Morgunblaðið - 13.12.1996, Blaðsíða 3
MORGUNBLAÐIÐ
FÖSTUDAGUR13. DESEMBER1996 C 3
KORFUKNATTLEIKUR
Háspenna
í Hellinum
Keflvíkingar „stálu" sigrinum á síðasta
sekúndubrotinu
Mikið væri gaman og gott fyrir
íþróttirnar ef allir leikir væru
jafnskemmtilegir og spennandi og
leikur ÍR og Keflavíkur
í gærkvöldi í 8-liða
Skúli Unnar úrslitum bikarkeppn-
skrifa^S°n innar í körfuknattleik.
Hann bauð uppá allt
sem hægt er að hugsa sér, hraða,
spennu, dramatík í lokin og stórleik
nokkurra manna. Frábær skemmtun
sem rétt er að þakka báðum liðum
fyrir. Það eina sem skyggði á var að
annað liðið yrði að tapa. Það kom í
hlut ÍR-inga að þessu sinni en Keflvík-
ingar hreinlega stálu sigrinum á síð-
asta sekúndubrotinu og sigruðu,
88:78.
Þegar 18,22 sekúndur voru til leiks-
loka kom Eiríkur Önundarson ÍR í
87:84. Kristinn Friðriksson reyndi
þriggja sriga skot en boltinn vildi ekki
niður. „Ég var alveg viss um að ég
myndi hitta,“ sagði Kristinn eftir leik-
inn. Guðjón Skúlason náði frákastinu
skaut um leið og brotið var á honum
en hitti ekki, þannig að hann fékk tvö
vítaskot og hitti úr báðum. Staðan
orðin 87:86 og 4,67 sekúndur eftir.
Tekið var leikhlé og Sigurður Ingi-
mundarson, þjálfari Keflvíkinga, sýndi
bæði klókindi og þekkingu á leikregl-
unum þegar hann sagði sínum mönn-
um að slá boltann úr höndum þess
ÍR-ings sem ætlaði að hefja leikinn
undir eigin körfu. Þetta gerðu þeir og
réttilega dæmd tæknivilla og IR fékk
tvö skot án þess að klukkan færi í
gang. Eggert Garðasson, sem átti
stórkostlegan leik í gærkvöldi, fór á
vítalínuna en misnotaði bæði skotin.'
Damond Johnson náði frákastinu,
rakti boltann aðeins fram og grýtti
honum síðan til Kristins sem var
„lengi“ að ná tökum á boltanum en
skaut um leið og klukka tímavarðar
gall og skoraði. „Þetta var svo flott
sending frá Damon að ég varð að
skora. Ég klikkaði á þriggja stiga
skoti rétt áður og vissi að ég fengi
annað tækifæri," sagði Kristinn al-
sæll í lokin.
Leikurinn var bráðskemmtilegur
og ágætlega leikinn. Bæði lið léku
lengstum stífa maður á mann vörn
og í sókninni gekk boltinn hratt
manna á milli. Sem dæmi um hversu
vel leikurinn gekk má nefna að fyrri
hálfleikur stóð aðeins í 29 mínútur
og er örugglega einn sá stysti sem
leikinn hefur verið hér á landi. Allt
var í járnum framan af og um miðjan
hálfleikinn, þegar staðan var 22:21,
tóku Keflvíkingar leikhlé, komu síðan
grimmir til leiks og gerðu næstu tíu
stig.
Gestirnir héldu forystunni allt þar
til ein mínúta var til leiksloka en þá
kom Eiríkur ÍR í 85:84. Johnson hitti
ekki og þegar 41,6 sekúnda var til
leiksloka fékk besti maður ÍR, Egg-
ert Garðarsson, vítaskot. Eggert
hafði hitt mjög vel og varla geigað
hjá honumn skot og ef það kom fyrir
náði hann frákastinu. Én nú brá svo
við að hann misnotaði bæði skotin.
Ranglega voru dæmd skref á Johnson
er 33 sekúndur voru eftir og síðustu
18 sekúndum er líst hér að framan.
Antonio Vallejo, þjálfari ÍR, er
IÞROTTIR
TITO Baker lelkmaður ÍR lék vel í gærkvöldi og einnlg Damon
Johnson lelkmaður Keflvíklnga, sem hér sækir að honum.
greinilega að gera gríðarlega
skemmtilega hluti í Breiðholtinu.
Sóknarleikur liðsins er hraður og
skemmtilegur og i vörninni er mjög
mikil og góð hreyfíng á leikmönnum.
