Morgunblaðið - 29.12.1996, Blaðsíða 24

24 SUNNUDAGUR 29. DESEMBER 1996
MORGUNBLAÐIÐ
KVIKMYNDIR/Sambíóin sýna myndina Ransom með Mel Gibson, Rene Russo og Gary
Sinise í aðalhlutverkum. I myndinni sem Ron Howard leikstýrir leikur Gibson viðskipta-
jöfur sem tekur málin í sínar hendur þegar syni hans er rænt
TOM Mullen (Mel Gibson) tekur málin í sínar hendur þegar honum verður ljóst
að litlar líkur eru á því að mannræningjamir þyrmi lífi sonar hans.
ALRÍKISLÖGREGLAN reynir allt sem mögulegt er til að hafa hendur í hári
mannræningjanna en aðgerðimar misheppnast og taka málin þá nýja stefnu.
KRÓKURÁ
MÓTIBRAGÐI
TOM Mullen (Mel Gibson) er
vellauðugur stofnandi og
eiganði eins af stærstu flugfélög-
um Bandaríkjanna og er hann
harður í hom að taka í viðskiptum
enda vill hann fá sínu framgengt
í hvívetna. Allt virðist ganga hon-
um, eiginkonunni Kate (Rene
Russo) og syninum Sean (Brawley
Nolte) í haginn, en þau eru hátt
skrifuð i samkvæmislífinu og Tom
er áberandi í fjölmiðlum vegna
velgengni sinnar. En skyndilega
er syni hans rænt af harðsnúnu
glæpahyski sem krefst tveggja
milljóna dollara lausnargjalds fyrir
hann. Eftir að aðgerð alríkislög-
reglunnar til að hafa hendur í
hári mannræningjanna mistekst
tekur Tom málin í sínar hendur
og reynir á örvæntingarfullan en
hættulegan hátt að gera úrslitatil-
raun til að endurheimta son sinn
heilan á húfí úr klóm glæpamann-
anna. Líf sonarins er hins vegar
sett að veði og eiginkonan er skelf-
ingu lostin vegna óvæntra aðgerða
Toms sem hæglega gætu leitt til
þess að þau fengju aldrei að sjá
son sinn á lífí á ný.
Ransom er gerð eftir kvik-
myndahandriti þeirra Richards
Price (Kiss of Death, Clockers) og
Alexanders Ignon, en handritið
byggir á samnefndri kvikmynd
sem gerð var 1956 og þau Glenn
Ford, Donna Reed og Leslie Niels-
en léku aðalhlutverkin í. Leikstjóri
Ransom er Ron Howard sem síð-
ast gerði Apollo 13 sem hefur
skilað 335 milljónum dollara í tekj-
ur, og segir hann að þegar hann
hafí lesið handritið hafí hann strax
gert sér grein fyrir því að það
myndi höfða til fjöldans. „Þegar
líf manns tekur kollsteypur af ein-
hveijum ástæðum þá fer ýmislegt
sem maður hefur reitt sig á að
gliðna í sundur. Það er einmitt það
sem skeður hjá persónunum í
Ransom, en í myndinni eru mikil
átök sem bjóða upp á kröftuga
dramatík sem áhugavert er að
horfa á.“
Ron Howard hefur auk þess að
leikstýra kvikmyndum leikið í
fjölda mynda sjálfur, skrifað kvik-
myndahandrit og framleitt mynd-
ir. Hann þreytti frumraun sína
sem leikari á sviði þegar hann var
18 ára gamall, en sem bam lék
hann í sjónvarpsmyndaflokknum
The Andy Griffíth Show og The
Music Man. Hann hlaut síðar lof
fyrir leik sinn í American Graffíti
og The Shootist.
