Morgunblaðið - 04.12.1996, Blaðsíða 47
MORGUNBLAÐIÐ
Fordæma
aðgerðir
Israels-
manna
MORGUNBLAÐINU hefur borist
eftirfarandi bréf frá Nemendafé-
lagi Menntaskólans í Kópavogi
sem sent var til utanríkisráðuneyt-
is íslands:
„Á nemendafundi Menntaskól-
ans í Kópavogi 29. nóvember 1996
var samþykkt ályktun til ríkis-
stjórnar Islands um að hún beiti
sér fyrir frelsun Palestínu og for-
dæmi siðlausar aðgerðir ísraels-
manna á herteknu svæðunum
(Vesturbakka Jórdanár og Gaza-
svæðinu). Einnig mælum við for-
dæmingu á afskiptum ísraels-
manna á innanlandsmálum ná-
grannalanda sinna. í þessu felst
að lýðveldið ísland viðurkenni til-
verurétt Palestínuríkis með Jerú-
salem sem höfuðborg.
Sendum við ályktun þessa til
háttvirts utanríkisráðherra ís-
lands, Halldórs Ásgrímssonar,
með von um að hann komi málinu
á framfæri á alþjóðavettvangi og
við ríkisstjórn íslands."
Gönguferð
um
miðborgina
HAFNARGÖNGUHÓPURINN
stendur fyrir gönguferð í kvöld,
miðvikudagskvöld, kl. 20 og verð-
ur lagt upp frá Hafnarhúsinu.
Gengið verður eftir strandstígn-
um inn í Rauðarárvík og upp að
gömlu gasstöðinni v/Hlemm. Það-
an verður farið kl. 20.30 niður
Laugaveg og Bankastræti, eftir
Austurstræti og Aðalstræti og inn
á Vesturgötu. Gönguferðinni lýkur
við Hafnarhúsið. Á leiðinni verða
skoðaðar götuskreytingar og litið
í búðarglugga.
Þá verður litið á auglýsingar í
„Rafskinnu í Skemmuglugganum"
og „Kaffikerlingarnar í gamla
Kaaberhúsinu“. Að lokum verður
stansað við jólabjölluna fyrir fram-
an „Raforku“. Allir velkomnir.
Aðventuferð
Útivistar
JEPPADEILD Útivistar verður
með aðventuferð í Bása á Goða-
landi helgina 6.-8. desember. Á
laugardeginum verður létt ganga
fyrir alla og sameiginlegt kaffi-
hlaðborð, þar sem allir leggja til
einhvern mat. Eftir matinn verður
kvöldvaka. Haldið er heim á leið
eftir hádegi á sunnudag. Bóka
þarf í ferðina á skrifstofu Útvistar
eigi síðar en 4. desember.
Djass á
Kringlu-
kránni
TRÍÓ Ómars Einarssonar, gítar-
leikara, leikur á Kringlukránni á
miðvikudagskvöld og hefst leikur-
inn kl. 22.
Með Ómari eru þeir Tómas R.
Einarsson, kontrabassaleikari og
Einar Valur Scheving, trommu-
leikari. Leikin nverður jass úr
ýmsum áttum.
LEIÐRÉTT
Myndabrengl
MYNDABRENGL urðu í grein um
Fræðslumiðstöð bílgreina í Morg-
MIÐVIKUDAGUR 4. DESEMBER 1996 47
FRÉTTIR
Morgunblaðið/Ásdís
TERRY Rance kom fram í Dagsljósi RÚV og svæfði fólk með einni snertingu.
Dávaldur skemmtir í Loftkastalanum
HINGAÐ til lands er kominn
dávaldurinn Terry Rance og
mun hann halda sýningar í
Loftkastalanum dagana 4.-8.
desember.
Rance útskrifaðist frá alþjóð-
legum skólum á Englandi og
Spáni og hefur staðið fyrir fjöl-
mörgum dáleiðslunámskeiðum
jafnt í Bandaríkjunum sem á
meginlandi Evrópu. Hann hefur
hjálpað þúsundum manna að
hætta að reykja.
Undanfarinn áratug hefur
áhugi Terrys beinst að sýn-
ingarstörfum og kemur hann
reglulega fram á alþjóðavett-
vangi svo sem í Las Vegas og
Atlantic City en einnig hefur
hann verið með fasta dagskrá
á skemmtiferðaskipinu Quenn
Elisabeth.
Terry sýnir listir sínar með
aðstoð áhorfenda.
A ábyrgð
ritnefndar
Morgunblaðinu hefur borist eftir-
farandi athugasemd frá Wincie
Jóhannsdóttur, settum rektor
Menntaskólans við Hamrahlíð:
„í tilefni fréttatilkynningar sem
birtist í Morgunblaðinu í gær,
þriðjudag, og skilja má svo að um
frétt frá Menntaskólanum við
Hamrahlíð sé að ræða, er rétt að
taka fram eftirfarandi:
1. Fréttatilkynningin er frá rit-
nefnd skólablaðsins Beneventum
og er því alfarið á hennar ábyrgð.
