Morgunblaðið - 21.12.1996, Blaðsíða 11
MORGUNBLAÐIÐ
FRETTIR
LAUGARDAGUR 21. DESEMBER 1996 11
Lauslegt mat á afkomu ríkissjóðs kynnt á Alþingi
Halli fjárlaga 1996 helm-
ingi minni en áætlað var
SAMKVÆMT lauslegu mati fjár-
lagaskrifstofu fjármálaráðuneytis
verður halli á ríkissjóði samkvæmt
fjárlögum þessa árs helmingi minni
en áætlað var þegar lögin voru af-
greidd fyrir ári. Stefnir í að hallinn
verði 2 milljarðar króna í stað fjög-
urra.
Jón Kristjánsson, formaður fjár-
laganefndar, sem kynnti niðurstöð-
urnar á Alþingi við þriðju umræðu
um frumvarp um fjáraukalög, sagði
að bættan hag mætti einkum skýra
með auknum tekjum ríkissjóðs.
Fjáraukalögin voru samþykkt sam-
hljóða með atkvæðum stjórnarliða.
Jón sagði að í frumvarpi til
fjáraukalaga 1996‘hefði verið gert
ráð fyrir því að hallinn yrði 3 millj-
arðar kr. miðað við íjárheimildir
frumvarpsins. Á sama tíma hefði
verið gert ráð fyrir að raunveruleg
útkoma yrði 2,7 milljarðar kr. ef
dregnar væru frá 300 milljónir
króna fjárheimildir sem búist væri
við að féllu niður um áramót. Eftir
breytingar við aðra og þriðju um-
ræðu fjáraukalaga megi á hinn
bóginn ætla að hallinn stefni í að
verða 2 milljarðar króna.
Jón tók fram að ef tekið væri
mið af innlausn ríkisskuldabréfa
væri halli ríkissjóðs 12,3 milljarðar
króna. Fram hefur komið að inn-
lausn skuldabréfanna hefur ekki
verið metin með í forsendum við
fjárlagagerð. Fullyrti Jón að inn-
lausn ríkisskuldabréfanna væri
hagstæð fyrir ríkissjóð þegar til
lengri tíma væri litið í því skyni að
lækka vaxtakostnað ríkisins.
Gísli S. Einarsson, Alþýðuflokki,
gagnrýndi harkalega vinnubrögð
stjórnvalda við fjárlagagerð sem
endurspegluðust í verulega van-
áætluðum tekjum og gjöldum ríkis-
sjóðs. Kvaðst hann virða varfærni
en farsælla væri að reka ríkissjóð
af raunsæi. Kvaðst hann t.a.m.
hafa áhyggjur af vaxtakostnaði
sem sífelldur hallarekstur stóru
sjúkrastofnananna í Reykjavík
veldur. Æskilegra væri að marka
sjúkrahúsunum raunsæ framlög á
fjárlögum og greiða uppsafnaðar
skuldir.
20 millj. til
að nýta upp-
lýsingatækni
BJÖRN Bjarnason menntamálaráð-
herra hefur lagt fram frumvarp til
laga um að ríkissjóður veiti tuttugu
milljónir króna á næstu fimm árum
til starfsemi almenningsbókasafna.
I fréttatilkynningu segir að mark-
miðið sé að styrkja þjónustu byggða
á nútíma upplýsingatækni. Sam-
kvæmt frumvarpinu má veija fénu
til kaupa á tölvubúnaði sem stuðlar
að tengingu bókasafnanna við staf-
rænt upplýsinganet, til námskeiða-
halds fyrir bókaverð, til útgáfu
fræðsluefnis fyrir almenning um
hvernig hægt sé að hagnýta sér nú-
tíma upplýsingatækni og annarra
verkefna sem stuðla að sama marki.
Prests- o g
djáknavígsla í
Dómkirkjunni
BISKUP íslands, herra Ólafur Skúla-
son, vígir sunnudaginn 22. desember
írisi Kristjánsdóttur, sem ráðin hefur
verið aðstoðarprestur í Hjallapresta-
kalli í Reykjavíkurprófastdæmi
eystra, og Nönnu Guðrúnu Zoéga,
sem ráðin hefur verið til djáknaþjón-
ustu í Garðaprestakalli í Kjalarnes-
prófastsdæmi. Vígslan fer fram í
Dómkirkjunni og hefst kl. 10.30.
Vígsluvottar verða sr. Bragi Friðriks-
son prófastur og lýsir hann vígslu,
sr. Kristján Einar Þorvarðarson
sóknarprestur og Unnur Halldórs-
dóttir djákni. Altarisþjónustu annast
sr. Jakob Ágúst Hjálmarsson ásamt
biskupi, organisti er Marteinn H.
Friðriksson og Dómkórinn syngur.
Skorað á
stjómvöld
aðtakaa
fíkniefna-
vandanum
FULLTRÚAR foreldra afhentu
Davíð Oddssyni forsætisráð-
herra undirskriftarlista sl.
fimmtudag með áskorun til
stjórnvalda um að taka á fíkni-
efnavandanum með aukinni
fjárveitingu til tollgæslu og lög-
gæslu.