Eggert átti stjörnuleik en hlýtur að
hafa verið miður sín yfir þessum fjór-
um vítaskotum í lokin. Atli Þorbjörns-
son lék vel í fýrri hálfleik en Eiríkur
í þeim síðari og Tito Baker átti erfitt
uppdráttar í fyrri hálfleik þegar Al-
bert gætti hans, en fór heldur betur
í gang í þeim síðari.
Hjá Keflavík var Johnson góður og
er trúlega besti erlendi leikmaðurinn
sem hér leikur í vetur. Albert var einn-
ig sterkur og stórskytturnar Guðjón
og Kristinn áttu ágætan dag þó svo
þeir hittu ekki sérlega vel úr þriggja
stiga skotunum að þessu sinni.
GOLF
Tveir fóru tvisvar holu í höggi
Einheijar, það er að segja þeir sem
farið hafa holu í höggi í golfi,
ætla að hittast laugardaginn 28. des-
ember í Kaffi Reykjavík til að bjóða
nýja félaga velkomna í Einheijaklúbb-
inn. í byijun desember var búið að
tilkynna til GSÍ að íslenskir kylfingar
hefðu farið 53 sinnum holu í höggi á
árinu og þar af fóru þeir Vilhjálmur
J. Guðmundsson úr Leyni og Baldvin
Jóhannsson úr Keili báðir tvívegis
holu í höggi. Þeir sem náðu drauma-
högginu í ár fá viðurkenningu frá
Einhetjaklúbbnum í hófinu milli hátíð-
anna. Tveir þeirra sem náðu holu í
höggi í sumar voru að gera það í
fimmta sinn, Ragnar Ólafsson landsl-
iðsþjálfari í golfi og Eiríkur Smith list-
málari.
Hér á eftir eru nöfn þeirra sem
fóru holu i höggi í sumar. Ragnar
Ólafsson, GR, Guðjón E. Jónsson, GK,
J. Pálmi Hinriksson, GK, Örn Ævar
Hjartarson, GS, Sigríður Guðbrands-
dóttir, GS, Baldvin Jóhannsson, GK,
Ólafur Marteinsson, GK, Gísli Jónas-
son, GV, Reimar Charlesson, GR,
Sveinbjörn Halldórsson GR, Helgi
Benediktsson, GK, Viktor Ingi Stur-
laugsson, GR, Sigurður Albertsson,
GS, Ólafur Danivalsson, GK, Ólafur
Frostason, GK, Birgir Karlsson, GGL,
Kjatan Ólafsson GKj, Pétur Valbergs-
son GK, Magnús St. Einarsson GOB,
Óskar Guðmundsson, NK, Hilmar Sig-
urðsson, GKj, Arnar Ástþórsson, GS,
Grímur Þórisson GKj, Jónas Heiðar
Baldursson, GR, Hafliði Ingason, GV,
Eyjólfur Vilbergsson, GG, Sveinbjörn
H. Sveinbjörnsson, GK, Guðni Þór
Magnússon, GE, Haukur Ingi Hjaltal-
ín GK, Eiríkur Steinsson, Björn V.
Skúlason, GS, ísleifur Leifsson GO,
Birna Ólafsdóttir GOF, Guðmundur
Pálsson, GO, Siguijón Friðjónsson,
GO, Gísli Jóhannsson, NK, Þórður
Ágústsson, GO, Valur B. Sigurðsson,
GR, Hilmar M. Bjarnason, María
Magnúsdóttir, GR, Einar Hermanns-
son, GKG, Óli Viðar Thorsteinsson,
GR, Eyjólfur Bergþórsson, GR, Helgi
Gunnlaugsson, GO, Logi Guðbrands-
son, GO, Helgi Svavarsson, GO, Sig-
fús Thorarensen, NK, Sigurður Gunn-
arsson, GJÓ, Már Hinriksson, GR og
Eiríkur Smith, GK.
Þeir hafa skorað mest
Þeir leikmenn sem hafa skorað mest,
þegar 1. deildarkeppnin í handknattleik
er hálfnuð, eru:
Julina Róbert Duranona, KA....103/31
ValdimarGrímsson, Stjörnunni... 92/34
Zoltan Belany, ÍBV............ 81/37
Björgvin Rúnarsson, Selfossi.. 80/26
Júrí Sadovski, Gróttu......... 71/32
Sigurður V. Sveinsson, HK..... 67/ 8
Guðmundur Petersen, FH........ 64/32
OlegTitov, Fram............... 63/14
Eiar G. Sigurðsson, Aftureld.. 61
Ragnar Óskarsson, ÍR.......... 60/14
Sergei Zisa, KA............... 58/10
Bjarki Sigurðsson, Aftureldingu.. 56/ 6
Halldór Ingólfsson, Haukum.... 56/19
Jón Kristjánsson, Val......... 56/11
Alexej Demidov, Selfoss.......51
PetrBaumruk, Haukum........... 50/21
KorpúKsstaðir til-
búnir næsta sumar
Golfklúbbur Reykjavíkur og
Reykjavíkurborg hafa komist
að samkomulagi um að GR taki við
fjármögnun og framkvæmdum á
austustu burstinni á Korpúlfsstöð-
um og er ætlunin að nota þann
hluta hússins sem klúbbhús við
nýja golfvöllinn. Garðar Eyland,
formaður GR, sagði í samtali við
Morgunblaðið að ætlunin væri að
v>gja nýju brautirnar um miðjan
júlí og vonandi yrði húsnæðið til-
búið þá.
