Morgunblaðið - 12.02.1997, Side 28

28 MIÐVIKUDAGUR 12. FEBRÚAR 1997
MORGUNBLAÐIÐ
Kasparov náði
Júdit Polgar
SKAK
Linarcs, Spáni:
STÓRMÓT
JÚDIT Polgar, Gary Kasparov og
Vladímir Kramnik eru jöfn og efst
í Linares þegar mótið er hálfnað.
Davíð Kjartansson varð Norður-
landameistari í sínum flokki í
skólaskák um helgina.
Kasparov vann Búlgarann Ves-
elin Topalov með svörtu í sjöttu
umferð mótsins á meðan Júdit
Polgar gerði jafntefli í 25 leikjum
við Alexei Shirov, sem
var neðstur. Vladímir
Kramnik vann Úkra-
ínumanninn Vasílí
ívantsjúk, en sá síð-
astnefndi er heillum
horfínn og hefur tapað
öllum skákum sínum
á hvítt, íjórum að tölu.
ívantsjúk lýsti því yfir
í Las Palmas í desem-
ber að hann vildi taka
sér langt frí frá tafl-
mennsku, en ákvað þó
að standa við gerða
samninga um þátt-
töku í Linares.
Önnur úrslit í sjöttu
umferð urðu þau að
Drejev vann Piket,
Gelfand vann Nikolie
og þeir Adams og
Anand gerðu jafntefli.
Staðan á mótinu er þessi:
I. -3. Júdit Polgar, Kasparov og
Kramnik 4 ’/i v. af 6 mögulegum.
4. Adams 4v.
5. Gelfand 3‘A v.
6. Drejev 3 v.
7. -8. Piket og Nikolic 2'A v.
9.-10. Anand og Topalov 2 v.
II. -12. Shirov og ívantsjúk VA v.
VISA-bikarmótið
íslensku keppendurnir á nor-
ræna VISA-bikarmótinu í Þórs-
höfn fara rólega af stað. Rúss-
neski Ólympíumeistarinn Peter
Svidler er eini keppandinn sem
hefur unnið allar þijár fyrstu
skákir sínar. í þriðju umferðinni
gerði Hannes Hlífar Stefánsson
jafntefli við Stuart Conquest,
Englandi, og Helgi Áss Grétars-
son við Finnann Heikki Wester-
inen. Áskell Örn Kárason vann
Joan H. Andreasen, Færeyjum,
Þröstur Þórhallsson gerði jafn-
tefli við Danann Steffen Pedersen
og Sævar Bjarnason gerði sömu-
leiðis jafntefli við Flóvin Tór
Næs, Færeyjum.
Staðan efstu manna á mótinu:
1. Svidler, Rússlandi 3 v.
2. -6. Ivan Sokolov, Bosníu, Curt
Hansen, Danmörku, Conquest, Eng-
landi Djurhuus, Noregi og Ákesson,
Svíþjóð 2'U v.
7.-14. Hannes Hiífar Stefánsson,
Helgi Áss Grétarsson, Westerinen,
Finnlandi, Bjarke Kristensen, Sune
Berg Hansen og Carsten Höi, allir
Danmörku, og Jens Christian Hansen,
Færeyjum, 2 v.
Þeir Þröstur og Áskell hafa einn
og hálfan vinning hvor og Sævar
einn vinning.
Davíð Norðurlandameistari
Davíð Kjartansson, 14 ára
gamall Reykvíkingur, sigraði í
sínum aldursflokki á Norður-
landamótinu í skólaskák sem lauk
í Þórshöfn í Færeyjum á mánu-
daginn. Davíð vann allar fimm
skákir sínar og Stefán Kristjáns-
son, sem varð í öðru sæti, vann
alla nema Davíð. Frábær frammi-
staða, en í hinum flokkunum gekk
íslensku keppendunum ekki eins
vel. Frammistaða okkar unglinga
í elstu flokkunum tveimur veldur
vonbrigðum, en þeir yngstu stóðu
sig hins vegar vel.
A-flokkur: Annti Pihlaja Salo,
Finnlandi, sigraði með 4 ‘A v. af
5 mögulegum. Arnar Gunnarsson
varð í 5.-9. sæti með 3 v. og
Torfí Leósson í 11.-12. sæti með
1’A v.
B-flokkur: Simon Bekker Jensen,
Danmörku og Leif Erlend Jo-
hannessen, Noregi, sigruðu með
4 'l-t v. af 5 mögulegum. Jón Vikt-
or Gunnarsson varð í 4.-7. sæti
með 3 'A v. og Bragi Þorfinnsson
í 8.-9. sæti með 3 v.
