Morgunblaðið - 14.12.1996, Blaðsíða 64

—<>4 LAUGARDAGUR 14. DESEMBER 1996
MORGUNBLAÐIÐ
Ljóska
Smáfólk
Hvað er um að vera hér? Þetta er Hann kemur hingað
hinn frægi flugkappi úr fyrri á litla franska kaffi-
heimsstyrjöldinni... húsið mitt á hveiju
kvöldi til að gleyma
stríðinu ...
Þú ert svakalega skrýtin, Magga. Hvað þyk-
ist þú vera, njósnari? Hvað skyldi gerast ef
við settum svolítinn ís í þennan rótarbjór?
BREF
HL BLAÐSINS
Kringlan 1103 Reylqavík • Sími 569 1100 • Símbréf 5691329
• Netfang: lauga@mbl.is
Næturvagnar SVR
Frá Jóhannesi Sigvrðssyni:
SVR leggur áherslu á frumkvæði
og aðlögunarhæfni að breytilegum
þörfum markaðarins. Talsverðar
breytingar hafa orðið á skemmtana-
haldi í borginni á undanförnum
árum með fjölgun kaffihúsa og
annarra skemmtistaða í miðborg
Reykjavíkur. Þessar breytingar
hafa skapað aukna eftirspurn eftir
ferðum frá miðborg að úthverfum
að næturlagi um helgar. Nauðsyn-
legt er að þeir sem eru seint á ferli
í miðbænum komist klakklaust
heim til sín.
Næturakstur hófst
haustið 1994
Reglulegar ferðir SVR eru til
miðnættis virka daga en til rúm-
lega eitt aðfaranætur laugardags
og sunnudags. Til að mæta þessari
auknu eftirspurn eftir ferðum frá
miðborg að úthverfum um helgar,
var ákveðið að hefja næturakstur
um helgar haustið 1994. Tværleið-
ir voru í ferðum, leið 125 og leið
130 og var ekið á 60 mínútna
fresti, kl. 02:00 og kl. 03:00. Brott-
för var frá biðstöð neðst í Hverfis-
götu. Leið 125 þjónaði Háaleiti,
Bústaðahverfi og Breiðholti, en
leið 130 þjónaði Sundum, Árbæ og
Grafarvogi. Talsverðar sveiflur
voru í farþegafjölda milli mánaða
og nokkuð áberandi var að ferðirn-
ar kl 02:00 voru illa nýttar og fóru
flestir með ferðunum kl. 03:00. í
september 1995 voru farnar 40
ferðir og var heildarfjöldi farþega
1.034 eða 26 að meðaltali í ferð,
en í október sama ár var fjöldi
farþega aðeins 455 eða 11 að með-
altali í ferð.
Ákveðið var að bæta þjónustuna
og koma enn betur til móts við
þarfir borgarbúa. Með þetta í huga
var ferðaframboðið tvöfaldað í lok
október 1995, akstursleiðum lítil-
lega breytt og fyrstu ferðum seink-
að um 30 mínútur. Vagnarnir fara
nú á 30 mínútna fresti frá kl. 02:30
til kl. 04:00. Brottfararstað var
einnig breytt og er nú lagt af stað
frá Lækjargötu við MR. Kynningu
á þessum breytingum hefur aðal-
lega verið beint að ungu fólki.
Þetta aukna framboð mæltist vel
fyrir og hefur verið stöðug aukning
á fjölda farþega. í september í ár
var meðalfjöldi í ferð 38 borið sam-
an við 26 í september í fyrra og
er það 46% aukning. Heildarfjöldi
farþega í september í ár var 2.449
sem er meira en tvöföldun, miðað
við sama tíma í fyrra. í október var
farþegafjöldi svipaður eða 2.344
sem er 37 að meðaltali í ferð. Far-
gjald er aðeins 200 kr. í reiðufé,
þannig að það getur haft talsverðan
sparnað í för með sér að ferðast
með næturvögnunum. Einnig sjá
fleiri sér fært að skreppa i miðborg
Reykjavíkur að næturlagi um helg-
ar án þess að það hafi umtalsverðan
kostnað í för með sér. Á 12 mán-
aða tímabili, frá 1. nóvember 1995
til 30. október 1996, var heildar-
fjöldi farþega með næturvögnunum
SVR 18.285, þannig að ljóst er að
þessi þjónusta er komin til að vera
og vonandi verður hægt að auka
hana enn frekar í framtíðinni.
