Morgunblaðið - 13.11.1996, Blaðsíða 7

MORGUNBLAÐIÐ
7
LANDSFUNDIR
MIÐVIKUDAGUR13. NÓVEMBER1996 D 7
Aðalfundur Landssambands smábátaeigenda
Ollum frekari álögum á
smábátaútgerð hafnað
AÐALFUNDUR Landssambands
smábátaeigenda, sem haldinn var í
liðinni viku, hafnar öllum frekari
álögum á smábátaútgerðina í gegn-
um þróunarsjóðs-, veiðileyfa- og
veiðieftirlitsgjöld. „Smábátaútgerð-
in greiðir um það bil 2% af veltu í
Þróunarsjóð, veiðileyfi og veiðieftir-
litsgjöld. Þessi gjöld eru ákveðin
miðað við krónur á kíló. Með þessu
móti er aðilum innan greinarinnar
stórlega mismunað og má þar nefna
að fiskverð er mjög breytilegt eftir
landshlutum. Þá er sjófrystingin
skattlögð eins og önnur fiskiskip,
en ekki með tilliti til þess að hún
gegnir jafnframt hlutverki land-
vinnslunnar, atvinnugreinar sem
hún á stærstan þátt í að koma í
þann mikla vanda, sem við henni
blasir," segir í ályktun LS.
Ennfremur segir að skv. nýjustu
fréttum sé búið að taka ákvörðun
um að Þróunarsjóður fjármagni
nýtt hafrannsóknarskip að mestu
leyti. Einnig sé fullljóst að allar
smugur úthafanna séu að lokast.
„Það vekur ugg hvað varðar hinn
stóra flota úthafsskipa sem verður
verkefnalaus í kjölfar alþjóðlegra
samninga. Það er nokkuð ljóst að
Þróunarsjóði verður sendur reikn-
ingurinn og það verða engir aðrir
en starfandi aðilar inna sjávarút-
vegsins sem verða látnir borga
brúsann."
Þorri fulltrúa á aðalfundi LS tel-
ur að skuldir Þróunarsjóðs séu slík-
ar að tekjur sjóðsins þurfi að hækka
umtalsvert til að standa undir
skuldbindingum. Það sé aftur á
móti ljóst að peningar verði ekki
sóttir í vasa trillukarla í þeim til-
gangi. Aðalfundurinn fól formanni
og framkvæmdastjóra að beita sér
fyrir leiðréttingu á gjöldum þessum
þannig að smábátar greiddu hlut-
fallslega jafnt og önnur útgerð í
landinu.
Fiskur slægöur
á löndunarstað
Þeim tilmælum er beint til sjávar-
útvegsráðherra og Fiskistofu að
þegar í stað verði numinn úr gildi
hluti reglugerðar nr. 684/1995 þar
sem fjallað er um skilyrði fyrir því
að fiski sé landað óslægðum. Skv.
dreifibréfi, sem Fiskistofa sendi
fiskmörkuðum, virðist túlkun Fiski-
stofu vera sú að óheimilt sé að flytja
fisk milli byggðarlaga óslægðan,
heldur skuli hann vera slægður á
löndunarstað og síðan fluttur á
milli staðá.
Fundurinn harmaði linkind
stjórnvalda við hvers konar kvóta-
svindl, hvaða nöfnum sem nefnast,
og telur viðurlög við slíkum svikum
nánast hlægileg. Fundurinn sam-
þykkti að fela stjórn LS að gera
leiðbeinandi samninga um launa-
kjör og ráðningu manna á smábát-
um. Studdar eru tillögur, sem
Starfshópur um losunar- og sjósetn-
ingarbúnað björgunarbáta leggur
til, að smábátaeigendur hafí val um
hvort þeir hafí fjarstýringu Lil losun-
ar björgunarbáta eða losunarbúnað
sem virkar fyrir áhrif sjávar. Óskað
er eftir því að fá niðurstöður á til-
raunaveiðum með snurvoð í Faxa-
flóa og jafnframt upplýsingar um
hvenær þeim lýkur. Einnig verði
gerð athugun á áhrifum dragnótar-
innar víða um landið hvað varðar
áhrif á lífríki viðkomandi veiði-
svæða.