C-flokkur: Davíð Kjartansson
sigraði með 5 vinninga. Stefán
Kristjánsson varð annar með 4
v. Fjórir skákmenn komu næstir
með 3'A v.
D-flokkur: Esben Lie, Noregi,
sigraði með 5 v. Guðjón Heiðar
Valgarðsson varð í 2.-3. sæti
með 4 v. og Hlynur Hafliðason í
9.-11. sæti með 2 v.
E-flokkur: Kecli Ong, Svíþjóð sigr-
aði með 5 v. Hilmar Þorsteinsson
varð í 4.-5. sæti með 3'A v. og
Pálmar Jónsson í 6.-9. sæti með
3 v.
Margeir Pétursson
Davíð Kjartansson
ö
Efni í fermingarfötin
Snið frá Burda, New Look og Kwivk Sew, auk
sníðablaða frá Burda, Knip o.fl. Allt til sauma.
V/RKA
Mörkinni 3,
sími 568 7477
Opiö mánud.-föstud. kl. 10-18.
Laugard. kl. 10-14. til l.júní.
STOmAMR - EinSTAKLIITGAR
Ávallt á útsölu mikið úrval af bútasaumsefnum
frá 296 kr. og fataefni frá 150 kr. m.
VIRKA
Mörkinni 3, sími 568 7477 Laugard. kl. 10-14.
til 1. júní.
Opiö mánud.-föstud.
kl. 10-18.
MINNINGAR
+ Margrét Valdi-
marsdóttir
Ólafsson fædd-
ist í Hnífsdal 24.
nóvember 1900.
Hún lést í Reykjavík
23. desember síð-
astliðinn 96 ára að
aldri. Foreldrar
hennar voru Valdi-
mar Þorvarðsson,
kaupmaður og út-
vegsbóndi í Hnífs-
dal, og Björg Jóns-
dóttir, kona hans.
Margrét var yngst
af átta börnum
þeirra hjóna og eru systkinin
nú öll horfin til feðra sinna.
Útför Margrétar fór fram frá
kapellu Fossvogskirkju 8. jan-
úar.
Afí minn, Valdimar Þorvarðsson,
vildi mennta börn sín eins vel og
hægt var á þeim tíma og efni stóðu
til. Þijár systurnar hlutu framhalds-
menntun sína í Danmörku og Nor-
egi, stunduðu nám í matreiðslu-
og hannyrðaskólum. Eftir nám í
Kvennaskólanum í Reykjavík fór
sú yngsta líka í nám til Danmerkur
og fór að læra nudö. Það má full-
yrða að hún hefir verið bráðskörp
til náms en ekki sagði hún mér
þetta sjálf. En mörgum árum seinna
þegar Margrét var gift kona í
Reykjavík, fann ég heima í Hnífs-
dai námsbækur hennar, ásamt
mörgum stílaverkefnum á þýsku.
Vöðvafræðin eða myológían og aðr-
ar bækur voru allar á þýsku og
latínu, sem sýnir að mikið var lagt
á sig. Stílana gátum ég og vinkona
mín, þegar við vorum við nám í
Gagnfræðaskóla ísafjarðar, vel not-
fært okkur og þótti yndislegt í þá
dag, þótt algert svindl væri af okk-
ar hálfu. Gaman væri ef þessar
bækur fyndust.
Nám hennar varð henni happa-
dijúgt og eftir að hafa lokið því fór
hún til Parísar, þar sem hún vann
um tíma sem „au pair“ stúlka á
meðan hún var að læra frönskuna
betur. Síðan var byijað að vinna
við sitt fag, þ.e. nuddið. Hún vann
lengi i Nissa í Suður-Frakklandi.
Mig minnir að hún hafi sagt mér
að á veturna hafi hún unnið í Nissa,
en í Karlsbad á sumrin og hún
hafði mikið dálæti á þessum stöð-
um, sérstaklega Karlsbad, sem hún
sagði að hefði verið ákaflega full-
kominn heilsustaður. í einu af bréf-
um sínum til foreldra sinna, sem
þau töluðu mikið um, man ég, að
henni hafi verið boðið að setjast að
í Nissa og setja þar upp nuddstofu.
Ekkert varð af því, en seinna réð
hún sig sem einka-
nuddara til auðugrar
konu og fór með henni
á lúxusskipi til Amer-
íku. Þessi kona ráð-
lagði henni að setja
upp nuddstofu í New
York sem hún og gerði.
