Morgunblaðið - 09.11.1996, Blaðsíða 4

Karembeu
stendur við
loforðið
■
KORFUKNATTLEIKUR
Olajuwon
skoraði 12
stigífram-
lengingu
Makeem Olajuwon lék framúrskarandi vel í fyrra-
kvöld er Houston sótti Denver heim og sigraði í
jöfnum og spennandi leik sem þurfti að framlengja til
að knýja fram úrslit. Olajuwon skoraði 36 stig, þar af
12 í framlengingunni og var í fylkingarbijósti félaga
sinna í fimmta sigurleik þeirra á keppnistímabilinu.
Það hallaði á gestina þegar tæpar fjórar mínútur
voru eftir af framlengingunni en tíu stig í röð frá
Olajuwon komu gestunum yfir, 109:103, þegar rétt
innan við ein mínúta var eftir. Heimamenn reyndu
hvað þeir gátu á lokasprettinum en tókst ekki að nálg-
ast gestina meira en raun varð á. „Við höfum áður séð
Olajuwon vinna leiki upp á eigin spýtur þegar í óefni
hefur verið komið,“ sagði Rudy Tomjanovich hjá Hous-
ton. „Olajuwon var lykillinn að sigri Houston," sagði
þjálfari Denver, Bernie Bickerstaff. „Mínir menn léku
-ágætlega og við sköpuðum okkur mýmörg færi. Ég
er þess fullviss að þrátt fyrir tapið hafi leikurinn veitt
liði mínu aukið sjálfstraust í framhaldið," bætti hann
við.
Það setti strik í reikning Denver að liðið missti An-
tonio McDyess og Ervin Johnson af leikvelli með fimm
villur þegar 90 sekúndur voru eftir. „Þeir voru komnir
í villuvandræði og gátu þar af leiðandi ekki fylgt mér
eins vel á lokamínútunum og þeir hefðu kosið,“ sagði
Olajuwon eftir leikinn. „1 svona jöfnum leikjum á ég
mjög gott með að einbeita mér og það skilar sér í
betri frammistöðu," bætti hann við en vildi annars lítið
ræða frammistöðu sína.
Charles Barkley kom honum næstur í stigaskorun
með 16 stig, auk þess að taka 15 fráköst, þar næstur
var Clyde Drexler með 13 stig. Þá má geta þess að
Olajuwon tók 9 fráköst. Dale Ellis skoraði flest stig
heimamanna, 33, auk þess að ná 14 fráköstum. La-
Phonso Ellis, framheiji, lék ekki með Denver í leiknum
vegna meiðsla í hné og er reiknað með að hann verði frá
í þijár til fjórar vikur.
Patrick Ewing skoraði 33 stig í 105:100 sigri New
York á Golden State í San Jose. Larry Johnson gerði
18 stig og John Starks kom næstur með 17 stig. Joe
Smith var stigahæstur heimamanna með 26 stig í þriðja
tapleik heimamanna í röð.
Reuter
Mikil spenna var í Minnesota er heimamenn fengu
Portland í heimsókn og urðu að lúta í lægra haldi,
95:94, í framlengdum leik. Kenny Anderson tryggði
Portland sigurinn á lokasekúndunum. Rasheed Wallace
var stigahæstur gestanna með 25 stig en gat ekki leik-
ið með til enda sökum villuvandræða. Anderson gerði
21 stig og Arvydas Sabonis skoraði 17 stig og tók 17
fráköst. Tom Gugliotta var fremstur í flokki heima-
manna með 25 stig og tók 11 fráköst.
í Tókýó mættust Orlando og New Jersey og höfðu
leikmenn Orlando betur, 108:95, í hörkuleik fyrir fram-
an 38.639 áhorfendur. Var löngu uppselt á leikinn í
Tókýó Dom höllinni.
í fylkingarbrjósti
HAKEEM Olajuwon áttl stór-
lelk meó Houston í NBA-
delldlnni í körfuknattlelk í
Denver í fyrrakvöld. Hér
sækir hann að körfu helma-
manna en Antonlo McDyess
reynir að verjast. Olajuwon
skoraðl 36 stig, þar af 12 í
framlenglngunnl og var í
fylkingarbrjóstl félaga
slnna í flmmta sigurleik
þeirra á keppnlstímabllinu.
FRANSKI miðjumaðurinn Christ-
ian Karembeu hjá Sampdoria á
Ítalíu segist hafa lofað Fabio Cap-
ello, þjálfara Real Madrid, og Lor-
enzo Sanz, forseta félagsins, að
ganga til liðs við Real og hann
standi við það. Samningur Ka-
rembeus rennur út 1988 en Barcel-
ona hefur samið við Sampdoria um
að fá Frakkann i næsta mánuði.
