Morgunblaðið - 12.01.1997, Blaðsíða 40
40 SUNNUDAGUR 12. JANÚAR 1997
MORGUNBLAÐIÐ
Tommi og Jenni
BREF
TIL BLAÐSINS
Kringlan 1103 Reykjavík • Simi 569 1100 # Símbréf 569 1329
# Netfang: lauga@mbl.is
Hvers vegna er
ekki þörf fyrir
aukaskipaskrá?
Frá Borgþórí S. Kjærnested:
Að undanförnu hefur nokkuð borið
á umræðu um þörf fyrir alþjóðlega
aukaskipaskrá farskipa á Islandi.
Mikil áhersla er
lögð á að ekki
verði unnt að
standast erlenda
samkeppni nema
slík skipaskrá
verði stofnuð.
Einnig er bent á
að svona skipa-
skrám hafi verið
komið á í öðrum
löndum, svona
eins og að þetta
sé hið besta mál
„af því bara“ því aldrei eru borin
fram ein haldbær rök fyrir þörfinni.
Ég hef áður mætt þessari umræðu
með því að benda á hvemig þessum
málum er varið annars staðar á Norð-
urlöndum og hvetjar áætlanir em
uppi innan Evrópusambandsins, ESB.
Nú langar mig hins vegar að benda
á þijú atriði sem öll tala gegn stofnun
alþjóðlegrar skipaskrár.
1. Islensk farskip em ekki mönnuð
tveimur áhöfnum eins og venja er á
öðmm Norðurlöndum. Önnur áhöfnin
er í fríi á meðan hin áhöfnin er um
borð. Verið er um borð í 3 mánuði
í senn og í landi í þijá mánuði. Hér-
lendis er um u.þ.b. V/i áhöfn að
ræða á hveiju skipi. Þessi staðreynd
ætti að skapa íslensku útgerðarfélagi
betri samkeppnisaðstöðu gagnvart
öðm norrænu skipafélagi sem mann-
ar skip sín með Norðurlandabúum.
Ég bendi á að það er væntanlega
lítill spamaður fyrir íslenskt skipafé-
lag að taka danskt skip á tímaleigu
með danskri áhöfn á mun hærri laun-
um en íslensk áhöfn og auk þess
með tvöfalda áhöfn og tvöfaldan
launakostnað. Munu þar því liggja
að baki aðrar ástæður en sparnaður
í rekstri.
2. Það er augljós staðreynd að sam-
keppni íslenskra skipafélaga um
farmflutninga milli Islands og megin-
landanna í vestri og austri við erlend
skipafélög er lítil sem engin. Auka-
skipaskrá er því óþörf af þeim sökum
fyrir íslensk skipafélög.
3. íslensk skipafélög kvarta mikið
yfir háum stimpil- og skráningargjöld-
um íslenskra stjómvalda. Venjulega
er bent á þetta atriði sem ástæðu
fyrir stofnun aukaskipaskrár á ís-
landi. íslensk skipafélög kunna hins
vegar ekki við að beina þeim tilmælum
til íslenskra ráðamanna að lækka
þessi gjöld á meðan þessi fyrirtæki
em rekin með hundraða milljóna
króna hagnaði. Það er hins vegar
staðreynd að það er engin þörf fyrir
sérstaka aukaskipaskrá til að geta
lækkað skráningargjöld. Það er ein-
föld stjómvaldsaðgerð og tengist ekki
með neinum hætti alþjóðlegri skipa-
skrá.
Alþjóðleg skipaskrá færir útgerð-
armönnum frelsi til að semja við
hvaða stéttarfélag farmanna sem er
um víða veröld. Samningsrétturinn
er tekinn af stéttarfélögum viðkom-
andi lands. Það er eftir þessum rétti
sem íslenskir útgerðaraðilar em að
slægjast. Þeir vilja gera íslenska fán-
ann óbeint að hentifána, án þess að
gera hann það beint. Svar Sjómanna-
sambands Islands er að láta lýsa ís-
lenska fánann hentifána hjá ITF (al-
þjóða flutningaverkamannasam-
bandjnu) verði aukaskipaskrá komið
á á Islandi.
Það er ef til vill kominn tími til
fyrir stjórnvöld að stilla skráningar-
málum til samræmis við nágranna-
löndin svo að takast megi að bjarga
íslenskri farmannastétt frá atvinnu-
leysi og Jandinu frá óöryggi í flutn-
ingum. Ég bendi á að eitt sinn var
á Islandi skipafélag sem barðist fyrir
stofnun íslensks siglingafána til að
auka öryggi þjóðarinnar í millilan-
daviðskiptum. Slíkt skipafélag mun
ekki iengur vera til í landinu og er
það miður.
BORGÞÓR S. KJÆRNESTED
eftirlitsfulltrúi ITF.
Starfsfólk McDonalds
dónalegt við unglinga
Frá Birtu Jónsdóttur, Hrefnu Jóns-
dóttur, Ingunni Eyþórsdóttur og
Magneu Magnúsardóttur:
STARFSFÓLKIÐ á McDonalds í
Austurstræti kemur illa fram við
unglinga. Það er ekki bara okkar
reynsla heldur margra vinkvenna
okkar. Við höfum hvað eftir annað
orðið fyrir því að vera reknar út að
ástæðulausu og er þá stundum not-
ast við slæmt orðbragð. Ein okkar
var kölluð andlega og líkamlega fötl-
uð þegar hún fór ekki strax út þegar
henni var sagt það. Hún var þá að
drekka kók í rólegheitum og hafði
ekkert gert af sér.
Það virðast mismunandi reglur
gilda um unglinga og fullorðna. Ef
við sitjum tvær inni á staðnum og
aðeins önnur pantar eitthvað er hin
rekin út. Ef unglingur er með for-
eldri eða ef fullorðnir eru á ferð gilda
allt aðrar reglur.
Sérstaklega höfum við orðið varar
við hvað ákveðin kona, sem er einn
yfirmanna á staðnum, er frek og
dónaleg við unglinga. Við höfum
reyndar heyrt frá undirmönnum
hennar á staðnum að hún sé jafnvel
verri við þá. Eitt sinn rak hún tvær
vinkonur okkar út að ástæðulausu.
Þær fóru þá og náðu í lögregluna.
Konan laug þá að lögregluþjónunum
að þær hefðu verið með læti. Við
vonum að yfirmenn McDonalds geri
eitthvað til að bæta úr þessu ástandi.
HREFNA JÓNSDÓTTIR,
Laugarnesvegi 70,
BIRTA JÓNSDÓTTIR,
INGUNN EYÞÓRSDÓTTIR,
MAGNEA MAGNÚSARDÓTTIR.
AUt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.