Konan, sem var dansk-
ur gyðingur, var henni
mjög hjálpleg og
þekkti margt efnað
fólk í New York, sem
hafði efni á að sækja
nuddstofur. Þetta gekk
allt prýðilega því hún
keypti sér meira að
segja bíl (af gerðinni Buick) og ein-
hvers staðar er til mynd af henni
í bílnum. Þegar ég sýndi henni
myndina fyrir nokkrum árum (þá
orðin mjög sjóndöpur), gerði hún
lítið úr því, sagðist hafa keypt hann
notaðan.
Elsku frænka mín, ég þakka þér
allar gjafírnar sem þú sendir litlu
stúlkunni í Heimabæ, meðan þú
varst í Frakklandi, sérstaklega
jóladótið og seinna fínu viðardósina,
fóðraða með rauðu leðri, sem ég á
enn. Líka vil ég þakka dvölina í
fyrstu íbúð ykkar Jóhanns á Öldu-
götu 29, vikurnar sem ég var í
undirbúningsdeildinni í Miðbæjar-
barnaskólanum og veturinn í Ág-
ústarskólanum. Þið sáuð ekki eftir
tímanum sem fór í að hjálpa mér
með tungumálin, sem börnin í
Reykjavíkurskólunum höfðu lært
en sveitabarnið ég ekki. En þó þú
værir ötul við að hjálpa mér, þótti
mér alltaf betra ef Jóhann las með
mér, hann var svo ljúfur og þolin-
móður. Þú óskaðir samt óþekka
táningnum, Huldu, alls hins besta
og það skildi ég þegar ég varð eldri.
Hafðu þökk fyrir allt og allt, elsku
föðursystir mín, Margét. Þú fékkst
langþráða ósk þína í jólagjöf.
Eg og fjölskylda mín sendum
börnum þínum og barnabörnum
innilegar samúðarkveðjur.
Hulda Valdimarsdóttir.
Þegar hátíð ljóss og friðar gekk
í garð barst okkur sú frétt að Mar-
grét, móðursystir okkar, væri látin
og þrátt fyrir háan aldur fyllist
maður miklum söknuði. Nú var síð-
asti fulltrúi okkar af aldamótakyn-
slóðinni farinn yfir móðuna miklu.
Langri ævi mikilhæfrar konu var
lokið. Frænka okkar var mikil
heimskona. Þó fæddist hún og ólst
upp í fámennu byggðarlagi norðar-
lega á Vestfjörðum. Hún kom frá
miklu athafnaheimili þar sem
stunduð var útgerð, verslun og bú-
skapur og hjá foreldrum sínum
kynnist hún þeim hugsunarhætti
að samhjálp væri mikilvæg. Mar-
grét var glæsileg ung stúlka. Átján
ára gömul fer hún að heiman í
Kvennaskólann í Reykjavík og
fylgdi þar með í fótspor systur sinn-
ar, Þorbjargar. Er kvennaskólanámi
lauk fór hún til Danmerkur og
dvaldi þar í fjögur ár við nám og
störf.
Margrét var mikil listakona og
hún lætur eftir sig sérlega fallega
handavinnu, því meðan sjónin var
í lagi féll henni aldrei verk úr hendi.
Sem ung kona saumaði hún t.d.
gullfallegt stórt refils veggteppi
eftir fyrirmynd frá Þjóðminjasafni
íslands og sat hún þar löngum
stundum með leyfi Matthíasar þjóð-
minjavarðar. Heimili Margrétar og
Jóhanns sýndi, svo af bar, fágaðan
smekk og listfengi þeirra hjóna. Það
er ekki ofsagt að heimili þeirra á
Öldugötu 18 var eitt það glæsileg-
asta og fágaðasta heimili sem við
höfðum séð um ævina.
Margrét lét sér mjög annt um
ættingja sína. Ég (Borghildur)
minnist þess sérstaklega þegar hún
bauð mér sumarvinnu hjá vinkonu
sinni í Danmörku, þegar ég var 19
ára gömul. Ég fór því á stundinni
og með samþykki foreldra minna
lagði ég land undir fót, sem varð
til þess að um haustið fór ég í kenn-
aranám í Kaupmannahöfn. I þá
daga var mjög erfitt að fá yfir-
færslu á gjaldeyri og það tók bróð-
ur minn marga mánuði að fá það
í gegn. Á meðan sýndi Margrét
mér það traust að lána mér danska
peninga.
Frænku okkar hlotnaðist sú gæfa
að halda andlegri reisn til hins síð-
asta dags. Hún fylgdist með ætt-
ingjum, vinum og atburðum, en hún
var farin að þrá hvíldina, því líkam-
inn var talsvert farinn að gefa sig.