Afsögn
vegna
auraleysis
í Búlgaríu
STJÓRN búlgarska fijálsíþrótta-
sambandsins sagði af sér í gær
því hún segist ekki geta safnað
fé til að þjálfa íþróttafólkið. Þetta
gerði hún í framhaldi af áskorun
frá fjölda íþróttamanna og þjálf-
ara sem voru óánægðir með störf
hennar. Ný stjórn verður kjörin
11. desember nk. „Við kröfðumst
þess að stjómin segði af sér því
hún virðist ekki hafa getu til þess
að öngla saman fjármunum til
reksturains," sagði Georgi Dim-
itrov, einn fremsti þjálfari lands-
ins.
Popov má
hefja æf-
ingar á ný
ALEXANDER Popov, tvöfaldur
Ólympíumeistari í sundi, má fara
að æfa á ný að sögn lækna, en
hann hefur verið frá æfingum síð-
an í ágúst eftir að hann var stung-
inn með hnifi á götu í Moskvu í
ágúst. Popov, sem er Rússi, er á
leið til Ástraiíu þar sem hann hef-
ur búið sl. fjögur ár og ætlar að
byija æfingar á ný þegar þangað
verður komið.
Popov skráði nafn sitt á spjöld
Ólympíusögunnar í sumar er hann
varð fyrsti sundmaðurinn til að
sigra 150 og 100 m flugsundi á
tvennum leikum í röð.
Margirfjarverandi
á Spáni vegna
undankeppni HM
SPÁNVERJAR leika ekki í und-
ankeppni HM í knattspymu um
helgina eins og svo mörg önnur
landslið í Evrópu gera. Þess
vegna verður leikin heiJ umferð
í spænsku 1. deildinni, en mörg
félög mæta vængbrotin til leiks
sökum þess að erlendir leikmenn
þeirra eru að leika með landslið-
um sínum. Alls verða 42 leikmenn
-með spænskum félagsliðum að
leika landsleiki í dag og á morgun
og kemur þetta ilia við sum
spænsk félagslið. Meðal annars
verður Deportivo La Comna án
fimm leikmanna er liðið mætir
Tenerife sem verður án þriggja
leikmanna og sama verður uppi
á teningnum hjá Barcelona. Þann-
ig mætti lengi telja.
Forráðamenn Barcelona hafa
bmgðist við þessari stöðu með
þeim hætti að kæra þá kvöð að
þeim sé gert skylt að láta leik-
menn af hendi í landsleiki. Vilja
þeir að komið verði á samræmd-
um leikdögum í alþjóðaknatt-
spyrnumótum svo koma megi í
veg fyrir að þessi staða komi upp
aftur og aftur. Víst er að forráða-
menn margra annarra félaga
fylgjast grannt með þessu máli,
enda margir þeirra hundóánægð-
ir með þá skipan mála sem nú er.
Álfukeppnin form-
lega á vegum FIFA
Alþjóða knattspymusambandið,
FIFA, sendi í gær frá sér til-
kynningu þess efnis að álfukeppnin
yrði héðan í frá formlega haldin á
vegum FIFA á tveggja ára fresti
en hún verður næst í Saudi-Arabíu
12. til 21. desember 1997. Átta
landslið keppa í tveimur riðlum og
leika sigurvegararnir til úrslita.
Keppnin hefur tvisvar farið fram
en líkleg lið að ári eru Suður-Amer-
íkumeistarar Uruguay, Mið-Amer-
íkumeistarar Mexíkó, heimsmeist-
arar Brasilíu, gestgjafarnir Saudi-
Arabar, Asíumeistararnir, líklegir
Eyjaálfumeistarar Ástralíu og ann-
aðhvort Evrópumeistarar Þýska-
lands eða silfurlið Tékklands.
Sepp Blatter, framkvæmdastjóri
FIFA, sagði að til að byrja með
yrði keppnin annað hvert ár en það
gæti breyst í fjórða hvert ár. Dreg-
ið verður í riðla 21. febrúar en
UEFA ákveður 5. desember hver
verður fulltrúi Evrópu. Gerhard
Mayer-Vorfelder, varaforseti
Knattspyrnusambands Þýskalands
og í framkvæmdastjórn FIFA, sagði
að Þjóðverjar yrðu ekki með því
félögin hefðu skyldum að gegna í
desember en þá taka mörg þeirra
þátt í mótum innanhúss.
Aldridge
vantar eitt
EF John Aldridge skorar eitt
mark fyrir íra gegn íslending-
um á morgun jafnar hann met
markamet Frank Stapletons,
en hann gerði 20 mörk í land-
sleikjum með írum á sinni tíð.
Aldridge sem er 38 ára gam-
all, fyrrum leikmaður Liver-
pool, er nú knattspyrnustjóri
og leikmaður hjá Tranmere.