Frá 28. október til loka nóv-
ember söfnuðu foreldrafélög
15 grunnskóla í Reykjavík og
Kópavogi undirskriftum for-
eldra auk þess sem undirskrift-
arlistar lágu frammi á um 50
bensínstöðvum og verslunum í
Reykjavík og nágrannasveitar-
félögum. Þá var undirskriftum
safnað á Höfn í Hornafirði.
I áskorun foreldranna kemur
meðal annars fram að á sama
tíma og höfð eru uppi fögur
orð um að berjast þurfi gegn
fíkniefnasölu og neyslu fíkni-
efna hjá börnum og unglingum
á Islandi, eru jafnframt uppi
áform þjá stjórnvöldum um að
skera niður fjárveitingar til
löggæslu og tollgæslu. Foreldr-
ar skora á sljórnvöld að tryggja
nægilegt fjármagn til tollgæslu
og löggæslu til að hægt sé á
raunhæfan hátt að veijast þeim
vágesti sem fíkniefnin eru.
Morgunblaðið/Golli
ARNHILDUR Á. Kolbeins, Hannes Kolbeins, Þórarinn K. Ólafs-
son og Guðrún B. Kolbeins afhentu forsætisráðherra undirskrift-
arlistana.
*
Islenskt
efni í ís-
lensku
sjónvarpi
ÍSLENSKIR tónlistarmenn
sem syngja á ensku mega síð-
ur eiga von á því að tónlistar-
myndbönd þeirra verði sýnd i
Sjónvarpinu. Rúnar Gunnars-
son, sem gegnir starfi fram-
kvæmdastjóra Sjónvarpsins,
segir myndböndin ekki auglýs-
ingar fyrir einn né neinn, þau
séu dagskrárefni sem notað
sé til uppfyllingar og að í ís-
lensku sjónvarpi eigi efnið að
vera á íslensku.
Aðspurður hvort þarna sé
um að ræða einhverja breyt-
ingu á dagskrárstefnu Sjón-
varpsins segir Rúnar að þessi
stefna hafi alla tíð verið í heiðri
höfð þar á bæ. „Hinsvegar eru
óvenju margir tónlistarmenn
sem gefa út diska og mynd-
bönd á ensku fyrir þessi jól
og þá er dálítil ásókn hjá þessu
fólki að koma þeim i umferð.
En við höfum bara ekki áhuga
á því - eðlilega. Við þurfum
ekkert að fylgja þessari bylgju
og munum ekki gera það.“
Hann telur þó of mikið sagt
að bannað hafi verið að sýna
tónlistarmyndbönd á ensku en
það sé frekar orðin undantekn-
ing.
Rúnar segir það liggja í
augum uppi að í íslensku sjón-
varpi eigi að syngja og tala á
íslensku. „Tónlistarmyndbönd
eru aðallega notuð sem upp-
fyllingarefni milli dagskrárliða
og þá er fyrst og fremst grip-
ið til myndbanda þar sem flytj-
endur syngja á íslensku.“
Tugmilljóna tekjur
ríkis af slökkvibúnaði
TEKJUR ríkisins af innflutningi á
björgunar- og slökkvibúnaði námu
samtals rúmum 57 milljónum króna
á árunum 1993-1995. Þá voru tekj-
ur af aðflutningsgjöldum á slökkvi-
bifreiðar samtals rúmar 15 milljón-
ir króna á sama tímabili.
Þetta kemur fram í svari fjár-
málaráðherra á Alþingi við fyrir-
spurn Hjálmars Árnasonar, Fram-
sóknarflokki. Þar segir að nær ein-
göngu sé um að ræða virðisauka-
skatt og hafi tekjur af aðflutnings-
gjöldum á björgunar og slökkvibún-
aði numið 19,3 milljónum árið 1995,
23,3 milljónum árið 1994 og 14,7
milljónum árið 1993.
Þá voru aðflutningsgjöld á
slökkvibifreiðar 8,3 milljónir árið
1995, 462 þúsund árið 1994 og 6,5
milljónir árið 1993. Jafnframt hafa
verið innheimt bifreiðagjöld af
slökkvibifreiðum og eru þau áætluð
um 2,7 milljónir króna árlega.
Heimilt er að endurgreiða aðflutn-
ingsgjöld af björgunarbifreiðum í
eigu björgunarsveita og fella niður
bifreiðagjöld af þeim. I svari íjár-
málaráðherra kemur fram að árið
1995 voru endurgreidd aðflutnings-
gjöld alls 39,5 millj. og jafnframt
voru endurgreidd bifreiðagjöld á
björgunarbifreiðar, samtals tæpar 4
millj. Fjárhæð endurgreiðslunnar
nam 33 milij. árið 1993 og 19,7
millj. 1994 en ekki liggur fyrir hve
rnikið var þá fellt niður af bifreiða-
gjöldum. Á þessu ári nema niður-
felld bifreiðagjöld alls um 4,4 millj.
Cindy Crawford vcit, hvcmig hún sameinar
glæsileika og imynd med stil ffá hcimsins
stærstu hönnudum. Hversdags og vid hátídlcg
tækifæri vclur hún Omcga. “Trust your
judgement, trust Omega” - Cindy Crawford
meba
KRINGLUNNI
S 553-1199
NEW CcrnóhzÁlnhjcrn
18k Gull og/eda stál.
Hert saíirgler.