Fundurinn ályktaði að Veður-
stofa íslands hraði uppsetningu
sjálfvirkra veðurathugunarstöðva í
Glettingi og Papey og þakkaði Veð-
urstofu íslands það sem nú þegar
hefur verið aðhafst í þessum mál-
um. Skorað var á löggjafarvaldið
að heimila smábátaeigendum að
velja sjálfir vörsluaðila lífeyris-
greiðslna sinna og LS vill leggja til
við stjórnvöld að reynt verði til hins
ýtrasta að sameina og hagræða
eftirlitsiðnaði til að minnka megi
kostnað útgerðanna.
Stórútgerðlrnar aflögufærar
Fundurinn samþykkti að beita
sér fyrir því að eigendur aflamarks-
báta fái leiðréttingu á þeirri skerð-
ingu í aflaheimildum og þeirri mis-
munun, sem þeir hafa mátt þola á
undanförnum árum enda telur hann
stórútgerðirnar, sem ekki hafa veitt
aflaheimildir sínar innan íslenskrar
lögsögu vegna úthafsveiða, aflögu-
færar.
Fundarmenn töldu úthlutun
vegna afnáms línutvöföldunar al-
gjört reiðarslag fyrir þennan
gleymda flota og að afnámið valdi
því að mun minni afli í hæsta gæða-
flokki berist til fískvinnslunnar,
fisksala og ekki síst í flug sem hef-
ur verið mikil lyftistöng fyrir að
halda uppi háu markaðsverði.
Áréttað er að þingmenn standi við
loforð sín varðandi línutvöföldun.
Skorað er á stjórn LS að vinna
í því við sjávarútvegsráðuneytið að
svokallaður „Davíðssjóður" verði
festur í sessi til frambúðar. Fundur-
inn bendir á að fella beri niður út-
hlutun í þorski úr jöfnunarsjóði til
sérveiðiheimilda skipa, svo sem
rækjuveiðiskipa í úthafs- og inn-
fjarðarrækju, enn fremur loðnu-
veiðiskipa. Þar af leiðir að meira
verður til skiptanna fyrir þá, sem
eftir eru, og mesta þörf hafa fyrir
frekari veiðiheimildir.
500 tonnin tll
aflamarksbáta
Vegna þeirra gífurlegu skerðinga
sem smábátar á aflamarki hafa
mátt þola og þeirrar skerðingar sem
kom til vegna tengingar aflahlut-
deildar krókabáta við 155 þús. tonn,
telur fundurinn að úthluta beri þeim
500 tonnum sem eyrnamerkt eru
krókabátum á aflahámarki hjá
Byggðastofnun til smábáta á afla-
marki, en um þetta spunnust miklar
umræður á aðalfundinum og sýnd-
ist sitt hverjum.
Einnig krefst fundurinn þess að
allur annar afli en þorskur, sem
veiddur er á króka, verði ekki und-
ir kvóta. Þar er átt við ýsu, ufsa
og steinbít. Sömuleiðis að smábát-
ar á aflamarki fái að stunda ftjáls-
ar handfæraveiðar síðustu þijá
mánuði fiskveiðiársins, svo fremi
að þeir hafi veitt sinn kvóta sjálf-
ir. Fundurinn leggur til að sett
verði á laggirnar nefnd, sem leiti
eftir viðræðum við sjávarútvegs-
ráðuneytið um vanda aflamarks-
báta hið fyrsta auk þess sem vilji
kom fram um að leyfa skuli ýsu-
veiði í fimm og hálfs tommu net
um allt land.
