Morgunblaðið - 11.12.1996, Blaðsíða 8
MIÐVIKUDAGUR 11. DESEMBER1996
Morgunblaðið/Kristinn
ÓSKAR G. Hallgrímsson og Hermann Ottósson hafa náð góðum árangri í kynningu íslenzkra
sjávarútvegsfyrirtækja á alnetinu.
Viðskipti fyrir marga tugi
milljóna gerð á alnetinu
íslenzka internetþjónustan
kynnir útveginn á alnetinu
ÍSLENZKA internet-
þjónustan hefur und-
anfarna 6 mánuði ver-
ið með vefinn Fish
Industry Net á alnet-
inu. Fish Industry Net, eða Sjávarútvegsgáttin, er framhald af verkefninu
North Atlantic Solutions, sem unnið var af Samstarfsvettvangi sjávarútvegs
og iðnaðar, en er nú kynnt af Útflutningsráði. Um 60 fyrirtæki kynna afurð-
ir sínar og þjónustu á þessum vef og samtals hafa verið um 200.000 heimsókn-
ir inn á hann þetta tímabil. Ljóst er að tengja má viðskipti upp á marga
tugi milljóna til sambanda sem hafa myndast á vefnum.
Framundan er að setja upp íslenzka
útgáfu af FIN þar sem fyrirtækjum
gefst kostur á að kynna sig og afurð-
ir sínar hér á landi. „Þessi • útgáfa
nefnist Sjávarútvegsgáttin og hentar
vel fyrirtækjum, stofnunum og ein-
staklingum sem stunda viðskipti á
sviði sjávarútvegs og fiskiðnaðar hér
á landi. Uppbygging Sjávarútvesgátt-
arinnar verður sérstaklega löguð að
íslenzkum aðstæðum þó stuðzt verði
við erlendu útgáfuna, sem þegar hefur
skilað góðum árangri," segja þeir
Hermann Ottósson framkvæmdastjóri
og Óskar G. Hallgrímsson, markaðs-
stjóri íslenzku internetþjónustunnar,
í samtali við Verið.
Vel kynntir á alnetinu
Fyrirtæki þeirra félaga býður upp
á aðstoð við að setja upplýsingar inn
á heimasíður viðkomandi fyrirtækja
og kynningu þeirra fyrir markhópum.
Þá verða viðskiptayinum reglulega
sendar upplýsingar um hver árangur
af kynningunni er í formi heimsókna
inn á heimasíður og sannanlegs
árangurs. Þá er einnig boðið upp á
námskeið í notkun alnetsins.
Þeir Hermann og Óskar leggja
Heimsóknir á vefsíðu
Sjávarútvegsgáttarinnar
(FIN), ág. - nóv. 1996
áherzlu á að érlenda útgáfan, Fish
Industry Net, sé vel kynnt og sýnileg
á alnetinu. Þegar aðilar úti í heimi
heQi leit að ákveðnum þáttum innan
sjávarútvegs, veiða, vinnslu og svo
framvegis, komi FIN-vefurinn mjög
fljótlega upp og á áberandi hátt. Þeg-
ar inn á vefinn er komið geta fyrir-
spytjendur valið þann flokk, sem þeim
hentar, svo sem ráðgjöf, skipasmíðar,
veiðarfæri, pökkun og fleira. Innan
hvers flokks er svo að finna fyrirtæki
og stofnanir, sem eru með nákvæma
og vandaða lýsingu á vörum sínum
og þjónustu. Sé síðan áhugi fyrir frek-
ari fyrirspurnum, en mjög einfalt að
koma þeim áleiðis inn á netfang við-
komandi fyrirtækis.
Hermann og Óskar benda einnig á
að alnetið sé mjög gagnvirkur miðill.
Þar komist auðveldlega á sambönd
milli fyrirtækja og einstaklinga, sem
vanti upplýsingar, afurðir og þjónustu
svo dæmi sé tekið. Inni á vefnum
verður einnig ha-ígt að tengjast upp-
lýsingabönkum um sjávarútveg eins
Globefish og FAO.
Markaðstorg framtíðarinnar
„Við leggjum mikla áherzlu á góða
skráningu inn á leitarvélar og tengda
vefi. Það er ekki nóg að vera á net-
inu, fyrirtækin verða að vera sýnileg
og með heimasíður, sem sýna á skýr-
an og ljósan hátt hvað boðið er upp
á. Ennfremur skiptir það miklu máli
að biðtími eftir upplýsingum sé stutt-
ur. Sé hann of langur, er hætt við
að notendur nenni ekki að bíða eftir
því að fá síðuna upp og öll vinnan fer
fyrir lítið. Við teljum að okkur hafi
gengið vel að setja fiskivefinn upp,
enda höfum við orðið varir við áhuga
á þessari vinnu okkar í Kanada,
Bandaríkjunum, Noregi og Skotlandi.
Þarna er um að ræða markaðstorg
framtíðarinnar, landamæralaus við-
skipti og við sjáum fram á töluverð
umsvif á þessu sviði,“ segja þeir Her-
mann og Óskar.
FÓLK
Stuðlað að
jafnvæginu
• ELÍN B. Gunnarsdóttir er
einn starfsmanna SÍF og er
hún kynnt í nýjasta fréttabréfi
sölusambandsins, Saltaranum.
Hún hóf fyrst
störf hjá SÍF
haustið 1994
en hún vann
þá á símanum
hálfan daginn
í nokkra mán-
uði. Elín hóf
Elín B. svo störf aftur
Gunnarsdóttir j fgbrýaj- á
þessu ári og stárfar hún nú í
bókhaldinu. Starf hennar felst
í stórum dráttum í skráningu
reikninga og afstemmingum.