Þegar Howard var 23 ára gam-
all árið 1978 leikstýrði hann fyrstu
kvikmyndinni, en það var Grand
Theft Auto. Hún sló í gegn og
sömu sögu er að segja um mynd-
irnar sem fylgdu í kjölfarið en
meðal þeirra eru Night Shift,
Splash, Cocoon, Gung Ho, Willow
og Parenthood, sem varð áttunda
RON Howard leikstjóri
Ransom.
aðsóknarmesta myndin árið 1988
og skilaði að lokum ríflega 100
milljónum dollara í tekjur. Árið
1991 leikstýrði hann Backdraft
sem naut mikilla vinsælda og hlaut
auk þess femar tilnefningar til
óskarsverðlauna. Ári síðar leik-
stýrði hann svo Far and Away
með þeim Tom Cmise og Nicole
Kidman í aðalhlutverkum og
tveimur ámm síðar leikstýrði hann
The Paper með Michael Keaton
og Glenn Close í aðalhlutverkum.
Rene Russo er fædd og uppalin
í Kaliforníu þar sem hún var upp-
götvuð á sínum tíma á hljómleik-
um með Rolling Stones og í kjöl-
farið starfaði hún um skeið sem
fyrirsæta. Hún fluttist síðan til
New York þar sem hún varð fyrir-
sæta fyrir Ford umboðsskrifstof-
una, en fyrsta kvikmyndahlut-
verkið sem henni áskotnaðist var
í myndinni Major League sem
gerð var 1989. Russo lék síðast á
móti Kevin Costner í Tin Cup sem
sýnd var fyrr á þessu ári, en leik-
konan hefur verið afkastamikil
upp á síðkastið. Hún lék á sínum
tíma á móti Mel Gibson í Lethal
Weapon 3 og árið 1994 lék hún á
móti Clint Eastwood í myndinni
In the Line of Fire. Því næst lék
hún á móti Dustin Hoffman í
Outbreak og í fyrra lék hún á
móti John Travolta, Gene Hack-
man og Danny DeVito í Get
Shorty.
Gary Sinise leikur eitt af aðal-
hlutverkunum í Ransom og sýnir
hann og sannar enn á ný leikara-
hæfíleika sína. Hann hefur reynd-
ar sýnt hæfileika sína bæði sem
leikari og leikstjóri, en hann varð
heimsþekktur fyrir hlutverk sitt á
móti Tom Hanks í Forrest Gump
og hlaut fyrir það tilnefningu til
óskarsverðlauna og Golden Globe
verðlauna. Skemmst er að minnast
hans úr Apollo 13, en aðrar kvik-
myndir sem hann hefur leikið í
eru The Quick and the Dead, Jack
the Bear, A Midnight Clear og
Of Mice and Men, en það er önnur
tveggja mynda sem hann hefur
leikstýrt. Hin myndin er Miles
from Home, með Richard Gere,
Kevin Anderson og John
Malkovich í aðalhlutverkum. Sin-
ise hefur einnig leikið talsvert á
sviði og var meðal stofnenda Step-
penwolf Theater Company í
Chicago 18 ára gamall árið 1976.
Lili Taylor leikur einn mann-
ræningjanna og muna eflaust
margir eftir henni úr mynd Frið-
riks Þórs Friðrikssonar Á köldum
klaka þar sem hún lék eitt aðal-
hlutverkið. Fyrsta kvikmyndahlut-
verk hennar var í Mystic Pizza sem
gerð var 1988, og síðan hefur hún
leikið í fjölda mynda. Meðal þeirra
eru Bom on the Fourth of July,
Short Cuts og Pret-A-Porter. Á
undan Ransom lék Taylor aðal-
hlutverkið í I Shot Andy Warhol
og fyrir það hlutverk hlaut hún
sérstök verðlaun á Sundance kvik-
myndahátíðinni fyrr á þessu ári.
Með hlutverk sonarins í Ransom
fer Brawley Nolte, en hann er
sonur leikarans Nick Nolte og lék
á móti honum í myndinni Mother
Night.
Einn af risunum
MEL Gibson er eitt
stærsta nafnið í kvik-
myndasögu samtímans og
virðist nánast allt sem
hann kemur nálægt í kvik-
myndaheiminum upp á
síðkastið verða að gulli og
svo virðist sem Ransom
ætli ekki að verða nein
undantekning þar á. Gib-
son er nú meðal hæstlaun-
uðu leikaranna í Holly-
wood og herma fregnir
að fyrir hlutverkið í Ran-
som hafi hann fengið 20
milljónir dollara.
