Morgunblaðið - 09.11.1996, Blaðsíða 21

MORGUNBLAÐIÐ
LAUGARDAGUR 9. NÓVEMBER 1996 21
ERLENT
„Leiðindapúkinn“
Bill Clinton fær
það óþvegið
Washington. The Daily Telegraph.
DAVID Brinkley er einn siðfág-
aðasti sjónvarpsmaður Banda-
ríkjanna, 76 ára heiðursmaður
frá suðurríkjunum og sjón-
varpsmaður af gamla skólanum,
kjarnyrtur og ævinlega tillits-
samur við viðmælendur sína í
samtalsþætti um sfjórnmál á
ABC-sjónvarpinu. Þess vegna
kom það mönnum mjög á óvart
þegar hann olli miklu uppnámi
með því að kalla Bill Clinton
forseta „leið-
indapúka" aðfara-
nótt miðvikudagsins
þegar beðið var eftir
úrslitum kosning-
anna í Bandaríkjun-
um.
Brinkley tók þátt
í sex klukkustunda
kosningasjónvarpi
og virtist grútsyfjað-
ur eins og venjulega.
Þegar ljóst var að
Clinton hafði borið
sigur úr býtum og
tími var kominn til
að kveðja lét Brink-
ley móðan mása um
forsetann. „Þetta er
frábært," sagði
hann. „Við hlökkum öll til fjög-
urra ára til viðbótar af yndisleg-
um og andríkum ræðum, sem
eru svo þrungnar leiftrandi
hnyttni, skáldlegri andagift og
ljúfum tónum, kærleika og
ástríki, og bölvuðu bulli í þokka-
bót.“
Félagi Brinkleys, Sam Don-
aldson, tók andköf og greip
fram í fyrir honum. „Þú getur
ekki sagt þetta í beinni útsend-
ingu, herra Brinkley. Við erum
í beinni útsendingu, ég vil bara
árétta það.“
„Ekki er ég í beinni útsend-
ingu,“ hélt Brinkley áfram og
sagði sigurræðu Clintons þá
verstu sem hann hefði nokkurn
tíma heyrt. „Hann hefur ekki
snefil af sköpunarhæfileika.
Þess vegna er hann leiðindapúki
og verður alltaf leiðindapúki."
Getur leyft sér að vera
leiðinlegur
Hundruð manna hringdu í
höfuðstöðvar ABC til að mót-
mæla ummælum
sj ónvarpsmannsins,
sem hefur hingað til
ekki verið þekktur
fyrir að hneyksla
fólk. Talsmenn for-
setans sögðu að
kveldúlfur hefði
greinilega verið
kominn í sjónvarps-
manninn. Aðrir
leiddu getum að því
að Brinkley, sem
ætlar að setjast í
helgan stein bráð-
lega, vildi kveðja
með eftirminnileg-
um hætti eftir að
hafa fjallað um
bandarískar kosn-
ingar í sjónvarpi í fjóra áratugi.
„Eg ætlaði eiginlega ekki að
segja „leiðindapúki", en ég
gerði það,“ sagði Brinkley í
sjónvarpsviðtali. Hann kvaðst
aðeins hafa viljað benda á að
þetta væri síðasti kosningaslag-
ur Clintons og hann gæti því
leyft sér að vera leiðinlegur við
fólk sem hann fyrirliti.
Brinkley hefur því dregið í
land, enda skiljanlegt í Ijósi
þess að Clinton hafði lofað hon-
um fyrsta viðtalinu næði hann
endurkjöri. Ekki er víst að stað-
ið verði við það loforð.
Clinton
ligne roset
HÓ v. Ho £> HÖ '
HÚSGAGNA-, LJÓSA- OG GJAFAVÖRU-
SYNING

Mörkinni 3, s. 588 0640
Opið laugardag kl. 10-17 og sunnudag kl. 14-17
Reuter
Tælandskonung-
ur heiðraður
2.082 syngjandi ræðarar sigldu
á fimmtudag á 52 bátum niður
fljótið Chao Phaya í Tælandi í
tilefni þess að 50 ár eru liðin
frá því Bhumibol Adulyadej kon-
ungur var krýndur. Ræðararnir
voru í litríkum klæðnaði og
sungu forna söngva við trumbu-
slátt meðan þeir reru í takt nið-
ur fljótið til að heiðra Bhumi-
bol, sem hefur ríkt lengur en
nokkur annar konungur í heim-
inum.
Ákveðið var að aflýsa ekki
siglingunni þrátt fyrir hellirign-
ingu. Mikill straumur varð til
þess að bátur konungsins varð
stjórnlaus um tíma en ræðurun-
um tókst að ná réttri stefnu
með hjálp nokkurra björgunar-
báta.
Siglingunni lauk við Hof ár-
roðans og konungurinn afhenti
þar búddha-munkum skikkjur
við hefðbundna athöfn. Slíkar
siglingar til heiðurs konungum
landsins hófust fyrir 600 árum
en eru sjaldgæfar. Síðasta sigl-
ingin var árið 1987 í tilefni af
60 ára afmæli konungsins.
Fyrsta Marsfarið af 10
Mælingar á
yfirborði og
lofthjúp
Canaveralhöfða. Rcuter.
Heimskönnuður bandarísku geimfari
var skotið á loft á fimmtudag og er
því stefnt í átt að reikistjörnunni
Mars. Gert er ráð fyrir að geimfarið
verði um 10 mánuði á leiðinni og
ferðist 700 milljón kílómetra. Kostn-
aður við ferðina, þ.m.t. smíði farsins,
er áætlaður 230 milljónir dollara,
jafnvirði 15,4 milljarða króna.
Geimfarið, sem nefnt hefur verið
Heimskönnuður, var hið fyrsta í röð
10 slíkra sem NASA mun skjóta til
Mars á næstu 10 árum til rannsókna
á Rauðu plánetunni, eins og Mars
er venjulega nefndur meðal banda-
rískra geimvísindamanna.
Heimskönnuður verður kominn á
braut í september að ári og er honum
ætlað að svífa í 375 km hæð yfir
reikistjömunni. Sex rannsóknartæki
munu mæla yfirborð og lofthjúp
hennar í eitt marsár, eða 687 daga.
Meðal annars verður um borð í
farinu myndavél sem greint getur
hluti á stærð við smábíl og er henni
ætlað að mynda hugsanlega lending-
arstaði fyrir rannsóknarför, sem yrðu
látin lenda á Mars í byijun næstu
aldar og sækja þangað jarðvegssýni.
Næsta rannsóknarfar, sem sent
verður til Mars, verður skotið upp
eftir tæpan mánuð. Rússar ráðgera
einnig geimskot til mars síðar í þess-
um mánuði.
Fýrir þremur árum rofnaði sam-
band fyrirvaralaust við rannsóknarf-
arið Rýni, sem sent var áleiðis til
Mars. Þremur dögum áður en það
átti að koma á sporbraut í ágúst
1993 hættu að berast merki frá því.
blltacmill