flateyri er nú orðið
frekar vetrarlegt um að líta, eft-
ir afstaðnar norðaustanáttir.
Fjöllin hafa skrýðst hvítum
skikkjum og tún eru ekki lengur
sígræn. Því varð fréttaritari held-
ur betur hissa þegar hann mætti
myndarlegum hópi af kindum á
vegfi sínum. Þegar nánar var að
gáð kom í ljós að verið var að
smala þeim utan úr firði og heim
í hús fyrir veturinn. Við smölun-
ina notaði Gunnlaugur Finnsson
í Hvilft og fyrrverandi alþingis-
maður nútima farartæki, fór
sjálfur fyrir hópnum á vélsleða
og naut síðan aðstoðar unglings-
pilta á bíl við eftirreksturinn.
Alþýðusamband Austurlands þingar
Lagmarkslaun
verði 90 þúsund
Egilsstöðum - Alþýðusamband
Austurlands þingaði nýlega á Iða-
völlum á Fljótsdalshéraði. Töluvert
var rætt um atvinnu- og kjaramál
og benti þingið á að með þjóðar-
sáttinni hafi verið lagður grunnur
að stöðugleika sem nýst hefur fyr-
irtækjum til rekstraruppbygging-
ar.
Á sama tíma hafi staða heimil-
anna versnað og í raun hafa skuld-
ir færst frá ríki og fyrirtækjum
yfir á heimilin. Þingið ályktaði að
lágmarkslaun skuli vera 90.000
krónur á mánuði og að skattleysis-
mörk verði 75.000 krónur.
Rætt var um veiðiheimildir og
skoraði þing ASA á þingmenn að
vera á varðbergi og koma í veg
fyrir að þeir sem hafa fengið til
afnota sameign þjóðarinnar geti
löglega veðsett hana fyrir fjármuni
eins og um eign sé að ræða. Hvað
fræðslumálin varðar þá mótmælir
þingið þeim mikla niðurskurði sem
á sér stað í menntamálum í fjórð-
ungnum en þar eru m.a. skorin
niður framlög til Framhaldsskóla
A-Skaftafellssýslu og til Farskóla
Austurlands.
Þingið telur mikilvægt að byggja
upp fullorðinsfræðslu og bendir á
mikilvægi endur- og símenntunar
verkafólks í tæknivæddu þjóðfé-
lagi. Þá telur þingið að tímabært
sé að skoða vel skipulag ASA og
aðildarfélaga innan þess. Þingið
felur stjórn ASA að láta fara fram
athugun á því hvernig framtíðar-
skipulagi stéttarfélaga á Austur-
landi verði best fyrir komið með
nánara samstarf fyrir augum.
Yerðlaun
fyrir
úrvalskýr
Laxamýri - Niðurstöður kúasýn-
inga í Suður-Þingeyjarsýslu voru
nýlega kynntar á fundi á Breiðu-
mýri í Reykjadal.
Stigahæstu kýrnar komu frá bæj-
unum Arnstapa, Árnesi, Baldurs-
heimi, Dæli, Eyjadalsá, ísólfsstöðum
og Vallakoti en sú kýr sem bar af
var Huppa frá Víðiholti, eign Jóns
H. Jóhannssonar og Unnar Kára-
dóttur.
Jón Viðar Jónmundsson, ráðu-
nautur hjá Bændasamtökum ís-
lands, ræddi á fundinum málefni
nautgriparæktarinnar. Erlingur
Teitsson á Brún afhenti verðlaun frá
Mjólkursamlagi Kaupfélags Þingey-
inga og voru veittar viðurkenningar
fyrir bestu kú í hveiju búnaðarfélagi
fyrir sig.
Þá veitti Búnaðarsambandið verð-
laun fyrir hæst dæmdu kúna og var
það gripur úr kýrhorni sem hannað-
ur var af Kristínu Ketilsdóttur á
Hallgilsstöðum í Fnjóskadal.
Á fundi þessum var einnig fjallað
um árangur í kynbótastarfinu á und-
anförnum árum og viðhorf til inn-
flutnings nýs mjólkurkyns rædd.
Tilboð á hreinlætistækjum
WC með stút
í vegg eða gólf
með setu.
Verð frá
. 9.364
Verð frá
Verð frá Handlaugar, 17 gerðir
á vegg og borð
VATNS ViRKINN HF.
Ármúla 21, símar 533 2020 og 533 2021
Grænt númer 800 402O
Verslið þar sem úrvalið er mest!
Blöndunartæki í
miklu úrvali
Hitastillitæki Verö frá
Mikið úrval af sturtuklefum,
sturtuhornum og huröum.
Athugaðu verðið!
Stálvaskar
í eldhús yfir
30 gerðir
Verð frá
Baðkör upp í
190 cm
Verö frá