Morgunblaðið - 25.02.1997, Qupperneq 11

MORGUNBLAÐIÐ
ÞRIÐJUDAGUR 25. FEBRÚAR 1997 11
hlut Chase Manhattan Bank í fé-
laginu, en þessi hlutur er nú í formi
láns sem bankinn getur breytt í
hlutafé og selt.
Samkvæmt samningnum er að
því stefnt að hlutabréf íslenska
útvarpsfélagsins fari á almennum
hlutabréfamarkað. Gert er ráð fyr-
ir að hinir nýju hluthafar tilnefni
einn stjórnarmann hjá íslenska út-
varpsfélaginu sem verði varafor-
maður. Hann mun jafnframt sitja
í framkvæmdastjórn félagsins
ásamt stjómarformanni og fram-
kvæmdastjóra sem aðilar eiga að
koma sér saman um.
Þá er samkvæmt upplýsingum
Morgunblaðsins til óopinbert sam-
komulag milli hluthafanna frá Stöð
3 og þeirra Jóns Ólafssonar og
Sigurjóns Sighvatssonar sem sam-
an áttu meira en helming hlutafjár
íslenska útvarpsfélagsins, en ekki
fæst upplýst hvers eðlis það sam-
komulag er.
Útsendingum
Stöðvar 3 hætt
Ný stjórn íslenskrar margmiðl-
unar hf. kom saman til síns fyrsta
fundar í hádeginu í gær. Þar var
Hreggviður Jónsson, framkvæmda-
stjóri Þróunarsviðs íslenska út-
varpsfélagsins kjörinn formaður,
en aðrir í stjórn eru þeir Jón Ólafs-
son, Þorkell Sigurlaugsson, Ragnar
Aðalsteinsson og Páll Baldvin Bald-
vinsson. Á fundinum var jafnframt
ákveðið að hætta útsendingum á
dagskrá Stöðvar 3 og verður dag-
skrá Sýnar send út í ólæstri dag-
skrá á sömu rás, a.m.k. til mánaða-
móta. Jón Ólafsson segir fyrirhug-
að að reka íslenska margmiðlun
áfram og margir möguleikar séu
fyrir hendi í rekstri félagsins, eins
og nafnið gefi til kynna. Ákveðið
var í gær að framkvæmdastjóri og
stjórnarformaður hitti starfsmenn
á fundi í dag til að ræða um fram-
tíð starfsmanna. „Við vonumst til
þess að geta starfað vel með þessu
fólki áfram og höfum mótað
ákveðna stefnu í því efni. Það er
undir fólkinu sjálfu komið hvort
það verður þarna áfram.“
Stöð 3 hafði þegar fengið til
landsins nokkuð af nýjum mynd-
lyklum þegar samningar tókust.
Jón segir aðspurður um þetta atriði
að það verði skoðað vel og ekki sé
útilokað að nota lyklana í svonefnt
„pay per view“ sem nefnt hefur
verið þáttasölusjónvarp.
Raunveruleg
ógn eða ekki?
Eins og fyrr segir stóðu hluthaf-
ar Stöðvar 3 frammi fyrir að ráð-
ast í meiri áhættufjárfestingu en
þeir höfðu reiknað með í upphafi
sem alls óvíst var hvort myndi
nokkurn tímann skila sér. Hins
vegar þótti jafnframt útilokað fyrir
þessa aðila að hætta við hálfnað
verk. Með j>ví að ganga til samn-
inga við Islenska útvarpsfélagið
fundu þeir leið til að breyta verðlitl-
um hlutabréfum sínum í íslenskri
margmiðlun í verðmæti og forðuðu
sér um leið frá hugsanlegu tapi.
Samningurinn um sameininguna
afléttir að sama skapi mikill óvissu
af rekstri íslenska útvarpsfélagsins
hf. Segja má að sú ógn hafi vofað
yfir félaginu að lenda í erfiðri sam-
keppni við hina fjársterku aðstand-
endur Stöðvar 3. Forráðamenn
Stöðvar 2 stóðu frammi fyrir þeirri
spurningu hvort hér væri um að
ræða raunverulega ógnun eða ekki,
en mátu stöðuna þannig að betra
væri að ganga til samninga. Segja
má að þeir standi nú með pálmann
í höndunum og þurfí ekki sérstakar
áhyggur af innlendri samkeppni á
næstu árum um áskriftarsjónvarp,
en standi jafnframt betur að vígi
en áður við að mæta yfirvofandi
samkeppni frá erlendum fyrirtækj-
um á þessu sviði.
