Morgunblaðið - 23.11.1996, Blaðsíða 14

14 LAUGARbAGUR 23. NÓVEMBER 1996
AKUREYRI
MORGUNBLAÐIÐ
Guðmundur Ölafur sem nýr eftir miklar endurbætur
Morgunblaðið/Guðmundur Þór
GUÐMUNDUR Garðarsson fyrsti stýrimaður, Maron Björnsson
skipstjóri og Garðar Guðmundsson framkvæmdastjóri Garðars
Guðmundssonar hf. sem á og rekur skipið.
GUÐMUNDUR Ólafur ÓF 91 í heimahöfn í Ólafsfirði.
Messur og
samkomur
AKUREYRARKIRKJA: Sunnu-
dagaskóli í safnaðarheimili kl. 11 á
morgun. Guðsþjónusta kl. 14, séra
Guðmundur Guðmundsson héraðs-
prestur messar. Æskulýðsfundur kl.
17, farið út að borða eftir fund, fé-
lagar taki með sér 500 krónur. Guðs-
þjónusta á FSA kl. 17 á sunnudag.
Biblíulestur í safnaðarheimiii kl.
20.30.
GLERÁRKIRKJA: Biblíulestur og
bænastund verður í kirkjunni f dag,
laugardag. Allir velkomnir. Pjöl-
skylduguðsþjónusta á sunnudag kl.
11. Foreldrar hvattir til að koma
með börnunum. Barnakór Glerár-
kirkju syngur. Guðsþjónusta verður
að Dvalarheimilinu Hlíð kl. 16.
HVÍTASUNNUKIRKJAN: Jóla-
basar í dag kl. 15. Laufabrauð og
kökur. Vöfflur og kaffi selt á staðn-
um. Afmælishátíð Hjálparflokks í
kvöld kl. 20. Sunnudagaskóli kl. 11
á morgun, samsæti fyrir heimila-
sambandssystur kl. 15.30, samkoma
í umsjá þeirra kl. 17. Krakkaklúbbur
kl. 17 á miðvikudag, fyrir 6 ára og
eldri, biblíulestur kl. 20.30. 11+ á
fimmtudag kl. 17.
HVÍTASUNNUKIRKJAN: Sam-
koma kl. 14 á morgun, vitnisburðir.
Krakkaklúbbur fyrir 10 til 13 ára á
þriðjudag kl. 17.30, safnaðarfundur
kl. 20 á miðvikudag, krakkakbúbbur
á föstudag kl. 17.15, unglingasam-
koma kl. 20.30 á föstudagskvöld.
Vonarlínan, sími 462-1210, símsvari
með orð úr ritningunni.
KFUM og K: Samkoma kl. 20.30.
ræðumaður séra Guðmundur Guð-
mundsson, samskot tekin til starfs-
ins. Bænastund kl. 20. Allir vel-
komnir.
SJÓNARHÆÐ: Sunnudagaskóli á
morgun, sunnudag, kl. 13.30 í Lund-
arskóla. Almenn samkoma á Sjónar-
hæð kl. 17. Ástjamarfundur á mánu-
dag kl. 18 á Sjónarhæð. Unglinga-
fundur á föstudag kl. 20.30 á Sjónar-
hæð. Allir eru velkomnir.
Skipið var
lengt og
burðargeta
þess aukin
Ólafsfirði. Morgunblaðið.
LOÐNUSKIPIÐ Guðmundur Ólaf-
ur ÓF 91 kom til heimahafnar í
Ólafsfirði í vikunni, en það skipið
hefur verið í Póllandi þar sem það
var lengt um 8 metra og gerðar
á því umfangsmiklar endurbætur.
Með þessari lengingu eykst burð-
argeta skipsins um 200 tonn, úr
600 tonnum í 800.
Skipið er nú orðið 50 metrar
að lengd. Endurbæturnar tóku
ellefu vikur og voru gerðar í Gryf-
ia skipasmíðastöðinni í borginni
Szczecin sem er á landamærum
Póllands og Þýskalands. Skipið
var skorið í sundur í miðjunni og
settur þar 6 metra bútur og þá
var nýr skutur byggður sem
lengdi skipið aukalega um 1,8
metra. Á skutinn var settur tog-
búnaður og flottrollsbúnaður, þar
með talin ný öflug flottrollsvinda.
Þá var sett perustefni á skipið og
skipt um stýrisvél. Nýtt járn er
að stórum hluta í síðunum og fóru
um 100 tonn af nýju járni í allt
verkið. Lestarnar, sem eru þrjár,
voru allar endurnýjaðar. Loks má
nefna að ný austursskilja var sett
í skipið en hún síar í sundur sjó
og olíu. Með breytingunum stækk-
uðu allir klefarnir neðan þilfars
og voru endurnýjaðir.
Þessar breytingar voru hannað-
ar af Teiknistofu Karls G. Þór-
leifssonar á Akureyri.
