Morgunblaðið - 19.12.1996, Blaðsíða 2

2 B FIMMTUDAGUR 19. DESEMBER 1996
MORGUNBLAÐIÐ
_____________________VIÐSKIPTI
Flugleiðir í samstarf
við Southwest Airlines
Opin kerfi hf. fjárfesta í fyrirtækjum
Kaupa meirihluta
íMiðheimum og
30% íÞróun
FLUGLEIÐIR og bandaríska flug-
félagið Southwest Airlines hafa gert
með sér samkomulag um markaðs-
samstarf til reynslu í ferðum milli
Cleveland og áfangastaða Flugleiða
í Evrópu um Baltimore-flugvöll.
Southwest Airlines er fimmta
stærsta flugfélag Bandaríkjanna og
nær áætlunarkerfi félagsins til 49
borga innanlands þar í landi. Félag-
ið rekur alls um 256 Boeing 737
flugvélar og hefur yfír að ráða 24
þúsund manna starfsliði. Á hveijum
degi fljúga vélar félagsins yfir þijú
þúsund ferðir.
„Þetta er í fyrsta skipti sem
Southwest Airlines fer í samstarf
við annað flugfélag," sagði Sigurður
Helgason, forstjóri Flugleiða, í sam-
tali við Morgunblaðið. „Félagið hef-
ur nokkra sérstöðu því það hefur
einungis eina tegund af flugvélum,
tengist ekki sérstöku dreifikerfí og
býður mjög samkeppnishæf fargjöld
innan Bandaríkjanna. Þetta er
fyrsta skref Flugleiða í því að tengj-
ast mjög stóru flugfélagi innanlands
í Bandaríkjunum. Fyrst um sinn
verður þetta þó tilraun og eingöngu
bundið við Cleveland því bandaríska
félagið er óvant samstarfi við önnur
flugfélög, bæði í Bandaríkjunum og
á alþjóðamarkaði. Við sjáum mikla
framtíðarmöguleika í því að tengj-
ast jafn stóru og þekktu félagi inn-
an Bandaríkjanna."
Góðar tengingar um
Baltimore-flugvöll
Steinn Logi Björnsson, fram-
kvæmdastjóri sölusviðs, bætir því
við að fjölmörg önnur flugfélög hafí
verið á höttunum eftir samstarfi við
Southwest Airlines, þ.á m. British
Airways og Lufthansa. „Þeir hafa
alltaf hafnað slíkum óskum og hafa
engu viljað breyta hjá sér,“ segir
hann. „Sú tilraun sem er í gangi í
samstarfinu kemur í framhaldi af
töluvert miklum umræðum. Það
mun ekki skila neinum þúsundum
farþega strax, en ef samstarfið
gengur vel gæti árangurinn orðið
góður.“
Þeir Sigurður og Steinn Logi
segja að Cleveland hafí orðið fyrir
valinu í þessari tilraun vegna þess
hægt sé að bjóða mjög góðar teng-
ingar við flug Flugleiða frá Balti-
more-flugvelli og reyndar eigi það
við um fleiri staði.
Flugleiðir hafa um árabil átt í
fargjaldasamstarfi við bandaríska
flugfélagið USAir og verður það
með óbreyttu sniði.
Fram kemur m.a. í frétt frá
Southwest Airlines að félagið hafí
valið að ganga til samstarfs við
Flugleiðir vegna þess að félögin eigi
margt sameiginlegt og leggi bæði
áherslu á lág fargjöld og góða þjón-
ustu við viðskiptavini sína.
OPIN kerfí hafa keypt 64,5% hluta-
fjár í alnetsfyrirtækinu Miðheimum
hf. og 30% í hugbúnaðarfyrirtækinu
Þróun ehf. Gagnaflutningar, dótt-
urfyrirtæki Opinna kerfa, verða
hugsanlega sameinaðir Miðheimum
í kjölfar kaupanna. Kaupverðið hef-
ur ekki verið gefið upp.
Frosti Bergsson, framkvæmda-
stjóri Opinna kerfa hf. segir að til-
gangurinn með kaupunum sé ein-
faldlega sá að fjárfesta í fyrirtækj-
um, sem eigi framtíðina fyrir sér.