Saga einkarekins sjónvarps á
íslandi hefur verið þyrnum stráð.
Ljóst er að með þessari niðurstöðu
er enn einu sinni komið að kafla-
skiptum í sögunni endalausu sem
svo hefur verið kölluð.
SVIPTINGAR A SJONVARPSMARKAÐI
Neytendasamtökin um kaup Stöðvar 2 á Stöð 3
Áskrifendur óbundnir
ef forsendur breytast
NOKKRIR áskrifendur Stöðvar 3
leituðu til Neytendasamtakanna í
gær vegna frétta um kaup íslenska
útvarpsfélagsins á Stöð 3. Formað-
ur Neytendasamtakanna telur
vafasamt að áskrifendur séu bundn-
ir af áskrift í heilt ár, ef breytingar
verða á þeirri dagskrá sem kynnt
hefur verið. í gær var hætt að senda
út dagskrá Stöðvar 3 og dagskrá
Sýnar send út í staðinn.
Jóhannes Gunnarsson, fram-
kvæmdastjóri Neytendasamtak-
anna, segir að þeir áskrifendur
Stöðvar 3 sem settu sig í samband
við samtökin hafi verið að spyijast
fyrir um það hvort þeir væru
bundnir af áskriftarsamningi sem
gerir ráð fyrir árs áskrift og hvort
þeir ættu rétt á að fá endurgreidd-
an kostnað við uppsetningu ör-
bylgjuloftnets sem Stöð 3 lét þeim
í té. Segir Jóhannes að einhveijir
áskrifendur hafi orðið varir við
breytingar á dagskrá um helgina,
eða strax eftir eigendaskiptin.
Greiða fyrir
opna dagskrá
Jóhannes segir að málið sé i
skoðun hjá lögfræðingi Neytenda-
samtakanna. Segist hann telja að
fólk geti sagt strax upp áskriftar-
samningnum ef forsendur breytist,
það er að segja ef gerðar verði
breytingar á þeirri dagskrá sem
kynnt hafi verið. Jóhannes segir
að réttur fólks vegna kostnaðar við
uppsetningu loftneta sé til skoðun-
ar en segir málið í biðstöðu þar til
ljóst verði um afdrif útsendinga
Stöðvar 3.
Á milli 1.500 og 2.000 áskrifend-
ur Stöðvar 3 hafa greitt áskriftar-
gjald í heilt ár, þrátt fyrir að dag-
skrá stöðvarinnar hafi verið opin.
Einar Kristinn Jónsson, fyrrver-
andi stjórnarformaður íslenskrar
margmiðlunar, segir að í þessum
hópi hafi verið mjög margir dyggir
stuðningsmenn stöðvarinnar og
viðurkennir hann að til hafi staðið
að umbuna þeim. Hann segir að
frágangur þessarra mála sé i hönd-
um nýrra eigenda félagsins. Auk
þeirra tæplega 2.000 áskrifenda
sem greiddu áskriftargjaldið hefur
fjöldi heimila fengið örbylgjuloftnet
og gert samning um áskrift þegar
dagskránni yrði lokað.
Utvarps-
réttarnefnd-
fær grein-
argerð
BJORN Bjarnason menntamálaráð-
herra vonast til að sameining Stöðv-
ar 2 og Stöðvar 3 leiði til þess að
sjónvarpsstöðvarnar hætti að fjár-
festa hver í annarri og leggi í stað-
inn aukið fé í íslenska dagskrár-
gerð. Útvarpsréttarnefnd mun fjalla
um breytinguna þegar borist hefur
greinargerð frá forsvarsmönnum
stöðvanna.
