Morgunblaðið - 05.12.1996, Blaðsíða 4

4 B FIMMTUDAGUR 5. DESEMBER 1996
MORGUNBLAÐIÐ
Y
VIÐSKIPTI
ISÍÐUSTU viku lauk merkilegri ráðstefnu
á vegum Teymis hf. undir yfirskriftinni
Ráðstefna um nýja tíma. Þar sýndu fjöl-
mörg fyrirtæki sitthvað fróðlegt tengt
al- og innraneti, aukinheldur sem ýmsir kunn-
áttu- og fagmenn innlendir sem erlendir fluttu
fróðlega fyrirlestra. Sem vonlegt er var mikil
umfjöllun um lausnir sem Teymi kynnir fyrir
hönd Oracle-hugbúnaðarfyrirtækisins, en
einnig fjölmargt á seyði sem snertir tölvunot-
endur almennt, ekki síst þegar menn reyna
að spá í framtíðina.
Ekki kom á óvart hvað ráðstefna Teymis-
manna var fjölsótt, enda vel skipulögð og fjall-
aði um margt það sem brennur á forsvars-
mönnum fyrirtækja sem þurfa að bregðast
við ným tækni vilji þau halda velli í framtíð-
inni. Með því forvitnilegra sem sást var svo-
kölluð nettölva, ný gerð af tölvu sem byggir
meðal annars á þeirri hugmynd Sun-manna
að „netið sé tölvan", sem má heimfæra upp
á alnetið, því vissulega hefur það líka eigin-
leika og gríðarstór tölva. Oracle hefur barist
fyrir þessari nettölvu-hugmyndinni síðustu
misseri og þrátt fyrir efasemdaraddir, sem
hafa viljað skrifa hugmyndina á sérvisku
Larrys Ellisons, forstjóra Oracle, er svo kom-
ið, ekki síst fyrir tilverknað hans, að nettöl-
van hefur náð að vinna sér sess sem vænleg-
ur arftaki borðtölva í fyrirtækjanetum, aukin-
heldur sem hún á eflaust eftir að hafa áhrifa
á heimilismarkað þegar fram líður.
Fyrirlestur útsendara Oracle um nettölvuna
þar sem hann kynnti tilbúna afurð var vel
sóttur og margir leituðu eftir frekari kynnum
af nettölvunni á sýningu sem haldin var í
tengslum við ráðstefnuna. Sú sýning kom
reyndar nokkuð á óvart fyrir umfang sitt og
Ráðstefna
um nýja tíma
Tölvur
Fyrír skemmstu var haldin ráðstefna á Hótel Loftleiðum
undir yfírskriftinni Ráðstefna um nýja tíma. Ámi Matt-
híasson leit inn á ráðstefnuna og segir hana merki-
lega, enda hafí þar verið tæpt á ýmsu sem fyrirtæki
verði að bregðast við vilji þau á annað borð halda velli.
þar var margt að fmna merkilegt. Oracle-bún-
aður var áberandi sem vonlegt er, en einnig
kynntu önnur fyrirtæki framleiðslu sína, til
að mynda EJS, umboðsaðili fyrir Sun, sem
er mjög í eldlínunni fyrir Java-forritunarmál
sitt og væntanlegan Java-örgjörva.
Java-örgjörvi Sun
Sú nýjung, að hannaður er sérstakur ör-
gjörvi sem margfaldar keyrsluhraða Java-
hugbúnaðar, vekur upp margrar spurningar.
