Morgunblaðið - 07.02.1997, Blaðsíða 22

22 FÖSTUDAGUR 7. FEBRÚAR 1997
MORGUNBLAÐIÐ
ERLENT
HÁSKÓLANEMAR í Belgrad halda á krossi og fána Júgóslaviu á mótmælagöngu í Belgrad í gær.
Þúsundir sljórnarandstæðinga héldu mótmælunum áfram þrátt fyrir tilslökun Slobodans Milosevic
forseta á þriðjudag.
Serbneskir stj órnarandstæðingar svara tilslökun Milosevic
Hætta mótmælunum
verði lögin samþykkt
Ætla að láta reyna á viðræður við serbnesku stjórnina
París. Reuter.
LEIÐTOGAR stjórnarandstöð-
unnar í Serbíu sögðu í gær að
götumótmælunum í landinu yrði
hætt þegar þingið samþykkti
frumvarp stjórnar Slobodans Mi-
losevic forseta um að sigrar
stjórnarandstöðunnar í sveitar-
stjórnakosningunum í nóvember
yrðu viðurkenndir.
„Við hættum mótmælunum og
látum reyna á viðræður samþykki
þingið frumvarpið," sagði Vuk
Draskovic, einn af þremur leið-
togum Zajedno, bandalags serb-
'neskra stjórnarandstöðuflokka,
sem sigraði í 14 borgum og bæj-
um í kosningunum.
Draskovic lét þessi orð falla
eftir að leiðtogamir ræddu við
Herve de Charette, utanríkisráð-
herra Frakklands, í París í gær.
Þeir voru enn tortryggnir í garð
Milosevic, sem sneri skyndilega
við blaðinu á þriðjudag og féllst
á að verða við þeirri kröfu stjórn-
arandstöðunnar að úrslit kosning-
anna yrðu virt.
Stjórn Milosevic hefur sam-
þykkt drög að frumvarpi um
kosningadeiluna, sem verður lagt
fyrir þingið í næstu viku.
„Þurfum að vera
mjög varkár“
„Við þurfum að vera mjög,
mjög varkár. Við höfum haft mjög
slæma reynslu af Milosevic,“
sagði Draskovic. Hann bætti við
að leiðtogarnir þrír hefðu ákveðið
að láta á það reyna hvort hægt
yrði að semja við stjórnina um
önnur deilumál.
De Charette sagði að leysa
bæri deilur serbnesku stjórnmála-
flokkanna með viðurkenningu
kosningaúrslitanna, viðræðum
milli stjórnarinnar og stjórnar-
andstöðunnar, lýðræðislegum
kosningum í lok ársins og frjáls-
um aðgangi stjórnarandstöðunn-
ar að fjölmiðlunum.
Rússneska stjórnin fagnaði til-
slökun Milosevic í gær og sagði
að deiluaðilarnir þyrftu að nota
tækifærið sem nú gæfist til að
draga úr ólgunni í Serbíu.
Dómsmálaráðherrar ESB
Vilja aukið vald ESB
á sviði dómsmála
Sotheby’s
sakað um
listaverka-
smygl
London. Reuter.
NOKKRIR starfsmenn Sotheby’s-
uppboðsfyrirtækisins breska hafa
verið leystir frá störfum um stund-
arsakir vegna ásakana um, að
þeir hafí smyglað til Lundúna ít-
ölskum listaverkum.
George Bailey, framkvæmda-
stjóri Sotheby’s í Evrópu, sagði í
gær, að fyrirtækið starfaði eftir
mjög ströngum reglum og því
væri ekki unnt að sætta sig við,
að einhverjir starfsmenn þess
hefðu brotið lög. Sagði hann, að
um væri að ræða einangruð atvik
en við þeim yrði brugðist af fullri
hörku. Hann gagnrýndi hins vegar
harðlega hvemig staðið var að
þessu máli en ásakanimar koma
fram í sjónvarpsþætti þar sem
fylgst var með starfsmönnunum í
Mílanó á Ítalíu með falinni mynda-
vél. Átti að sýna sjónvarpsþáttinn
á sjónvarpsstöðinni Rás 4 í gær-
kvöld.
