Morgunblaðið - 12.02.1997, Blaðsíða 34

34 MIÐVIKUDAGUR 12. FEBRÚAR 1997
MORGUNBLAÐIÐ
Dýraglens
Grettir
Tommi og Jenni
BRÉF
TIL BLAÐSINS
Kringlan 1103 Reykjavík • Sími 5691100 O Símbréf 5691329
• Netfang: lauga@mbl.is
Steratöflur og
líkamsrækt
Frá Þorsteini G. Gunnarssyni:
ÉG vissi varla hvort ég ætti að
hlægja eða gráta þegar ég hlust-
aði á útvarpsfréttir um helgina þar
sem sagt var frá hinni makalausu
tilraun til þess að smygla til lands-
ins 32.000
steratöflum.
Það var vissu-
lega broslegt að
brotamaðurinn
skildi vera það
mikill sælgæt-
isgrís að hann
tímdi ekki að
henda namminu
sem leiddi toll-
verðina á rétta
braut. Hið sorg-
lega við þetta mál er hins vegar
að þetta mikla magn, 32.000
steratöflur, dugar samkvæmt
fréttum til þess að mæta þörf stórs
hóps steraæta í langan tíma. Það
allra alvarlegasta við þetta mál
er hinsvegar sú staðreynd að
brotamaðurinn skuli reka líkams-
ræktarstöð!
Ætla mætti, miðað við þann
áróður sem verið hefur, að þorri
almennings geri sér grein fyrir því
að neysla þessara efna er varhuga-
verð, beinlínis stórhættuleg. Það
fyllti mig því óhug að heyra vamm-
lausan mann segja í útvarpsviðtali
í kjölfar smygltilraunarinnar að
svo virðist sem meira hafi borið á
neyslu stera nú á síðustu mánuð-
um en oft áður. Maðurinn vissi
meira að segja til þess að ungling-
um væru boðin þessi efni á ákveð-
inni líkamsræktarstöð. Sem betur
fer brást hann rétt við fregninni
og skarst í leikinn. Eftir stendur
hins vegar sú staðreynd að ster-
arnir eru á markaðinum og að-
gengilegir.
Að hér á landi skuli vera reknar
líkamsræktarstöðvar, ein eða
fleiri, sem útdeila þessum efnum
til viðskiptavina sinna, er vægast
sagt stóralvarlegt mál. Minnsti
grunur um slíkt ætti í raun og
veru að vera tilefni rannsóknar.
En miðað við núverandi ástand er
það ógerningur þar sem engin leyfí
þarf til reksturs líkamsræktar-
stöðva. Hver sem er getur í raun
og veru opnað líkamsræktarstöð
og boðið þar upp á hvað sem er.
íþróttasamband íslands er eini
aðilinn hérlendis sem bannar með-
limum sínum notkun stera og ann-
arra ólöglegra lyfja. ÍSÍ fylgist
með íþróttamönnum sem iðka og
keppa í íþróttum sem stundaðar
eru innan vébanda sambandsins.
Þetta er eina eftirlitið sem haft
er með notkun stera og annarra
ólöglegra lyfja hér á landi. í raun
og veru er það furðulegt að heil-
brigðisyfirvöld skuli ekki fyrir
löngu vera búin að setja upp skil-
yrði fyrir rekstri líkamsræktar-
stöðva, skilyrði þar sem meðal
annars er tekið á þessum málum.
Skilyrði sem leiða af sér leyfis-
sviptingu komi það á daginn að
stöðin tengist ólöglegum lyfjum á
einn eða annan hátt.
Stærstur hluti þeirra sem
stunda líkamsrækt gera það sann-
arlega sér til heilsubótar. En hóp-
ur manna, vonandi smár hópur
manna, hefur annað viðhorf. Það
fólk brýtur sig niður í stað þess
að byggja sig upp. Steraætumar
eiga það nefnilega sammerkt flkl-
um hverskonar að trúa, alla vega
fyrsta kastið, á skaðleysi efnanna
sem þær innbyrða.
Öfgalaus líkamsrækt í hvaða
formi sem er gerir fólki gott. Hún
byggir upp líkama og sál, styrkir
hjarta og æðakerfi, bætir efna-
skipti og hefur jákvæð áhrif á lík-
amsþyngd og það sem meira er,
reglubundin líkamsrækt vinnur
gegn þunglyndi og losar um
streitu, svo eitthvað sé nefnt.
Sterarnir hins vegar auka ofbeld-
is- og árásarhneigð, hækka blóð-
þrýsting, skemma lifur og nýru
og örva vöxt æxla. Hjá körlum
minnka sterarnir framleiðslu
karlkynshormóna, framleiðslu
sáðfruma og valda getuleysi.
Sterarnir auka karlkynseinkenni
hjá konum, bæði rödd og hár-
vöxt, þeir minnka bijóst og valda
tíðatruflunum.
Sífelld áminning um skaðsemi
steranna er góð leið til að fyrir-
byggja misnotkun þeirra, misnotk-
un sem sannarlega getur leitt til
ótímabærs dauða, eins og dæmin
sanna.
ÞORSTEINN G. GUNNARSSON,
framkvæmdastjóri landssamtakanna
íþróttir fyrir alla.
Þorsteinn G.
Gunnarsson
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
Ráðgjöf Bókhald Skattskil
Skipholli 50b__sími 561 0244/898 0244__fax 561 0240
Öll bókhalds- og framtalsþjónusta af bestu gerð
■ Framtöl einstaklinga ■ Ársreikningar ■ Vsk-skýrslur
og fyrirtækja og ráðgjöf og uppgjör
RBS
Gunnar Haraldsson hagfræðingur