Ég vil að lokum nota þetta tæki-
færi til þess að hvetja lesendur til
þess að prófa þessa þjónustu SVR.
JÓHANNES SIGURÐSSON,
forstöðumaður þjónustusviðs SVR.
Fluor í tannkremi
Frá Hallgrími Þ. Magnússyni:
ENN koma skilaboð frá læknisemb-
ættinu varðandi það, að við eigum
skilyrðislaust að nota fluor-tann-
krem, sér í lagi fyrir börnin okkar.
Það skrítna við þetta er að fluorid
er álitið eitthvað hið mesta eitur
sem til er og var áður fyrr ein-
göngu notað til að útrýma rottum
og músum o.s.frv. Mikil mótmæli
voru í gangi til þess að hindra losun
fluorid í sjóinn og urðu þess vegna
álframleiðendur að finna eitthvert
gott ráð til þess að losna við það.
Auðvitað var best að geta selt það
og telja almenningi trú um að það
væri bráðnauðsynlegt fyrir heilsu
okkar. Vitað mál er að það safnast
hægt og hægt upp í líkamanum og
getur valdið eituráhrifum á líkam-
ann.
Bandaríkjamaður að nafni Dean
fann það út í kring um árið 1950
að fólk sem drykki fluor-ríkt vatn
hefði færri holur í tönnum sínum,
en viðmiðunarhópur. í dag hefur
dr. Dean tvívegis verið kallaður
fyrir réttt og þurft að viðurkenna
að rannsóknir hans voru rangar.
Margar rannsóknir sem gerðar hafa
verið í Bandaríkjunum sýna að það
er engin minnkun á tannskemmdum
þrátt fyrir fluor-notkun í drykkjar-
vatni og tannkremi. Hollenskir
læknar hafa fundið að fluorid hefur
slæm áhrif á erfðaefni í tilraunum
á dýrum. Bandarískur læknir full-
yrðir að það séu auknar líkur á
mjaðmabrotum hjá fólki sem hefur
drukkið fluor-vatn í tuttugu ár. 10%
af fluorid hjá fullorðnum sest í bein-
in og rannsóknir sýna að bein hjá
þeim sem hafa tekið fluorid eru
með minni masssa og eru veikari.
Við rannsóknir á dýrum hefur
það komið í ljós að ef fluoride er
bætt við vatnið sem þau drekka
verður mikil aukning á krabbameini
hjá þeim. Dr. John Yiamouyiannis
hefur sýnt fram á að það er 10%
aukning á krabbameini í þeim borg-
um sem hafa fluorid í vatninu mið-
að við þær borgir sem ekki nota
fluorid.
Mörg lönd í veröldinni hafa bann-
að notkun fluorid, t.d. Austurríki,
Danmörk, Frakkland, Grikkland,
Ítalía, Lúxemborg, Holland, Noreg-
ur og Spánn. Því ekki að bæta Is-
landi á þann lista.
Það efni sem er banvænast í stór-
um skammti verður alltaf eitrað
fyrir okkur í litlum skömmtum, því
má segja að ef við viljum að börnin
okkar verði heilbrigð þá eigum við
alls ekki að gefa þeim fluor-töflur
eða bursta tennurnar með fluor-
tannkremi. Margar aðrar eiturverk-
anir mætti telja upp, en eitt er víst
að fluorid er eitur.
HALLGRÍMUR Þ. MAGNÚSSON,
læknir
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.