Frjálsar handfæraveiðar
fyrir alla smábáta
Varðandi veiðar krókabáta á
þorskaflahámarki, var samþykkt á
fundinum tillaga um að hvergi verði
kvikað frá kröfunni um fijálsar
handfæraveiðar fyrir alla smábáta
sem það kjósa. Með hliðsjón af þeirri
umræðu, sem fram hefur farið á
norðurhveli jarðar um vistvænar
veiðar strandbúa og fyrirhugaða
stofnun samtaka um það efni, telur
fundurinn tillögu sem þessa fylli-
lega raunhæfa. Meðan þetta tak-
mark náist ekki fyllilega, verði unn-
ið að eftirfarandi breytingum á
ákvæðum núgildandi laga um stjórn
fískveiða sem eiga við veiðikerfi
þorskaflahámarksbáta. Að leyft
verði fijálst varanlegt framsal
þorskaflahámarks innan hópsins án
þess að úrelda bátana. Að framsal
á aflahámarki verði leyft innan árs-
ins, en ekki verði leyft að flytja
meira en 30% af aflaheimildum á
ári og auk þess verði áfram heimilt
að færa 20% heimilda milli ára.
Fundurinn telur fráleitt að tvöfalda
úreldingu þurfi til endurnýjunar
krókabátum á þorskaflahámarki og
gerir kröfu um að einföld úrelding
nægi. Það varði öryggi sjómanna
að eðlileg endurnýjun eigi sér stað.
Fundurinn leggur til að eigendum
báta á þorskaflahámarki sé gefinn
kostur á að endurnýja bátana með
því að nýta báta, sem búið er að
úrelda.
84 sóknardagar
að lágmarki
Hvað veiðikerfi sóknardagabáta
í línu- og handfærakerfi snertir, er
lagt til að settir verði 84 lágmarks
sóknardagar án potts og sóknar-
dögum verði fjölgað í samræmi við
auknar þorskveiðiheimildir. Hægt
verði að færa daga á milli ára í línu-
og handfærakerfinu allt að 20%.
Leyft verði að færa sóknardaga
innan fískveiðiársins á milli sóknar-
dagabáta. Úreldingarreglum verði
breytt þannig að ekki þurfi að úr-
elda tvöfalt á móti nýsmíði. Sóknar-
dagabátar njóti umbunar í sóknar-
dögum ef 80% aflans er annað en
þorskur. Hver sóknardagur á línu
telji 1,35 allt árið. Vegna atvinnu-
sköpunar og góðs hráefnis megi
ekki leggja línuveiðar af. Ónýtt
þorskaflahámark umfram 20%
geymslurétts hvers liðins fískveiði-
árs verði notað til aukningar afla-
potts sóknardagabáta þess sama
fískveiðiárs. Afli þeirra sóknar-
dagabáta, sem verða úreltir á físk-
veiðiárinu 1996/1997 telji ekki til
fækkunar sóknardaga þeirra á
næsta fískveiðiári. Fundurinn vakti
einnig athygli á því að sóknardaga-
kerfið væri sá útgerðarflokkur sem
hvetur til að allur afli sé færður
að landi.
Sérveiðiheimildir
til grásleppuvelða
Aðalfundurinn samþykkti að bát-
um, sem ekki hafa sérveiðiheimildir
til grásleppuveiða, verði óheimilt
að koma með grásleppu eða hrogn
í land. Grásleppuveiðar á næstu
vertíð verði háðar því að veiðar á
hveiju svæði verði 90 dagar og
framlenging ekki leyfð. Bannað
verði að breyta svæðisskiptingu eft-
ir að veiðitími hefst. Bátar, sem
stunda rauðmaganetaveiðar, þurfi
frá og með næstu vertíð 1997, að
hafa grásleppuleyfi til að mega
stunda rauðmaganetaveiðar. Grá-
sleppuleyfi verði bundið þeim skil-
yrðum að ekki sé búið að flytja all-
an þorskkvótann af aflamarks- og
aflahámarksbátum, sem rétt eiga
til grásleppuveiða. Einnig að króka-
bátar á dagatakmörkunum verði
að eiga ákveðið marga daga eftir
af sínum veiðidögum.
