Morgunblaðið - 25.02.1997, Síða 2

2 ÞRIÐJUDAGUR 25. FEBRÚAR 1997
MORGUNBLAÐIÐ
FRÉTTIR
Búið er að frysta um það bil sautján þúsund tonn af loðnu
Hrognatakan hefst lík-
lega einhvern næstu daga
MIKIÐ hefur verið fryst af loðnu
síðustu daga og hafa um 17.000
tonn þegar verið fryst, þrátt fyrir
smæð loðnunnar og erfiðleika við
flokkun. Á allri vertíðinni í fyrra
voru fryst um 37.000 tonn, en
frystingin nú gæti í það minnsta
farið í um 20.000 tonn.
Frystingin gekk mjög vel um
helgina og þá fékkst einnig stærri
loðna en áður úr göngunni sem
nú er komin inn á miðjan Faxa-
flóa. 50 til 55 hrygnur reyndust I
hveiju kflói og er það með betra
móti. Loðnan er nú farin að leka
hrognum og er því að verða óhæf
til frystingar. Þá styttist að sama
skapi í hrognatöku, sem gæti haf-
izt á næstu dögum. Loðnubátamir
hafa einnig verið að veiðum á
Meðallandsbug og rétt við Horna-
fjörð, en loðnan þar er smá og
Stærri loðna en áður fékkst
úr göngu á Faxaflóa
hrognafylling lítil enn. Óvíst hvort
hún dugar í frystingu fyrir Japani.
Framleiðendur á vegum SH
höfðu í gær fryst um 11.000 tonn,
á vegum ÍS var búið að frysta um
4.500 tonn og aðrir framleiðendur
voru komnir með um það bil 1.500
tonn.
Rússaloðnu skipað út í
verksmiðjutogara
Þau fyrirtæki, sem mest frysta
eru Vinnslustöðin í Vestmannaeyj-
um, ísfélag Vestmannaeyja,
Grandi í Reykjavík, Hraðfrystihús
Eskifjarðar, Sfldarvinnslan í Nes-
kaupstað, Árnes í Þorlákshöfn,
H.B. hf. á Akranesi og Fiskimjöl
og lýsi í Grindavík.
Líf og fjör var við höfnina í
Sandgerði í gærmorgun er þar var
skipað út fyrstu frosnu loðnunni
á Rússlandsmarkað í rússneskan
verksmiðjutogara. Skammt frá
var verið að landa I frystingu á
Japansmarkað úr Dagfara ÞH.
Bjami G. Bjarnason, verkstjóri
í frystihúsi Njarðar hf. í Sand-
gerði, sagði það tilviljun að rúss-
neskur verksmiðjutogari kæmi og
sækti fyrsta farminn, 800-900
tonn, sem færi til Rússlands að
þessu sinni. Venjulega væri loðn-
unni skipað út í frystigámum en
þessi vertíð væri búin að vera
óvenjuleg frá upphafi svo að menn
kipptu sér ekki upp við slíka breyt-
ingu.
„Frystihús Njarðar hf. frystir
fyrir Islenskt matfang hf. ásamt
fleiri aðilum. Við erum enn að
frysta á Japan úr Dagfara ÞH,
þó að sennilega sé frystingin á
síðustu metrunum," sagði Bjarni.
„Ef ný ganga kemur þá getum
við enn fryst bæði á Japans- og
Rússlandsmarkað. Við erum að-
eins búnir að frysta um 400 tonn
og verðum ekki sáttir við þessa
vertíð nema við komumst í um
600 tonn - og þá er hrognafryst-
ingin utan við það, því nú styttist
óðum í hana,“ sagði Bjarni að lok-
um.
■ Vinnsla/20
Morgunblaðið/Kristinn Ben.
FYRSTU frystu loðnunni á Rússlandsmarkað var skipað um borð í rússneskan frystitogara i Sandgerði í gærmorgun. Skammt frá
var verið að landa úr Dagfara ÞH í frystingu á Japansmarkað.
Gjaldtaka fyrir veiðileyfi landeigenda til umræðu á Alþingi
Þingmaður telur
gjaldið jaðra við
eignaupptöku
GUNNLAUGUR M. Sigmunds-
son, þingmaður Framsóknar-
flokks, segir það jaðra við eigna-
upptöku eða fjárkúgun af hálfu
ríkisins að landeigendur séu látn-
ir greiða fyrir veiðirétt á eigin
landi og telur jafnvel að verið
gæti að það bryti gegn eignarrétt-
arákvæðum stjórnarskrárinnar.
Þetta kom fram í umræðum á
Alþingi í gær um frumvarp Gunn-
laugs til breytinga á lögum um
vernd og veiðar á villtum fuglum
og spendýrum.