„Bæði fyrirtækin hafa mikla
reynslu og hæft starfsfólk. Þau
þjóna sumum af stærstu viðskipta-
vinum okkar og því hentar það
okkur vel að tengjast þessum fyrir-
tækjum og styðja við bakið á þeim.“
Opin kerfí munu tilnefna mann
í stjórn Miðheima á næstunni og
verður stefnt að því innan skamms
að auka hlutafé fyrirtækisins að
sögn Frosta. „ Enn fremur verður
stefnt að því að sameina Gagna-
flutninga ehf., dótturfyrirtæki Op-
inna kerfa, Miðheimum. Varðandi
Þróun hf. þá munum við ekki koma
þar sjálfír inn í stjórn heldur vinna
með fyrirtækinu á sömu nótum og
við vinnum nú með ýmsum hugbún-
aðarhúsum.“
Miðheimar sérhæfa sig í alnets-
þjónustu fyrir einstaklinga og fyrir-
tæki og er elsta fyrirtækið á þeim
markaði. Starfsmenn fyrirtækisins
eru sjö og það sinnir einnig fyrir-
tækjaþjónustu við staðarnet fyrir-
tækja, upplýsingamiðlun á alnetinu
og hönnun og uppsetningu á vefsíð-
um svo eitthvað sé nefnt. Þar til
nú hefur fyrirtækið verið í eigu tíu
einstaklinga en sjö þeirra hafa nú
selt Opnum kerfum hlut sinn.
Framfaraspor
fyrir Miðheima
Arnþór Jónsson, framkvæmda-
stjóri og einn eigenda Miðheima
telur kaup Opinna kerfa á meiri-
hluta hlutafjár í fyrirtækinu vera
mikið framfaraspor fyrir það. „Það
er mjög gott fyrir okkur að fá svo
sterkan aðila, sem Opin kerfí eru,
til liðs við okkur. Við höfum lengi
haft í bígerð að auka umsvifin og
bæta þjónustuna og mér sýnist það
nú ætla að gerast mun fyrr en ég
átti von á. Við hlökkum til að fara
að vinna með nýjum eigendum að
því að styrkja stöðu okkar á mark-
aðnum og bæta þjónustuna við við-
skiptavini enn frekar."
Kaupin styrkja Þróun
Þróun ehf., tölvu- og rekstrar-
ráðgjöf átti 20 ára afmæli á þessu
ári og er því eitt af elstu hugbúnað-
arfyrirtækjum landsins. Það sinnir
tölvuþjónustu fyrir stofnanir og fyr-
irtæki og hefur m.a. umboð fyrir
Concorde viðskiptahugbúnaðinn.
Það hefur einnig hannað ýmis sér-
hæfð kerfi, m.a. afgreiðslukerfi fyr-
ir póstafgreiðslustöðvar. Starfs-
menn fyrirtækisins eru 23.
Halldór Friðgeirsson, fram-
kvæmdastjóri Þróunar ehf., segist
vera ánægður með að Opin kerfi
skuli hafa gengið til liðs við hlut-
hafahóp fyrirtækisins. Kaupin
styrki fyrirtækið og geri það betur
í stakk búið en áður til að takast
á við ný verkefni og tækifæri.
Minni hagnaður SÍF fyrstu níu mánuðina en á sama tíma í fyrra
Svissnesk-
Góðar horfur í rekstrinum
HAGNAÐUR SÍF hf. og dótturfé-
laga þess nam alls um 70 milljón-
um fyrstu níu mánuði ársins, en
var á sama tímabili í fyrra alls
um 114 milljónir. Horfur eru hins
vegar góðar um afkomu síðustu
þriggja mánaða ársins, þannig að
búist er við að afkoman á árinu í
heild verði svipuð og í fyrra.
í nýútkomnu fréttabréfi fyrir-
tækisins, Saltaranum, kemur
fram að síðastliðin tvö ár hafa
staðið yfir gagngerar endurbætur
á húsakynnum og tækjum dóttur-
félags SÍF í Frakklandi, Nord-
Morue. Þessar miklu framkvæmd-
ir hafa haft talsverð áhrif á
rekstrarniðurstöðuna fyrstu níu
mánuði ársins. Þannig var nið-
urstaða Nord-Morue 58 milljónum
lakari á tímabilinu en á þessum
tíma í fyrra. Til lengri tíma litið
er búist við að framkvæmdirnar
í Nord-Morue muni hins vegar
gera félagið vænlegra til að skila
góðri afkomu og munu merki
þess sjást í niðurstöðutölum fé-
lagsins síðustu þijá mánuði árs-
ins. Þrátt fyrir lakari afkomu
Nord-Morue fyrstu níu mánuðina
er gert ráð fyrir að félagið skili
svipaðri afkomu allt árið og á
fyrra ári.
