Morgunblaðið - 14.11.1996, Blaðsíða 53
MORGUNBLAÐIÐ
MINNIIMGAR
FIMMTUDAGUR 14. NÓVEMBER 1996 53
ARNI
PÉTURSSON
+ Árni Pétursson fæddist í
Vestmannaeyjum 4. febr-
úar 1941. Hann lést á heimili
sínu í Garðabæ 9. október síð-
astliðinn og fór útför hans
fram frá Háteigskirkju 18.
október.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum)
Það gæti virst svo, að það væri
að bera í bakkafullan lækinn að
rita enn eina minningargrein um
Árna Pétursson, en við sem eftir
erum og stóðum honum svo nærri,
getum ekki annað en minnst hans
með fáeinum orðum. Ekki að við
getum með því fengið hann aftur,
eða að söknuðurinn verði minni,
heldur viljum við einfaldlega minn-
ast hans og að það verði vitað hve
mikla þýðingu hann hafði fyrir
okkur.
Við dauðsfall myndast skarð í
þá heild sem áður hafði verið. Þetta
skarð er okkur stórt því Ámi var
ekki bara einn af mörgum, heldur
var hann ómetanleg stoð og stytta;
burðarstólpi í fjölskyldunni. Minn-
ingar streyma upp daglega og
fækkar ekki er dagarnir líða. Þá
uppgötvar maður hve óendanlega
mikið við upplifðum saman.
Árni kom inn í fjölskylduna þeg-
ar við systkinin vorum á mjög ólík-
um aldri; sum varla byrjuð í skóla,
en önnur orðin hálf-fullorðin. Þó
tókst honum að móta okkur öll á
sinn hátt með stórbrotnum per-
sónuleika sínum.
Enginn var sem Árni, svo til-
komumikill og rismikill persónu-
leiki. Hvort sem fólk var sammála
honum eða ósammála, komst það
ekki hjá að virða og meta skoðanir
hans og hreinskilni.
Hann var ekki maður sem skipti
um skoðun eftir því hvernig vindur-
inn blés, heldur stóð fastur af sér
bæði veður og vinda, hvort sem það
voru kenningavindar eða tísku-
straumar.
En hann stóð ekki aðeins fastur
á skoðunum sínum, því ef erfiðleik-
ar steðjuðu að eða eitthvað bjátaði
á var hann sem klettur. Þá stóð
hann fastur fyrir og lét ekkert
mótlæti hrófla við sér. Nemendur
sem vinir vissu að hann stóð með
þeim þegar á reyndi og þessir eigin-
leikar gerðu hann ómissandi í okk-
ar fjölskyldu. Ekki aðeins þessi
styrkur hans, heldur bjó hann líka
yfir raunsæi og hæfileika til að
horfa fram á við, lengra en til til-
finninga líðandi stundar.
Öll reyndum við þetta, bæði sem
einstaklingar og sameinuð ijöl-
skylda. Ef eitthvað bjátaði á var
gott að leita til Áma. Sannur og
hreinskilinn gaf hann ráð af sinni
miklu reynslu og eigin sannfæringu.
Hann var röggsamur, drífandi
og forðaðist að mikla fyrir sér hlut-
ina; vildi heldur drífa þá af. Það
átti ekki aðeins við um aðra, eins
og svo oft vill verða, heldur var
hann ekkert að tvínóna við hlutina
sjálfur.
Við sem eftir erum fáum vart
lýst því tómarúmi og skarði sem
Árni skilur eftir sig. Við eigum
erfítt með að lýsa þeim tilfinningum
sem bærast innra með okkur.
Óendanlegur fjöldi minninga stend-
ur eftir; söngvar sem hann söng,
óvæntar uppákomur, en þó fyrst
og fremst gleðin yfir því að hafa
fengið að kynnast honum og njóta
samvista við hann þessi ár. Otíma-
bært fráfall hans var reiðarslag
fýrir okkur öll í fjölskyldunni en
þó auðvitað mest fyrir eiginkonu
hans og böm.
Elsku Lára, Þórunn og Þor-
steinn; þegar engin orð eru til að
mæla, stöndum við ykkur við hlið
og reynum að vera ykkur sú stoð
og styrkur sem við fengum sem
fyrirmynd frá honum.
