Morgunblaðið - 12.11.1996, Blaðsíða 6

6 ÞRIÐJUDAGUR 12. NÓVEMBER 1996
MORGUNBLAÐIÐ
FRÉTTIR
Þórarinn V. Þórarinsson, framkvæmdasljórí VSÍ, um fyrirtækjasamninga
Samstarfið á vinrmstöð-
unum er lykilatriðið
ÞORARINN V. Þórarinsson, fram-
kvæmdastjóri Vinnuveitendasam-
bands íslands, segir að lykilatriðið
í hugmyndum um svokallaða fyrir-
tækjasamninga sé samstarfíð inni á
vinnustöðunum sjálfum og að utan-
aðkomandi félög komi ekki og fjalli
um það.
„Félögin hafa afskaplega miklu
hlutverki að gegna við að skapa
þennan ramma, að standa að ráð-
gjöf, en kjarasamningur er samn-
ingur milli félaga. Ekki samningur
milli verkalýðsfélags, sem fer þá
með einokunarvald gagnvart ein-
stökum fyrirtækjum. Um það getur
ekki orðið að tefla; þá erum við
bara fastir í gamla farinu," segir
Þórarinn.
Góðar undirtektir
I viðtali við Morgunblaðið síðast-
liðinn sunnudag sagði Grétar Þor-
steinsson, forseti Alþýðusambands
íslands, að hann vildi undirstrika það
að verkalýðshreyfingin léði ekki
máls á því að hluti samninganna
færi fram innan fyrirtækjanna öðru-
vísi en að hún hefði aðkomu að þeim
samningunum. „Að öðrum kosti höf-
um við enga trú á því að þetta skili
árangri," sagði Grétar.
Þórarinn segir að ef forystumenn
verkalýðshreyfingarinnar séu ekki
reiðubúnir til að opna á það að fé-
lagsmenn þeirra geti átt bein sam-
skipti á eigin ábyrgð við vinnuveit-
endur sína, innan þess ramma sem
VSÍ og verkalýðsfélögin semji um,
sé ekki verið að ræða um neitt nýtt
og verið að hafna nýrri hugmynd.
Hann hefði hins vegar ekki trú á
að það væri meiningin þar sem VSÍ
hefði fengið góðar undirtektir úr
röðum margra verkalýðsféiaga og
úti í fyrirtækjunum hefði heyrst að
mikill áhugi væri á þessu samstarfi.
„Það á auðvitað eftir að koma í
ljós hvort við náum saman um þetta.
Við viljum skapa ramma um sam-
starf starfsfólks og stjórnenda úti á
vinnustöðunum þannig að það sé
hægt að aðlaga samningana þörfum
einstakra vinnustaða, og þá þannig
að báðir hafi hag þar af.
Við viljum með öðrum orðum
draga úr miðstýringunni og kalla
fleiri aðila, þ.e. starfsfólkið og
stjórnendur í einstökum fyrirtækj-
um, til starfa til að þróa kjarasamn-
inginn að sínum þörfum. Það á alveg
eftir að koma í ljós hvort verkalýðs-
hreyfingin getur hugsað sér þetta
eða hvort stéttarfélögin geti ekki
hugsað sér að treysta félagsmönnum
sínum til að standa að þessu þró-
unarstarfi," sagði Þórarinn.
Morgunblaðið/Júlíus
BEITA þurfti járnklippum á flak bifreiðar konunnar, til að ná
henni úr ökumannssætinu.
ÞYRLU Landhelgisgæslunnar var leiðbeint til
lendingar með neyðarljósi.
Harður árekstur í
þoku og glerhálku
KONA slasaðist nokkuð þegar
bifreið rann framan á hennar bif-
reið á Suðurlandsvegi um kl. 15
á sunnudag. í fyrstu var óttast
að konan hefði slasast mjög mikið
og var þyrla Landhelgisgæslunn-
ar fengin til að sækja hana á slys-
stað. Meiðsli konunnar reyndust
þó minni en óttast var.
Slysið varð með þeim hætti, að
amerískum fólksbíl var ekið í __
austur eftir Suðurlandsvegi. A
móts við Smiðjulaut, rétt ofan við
Hveradali, ók bíllinn inn í harðan
skafl á veginum. Við það snerist
hann í glerhálkunni og rann til
vinstri, í veg fyrir japanskan
fólksbíl, sem ekið var í vestur.
