Morgunblaðið - 12.11.1996, Blaðsíða 16

Morgunblaðið - 12.11.1996, Blaðsíða 16
16 E ÞRIÐJUDAGUR 12. NÓVEMBER 1996 MORGUNBLAÐIÐ TTTT7'! '¦ 'i'ilil ';"rTTTTTTTl ' = '¦'•! iTrP-l <¦!' > I ¦,TrTr r*r?n ' ÚTLITSTEIKNING af húsinu. Fjölbýlishúsið stendur við Fálkahöfða 2-4 í Mosfellsbæ og í því verða sextán íbúðir, ýmist 3ja eða 4ra herbergja. Allar íbúðirnar eru með sér inngangi. Mjög stórar svalir eru á íbúðunum og ná þær fyrir horn á endaíbúðunum. Svalirnar snúa í suðvestur en inngangurinn í íbúðirnar er norðaustan megin. íbúðirnar eru tíl sölu hjá fasteignasölunni Hóli. Nýjar íbúðir við Fálka- höfda í Mosfellsbæ | OSFELLSBÆR hefur yfír sér sérstakt yfirbragð. Útivist- armöguleikar er óvíða meiri, útsýni er mikið og fjallahringurinn gefur umhverfmu sérstakan blæ. Ur bæn- um er ekki nema stundarfjórðungs akstur upp i Skálafell, eitt bezta skíðasvæði landsins. Aðstaða er enn- fremur afar góð fyrir hestamenn, enda eru þeir margir í bænum. í Mosfellsbæ er einnig mjög góður golfvöllur, sem er mikið notaður. í bænum er ennfremur gott íþróttahús og sundlaug og stór íþróttaleikvang- ur. Mosfellsbær hefur því haft mikið aðdráttarafl fyrir marga. Bæjarbú- um hefur fjolgað verulega á undan- förnum árum, en þeir eru nú um 5000. Lengst af hefur fjölgunin ver- ið um 3% á milli ára eða taisvert fyrir ofan landsmeðaltal. Aðal ný- byggingasvæðið er á svokölluðu Höfðasvæði, en þar er búið að út- hluta lóðum við tvær götur. Einnig eru hafnar byggingaframkvæmdir við Hjallahlíð. Aherzla hefur verið lögð á að hafa rúmt á milli húsa, þannig að byggðin verði ekki of þétt. Miðbærinn í Mosfellsbæ hefur fengið á sig svipmeira yfirbragð en var, en þar er búið að reisa mikið stórhýsi, sem setur svip á umhverfi sitt og gefur því meiri miðbæjarblæ. Þarna verður ráðhús Mosfellsbæjar, en bærinn hefur keypt þrjár hæðir undir bóksafn og bæjarskrifstofur.; Þarna verður ennfremur verzlunar- og þjónustumiðstöð með aðstöðu fyrir margs konar fyrirtæki, sem veitt geta fjölbreytta þjónustu. í bænum eru stórir atvinnurek- andur eins og Reykjalundur, bygg- ingafyrirtækið Álftárós og svo auð- vitað bæjarfélagið sjálft vegna þeirr- ar þjónustu, sem það veitir. Engu að síður sækja margir bæjarbúar atvinnu út fyrir bæjarfélagið, enda þótt þeir séu líka margir annars stað- ar að á höfuðborgarsvæðinu, sem sækja atvinnu sína í Mosfellsbæ. Sextán íbúðir Sérbýlið hefur lengi sett mikinn svip á Mosfellsbæ, en fjölbýlishús verið þar í miklum minnihluta. Eftir- spurn eftir góðum íbúðum í fjölbýlis- húsum þar hefur þó verið töluverð. Við Fálkahöfða 2-4 er byggingafyr- irtækið Guðjón Þorvaldsson hf. nú að reisa þriggja hæða fj'ölbýlishús með 16 íbúðum. Framkvæmdastjóri þess og aðaleigandi er Guðjón Þor- valdsson múrarameistari, en hann hefur unnið að húsbyggingum í ára- tug. Fyrir nokkrum árum byggði hann 18 íbúða fjölbýlishús við Bjartahlíð í Mosfellsbæ og í fyrra lauk hann við fjölbýlishús við Gull- engi í Engjahverfi. Húsið við Fálkahöfða er stein- steypt og einangrað að innan á hefð- bundinn hátt, en allir milliveggir eru hlaðnir og múraðir. Það er hannað af Kjartani Sveinssyni. Framkvæmd- ir standa nú yfír af fullum krafti og ætlunin er að steypa tvær hæðir upp fyrir áramót. Síðan verður lokið við íbúðirnar og þær afhentar í vor. Morgunblaðið/Ásdís ELÍAS Haraldsson, sölumaður hjá fasteignasölunni Hóli og Guðjón Þorvaldsson múrarameistarí. Mynd þessi er tekin fyrir framan fjölbýlishúsið, sem Guðjón er með í byggingu við Fálkahöfða 2-4. í baksýn er Esjan. Framkvæmdir standa nú yfir af fullum kraftí og ætlunin er að steypa tvær hæðir upp fyrir áramót. Síðan verður lokið við ibúðirnar og þær afhentar í vor. Framboð hefur verið lítið á nýjum íbúðum í fjölbýlishúsum í Mosfellsbæ. Magnús Sig- urðsson kynnti sér íbúðir, sem Guðjón Þor- valdsson múrarameistari hefur hafíð bygg- ___ingu á í fjölbýlishúsi við Fálkahöfða. Allar íbúðirnar eru með sér inn- gangi, en gengið er inn í opið