Gibson er fæddur í New
York-fylki í Bandaríkjun-
um 9. janúar 1956, en þeg-
ar hann var 12 ára gam-
all fluttist hann rneð fjöl-
skyldu sinni til Ástraliu.
Að loknu menntaskóla-
prófi þar stundaði Gibson
nám í Leiklistarskóla rík-
isins í Sydney, og að loknu
prófi þaðan fékk hann
hlutverkið í Mad Max sem
umsvifalaust gerði hann
að stórstjörnu.
Þrátt fyrir velgengnina
í Mad Max innritaðist Gib-
son á nýjan leik í leiklist-
arskólann til frekara
náms og einnig til að afla
sér reynslu sem sviðsleik-
ari. Hann fluttist síðan til
borgarinnar Adelaide þar
sem hann gekk til liðs við
Ríkisleikhús Suður-Ástr-
alíu og fékk hann mikið
Iof þar fyrir frammistöðu
sína á leiksviðinu. Gibson
snéri sér hins vegar fljót-
lega aftur að kvikmynda-
leik og fyrir hlutverk sitt
i kvikmyndinni Tim hlaut
hann verðlaun áströlsku
kvikmyndastofnunarinn-
ar sem besti leikari í aðal-
hlutverki. í kjölfarið
fylgdu svo stríðsmyndirn-
ar Attack Force, Z og
Gallipoli, sem Peter Weird
leikstýrði, en fyrir leik
sinn í henni fékk Gibson
aftur verðlaun áströlsku
kvikmyndastofnunarinn-
ar sem besti leikarinn.
Mad Max öðlaðist líf á
nýjan leik í höndum Gib-
sons í myndinni The Road
Warrior (1982) og aftur í
Mad Max Beyond the
Thunderdome (1986), en í
þeirri mynd lék Gibson á
móti Tinu Tumer. í milli-
tiðinni lék hann aftur und-
ir stjórn Peters Weirs í
myndinni The Year of Li-
ving Dangerously, en í
henni lék Gibon á móti
Sigoumey Weaver. Einnig
lék hann í kvikmyndinni
The Bounty þar sem hann
lék Fletcher Christian,
sem m.a. Marlon Brando
hafði áður túlkað á hvita
tjaldinu.
Fyrsta bandariska kvik-
myndin sem Gibson lék í
var The River, en í henni
lék hann á móti Sissy
Spacek. Því næst lék hann
á móti Diane Keaton í
myndinni Mrs. Soffel, og
árið 1987 lék hann í fyrsta
sinn hinn hviklynda Mart-
in Riggs í myndinni Lethal
Weapon. Rætt er um að
hann leiki á næstunni í
fjórðu Lethal Weapon
myndinni og þiggi fyrir
það 25 mil(jónir dollara.
Eftir að hafa leikið í Let-
hal Weapon lék hann á
móti Michelle Pfeiffer,
Kurt Russel og Raul Julia
í Tequila Sunrise, og árið
1989 var hann mjög af-
kastamikill því þá lék
hann í Lethal Weapon 2,
gamanmyndinni Bird on a
Wire með Goldie Hawn,
Air America og síðan
Hamlet, sem kvikmynduð
var í Skotlandi og Eng-
landi. Rólegri timi fylgdi
í kjölfarið, en 1992 lék
hann í Lethal Weapon 3.
Frumraun sína sem leik-
stjóri þreytti Gibson þeg-
ar hann gerði A Man Wit-
hout a Face, en í henni lék
hann jafnframt aðalhlut-
verkið. Þá lék hann í
myndunum Forever Yo-
ung og Maverick, en há-
punkturinn á ferli Gibsons
var árið 1995 þegar hann
framleiddi, leikstýrði og
lék aðalhlutverkið í
Braveheart. Myndin sóp-
aði að sér verðlaunum og
hlaut hún 10 tilnefningar
til óskarsverðlauna og
hreppti hún fimm verð-
launanna, m.a. sem besta
myndin og Gibson hlaut
verðlaunin sem besti leik-
stjórinn.