2. Könnun sú á háttsemi nem-
enda í MH sem greint er frá er
unnin af nemendum í ritnefndinni
án þess að leitað hafi verið leið-
sagnar kennara skólans sem hafa
menntun og reynslu í gerð og úr-
vinnslu kannana. Því er óvarlegt
að draga víðtækar ályktanir af
umræddri könnun og ber frekar
að líta á hana sem skemmtiefni í
skammdegisdrunganum en vís-
indalega rannsókn.
3. Nemendur og kennarar í
Menntaskólanum við Hamrahlíð
eru algerlega sammála um að
fréttir af aukinni notkun fíkniefna
í samfélaginu eru mjög alvarlegar
og að beijast verður gegn fíkni-
efnavandanum með öllum ráðum
sem tiltæk eru.“
unblaðinu í gær. Undir mynd af
Jóni Garðari Hreiðarssyni fram-
kvæmdastjóra FMB vaptaði texta,
en þar var sagt að Ásgeir Þor-
steinsson endurmenntunarstjóri
hefði verið með námskeið. Sá texti
átti að fylgja stærri myndinni.
Morgunblaðið biðst velvirðingar á
mistökunum.
Rétt skal það vera
PÉTUR Pétursson hringdi og
gerði athugasemdir við ljóð Jónas-
ar Hallgrímssonar sem vitnað er
til í Velvakanda í gær. Ljóðið heit-
ir íslands minni og gerði Pétur
m.a. athugasemdir við greinar-
merkjasetningu í því.
Að sögn hans er það rétt svona:
Þið þekkið fold með blíðri brá,
og bláum tindi fjalla,
svanahljómi, silungsá
og sælu blómi valla.
Bröttum fossi, björtum sjá
og breiðum jökulskalla -
dijúpi’ hana blessun Drottins á
um daga heimsins alla.
Byrgjum brunninn
ÞAU mistök urðu við birtingu
greinar Benedikts Jóhannssonar,
sálfræðings, „Byrgjum brunninn“,
í Morgunblaðinu 28. nóvember sl.
að hluti setningar féll niður. Rétt
er málsgreinin svona:
„Meðan þjónustan í Reykjavík
var fullmönnuð samkvæmt fyrri
reglugerð sinnti hún um 5-6%
skólabarna einstaklingsbundið
árlega. Auk þess voru starfsmenn
þjónustunnar til ráðgjafar fyrir
stjórnendur og starfsfólk skólanna
og tóku þátt í hópathugunum og
starfi með hópa.“
Höfundur og aðrir hlutað-
eigendur eru beðnir velvirðingar á
mistökunum.
Nemendafélag MH
ekki skrifstofan
í BLAÐINU í gær birtist
fréttatilkynning frá Nemenda-
félagi MH um afmælisblað sem
félagið hefur nýgefið út í tilefni
af 30 ára afmæli skólans. Skilja
mátti af niðurlagi tilkynning-
arinnar að skrifstofa MH stæði á
bak við hana en það er ekki rétt
heldur er þessi tilkynning send af
Nemendafélagi Menntaskólans við
Hamrahlíð. Beðist er velvirðingar
á mistökunum.
SÖNGHÓPURINN Rúdólf.
Jóladjass í
Hafnarborg
HAFNFIRSKIR Gildisskátar
standa fyrir jóladjassi í Hafnar-
borg fimmtudagskvöldið 5. des-
ember kl. 21 undir yfirskriftinni
Djass fyrir alla.
Sönghópurinn Rúdólf kemur
fram, en hann skipa Skarphéðinn
Þór Hjartarson, tenór, Sigrún
Þorgeirsdóttir, sópran, Þór Heið-
ar Asgeirsson, bassi og Jóhanna
Halldórsdóttir, alt. Á efnisskrá
eru jólalög með djasssveiflu í
útsetningu Skarphéðins Þórs
Hjartarsonar.
Aðgangseyrir er 700 krónur.
Morgunblaðið/Kristinn
Eldvarnafræðsla í grunnskólunum
LANDSSAMBAND slökkviliðs-
manna hefur allt frá árinu 1985
efnt til brunavarnaátaks um jól og
áramót og nú stendur yfir eld-
varnavika þar sem slökkviliðs-
menn heimsækja alla grunnskóla
á landinu og veita nemendum í 3.
bekk fræðslu um eldvarnir.
Slökkviliðsmennirnir fræða börnin
meðal annars um eldvarnir á heim-
ilunum, notkun reykskynjara og
meðferð jólaskreytinga. Á mynd-
inni sjást þeir Guðlaugur Davíðs-
son, Oddur Hallgrímsson og Ari
Hauksson sýna börnum í 3. bekk
í Vogaskóla slökkvibifreið á lóð
skólans eftir að eldvarnafræðslan
hafði farið fram í skólanum í gær.