stiga- hús inn á pall og síðan inn í þrjár íbúðir á hverjum palli. Mjög stórar svalir eru á íbúðunum og ná þær fyrir horn á endaíbúðunum. Svalirn- ar snúa í suðvestur. en inngangurinn í íbúðirnar er norðaustan megin. Þvottahús er í hverri íbúð og góðar sér geymslur á 1. hæð fyrir hverja íbúð. íbúðirnar eru ýmist 3ja eða 4ra herbergja. Þriggja herb. íbúðirnar eru mismunandi að stærð, þær minni eru 87 ferm. fyrir utan sameign og geymslu. en þær stærri 97 ferm. Fjögurra herb. íbúðirnar eru svo 117 ferm. nettó. Sala á íbúðunum er þegar hafin. Verð á minni 3ja herb. íbúðunum tilbúnum undir tréverk er 6,4 millj. kr. en 6,8 millj. kr. á þeim stærri og á 4ra herb. íbúðunum er verðið 7,6 millj. kr. Það er einnig hægt að fá íbúðirn- ar fullbúnar en án gólfefna og þá er verð á minni 3ja herb. íbúðunum 7,3 millj. kr. en 7,8 millj. kr. á þeim stærri og 8,7 millj. kr. á 4ra herb. íbúðunum. Átta bílskúrar verða byggðir við húsið og er hægt að fá þá keypta sérstaklega. Bílskúrarnir verða 25 ferm. og eru þeir seldir tilbúnir að utan en fokheldir að innan. Kaup- verð þeirra er 750.000 kr. Sameign- arlóð verður skilað fullfrágenginni, bílastæði malbikuð og gangstéttar hellulagðar eða steyptar. Vænlegur staður — Það hefur lítið verið úthlutað af lóðum í Mosfellsbæ undir fjölbýlis- hús, enda þótt mðrgum finnist bær- inn mjög vænlegur staður til að búa í, segir Guðjón Þorvaldsson. — Þann- ig var mjög góð eftispurn eftir þeim íbúðum, sem ég byggði fyrir nokkr- um árum við Bjartahlíð í Mosfellsbæ og það gekk mjög vel að selja þær. Nú er ég einnig að byggja á mjög góðum stað, en lóðin, sem ég fékk úthlutað, stendur á mjög skemmti- legum stað við götuna Fálkahöfða. Þessi gata er í beinu framhaldi af svonefndu Tangahverfi, sem liggur skammt fyrir ofan golfvöllinn í Mos- fellsbæ. — Þetta er tvímælalaust eitt skemmtilegasta nýbyggingasvæðið í Mosfellsbæ, heldur Guðjón áfram. — Þaðan er útsýni í suðvestur yfir Grafarvog, borgina og flóann og síð- an allan hringinn vestur á jökul og til norðurs yfír sundin og til Esju og fjallanna þar. Viðbrögð við auglýsingu um þess- ar íbúðir hafa verið góð og tilboð þegar farin að berast. — Það er bæði yngra og eldra fólk, sem sæk- ist eftir þessum íbúðum, segir Guð- jón. — Félagsleg aðstaða verður þarna mjög góð, en það á að reisa barnaskóla og verzlun rétt hjá. Sú spurning kemur upp, hvort fjarlægðin frá Reykjavík upp í Mos- fellsbæ sé ekki til trafala, einkum í ófærð og myrkri á veturna? — Fólk setur fjarlægðina ekki fyrir sig, seg- ir Guðjón. — Ég tel, að þáttaskil hafí orðið í samgöngum með Höfða- bakkabrúnni og allt annað en var að aka frá borginni upp í Mosfellsbæ. Nú er þetta bein og greið leið, því að það þarf ekki lengur að nema staðar við Höfðabakka. Þaðan er varla nema 10 mínútna akstur upp í Mosfellsbæ og vegurinn er raflýst- ur. Snjór er hreinsaður eldsnemma á morgnana, áður en fólk fer al- menht til vinnu, þannig að vegurinn er mjög greiðfær á veturna. Fjar- lægðin úr borginni upp í Mosfellsbæ er því ekki lengri en svo, að hún aftrar engum manni frá því að setj- ast þar að. Þar við bætist, að gatan Fálkahöfði er vestast í Mosfellsbæ. Það er því styttra þangað en í önnur hverfi í bænum og ekki þarf að aka í gengum bæinn til þess að komast þangað. Rúmgóð eldhús — Ég tel, að þessar íbúðir séu mjög vel hannaðar og að það eigi sinn þátt í, hversu góðar móttökur þær hafa fengið úti á markaðnum, segir Elías Haraldsson hjá fasteigna- söiunni Hóli, þar sem þessar íbúðir eru til sölu. Eldhúsin eru lokuð en mjög rúm- góð og með góðum borðkrók, en ekki opin við stofu, eins og nú tíðk- ast í mörgum nýjum íbúðum. Rýmið er nýtt á mjög skemmtilegan hátt og ég tel, að það hafí ráðið úrslitum HORFT út yfir sundin. Frá Fálkahöfða er gott útsýni í suðvestur yfir Grafarvog, borgina og flóann og síðan allan hringinn vestur á jökul og svo tíl norðurs tíl Esju og fjallanna þar.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.