Við áreksturinn lagðist fram-
hluti japanska bíisins saman og
festist konan sem honum ók í
ökumannssætinu. Ökumaður jap-
anska bílsins slasaðist lítillega og
farþegi hans slapp nánast
ómeiddur.
Þegar lögregla og sjúkralið
kom á vettvang var hafist handa
við að losa konuna úr bílnum. í
fyrstu var óttast að hún hefði slas-
ast á hálsi og baki og var því leit-
að aðstoðar Landhelgisgæslunn-
ar, svo koma mætti henni á
sjúkrahús með þyrlu. Þyrla Gæsl-
unnar lenti á veginum og flutti
konuna á Sjúkrahús Reykjavíkur.
Að sögn lögreglu kom í ljós að
meiðsli hennar voru mun minni
en óttat hafði verið.
Lögreglan segir að aðstæður á
slysstað hafi verið afar slæmar,
þoka, slydduél og svo mikil hálka
að vart var stætt á veginum. Ótt-
ast var að ökumenn aðvífandi bíla
næðu ekki að stöðva á glerhálum
veginum, en björgunarstarfið
gekk án áfalla.
Forsljóri Samskipa um lífeyrismál starfsmanna
Göngum ekki á hags-
muni starfsmanna
Morgunblaðið/Guðlaugur Wíum
Trilla sökk
við bryggju
Ólafsvík. Morgunblaðiö.
TRILLUBATURINN Hlín ÍS-194
sökk við bryggju í Ólafsvík að-
faranótt sunnudags. Talið er að
báturinn hafi festst undir dekkj-
um á bryggjunni á fjöru, síðan
hafi fallið að og báturinn fyllst
af sjó og sokkið.
Stór bílkrani var fenginn til að
lyfta bátnum og slökkvilið Snæ-
felisbæjar dældi sjó úr honum.
ÓLAFUR Ólafsson, forstjóri Sam-
skipa, segir að það sé alrangt að
starfsmönnum fyrirtækisins sé ein-
hliða gert að vera i Samvinnulífeyris-
sjóðnum, en í Morgunblaðinu síðast-
liðinn sunnudag var haft eftir Hall-
dóri Björnssyni, formanni verka-
mannafélagsins Dagsbrúnar, að
Samskip hafi fært starfsmenn sína
einhliða í Samvinnulífeyrissjóðinn
þegar þeir komi til starfa hjá fyrir-
tækinu. Þetta hafí verið gert þrátt
fyrir að þeir hafi verið í Lífeyrissjóði
Dagsbrúnar og Framsóknar og síðan
lífeyrissjóðnum Framsýn, og sagði
Halldór að þetta væri eins og ein-
hver gömul arfleifð sem ekki ætti
að eiga sér stað.
Aldrei komið fram kvörtun
„í fyrsta lagi eru hér samningar
frá 1969 um hvernig lífeyrissjóðs-
greiðslum er háttað, og við fylgjum
þeim eftir í einu og öllu og höfum
aldrei breytt þeim. Það eru 17 starfs-
menn inni í þessum Framsýnarsjóð,
sem hafa verið þar og eru það áfram,
og við höfum ekki reynt að hreyfa
við þeim,“ sagði Ólafur í samtali við
Morgunblaðið.
Hann sagði að aldrei hefði komið
fram kvörtun frá einum einasta
starfsmanni Samskipa um lífeyris-
sjóðsgreiðslur sínar.
„Hagsmunum okkar starfsmanna
er betur borgið samkvæmt þeim út-
reikningum sem fyrir okkur liggja í
þessum sjóði [Samvinnulífeyrissjóðn-
um] heidur en að fara yfir í Fram-
sýn. Það hvarflar ekki að okkur að
ganga á hagsmuni okkar starfs-
manna með því að færa þá á milli
sjóða,“ sagði Ólafur.