Að sögn Sun manna verða fyrstu Java-örgjör-
varnir ódýrir og ætlaðir fyrir smátæki, til að
mynda mælitæki, firðsíma og ódýrar nettölv-
ur. Síðar kemur á markað öllu veigameiri
örgjörvi sem ætlaður er fyrir einkatölvur, en
enn er margt á huldu um hönnun hans. Reynd-
ar er margt óljóst um Java-örgjörvann al-
mennt og þá ekki síst hvort hann eigi eftir
að nýtast og í hvað. Þegar eru yfirburðir
x86-örgjörvafjölskyldu Intel algjörir á borð-
tölvumarkaðnum, PowerPC örgjörvinn hefur
fest sig í sessi sem Apple Macintosh-
örgjörvi, en ekki náð því markmiði að velta
x86-örgjörvanum af stalii því Apple hefur
ekki nema um 8% markaðshlutdeid á heims-
vísu. Segja má að helstu áhrif PowerPC ör-
gjörvans á stöðu Intel hafi verið til bóta. Int-
el tók þessa ógn svo alvarlega að örgjörvaþró-
un þess tók gríðarlegt stökk framávið og
þannig eru ClSC-örgjörvar þess í dag meira
en samkeppnisfærir við RlSC-hönnun Pow-
erPC, en áður höfðu allir spáð því að saga
x86-hönnunarinnar væri að líða undir lok.
Gott dæmi um það er að í lok næsta árs
koma á markað fyrstu tölvurnar sem keyra
300 MHz PowerPC örgjörva, en um líkt leyti
hyggjast Intel-menn setja á markað sjöttu
kynslóð af PentiumPro örgjörva sem verður
300 og 333 MHz. Ekki er gott að sjá hvern-
ig Sun á eftir að farnast í þeim slag, en vissu-
lega er djarft teflt að leggja þá gríðarlegu
fjármuni sem þarf til að þróa samkeppnishæf-
an örgjörva inn á markað sem þróast eins
hratt og raun ber vitni.
Á ráðstefnusýningunni mátti meðal annn-
ars sjá merkilegar lausnir frá Oracle á ýmsu
tengdu al- og innraneti og starfsmenn Oracle
á þönum að halda einskonar einkasýningar
fyrir þá sem vildu. Einnig sýndu lausnir ýmis
fyrirtæki önnur en Oracle og Sun, innlend
sem erlend, aukinheldur sem DeCode tímarit-
ið var með uppsettar tölvur og setti skemmti-
legan blæ á annars þurra fagsýningu með
glymjandi danstónlist. Sýning Teymis var
merkilegt framtak og vonandi endurtekið á
næsta ári til að gefa kost á að fylgjast með
helstu straumum frá útlöndum. Ábendingum
um efni og athugasemdum má koma til arnim-
@mbl.is.
Ert þú
með lánshæfa
hugmynd til eflingar
atvinnulífi ?
Við veitum
góðri hugmynd
brautargengi!
Við veitum fúslega nánari upplýsingar
um lán til atvinnuskapandi verkefna
í öllum greinum.
D
LANASJOÐUR
VESTUR - NORÐURLANDA
ENGJATEIG 3 - PÓSTHÓLF 5410. 125 REYKJAVÍK
SÍMI: 560 54 00 FAX: 588 29 04
Hvatt til
samstarfs við
Islendinga
Forstjóri E. Phil & Son telur íslenskan hug-
búnaðariðnað einstaklega áhugaverðan
„LÁG laun, lítil verð-
bólga og góður hag-
vöxtur á síðustu árum
hafa leitt til þess, að
á Islandi er umhverfíð
mjög fyrirtækja-
vænt,“ segir Seren
Langvad, aðaleigandi
danska byggingafyr-
irtækisins E. Phil &
Son, í viðtali við dag-
blaðið Berlingske Tid-
ende. Hvetur hann
dönsk fyrirtæki til að
leita eftir samvinnu
við íslensk fyrirtæki
og nefnir íslenskan
hugbúnaðariðnað sem
séretaklega áhugavert svið.
í viðtalinu, sem birtist í síðustu
viku, segir Langvad, að mikill kraft-
ur sé í íslenskum hugbúnaðariðnaði
og þar séu miklir möguleikar á sam-
starfi og samvinnu.