Fundurinn krefst þess að stjórn-
völd láti nú þegar Hafrannsókna-
stofnun hefja rannsókn á stofn-
stærð og nýliðun hrognkelsastofns-
ins, eins og gert er við aðra físki-
stofna hér við land. Niðurstöður
ættu að gefa hvað heimilt er að
veiða án þess að ganga á stofn-
stærð hrognkelsa. Fundurinn bend-
ir á að einhverra hluta vegna virð-
ist stofninn vera í lágmarki því þrátt
fyrir stóraukna sókn undanfarin ár,
hefur heildarveiði yfír landið minnk-
að. Einnig þegar miðað er við afla
í hvert net, þá hefur afli stórlega
minnkað og er aðeins smábrot mið-
að við það sem áður var. Fundurinn
gerir kröfu til þess að greiðslur
fyrir leyfi til grásleppuveiða renni
til Hafrannsóknastofnunar enda
noti stofnunin umrædda fjármuni
til rannsókna á hrognkelsastofnin-
um við ísland.
Samþykkt var tillaga um að grá-
sleppuvertíð skuli hefjast í Faxaflóa
á hefðbundnum tíma, þ.e. 20. apríl
og aðeins sé um einn byijunardag
að ræða, en grásleppuveiðar á E-
svæði hefjist 20. mars. Ákvörðun
Fiskistofu um meðafla í grásleppu-
net upp að 4 tonnum hjá sóknar-
dagabátum án skerðinga á dögum
skuli einnig gilda fyrir aðra báta,
sem grásleppuveiðar stunda hvort
sem er um aflamarksbát eða aflahá-
marksbát að ræða.
HAEÞAUGL YSINGAR
Matsvein vantar
Matsvein og vanan netamann vantar
á 250 lesta togskip frá Grindavík.
Upplýsingar í símum 852 0298 og 892 2357.
Vanur matsveinn
óskar eftir plássi.
Upplýsingar gefnar í síma 561 1764.
TIL SÖLU
KVUTABANKINN
Vantar þorsk til leigu.
Þorskur (aflahlutdeild) til sölu.
Sími 565 6412, fax565 6372, Jón Karlsson.
BÁTAR — SKIP
Bátar
Óska eftir að kaupa báta, kvótalausa,
með veiðileyfi.
Svör sendist til afgreiðslu Mbl., merkt:
„B - 2190“.
Fiskiskiptilsölu
35 lesta eikarskip í mjög góðu standi, mikið
endurnýjað og vel útbúið, selst með veiði-
leyfi, en án heimilda.
60 lesta eikarskip með 500 hestafla vél, út-
búið á net, línu, troll og snurvoð, selst með
veiðileyfi, án aflaheimilda.
Skipasalan-Ársalir,
Lágmúla 5, sími 533 4200,
heimas. 565 1943og852 0667.
w
Utgerðarmenn ath.l
Höfum kaupendur að 100-150 tonna fjöl-
veiðiskipi og 18-20 m rækjutogurum.
Til sölu er 15 brl. eikarbátur, allur nýtekinn
í gegn, í toppstandi. Selst með eða án veiðar-
færa.
45 tonn af þorski til leigu. Góð kjör ef samið
er strax.
22 feta Flugfiskur í toppstandi. Handfæri.
Tekur 4 kör í lest. Volvo Penta 165 uppt.
Mótun með ca 42 tonna aflahámarki.
Höfum kaupendur að krókarúmmetrum í öll-
um kerfum.
Vantar aflamarksrúmmetra ca 200. Einnig
vantar leigukvóta á skrá strax.
Vantar úrelta piastbáta á skrá.
Skipamiðlunin Bátar og kvóti,
Erlingur Óskarsson hdl.,
Eggert Jóhannesson,
Friðrik Ottósson,
Síðumúla 33, símar 568 3330
og 898 6099, fax 568 3331.
Opið mánudaga-föstudaga kl. 9.30-18.00
og laugdaga kl. 14.00-16.00.