Búist var við, að þar sæist sér-
fræðingur Sotheby’s í gömlu
meisturunum bjóðast til að smygla
málverki eftir ítalska málarann
Giusseppe Nogari til Bretlands og
viðurkenna um leið, að það væri
ólöglegt að fara með það frá Ítalíu.
Alvarlegar ásakanir
í þættinumm er stuðst við- bók
eftir blaðamanninn Peter Watson,
sem skrifar um listir, en hann
heldur því fram, að Sotheby’s hafi
skipulegt ólöglega flutning á mál-
verkum frá Italíu og Indlandi til
Bretlands og falsað pappíra til að
fela uppruna annarra listaverka.
„Við keyptum málverk eftir einn
af gömlu meisturunum á Ítalíu,
fórum með það á skrifstofu Sothe-
by’s í Mflanó og þeir buðust til
að smygla því til Bretlands sem
þeir og gerðu. Þeir skipulögðu allt
saman og ráðlögðu okkur að nota
falskt heimilisfang i London,“
sagði Watson í viðtali við BBC,
breska ríkisútvarpið. „Við fengum
myndina í hendur þegar hún var
komin til London og fórum með
hana til Sotheby’s. Þar keyptum
við hana aftur á uppboði og skiluð-
um henni síðan til Ítalíu.“
Noordwyk. Reuter.
DÓMSMÁLARÁÐHERRAR Evr-
ópusambandsins (ESB) ákváðu í
gær að knýja á um aukið hlutverk
sambandsins í baráttunni við
glæpi. Er það gert á grundvelli
skýrslu sem leiðir í ljós, að tak-
mörkuð samvinna aðildarríkja á
þessu sviði hefur litlu áorkað.
Frakkar, sem hingað til hafa
verið varir um sig þegar um hefur
verið að ræða að láta frá sér for-
ræði, hvetja nú til þess, að sam-
starfí á sviði dómsmála verði hag-
að með sama hætti og viðskipta-
og efnahagsmálum sambandsins.
Alain Toubon, dómsmálaráð-
herra Frakklands, sagði á blaða-
mannafundi eftir seinni fundardag
ráðherranna, að ESB bæri ekki
einungis að koma á sameiginlegu
svæði þar sem flutningar og ferða-
lög yrðu fijáls, heldur stuðla einn-
ig að auknu öryggi innan þess.
*.★★★*
EVRÓPA^
Toubon mun hafa hvatt til þess
á fundi ráðherranna, að samstarf
skyldi stóraukið í baráttunni gegn
fíkniefnum og glæpum. Jafnframt
varpaði hann fram þeirri hugmynd,
að ESB tæki yfír útlendingaeftirlit
og málefni flóttamanna en það er
háð því að uppbygging stofnana
sambandsins verði endurskoðuð.
Hvatti Toubon ennfremur til þess
að möguleikar framkvæmdastjóm-
arinnar til aðgerða á sviði dóms-
mála yrðu auknir og valdsvið Evr-
ópudómstólsins yrði aukið.
Erfiðasta viðfangsefnið
Samstarf á sviði dóms- og inn-
anríkismála er eitt erfíðasta við-
fangsefni ríkjaráðstefnu ESB.
Bretar hafa einhliða beitt neit-
unarvaldi til að stöðva ýmsar til-
lögur á þessu sviði undanfarin ár.
Og á sama tíma og ráðherrarnir
kvarta undan ónógri samvinnu
hafa ýmsar ákvarðanir ESB sem
orðið gætu til þess að vinna á
ýmsum vanda á sviði dómsmál-
anna ekki verið staðfestar í aðild-
arríkjunum. Þannig er Bretland
eina ríkið sem staðfest hefur lög
um Evrópulögregluna (Europol)
og þrír bálkar um viðskiptasvik,
tollasamstarf og gagnkvæmar
reglur um brottvísun úr landi
hafa ekki verið staðfestir í neinu
ESB-ríkjanna.
Evrópski fjárfest-
ingabankinn
Metútlán í
fyrra
Brussel. Reuter.
