Morgunblaðið - 12.02.1997, Blaðsíða 48
'.Si
•«YUNDAI
HÁTÆKNI TIL FRAMFARA
SH Tæknival
SKEIFUNNI 17
SlMI 550-4000 • FAX 550-4001
Happaþrenuu fyrir afganginn
MORGUNBLAÐIÐ, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL(á)CENTRUM.IS / AKUREYRI: KA UPVANGSSTRÆTI 1
MIÐVIKUDAGUR 12. FEBRÚAR 1997
VERÐ í LAUSASÖLU 125 KR. MEÐ VSK
(:. *r'
•tri
-»JL
Vinnuveitendur og VMSÍ ræða nýjar tillögur
Hreyfing að komast
Loðnu landað
í frystingu
ÞAÐ ER engu líkara en slíkur
handagangur sé í öskjunni í „Salt-
fiskstöflun" Sigurjóns Ólafssonar
að verkafólkið sé orðið saltstokk-
ið. Það er hins vegar vetur kon-
ungur, sem hefur leikið sér að
því að setja höggmyndalist höfuð-
borgarinnar í nýtt ljós. Það gerir
leikur barnanna á gamla vatns-
geyminum í Rauðarárholti líka
og myndar andstæðu við brauðst-
ritið í mynd listamannsins.
á kjaraviðræður
TÖLUVERÐ hreyfing virðist vera
að komast á kjaraviðræður á al-
menna vinnumarkaðinum. Samn-
inganefndir VMSÍ og vinnuveitenda
hittust hjá ríkissáttasemjara í gær.
Þar lögðu vinnuveitendur fram nýjar
hugmyndir sem varða einkum launa-
breytingar í fískvinnslunni og hvern-
ig auka megi vægi fastra launa á
móti bónusgreiðslum. Á að ræða til-
lögumar og viðbrögð VMSÍ frekar
á fundi samningsaðila í dag.
Kröfugerð VR mælist
misjafnlega fyrir innan ASÍ
Stefnt hefur verið að því að kynna
sameiginlega yfirlýsingu landssam-
banda ASI um kröfur á hendur
stjómvöldum og samræmdar áhersl-
ur í launamálum undir lok vikunnar
en af samtölum við forystumenn
innan verkalýðshreyfíngarinnar í
gær má ráða að mikil óvissa er um
hvort það takist.
Kröfugerð Verzlunarmannafélags
Reykjavíkur, um almennar prósentu-
hækkanir launa, sem kynnt var á
mánudag, mælist misjafnlega fyrir
innan verkalýðshreyfingarinnar og
sumir verkalýðsforingjar halda þvi
fram að hún hafí spillt fyrir tilraunum
til að fella kjarakröfur í einn farveg.
Samkomulag virðist hins vegar í
augsýn um kröfur á hendur stjórn-
völdum en þar er megináhersla lögð
á almenna skattalækkun og að tekið
verði upp fjölþrepa tekjuskattur,
lækkun tekjutengingar barnabóta,
að elli- og örorkulífeyrir og atvinnu-
leysisbætur fylgi launabreytingum í
þjóðfélaginu og að félagsmenn í
ASI, sem starfa hjá hinu opinbera,
njóti sambærilegra lífeyrisréttinda
og opinberir starfsmenn.
í dag munu hagfræðingar VSÍ
og VR eiga fund með sérfræðingum
Þjóðhagsstofnunar til að reyna að
ná að sameiginlegri niðurstöðu um
líkleg verðlagsáhrif launakrafna VR.
■ Nýrra tillagna/4
Listí
nýju ljósi
LOÐNU átti að landa úr Faxa
RE 241 í nótt í Þorlákshöfn og
stóðu vonir til að hægt yrði að
heilfrysta hana á Japansmarkað.
Frysting fyrir Japansmarkað er
hafin á höfnum fyrir austan.
Ingvi Einarsson, skipstjóri á
Faxa, sagði að loðnan hefði
veiðst alveg uppi í fjöru, á um
20 faðma dýpi, við Tvísker og
náðist að fylla bátinn í fjórum
köstum og gefa Elliðaey 100
tonn að auki. Faxi ber um 640
tonn.
„Núna er að komast fjör í
þetta. Loðnan er farin að ganga
langt vestur með landinu. Það
var mikil veiði norður af Tví-
skeijum og við fórum yfir torfur
við Ingólfshöfða," sagði Ingvi.
Hann sagði að einnig væri heil-
mikil veiði austan við Stokksnes.
„Við vonumst til þess að hún
sé búin að ná 15% hrognafyll-
ingu, öðruvísi vill Japaninn hana
ekki. Fyrir tveimur til þremur
dögum var fyllingin um 14%,“
sagði Ingvi.