Elín varð stúdent af hagfræði-
braut frá Menntaskólanum
við Sund vorið 1990 og átti
námið vel við hana og segist
hún stefna að frekara námi í
viðskiptafræðum í framtíðinni.
Elín segist vera ánægð í starfi
sínu enda sé góður starfsandi
ríkjandi innan SÍF, sen geri
starfið skemmtilegra. Elín á
tvær dætur svo fjölskyldan tek-
ur sinn tíma, en fyrir utan fjöl-
skylduna eiga íþróttir hug
hennar allan. Elín er harður
stuðningsmaður Fram og seg-
ist vera dugleg að mæta á völl-
inn. það sé nauðsynlegt til aðs
tuðla að jafnvægi á vinnustaðn-
um, þar sem Gunnar Örn
Kristjánsson, forstjóri SÍF og
fleiri starfsfélagar séu Víking-
ar í húð og hár.
Haukur til
Ráðgarðs
■ HAUKUR Oskarsson hef-
ur verið ráðinn skiparáðgjafi
hjá Ráðgarði skiparáðgjöf
ehf. Haukur starfar aðallega
við hönnun
og eftirlit á
vélakerfum
hvers konar,
kostnaðará-
ætlanir og
kostnaðar-
eftirlit, skoð-
ó“„ anir á skipum
og gerð ut-
boðsgagna. Nú í haust hefur
éitt aðalverkefni Hauks verið
eftirlit með breytingunum á
Sigurði VE-15. Haukur er
véltæknifræðingur að mennt
frá Ingeniorhojskolen Od-
ense Teknikum 1992, lauk
4. stigi vélstjóranámsins frá
Vélskóla íslands 1984,
sveinsprófi í vélsmiðjunni
Hamri hf. 1984 og prófi í
vélvirkjun frá Iðnskóla Hafn-
arfjarðar 1981. Haukur hef-
ur starfað sem vélstjóri bæði
á farskipum og fiskiskipum.
Einnig hefur hann starfað við
ýmsa vélavinnu í landi, þ.m.t.
vinnu við lagningu frysti-
kerfa, vökvakerfa og allar al-
mennar vélaviðgerðir og vél-
smíðar. Frá 1993 til vordaga
1996 var Haukur kennari við
Vélskóla íslands og starfaði
jafnframt að endurmenntun
vélstjóra ásamt fulltrúum frá
Vélstjórafélags íslands og
LÍÚ. Haukurer kvæntur
Ragnheiði Thoroddsen
lyfjafræðingi og eiga þau þijú
börn.
Gildistöku frestað
til loka ársins 1997
LÖGFESTINGU öryggis-
fræðslu fyrir skipstjórnar-
menn verður frestað um eitt
ár til viðbótar, eða til 31. des-
ember 1997. Frumvarp þessa
efnis var lagt fram á Alþingi í
vikunni.
í lögum um lögskráningu sjó-
manna, sem sett voru 1994, var
öryggisfræðsla fyrir sjómenn
lögfest, með aðlögunarfresti
fyrir skipstjórnarmenn til 31.
desember 1995 og til 31. des-
ember 1996 fyrir aðra skip-
veija. í fyrra var fresturinn
fyrir skipstjóríiarmenn fram-
lengdur til ársloka 1996, áþeim
forsendum að töluverður hópur
skipstjórnarmanna hefði þá,
þrátt fyrir aðlögunartímann,
enn ekki lokið öryggisfræðsl-
unni.
Ríkisstjórnin leggur til fram-
lengingu frestsins að tilmælum
skólastjóra Slysavarnaskólans,
þar sem margir sjómenn muni
ekki hafa sótt námskeið um
komandi áramót. Munu öll nám-
skeið, sem skólinn heldur á
þeim vikum sem eftir lifa árs-
ins, vera fullbókuð og ekki unnt
að koma fleiri nemendum á
þau. Ef umræddur frestur yrði
ekki veittur myndu mörg skip
lenda í því að fá ekki lögskrán-
ingu áhafna sinna.
Stórlúða með
kry ddsíldar smj öri
ENGINN er kominn til með að segja að bannað sé að
grilla um hávetur. Þó svo að gasgrillið sé víðast hvar
r^rPTPWPlj komið í skúrinn á þessum tíma árs, þarf
ekki annað en að opna bílskúrshurðina
og staðsetja grillið þar sem engin hætta hlýst af þó að
matartilbúningur eigi sér stað. A hinn bóghm má allt
eins nota grillið í bakaraofninum til þess að útbúa þenn-
an lúðurétt, sem bera má fram með soðnum kartöflum
og hrásalati. í réttinn þarf:
3 stórar lúðusneiðar
safi úr hálfri sítrónu
1 tsk salt
nýmalaður pipar
30 g smjör
3 bitar kryddsíld
nokkur graslauksstrá eða annar
laukur
matarolía til að penslunar
Skerið ugga af lúðusneiðunum, hreinsið úr blóð, skafið
síðan roðið vel. Þvoið og þerrið með eldhúspappír. Hell-
ið sítrónusafa á fiskinn, stráið á hann salti og pipar og
látið bíða meðan grillið er hitað. Merjið kryddsíldina
með gaffli og setjið saman við smjörið ásamt fint klippt-
um graslauk. Smyrjið samlokugrind eða grindina á grill-
inu með matarolíu. Leggið lúðusneiðarnar á samloku-
grindina eða grillgrindina, snúið við eftir fimm minút-
ur, smyrjið þá kryddsíldarsmjörinu jafnt á þá sneið lúð-
unnar, sem búið var að grilla. Grillið á hinni hliðinni i
sex til átta mínútur.