Hvað varðar þau ummæli Halldórs
Bjömssonar að um gamla arfleifð sé
að ræða, sagði Ólafur:
„Það er löngu tímabært að þessir
ágætu menn vinni að því að breyta
núverandi stjórnunaruppbyggingu
lífeyrissjóðanna því hún er ekki lýð-
ræðisleg. Þetta eru peningar starfs-
mannanna, og það eru þeir sem eiga
að kjósa fulltrúa til þess að fara með
sitt eigið fjármagn. Þannig að það
er það gamla kerfi sem hefði fyrir
löngu átt að leggja niður.“
Starfsmenn Olíufélagsins
alltaf greitt í sjóðinn
Haft var eftir Halldóri Björnssyni
í frétt Morgunblaðsins síðastliðinn
sunnudag að athugasemdir varðandi
þetta mál hefðu fyrst og fremst bor-
ist frá starfsmönnum Samskipa, en
grunur léki einnig á að sami háttur
væri viðhafður hjá Olíufélaginu hf.
Geir Magnússon, forstjóri Olíufé-
lagsins, segir að allflestir starfsmenn
fyrirtækisins hafi greitt í Samvinnu-
lífeyrissjóðinn, og greitt hafi verið
eftir sömu reglum í sjóðinn, sem
áður hét lífeyrissjóður SÍS, allt frá
stofnun fyrirtækisins árið 1946.
„Þetta hefur verið svona í gegnum
tíðina hjá okkur og það hefur ekki
neinu verið breytt og ekki tilefni til
að breyta neinu að okkar mati,“ sagði
Geir. „Þetta hefur verið alveg ágrein-
ingslaust og við höfum átt hið besta
samstarf við Dagsbrún um öll okkar
mál.“
AÍTarn
„veður“á
Stórhöfða
EKKI stendur til að leggja
niður veðurathugun á Stór-
höfða í Vestmannaeyjum eða
flytja hana inn í Vestmanna-
eyjabæ, eins og kom fram í,
blaðinu Fréttum í Vestmanna-
eyjum nýlega.
Vitavörður er ráðinn af Sigl- ’
ingastofnun og sinnir auk þess
veðurathugun fyrir Veður-
stofu íslands. Tómas Sigurðs-
son, forstöðumaður rekstrar-
sviðs Siglingastofnunar, segir
að vissulega hafi það verið;
rætt þar á bæ á undanförnum
árum að fækka vitum með;
fastri búsetu og nú séu raunar;
aðeins tveir vitar eftir sem
búseta er á; Stórhöfði og
Reykjanesviti.
Tómas segir hinsvegar enga
ákvörðun liggja fyrir um
breytingar á Stórhöfða og að
Veðurstofan leggi mikla
áherslu á að þar verði áfram
búseta.
Gangandi
vegfarandi
varð fyrir bíl
FIMMTUGUR maður varð
fyrir bíl á Suðurlandsbraut í
gærmorgun. Maðurinn fót-
brotnaði og slasaðist á höfði.
Slysið varð skömmu fyrir
kl. 9 og mun maðurinn hafa
verið að ganga norður yfir
götuna þegar hann varð fyrir
bílnum gegnt húsinu númer
26 við Suðurlandsbraut. Hann
hlaut opið beinbrot á fæti auk
höfuðáverka og var fluttur á
Sjúkrahús Reykjavíkur.
Varð fyrir bíl
o g rotaðist
RÚMLEGA tvítug kona varð
fyrir bíl á mótum Hofsvalla-
götu og Hringbrautar í gær-
morgun.
Slysið varð kl. 7.50. Konan
féll í götuna og rotaðist. Þegar
hún fékk meðvitund að nýju
kvartaði hún undan eymslum
í hálsi og hné. Hún var flutt
á slysadeild til rannsóknar.
16 ára stal bíl
frá móður
LÖGREGLAN stöðvaði för,
ökumanns á Langholtsvegi á
sunnudagskvöld, en sá hafði
reynt að komast undan lög-
reglumönnunum á Reykjanes-
braut.
Ökumaðurinn reyndist vera
16 ára piltur, sem hafði tekið
bifreiðina í leyfisleysi frá móð-
ur sinni.
Handtekinn
eftir árás
RÁÐIST var á unga konu á
Bergstaðastræti aðfaranótt
mánudags.
Konan var á gangi þegar
maður réðst aftan að hennii
og dró hana inn í húsasund.
Þar reyndi hann að koma fram
vilja sínuni. Konan náði að
gera vart við sig og kom fólk
af nálægu veitingahúsi henni
til aðstoðar. Maðurinn hljón
þá brott, en var handtekinrl
skömmu síðar.