„Það er stutt síðan teikningar
voru samþykktar og nú er ekkert
að vanbúnaði að ráðast í fram-
kvæmdir. Húnsæðið sem við verð-
um með er um 420 fermetrar að
grunnfleti. Á efstu hæðinni er hug-
myndin að gera æfingaaðstöðu þar
sem hægt væri að æfa allt árið.
Miðhæðin verður klúbbhús og í
kjallaranum verður kerrugeymsla,
búningsaðstaða og annað sem
nauðsynilegt er í golfskála,“ sagði
Garðar.
Aðalfundur GR var haldinn fyrir
skömmu og þar kom í ljós að staða
klúbbsins er góð. „Skuldir eru á
núlli,“ eins og Garðar orðaði það
og tölverður hagnaður varð á árinu
en veltan var um 45 til 50 milljón-
ir. Hildur Haraldsdóttir, sem verið
hefur framkvæmdastjóri klúbbsins
undanfarin fjögur ár, hefur ákveðið
að láta af störfum og hefur starf
hennar verið auglýst. „Það er mikil
eftirsjá í góðum starfsmanni eins
og Hildi,“ sagði Garðar.
Emma stökk
yfir 4,40 m
EMMA George, stangar-
stökkvari frá Ástralíu, setti
heimsmet kvenna innanhúss í
Melbourne á dögunum, er hún
snaraði sár yfir 4,40 m. Emma
á einnnig heimsmetið utan-
húss, 4,45 m. Þess má geta að
Vala Flosadóttir hefur stokkið
4,16 m innanhúss og 4,17 m
utanhúss, sem er heimsmet
unglinga.
Dregið í undan-
keppni EM
hjá þeim yngri
DREGIÐ hefur verið í riðla í
undankeppni Evrópukeppn-
innar í knattspyrnu milli liða
skipaðra leikmönnum 16 ára
og yngri og 18 ára og yngri.
I keppni yngra liðsins er Is-
lands í 13. riðli af 15 og mót-
heijarnir verða Litháen og
PóUandi. Skulu leikirnir verða
búnir þann 10. mars 1998.
Efsta liðið úr hverjum riðli
heldur áfram i lokakeppnina í
Skotlandi sem fram fer í april
og maí 1998.
HQá Uðum skipuðum leik-
mönnum 18 ára og yngri dróst
íslenska liðið gegn Austurríki,
Finnlandi og Lettlandi í 11.
riðil af 14. Riðlakeppni þessa
aldursflokks skal vera lokið 30.
nóvember 1997. Lokakeppnin
fer fram á Kýpur í maí 1998.
Anthony Yeboah
Yeboah
fer hvergi
ÞRÁTT fyrir að vera óánægð-
ur í herbúðum Leeds fer
Anthony Yeboah hvergi, held-
ur skal hann ljúka því einu og
hálfa ári sem hann á eftir af
samningi sínum. Þetta er skoð-
un knattspyrnustj óra félagsins
George Graham. Yeboah hefur
sagt það opinberlega að hann
sé óánægður ly'á félaginu og
vilji gjarnan komast frá því en
hann hefur verið úr leik síðan
í mars er hann meiddist í hné
í viðureign Leeds og Aston
Villa í úrsUtum deildarbikars-
ins.
„Yeboah á eftir hálft annað
ár af samningnum og ég yrði
manna glaðastur ef hann yrði
í okkar hópi út þann tíma,“
sagði Graham í gær. „Ég hef
talað við Yeboah og sagt hon-
um að sjái hann einhver Ijón í
veginum fyrir því að vera
áfram hjá Leeds eigi hann
fyrst að tala við mig áður en
hann ræðir óánægju sína við
fjölmiðlamenn,“ bætti Graham
við. Hann sagði ennfremur að
það væri skiljanlegt að leik-
maðurinn væri leiður á að geta
ekkert leikið. „Við höfum verið
að ná okkur á strik og auðvit-
að vilja leikmenn vera þátttak-
endur í því. Ég er hins vegar
að gera mér vonir um að hann
sé á batavegi og verði með
okkur áður en alltof langur
tími líður.“