Við vottum ástvinum hennar inni-
lega samúða. Hvíl í friði, kæra
frænka.
Borghildur Jónsdóttir,
Valdimar Kr. Jónsson.
Látin er frú Margrét Ólafsson
96 ára að aldri. Margrét var fædd
aldamótaárið í Hnífsdal þar sem
faðir hennar rak útgerð. Hún sleit
því barnsskónum þar sem frum-
kvöðlar íslenskrar útgerðar gerðu
sínar fyrstu tilraunir með fiskveiðar
á mótorbátum og stærri skipum en
þeim róðrarbátum sem fiskiróðrar
feðra okkar höfðu miðaðst við fram
til þess tíma.
Faðir Margrétar, Valdimar Þor-
varðsson, tók þátt í þessari miklu
byltingu en á þessum tíma var ísa-
fjörður og nágrenni helsti þéttbýlis-
kjarni landsins utan Reykjavíkur.
Margrét lagði ung að árum leið sína
út í heim sem var mjög óvenjulegt
fyrir unga stúlku á þessum árum.
Hún lærði nuddlækningar og ferð-
aðist víða um lönd vegna starfs síns.
Hún hefur trúlega verið með víð-
reistustu konum landsins þá. Mála-
kunnátta hennar óx að sama skapi
og talaði hún reiprennandi dönsku,
MARGRET
VALDIMARSDÓTTIR
ÓLAFSSON
ÁGÚST
BÖÐ VARSSON
+ Ágúst Böðvarsson, fyrrver-
andi forstöðumaður Land-
mælinga íslands, fæddist á
Hrafnseyri við Arnarfjörð 3.
janúar 1906. Hann lést á Hrafn-
istu í Hafnarfirði 27. janúar
síðastliðinn og fór útför hans
fram frá Dómkirkjunni 5. febr-
úar.
Úrvalsmennið Ágúst Böðvarsson
hefur kvatt. Með honum er genginn
einn merkasti og heiðarlegasti mað-
ur, sem ísland hefur fóstrað. Þetta
eru stór orð, en rök hafa verið færð
að þessu í minningargreinum um
hann.
Mér veittist sú ánægja að kynn-
ast þessum merka manni fyrir nærri
þremur áratugum. Það var þegar
sú mæta kona, Ingibjörg á Flanka-
stöðum, sem látin er fyrir nokkrum
árum, hafði ásamt öðrum beðið mig
að freista þess að fá hið svokallaða
Flankastaðamál (hæstaréttarmál
nr. 185/1960) endurupptekið fyrir
Hæstarétti, en annar lögmaður
hafði flutt það. Með dómi í því
máli voru jarðareigendur í Flanka-
staðatorfu sviptir landskikum við
Miðnesheiði, sem tilheyrt höfðu
þeim jörðum frá örófi alda. Ágúst
var einn þeirra þriggja merkis-
manna, sem að beiðni minni höfðu
samið greinargerðir, er allar hnigu
í þá átt að dómur Hæstaréttar væri
í veigamiklum atriðum rangur.
Ágúst Böðvarsson var brautryðj-
andi í töku loftljósmynda og vann
þar afrek. Meðal fyrstu svæðanna,
sem teknar voru myndir af úr lofti,
var svæðið umhverfis Keflavíkur-
flugvöll á árinu 1950. Meðan um-
rætt mál var rekið hafðist ekki upp
á myndum af því svæði sem landa-
merkjadeilan snerist um. Við flutn-
ing á skrifstofum Landmælinga Is-
lands komu myndir af þessu svæði
í leitirnar. Fyrir rétti gerði Ágúst
grein fyrir því hvenig tekist hafði
til og að ekki hefði verið kunnugt
um loftljósmyndirnar, þegar
Flankastaðamálið var flutt.
Honum sárnaði verulega, þegar
Hæstiréttur virti að vettugi orð
hans um þau atriði, sem var einn
þáttur í röksemdum fyrir því að
májið fengist leiðrétt.
Ágúst hreifst af baráttu minni
og tókst með okkur einlæg vinátta.
Hann var skáld gott og mér þótti
sérstaklega vænt um eftirfarandi
vísu, sem hann sendi mér á 75 ára
afmæli mínu:
Þig ei skelfdu þyrnibrautir,
þeirra, er leita sannleikans,
enda vannstu þyngstu þrautir
sem þegn í riki kærleikans.
Þessi vísa hefði eins getað verið
ort um Ágúst Böðvarsson sjálfan.
Gunnlaugur Þórðarson.