Morgunblaðið/Þorkell
Hið opinbera í samkeppni við einkaaðila á að minnsta kosti 23 sviðum
Meiri kröfur
oft gerðar til
einkaaðila
HIÐ opinbera stundar atvinnustarf-
semi í beinni samkeppni við einkaað-
ila á að minnsta kosti 23 sviðum,
og búa einkaaðilar oft við annað og
kröfuharðara umhverfí en opinberir
aðilar.
Þannig eru dæmi um að virðis-
aukaskattur hafi ekki verið innheimt-
ur af opinberu fyrirtæki þótt álit rík-
isskattstjóra þar að lútandi lægi fyr-
ir, dæmi er um vanskil opinberra
stofnana og neitun þeirra á að greiða
dráttarvexti, og þá eru dæmi um til-
hneigingu ríkisstofnana til að beina
viðskiptum inn á við, þ.e. til annarra
ríkisfyrirtækja eða hlutafélaga í eigu
ríkisins án þess að láta fara fram
útboð.
Þetta kemur fram í skýrslu vinnu-
hóps um jafnræði milli opinberra
aðila og einkaaðila sem lögð verður
fram á Viðskiptaþingi á fimmtudag.
Undanþegin sköttum
og skyldum
í skýrslunni eru talin upp 23 svið
þar sem hið opinbera er í samkeppni
við einkaaðila og bent á að listinn
sé ekki tæmandi. Þannig er hið opin-
bera til dæmis í beinni samkeppni
við einkaaðila í fjármálaþjónustu,
innflutningi og heildsölu áfengis,
ráðgjafar- og sérfræðiþjónustu,
rekstri verslana, sölu síma- og fjar-
skiptabúnaðar, hraðflutningsþjón-
ustu og flutningsmiðlun, fjarskipta-
þjónustu, hugbúnaðargerð og tölvu-
þjónustu, menntaþjónustu, ræsting-
um, öryggisgæslu, verkstæðisþjón-
ustu og heilbrigðisþjónustu.
Bent er á að opinber fyrirtæki séu
oft undanþegin sköttum og skyldum,
þau njóti yfírleitt ótakmarkaðrar
ábyrgðar hins opinbera á rekstri sín-
um og skuldbindingum, til þeirra sé
sjaldnast gerð skilgreind arðsem-
iskrafa og í mörgum tilvikum sé
ekki allur kostnaður færður til gjalda
hjá þeim heldur borinn annars staðar
af hinu opinbera.
I skýrslunni segir að með því að
viðhalda mismunandi samkeppnis-
stöðu sé farið gegn hinni svokölluðu
jafnræðisreglu með því að með-
höndla sams konar aðstöðu á mis-
munandi hátt. Einstökum fyrirtækj-
um sé veitt óeðlilegt forskot sem
ekki byggist á gæðum vöru eða þjón-
ustu heldur á þeim hlunnindum sem
þeim séu veitt af hinu opinbera um-
fram keppinautana. Á þennan hátt
sé samkeppni skekkt og markmið
samkeppnisreglna gert að engu.
Bent er á þijár meginleiðir til úr-
bóta. í fyrsta lagi einkavæðingu op-
inberra fyrirtækja, en það leiði til
þess að reksturinn komist í hendur
einkaaðila og í sama samkeppnisum:
hverfi og önnur fyrirtæki búa við. í
öðru lagi geri hlutafélagavæðing
opinberra fyrirtækja í orði umhverfið
hið sama hvað varðar skatta, rekstr-
arábyrgð og ábyrgð á skuldbinding-
um. Ef önnur hvor þessara leiða verði
ekki farin verði að afnema sam-
keppnisleg fríðindi eins og t.d. skatt-
fríðindi og ótakmarkaða ábyrgð á
rekstri og lánum, og setja ótvírætt
ákvæði um bann við ríkisstyrkjum í
samkeppnislög.
Mikið
framboð
af skipum
ÓVENJUMIKIÐ framboð er
nú af togurum til sölu miðað
við fyrri ár.
„Þar sem kvóti er nú kom-
inn á velflestar veiðar utan
lögsögu, hafa möguleikar á
slíkum veiðum minnkað veru-
lega frá því sem var. í annan
stað er þónokkuð um eðlilega
endurnýjun togara. Keyptir
eru togarar frá útlöndum og
þeir eldri seldir úr landi, en
það er alveg ljóst að töluvert
meira framboð er af skipum
núna en var fyrir rúmu ári,“
segir Friðrik Arngrímsson
skipasali.
■ Óvenjumargir/Bl