Eigið fé aukist um
500 milljónir
Eigið fé SÍF hinn 30. september
sl. var alls um 1.272 milljónir og
hafði aukist um 500 milljónir frá
sama tíma í fyrra. Fyrir utan
hagnað af starfseminni má rekja
aukninguna til hlutafjárútboðs
fyrr á árinu sem skilaði félaginu
380 milljónum í nýju eigin fé.
Heildarútflutningur SÍF á
söltuðum og hertum afurðum var
um 7% meiri fyrstu níu mánuði
þessa árs, en á sama tíma í fyrra.
I lok nóvember sl. hafði verið flutt
út 10% meira en í fyrra. Er gert
ráð fyrir að heildarútflutningurinn
verði um 12% meiri en á árinu
1995.
í fréttabréfi SÍF er jafnframt
birtur nýr hluthafalisti sem sýnir
að verulegar breytingar hafa orð-
ið í röðum stærstu hluthafanna.
Lífeyrissjóður verslunarmanna er
nú stærsti hluthafinn með 4,77%
hlut, Burðarás á 3,46% og Salt-
fiskframleiðendur 3,25%. Fyrir
hlutafjárútboð félagsins í sumar
var Fjárfestingarfélagið Skandia
skráð fyrir 6% hlut, Bjarni Sig-
hvatsson 4,85% og Saltfískfram-
leiðendur 4,01%.
15 stærstu hluthafar
Slafnvirði hlutafjár m.kr.
SIEhf. % hlutur
Lífeyrissj. VR 31,0 4,77
Burðarás hf. 22,5 3,46
Saltfiskframleiðendur 21,2 3,25
Vinnslustöðin hf. 20,2 3,11
Lífeyrissj. Norðurl. 19,4 2,98
Kaupf. Eyfirðinga 18,9 2,90
Hlutbréfasj. íshaf 18,6 2,86
Auðlind hf. 17,4 2,67
Tryggingamiðstöðin 17,2 2,64
Samvinnulífeyrissj. 15,8 2,43
ísf. Vestmannaeyja 14,6 2,24
Vátryggingaf. íslands 14,3 2,20
Fiskanes hf. 14,2 2,18
Þorbjörn hf. 13,9 2,14
Síldarvinnslan hf. 11,4 1,75
ur lyfjarisi
fæðist
Basel. Reuter.
SVISSNESKU lyfjafyrirtækin
Ciba-Geigy og Sandoz hafa fengið
langþráð samþykki bandarískra
eftirlitsyfírvalda og geta sameinazt
í annan stærsta lyfjarisa heims.
Að fengnu skilyrtu samþykki
alríkisráðs viðskiptamála, FTC, er
rutt úr vegi síðustu hindruninni
fyrir stofnun hins nýja risafyrir-
tækis, Novartis, sem fyrst var boð-
uð í marz.
Hlutdeild Novartis á lyfjamark-
aði heimsins verður 4,4%, en
stærsta lyfjafyrirtækið í heiminum
er Glaxo-Wellcome í Bretlandi, sem
hafði 4,7% markaðshlutdeild 1995.
Novartis seldi lyf fyrir 36 millj-
arða svissnesla franka eða 27 millj-
arða dollara 1995 og varði 3.5
milljörðum til rannsókna og þróun-
ar.
ampvP^2UOU
verö kronur
21.900,-
HNAPPABORÐ MEÐ INNBYGGÐUM SIMA
ekkert modemt símakort eða annar óþarfa búnaður.....
• Hágæða hnappaborð með innbyggðum síma & hðfuðtóii
• Windows og Dos símahugbúnaður
• allar aðgerðir á síma í hnappaborði s.s. hringingar og stíllingar
• auðvelt í notkun og uppsetningu
• skráir dagsetningu, tíma og símanúmer sem hringt er í hverju sinni
• hægt að tala og nota tölvuna á sama tíma
NÝHERJI
radiostofan\J \y
Skipholti 37 • Sími 569 7600