Skipið var smíðað árið 1966 og
fékk haffæriskírteini 9. nóvember
sama ár, það má því segja að veg-
lega sé haldiðupp á þrjátíu ára
afmæli þess. Árið 1975 var skipið
lengt og yfirbyggt og árið 1989
var nýr bakki smíðaður á það og
einnig ný brú. Með þessum breyt-
ingum, sem nú hafa verið gerðar
á skipinu, er það orðið sem nýtt.
Hætt að henda manni úr
kojunni
„Við erum mjög ánægðir með
breytingarnar á skipinu, sjóhæfni
þess hefur batnað og kom það
mér mjög á óvart. Eg fann það á
siglingunni heim að skipið veltur
ekki eins og áður og er hætt að
henda manni úr kojunni," sagði
Maron Björnsson skipstjóri á Guð-
mundi Olafi.
Afkoma Kaupfélags Eyfirðinga kynnt á fundi Akureyrardeildar
Landvinnslan tapar
en útgerðin g’engnr vel
„OKKUR þótti síðasta ári erfitt í vinnslunni, en í samanburði við þetta ár
virðist það bara gott,“ sagði Magnús Gauti Gautason, kaupfélagsstjóri Kaup-
félags Eyfirðinga, þegar hann kynnti afkomu félagsins á fyrstu 8 mánuðum
ársins á aðalfundi Akureyrardeildar KEA í vikunni. Hann sagði að þó frem-
ur illa hafí árað í landvinnslunni gengi útgerðin vel og í heild væri rekstur
á sjávarútvegssviði viðunandi.
Tví-
söngur
SÖNGKONURNAR
Signý Sæmundsdóttir og
Björk Jónsdóttir ásamt
píanóleikaranum Gerrit
Schuil halda tónleika á
vegum Tónlistarfélags
Akureyrar í Safnað-
arheimili Akureyrar-
kirkju á morgun, sunnu-
daginn 24. nóvember kl. 17. Á ak, Haydn, Purcell, Rossini og
efnisskránni eru einsöngs- og Strauss ásamt enskum og skosk-
tvísöngslög eftir Brahms, Dvor- um þjóðlögum.
Blaðberar
Óskum eftir blaðburðarfólki til að bera út
blaðið um leið og það kemur í bæinn.
Kaupvangsstræti 1, sími 461 1600.
Veita frystihúss féiagsins á Dalvík
var rúmar 400 milljónir á tímabilinu
sem er 2% samdráttur í veltu, en 4%
samdráttur varð í veltu frystihússins
í Hrísey sem var um 217 milljónir
króna. Fram kom í máli kaupfélags-
stjóra að verulegt tap væri á rekstrin-
um, á Dalvík væri það meira en á
sama tíma í fyrra en aftur minna í
Hrísey.
Stöðug vöruþróun er í gangi á
frystihúsunum sem framleiða mikið
í neytendapakkningar og hefðu
margar prufur verið sendar utan.
Vænti Magnús Gauti þess að meiri
árangur yrði af starfinu strax á
næsta ári.
Hvað landbúnað varðar var velta
í stórgripaslátrun um 140 milljónir
og jókst milli ára, 29% samdráttur
varð í veltu sláturhúss sem var um
92 milljónir. Velta mjólkursamlags
var 792 milljónir og jókst um 3%,
en um 25 milljóna króna velta var á
rekstri mjólkurtankbíla og minnkaði
um tæp 10%. Tap er á rekstri slátur-
húss, en væntir kaupfélagsstjóri þess
að reksturinn verði réttu megin við
núllið í áramótauppgjöri. Afkoma
mjólkursamlags er betri en í fyrra,
en Magnús Gauti sagði að til lengri
tíma litið væri ástæða til að hafa
áhyggjur af samdrætti í mjólkur-
framleiðslu í héraðinu.
Mikið tap er á rekstri Hótels KEA
og sagði Magnús Gauti svo hafa
verið frá því í fyrrahaust. Hins vegar
væri búið að grípa í taumana þannig
að vonandi yrði ástandi betra á næsta
ári. Velta á þjónustusviðinu var sam-
tals 212,5 milljónir króna á fyrstu 8
mánuðum ársins, þar af velti Hótel
KEA um 135 milljónum króna.
Verslanir KEA veltu samtals um
2,4 milljörðum króna, þar af var
veltan. í matvöruversluninni rúmur
milljarður. Verslanir utan Akureyrar
voru með samtals 508 milljón króna
veltu, en fram kom í máli kaupfélags-
stjóra að tap sé á rekstri allra útibúa
félagsins. Hægt ætti að vera að reka
verslanir í Ólafsfirði og Siglufirði án
taps, en veikur grunnur væri fyrir
verslunum í Grímsey, Hrísey og
Grenivík.
Velta í iðnaði á vegum félagsins
var 391 milljón króna, 61 milljón í
brauðgerð, 205 hjá Kjötiðnaðarstöð
sem rekin er með tapi um þessar
mundir, en afkoman er aftur betri
en í fyrra í smjörlíkisgerð sem velti
43 milljónum króna. Safagerðin velti
79,5 milljónum.