Fjölskyldan Nesvegi 76.
ELINBORG
ÓLADÓTTIR
+ Elínborg Óladóttir fæddist
í Reykjavík 25. nóvember
1928. Hún lést á Landspítalan-
um 28. október síðastliðinn og
fór útför hennar fram frá Frí-
kirkjunni í Reykjavík 5. nóvem-
ber.
Kæra Bogga.
Þegar þú ert nú kvödd af okkur
sem enn erum í jarðvist okkar lang-
ar mig til að rifja upp hugleiðingar
mínar í gegnum árin.
Ég ólst upp í næsta húsi við hús
fjölskyldunnar. Ég var bam enn
þegar þú varst orðin ung, glæsileg
kona sem ég dáðist mjög að. Ég
þekkti enga aðra flugfreyju en þig
og veit nú að þú varst fyrsta flug-
freyja Loftleiða á þessum tíma.
Enginn átti eins falleg föt og þú
og voru þau valin saman á mjög
flottan hátt. Þú varst sem sagt
fyrsta „karrier“-konan sem ég
kynntist. Ég man þegar þú gekkst
með fyrsta barn þitt, Öddu Höm.
Þú komst í heimsókn og mamma
spáði í framtíð þína. Þú barst harm
í hjarta og löngun þín til lífsins
gekk ekki alveg upp.
Ég man hversu fáránlegt okkur
fannst þegar móðir mín spáði þér
að þú ættir eftir að eiga tíu böm
í viðbót með Hermanni þínum. Eng-
um datt í hug að þessi fallega kona
í stórbrotnu starfi mundi kjósa að
lifa lífi sínu í þágu ástarinnar og
tileinka líf sitt manni sem hún elsk-
aði. Þú varst tilbúin til að ganga
þann veg án skilyrða. Líf þitt var
tileinkað börnum og eiginmanni
fyrst og fremst. Spádómurinn gekk
eftir. Guð gaf þér ellefu dásamleg
börn með Hermanni þínum. Lífið
var langt frá því að vera dans á
rósum en vegur þinn var mér sem
ævintýri. Mér fannst þú nú vera
ímynd ástar og móðurkærleika.
Aldrei vissi ég til að þú kvartaðir.
Þú gekkst þennan veg með því sama
stolti og ég sá þegar þú varst ímynd
velgengninnar í flugfreyjustarfínu.
Á þessum tíma kom fram hversu
listfeng þú varst í huga og höndum
því alltaf voru börnin vel klædd,
mestmegnis vegna þinna verka.
Ennþá skarta niðjar þínir fötum
sem þú hefur gert á þá.
Síðasta tímabil jarðarævi þinnar
var mjög erfitt þar sem illvígur
sjúkdómur herjaði á líkamann.
Ég fékk að vera við hlið þér síð-
asta tímabilið og fékk þá að fylgjast
enn einu sinni með hve stoltið, dugn-
aðurinn og tígulleikinn stjómaði öll-
um gjörðum þínum. Ég þakka inni-
lega fyrir að hafa fengið að fýlgjast
með þessum ótrúlega sálarstyrk og
reisn sem einkenndi baráttu þína.
Vegir Guðs eru órannsakanlegir en
fyrst að ekki var hægt að sigra sjúk-
dóminn held ég að það hafí verið
Guðs hjálp að þú þurftir ekki að
þjást lengur. Að mínu mati skilur
þú eftir mikinn auð tii íslands. 11
dugleg böm munu halda nafni ykkar
Hermanns og ævisögu lifandi um
ókomin ár og þeirra niðjar.
Þetta er ástarsaga sem mun jafn-
vel lýsa þeim um aldir. Guð gefi
Hermanni þínum styrk um ókomin
ár og niðjum þínum og honum
huggun á þessum vegamótum.
. Selma frá Sóliieimatungu.
MYNDIN er tekin þegar Bridsfélag Hafnarfjarðar spilaði gegn Bridsfélagi Selfoss í 51. skipti.
Þarna má sjá marga kunna bridsmenn, bæði þá og nú, samankomna.