EVRÓPSKI fjárfestingabankinn
(EIB), helzta fjármögnunartæki
Evrópusambandsins (ESB), setti
met í útlánum á síðastliðnu ári.
Alls veitti bankinn lán að upphæð
23,2 miiljarða Ecu, eða 1.910 millj-
arða króna. Frá þessu greindi Sir
Brian Unwin, bankastjóri EIB, í
gær.
Til þess að fjármagna þessi miklu
útlán gaf EIB, sem í hópi alþjóð-
legra lánastofnana er sú stærsta,
út skuldabréf á alþjóðlegum fjár-
magnsmörkuðum í 22 gjaldmiðlum,
að heildarupphæð 18,6 milljarða
Ecu, sem samsvarar 1.525 milljörð-
um króna.
Þó megnið af fjárfestingar- og
framkvæmdalánum bankans sé var-
ið til verkefna I löndum ESB, voru
fjárveitingar bankans til landa utan
ESB einnig miklar á síðasta ári.
Einkum nutu löndin í Mið- og Aust-
ur-Evrópu þess, sem fengu samtals
metupphæðina 1,1 milljarða Ecu,
90 milljarða kr., í lán frá bankanum.
STUTT
79 farast
í land-
skjálftum
AÐ minnsta kosti 79 manns
létu lífíð í tveimur öflugum
jarðskjálftum og eftirskjálfta,
sem riðu yfír íran á miðviku-
dag. Um 260 slösuðust í
skjálftunum sem urðu rúmum
500 km norður af Teheran.
Skjálftarnir mældust 5,4 stig,
5,7 og 6,1 stig á Richter og
jöfnuðust tugir smáþorpa við
jörðu. 25.000 manns misstú
heimili sín í skjálftunum, að
sögn innanríkisráðuneytisins í
gær.
Uppreisn
gegn skæru-
liðum
DAGBLAÐ í Alsír sagði í gær
að fjöldamorð í alsírskum bæ
á föstudag hefði leitt til upp-
reisnar meðal bæjarbúa gegn
skæruliðum heittrúaðra músl-
ima. Blaðið sagði að íbúar
bæjarins gengju um með byss-
ur og barefli til að koma í veg
fyrir frekari árásir skærulið-
anna, sem drápu 31 mann í
bænum á föstudag.
Gyðingar
hætta við við-
skiptabann
SAMTÖK gyðinga í New York
sögðust í gær hafa hætt við
að beita sér fyrir því að gyð-
ingar hættu viðskiptum við
svissneska banka eftir að þrír
stærstu bankarnir ákváðu að
stofna sjóð til aðstoðar fórn-
arlömbum þýskra nasista í síð-
ari heimsstyijöldinni.
Rússar eigna
sér listaverk
RÚSSNESKA þingið hefur
samþykkt ályktun þar sem
Rússar lýsa sig réttmæta eig-
endur listaverka sem tekin
voru af nasistum í lok síðari
heimsstyijaldar. Þjóðveijar
hafa gert kröfu um að fá verk-
in aftur, en þeir hafa ekki vilj-
að tjá sig um ályktun rússn-
eska þingsins.
Tsjetsjenar
reka ÓSE-
mann úr landi
BANDARÍKJAMENN hafa
krafist þess að fráfarandi for-
seti Tsjetsjníu taki aftur
ákvörðun sína um að reka yfír-
mann Öryggis- og samvinnu-
stofnunar Evrópu, ÖSE, úr
landi. Utanríkisráðherra
Tsjetsjníju hefur gagnrýnt yf-
irmanninn, Svisslendinginn
Tim Guldimann, harðlega fyrir
að hafa sagt Tsjetsjníju hluta
af Rússlandi.
Fleiri fá heila-
himnubólgu
MIKIL aukning hefur orðið á
heilahimnubólgutilfellum, að
sögn Alþjóðaheilbrigðismála-
stofnuninnar, og létust um
16.000 manns úr sjúkdómnum
I fyrra. Tilkynnt var um
150.000 tilfelli, en flestir
þeirra sem létust voru böm í
Afríku.