Samstarfsfyrirtæki KEA veltu
samtals um 1,7 milljörðum króna.
Mikil aukning varð á veltu Útgerðar-
félags Dalvíkinga eða um nær 36%,
en hún var alls um 563 milljónir
króna. Samland velti 645 milljónum
króna, Efnaverksmiðjan Sjöfn 347
milljónum, Kaffibrennsla Akureyrar
97 milljónum, Akva hf. 36,5 milljón-
um og Akva USA 45 milljónum
króna.
Hlutabréf fyrir
310 milljónir
KEA keypti hlutabréf á tímabilinu
fyrir um 310 milljónir króna, mest í
hlutafjárútboðið Útgerðarfélags Ak-
ureyringa eða 180 milljónir króna.
Kaupfélagsstjóri sagði að tekin hefði
verið ákvörðun um að ráðstafa hluta
þess hlutafjár annað, en ekki orðið
af því enn. Þá keypti félagið hluta-
bréf í Mel fyrir 50 milljónir og Gunn-
arstindi fyrir 49 milljónir.
Félagið seldi hlutabréf fyrir rúmar
95 milljónir og eignir voru seldar
fyrir 21 milljón króna.
AKOplast
semur við
Ríkiskaup
AKOplast hefur gert samning
við Ríkiskaup um plastvörur,
en alls voru boðnar út 16 vöru-
tegundir. Samningurinn er til
tveggja ára en ákvæði eru í
honum um framlengingu.
Samningurinn felur í sér að
AKOplast sér um þjónustu, sölu
og dreifingu við allt að 500
opinber fyrirtæki og stofnanir
um land allt. Áætlað er að heild-
arnotkunin á plastvörum sé að
andvirði 17-20 milljónir króna.
Versli fyrirtækin fyrir meira en
10 þúsund í hvert skipti er
flutningur vörunnar ókeypis, en
almennur afhendingartími
pantana er einn sólarhringur.
Daníel Árnason fram-
kvæmdastjóri AKOplasts segir
að sumum þykir skjóta skökku
við að flytja svo mikið magn af
plastvörum suður til Reykjavík-
ur, flutningarnir séu vanalega í
hina áttina. Þessi hugsunarhátt-
ur sé sem betur fer að breytast
í kjölfar bættra samgangna og
opnari viðskiptahátta.
Viðurkenndu
fíkniefna-
neyslu
FJÓRIR menn um tvítugt hafa
viðurkennt við yfirheyrslur hjá
lögreglunni í Ólafsfirði að hafa
neytt fíkniefna. Neyslan upp-
götvaðist í kjölfar innbrots.
í vikunni kom í ljós að brot-
ist hafði verið inn í Vöruaf-
greiðslu Sveins Stefánssonar,
nokkrir pakkar sem þar áttu
að vera voru horfnir þegar átti
að afhenda þá. Þrír ungir menn
viðurkenndu að hafa brotist inn
í vöruafgreiðsluna og haft
pakkana á brott með sér. Við
húsleit fundust tæki og tól til
fíkniefnaneyslu og óverulegt
magn af hassi. Fjórði maðurinn,
búsettur á Akureyri, viður-
kenndi að hafa komið með fíkni-
efnin til Ólafsfjarðar og neytt
þeirra með þremenningunum.
Tónleikar
í Freyvangi
TÓNLISTARSKÓLI Eyjafjarð-
ar heldur söngtónleika í Frey-
vangi í Eyjafjarðarsveit á morg-
un, sunnudaginn 24. nóvmeber,
kl. 20.30. Þeir eru liður í stigs-
prófi Önnu Júiíönu Þórólfsdótt-
ur sem er að ljúka áttunda stigi
í söng frá skólanum. Auk Önnu
Júlíönu koma fram söngnem-
endur og kennarar og flytja fjöl-
breytta efnisská. Meðleikari
Önnu Júlíönu er Dórothea
Dagný Tómasdóttir. Aðgangur
er ókeypis og allir velkomnir.
Menning-
arsnobb
SNORRI Ásmundsson mynd-
listarmaður flytur fyrirlestur í
Deiglunni í Grófargili á morg-
un, sunnudaginn 24. nóvember
kl. 20.30. f fyrirlestrinum mun
Snorri velta fyrir sér menning-
arsnobbi í Listagili og víðar í
þjóðfélaginu.
Jerúsalem
KVIKMYNDAKLÚBBUR Ak-
ureyrar sýnir myndina Jerúsal-
em í Borgarbíói kl. 17 á morg-
un, sunnudaginn 24. nóvember.
Myndin er eftir danska leik-
stjóran Bille August og er gerð
eftir sögu Selmu Lagerlöf. Með
aðalhlutverk fara Maria
Bonnevie, Ulf Friberg, Max von
Sydow og Olimpia Dukakis.