BRIPS
U m s j ó n
Arnór G. Ragnarsson
50 ára afmæli Bridsfélags
Hafnarfjarðar
ÞÆTTINUM hefir borist efirfarandi
bréf frá Ásgeiri Ásbjörnssyni í tilefni
50 ára afmæli Bridsfélags Hafnar-
fjarðar:
Bridsfélag Hafnarfjarðar varð ný-
lega 50 ára og er þar með orðið eitt
af elstu starfandi bridsfélögum á land-
inu. Að sjálfsögðu er haldið upp á
afmælið með ýmsu móti, en helst er
það að nefna að við fórum með fríðu
föruneyti í víking til írlands og skoruð-
um þarienda kappa á hólm. Eitthvað
vafðist þeim tunga um tönn við að sjá
svo vaskan hóp og færðust undan
hólmgöngunni en eftir harða viðureign
stóðum við íslendingar uppi sem sigur-
vegarar og höfðum á brott með okkur
herfang gott. Sættir tókust þó um síð-
ir og hófust þá þegar viðskipti allnokk-
ur. Erfiðastur viðureignar reyndist Íri
sá biksvartur og göldróttur er Guiness
nefndist. Sótti hann gjarnan að mönn-
um í svefni og olli þeim búkhljóðum
og ólofti svo mögnuðu að margir urðu
svefnvana og ekki síst aðrir þeir sem
í sama herbergi sváfu. Við brottför
höfðu þó flestir á orði að gott væri
íra heim að sækja.
Bók um sögu féiagsins hefur verið
gefin út og spannar hún allt tímabilið
frá 1946 til dagins í dag. Að þessari
útgáfu hafa þeir Guðni Þorsteinsson
og Trausti Harðarson unnið mikið og
óeigingjarnt starf og viljum við nota
tækifærið og þakka þeim fyrir þá
vinnu alla.
Um næstu áramóti verður svo jóla-
mót félagins enn veglegra en fyrr og
verður um leið afmælismót þess. Allt
um það síðar.
Félag eldri borgara í
Reykjavík og nágrenni
Mánudaginn 4. nóvember spiluðu
24 pör í tveimur riðlum. Og var þetta
síðasti dagurinn í minningarmótinu
um Jón Hermannsson.
A-riðill
Júlíus Guðmundsson - Jón Magnússon 131
MagnúsHalldórsson - Baldur Asgeirsson 117
Ingunn K. Bernburg - Vigdís Guðjónsdóttir 114
Meðalskor 108.
B-riðill
RagnarHalldórsson-HjálmarGíslason 205
ÞórarinnÁmason-BergurÞorvaldsson 200
Sigurleifur Guðjónsson - Lárus Hermannsson 197
Meðalskor 165.
Urslit í minningannótinu eru þá
þessi:
MagnúsHalldórsson-BaldurÁsgeirsson 558
JúlíusGuðmundsson-JónMagnússon 553
Ólafur Ingvarsson - Jóhann Lútersson 537
Og er þetta annað árið í röð sem
Magnús og Baldur vinna.
Fimmtudaginn 7. nóvember spiluðu
18 pör í Mitchell.
N/S
Gunnþórunn Erlingsdóttir - Elín Jónsdóttir 241
EggertEinarsson-KarlAdólfsson 239
Ingibjörg Stefánsdóttir - Þorsteinn Davíðsson 226
A/V
Ólafurlngvarsson-KristinnMagnússon 268
Sigurleifur Guðjónsson - Oliver Kristófersson 253
GunnarBjartmarz-SólveigBjartmarz 241
Meðalskor 216.
Bridsdeild Barðstrendinga
og Bridsfélag kvenna
Eftir 9 umferðir í Butler tvímenn-
ingi þar sem 36 pör taka þátt, er
staða efstu para eftirfarandi:
Eðvarð Hallgrímsson - Mapús Sverrisson 86
Sigrún Pétursdóttir - Guðrún Jörgensen 48
Aðalheiður Torfad. - Rapar Ásmundss. 44
Jóhannes Guðmundss. - Aðalbj. Benidiktss. 43
Halldór Svanbergss. - Óli M. Guðmundss. 41
Jónína Pálsd. -RagnheiðurTómasd. 37