Gunnlaugur telur að þau rök
sem notuð hafa verið fyrir gjald-
töku af landeigendum, að með því
móti verði einnig þeir að skila
veiðiskýrslu, séu lítilsigld. Hann
segir að hvort eð er sé lítið að
marka veiðiskýrslurnar, þær séu
fylltar út eftir minni einu sinni á
ári og skotveiðimönnum hætti til
að ofmeta veiðina rétt eins og
fiskveiðimenn ofmeti aflann. Þær
séu því álíka traustar heimildir
og ævintýri Munchausens. Gunn-
laugur segir veiðiskýrslurnar í
raun leið til að hafa ofan af fyrir
opinberum embættismönnum sem
atvinnulífið þurfi ekki á að halda.
Guðmundur Bjarnason um-
hverfisráðherra sagði að tillögur
Gunnlaugs væru hættulegar
þeirri samstöðu sem náðst hefði
um greiðslur í Veiðisjóð. Hann
benti á að sjóðurinn sinnti rann-
sóknum og stýringu á veiðum
villtra dýra og þau verkefni kæmu
landeigendum að gagni og eðli-
legt væri að allir veiðimenn
greiddu til hans.
Guðmundur taldi þó eðlilegt að
kannað væri í nefnd hvort greiðsl-
urnar brytu gegn eignarrétti.
Landeigendum benti hann á að
taka til athugunar gjaldtöku af
veiðimönnum fyrir veiðirétt á
landi þeirra, eins og tíðkaðist í
flestum öðrum löndum.
Rússar
selja veiði-
leyfi
RÚSSNESK stjórnvöld hafa
ákveðið að veita rússneskum
og erlendum aðilum leyfi til að
veiða allt að 410 þúsund tonn
af físki og öðrum sjávardýrum
árlega gegn gjaldi.
Að sögn Gunnars Gunnars-
sonar, sendiherra íslands í
Rússlandi, hafa engar frekari
upplýsingar verið látnar af
hendi um hvernig að sölu veiði-
leyfanna verði staðið, á hvaða
hafsvæðum verði veitt eða um
hvaða tegundir sé að ræða.
í ályktun rússnesku stjómar-
innar, sem fjallar um ríkisað-
stoð við sjávarútveg 1997 til
1998, segir að nota eigi gjaldið
til að kosta rannsóknir í þágu
sjávarútvegs, borga fyrir fiski-
eftirlit og starfsemi fískeldis-
fyrirtækja, einkum endurskipu-
lag, stækkun og smíði skipa og
hafnarmannvirkja.
í tilskipuninni er efnahags-
og fjármálaráðuneytum Rúss-
lands falið að koma á reglum
um það hvemig staðið skuli að
framkvæmd þess í samráði við
sjávarútvegsnefnd rússneska
ríkisins innan mánaðar frá út-
gáfudegi hennar, 8. janúar.
Heila- og tauga-
læknar á SR
Viðræður
vegna
óánægju
VIÐRÆÐUR standa yfir milli
þriggja sérfræðilækna í heila-
og taugalækningum og stjóm-
enda Sjúkrahúss Reykjavíkur
um kjör og starfsaðstöðu.
Læknamir hafa lýst yfir mikilli
óánægju með starfskjör sín. Á
síðasta ári hætti einn helsti sér-
fræðingur landsins í heila- og
taugasjúkdómum störfum.
Staða hans hefur verið auglýst
laus og sótti einn læknir um.
Jóhannes Pálmason, fram-
kvæmdastjóri SR, sagðist hafa
rætt við læknana sl. föstudag
og annar fundur væri fyrir-
hugaður í þessari viku.
„Starfsaðstaða lækna á Is-
lenskum sjúkrahúsum og þ.á m.
þessara manna er erfíð. Það er
áhyggjuefni hvað búið er að
sauma að sérgreinasjúkrahús-
um, en læknarnir hafa fundið
fyrir því eins og aðrir. Það er
sífellt erfiðara að fá unga lækna
til að koma heim til starfa,"
sagði Jóhannes.
ASV undir-
býr aðgerðir
ENGIR samningafundir hafa
verið haldnir milli verkalýðsfé-
laga í Alþýðusambandi Vest-
fjarða og vinnuveitenda að und-
anfömu. „Við höldum fundi í
þessari viku um undirbúning
aðgerða og ákvörðun um hve-
nær atkvæðagreiðsla fer fram
í félögunum verður sennilega
tekin nk. laugardag," segir Pét-
ur Sigurðsson, forseti ASV.
Pétur segir að allar fregnir
af gangi viðræðna hjá ríkis-
sáttasemjara bendi til þess að
vinnuveitendur hafi ekki fært
sig spönn til móts við kröfur
landssambandanna, sem eru
nokkru lægri en launakröfur
ASV. „Mér sýnist að vinnuveit-
endur séu með þeim boðum sem
gengið hafa á milli að storka
launafólki í landinu og þessi
stóri pakki sem átti að koma
frá ríkisstjóminni, er skilyrtur
þannig að ekki má opna hann
fyrr en undir aldamót. Ég held
að menn hljóti að hafna slíkri
jólagjöf," segir hann.