„Danir og íslendingar geta sótt
hugmyndir hvorir til annarra og
kannski eigum við eftir að sjá
danskt-íslenskt Danfoss innan hug-
búnaðariðnaðarins," segir Langvad.
Langvad hefur mikla reynslu af
starfsemi hér á landi eins og mörg-
um er kunnugt en 25 ár eru liðin
síðan hann og E. Phil & Son gerð-
ust meðeigendur að stærsta bygg-
ingarfyrirtækinu hér, ístaki. Er það
nú að 92% í eigu E.
Phil & Sön.
Mikil gerjun
„íslenskt efnahagslíf
er traust og verðbólga
sáralítil. Það er ýmislegt
í geijun þama uppi. Lít-
il, dönsk fyrirtæki ættu
að leita eftir samstarfi
við íslensku hugbúnaðar-
fyrirtækin, sem hafa á
að skipa mjög frjóu, vel-
menntuðu og alþjóðlega
sinnuðu fólki. Það er
skynsamlegra fyrir okk-
ur Dani að fjárfesta í
hugviti en til dæmis ál-
bræðslum,“ sagði Langvad.
E. Phil & Son er mjög umsvifa-
mikið í byggingariðnaðinum eins
og sést á því, að á reikningsárinu
1995-’96 velti það 1.450 milljörðum
ísl. kr. og hagnaðurinn var um 12
milljarðar ísl. kr. Hefur fyrirtækið
aldrei verið rekið með tapi. íslensk-
ir verkfræðingar og aðrir starfs-
menn lstaks hafa starfað og eru
að starfi fyrir E. Phil & Son víða
um lönd, í Evrópu, Afríku, Asíu og
Miðausturlöndum, og segir
Langvad, að fyrirtækinu hafi komið
vel hinn alþjóðlegi bakgrunnur Ís-
lendinga hvað varðar menntunina,
sem þeir sæki í allar áttir.
S0ren Langvad
Akærur í
ADM máli
vestra
Washington. Reuter.
ALRÍKISDÓMSTÓLL í
Chicago hefur ákært þijá fyrr-
verandi ráðamenn fyrirtækis-
ins Archer Daniels Midland
Co. (ADM) fyrir ólöglegt sam-
komulag um verð á lysín að
sögn bandaríska dómsmála-
ráðuneytisins.
Þeir sem nefndir eru í ákær-
unni eru Miehael Andreas,
fyrrverandi varaforstjóri og
sonur stjórnarformanns ADM,
Terrance Wilson, fyrrverandi
yfirmaður kornvinnsludeildar,
og Mark Whitacre úr stjórn
ADM, sem var rekinn og var
heimildarmaður alríkislögregl-
unnar FBI í málinu.
Dómsmálaráðuneytið til-
kynnti einnig að Cheil Jedang
Ltd. í Seoul í Suður-Kóreu
hefði samþykkt að viðurkenna
sekt sína og greiða 1.25 millj-
ónir dollara sekt fyrir þátttöku
í samsæri um frystingu á verði
lysíns, amínósýru sem er notuð
í skepnufóður.
Kviðdómurinn ákærði líka
framkvæmdastjóra japanska
fyrirtækisins Ajinomoto, sem
áður hafði viðurkennt meðan
á rannsókn stóð.
I október samþykkti ADM
að lýsa sig sekt af tveimur
ákærum um verðfrystingu í
sölu landbúnaðarafurða og
greiða 100 milljóna dollara
metsekt.
Rannsókn bandaríska
dómsmálaráðuneytisins á lys-
ín-, sítrónssýru- og sírópmörk-
uðum heldur áfram.

H-Laun
-
wmmm
GrensásvcRi 8 • 108 Reykjavík • Sími: 568-8882 • Heimasíða: www.tm.is • Netfang: tm@tm.is
*"'* 1..... - 3!^JWB^Epg||j|gjj|pWy|Mgj3qPBBMf|M||M|0|!pj||||!j|||^
■öLvumiÐUin

ipkp