Menntamálaráðherra segir að
sameining einkasjónvarpsstöðvanna
komi ekki sérstaklega til kasta ráðu-
neytisins. Hann segir að útvarps-
réttarnefnd, sem er sjálfstæð nefnd,
þurfi að fjalla um þróun mála. Hún
hafi úthlutað stöðvunum rásum og
leyfishafar þurfi að gera henni grein
fyrir breytingunni. Einnig leggur
hann áherslu á að eigendur Stöðvar
3 gangi frá málum við fólk sem í
góðri trú hafi gerst áskrifendur að
stöðinni.
Kjartan Gunnarsson, formaður
útvarpsréttarnefndar, segir að for-
svarsmenn sjónvarpsstöðvanna hafi
haft samband við nefndina vegna
umræddra mála. Hann segir að þeir
séu að vinna greinargerð fyrir
nefndina, eins og áður hafí verið
gert í sambærilegum málum. Nefnd-
in muni taka málið til skoðunar allra
næstu daga, þegar greinargerðin
hafi borist. Kjartan telur það ekki
atriði í málinu að svo komnu máli
þó efni Sýnar sé sýnt á Stöð 3 en
tekur fram að það hafí ekki verið
fjallað sérstaklega um það í nefnd-
inni.
Viljum metnaðarfulla
dagskrárgerð
Björn segir að eigendur sjónvarps-
stöðvanna þurfi ekki leyfi til að
kaupa eða selja hlutabréf. „Öll viljum
við að hér sé stunduð metnaðarfull
dagskrárgerð. Vona ég að samein-
ingin leiði til þess að stöðvarnar
hætti að fjárfesta hver í annarri og
leggi í staðinn aukið fé i dagskrár-
gerð,“ segir ráðherra. Vísar hann
til nýlegra upplýsinga um hlut ís-
lenskrar dagskrárgerðar í þvi sam-
bandi.
Sameining stöðv-
anna athuguð
TALSMAÐUR Samkeppnisstofnunar segir ekki ólíklegt
að stofnunin leiti sér upplýsinga um sameiningu Stöðv-
ar 2 og Stöðvar 3 með það fyrir augum að kanna hvort
hún stangist á við samkeppnislög.
Um ástæðu þess ef gripið verður til aðgerða á sjón-
varpsmarkaðnum, segir Guðmundur Sigurðsson, for-
stöðumaður samkeppnissviðs Samkeppnisstofnunar, að
þarna sé að verða aukin samþjöppun á markaði þar
sem fáir hafa verið. Stofnunin verður að kveða upp
úrskurð innan tveggja mánaða frá því hún fær greinar-
gerð.
Samkeppnisstofnun hefur heimild til að banna sam-
runa fyrirtækja eða láta hann ganga til baka, ef hún
telur það nauðsynlegt til að viðhalda samkeppni. Hún
hefur fengið þijú samrunamál til umfjöllunar en aldrei
gripið til ítrustu aðgerða. Hins vegar voru sett skilyrði
fyrir kaupum Olíufélagsins á stórum hlut í Olíuverslun
íslands og fyrir kaupum Flugleiða á Ferðaskrifstofu
íslands. í báðum tilvikum var það gert til þess að reyna
að tryggja sjálfstæði félaganna sem keypt voru. Þriðja
samrunamálið er nú til skoðunar, það er sameining
innanlandsdeildar Flugleiða og Flugfélags Norðurlands
í Flugfélag íslands hf.
Fimmmenningunum, sem fluttu sig milli stöðva í janúar, boðin störf hjá Stöð 2
Sj ónvarpsstj órinn hafnar
framkvæmdaslj órastöðu
ÞEIM fimm yfirmönnum af Stöð 2
sem fluttu sig yfir á Stöð 3 fyrir
hálfum öðrum mánuði verða boðin
sambærileg störf hjá íslenska út-
varpsfélaginu hf. og þeir áður
gegndu hjá því félagi. Magnús E.
Kristjánsson, sjónvarpsstjóri Stöðvar
3, hefur hafnað framkvæmdastjóra-
stöðu hjá ÍÚ og gert starfslokasamn-
ing við fyrri eigendur Stöðvar 3.
„Við tókumst á við þetta verkefni
af því að okkur langaði að byggja
upp góða sjónvarpsstöð. Það eru okk-
ur því mikil vonbrigði að fá ekki að
spreyta okkur á því,“ segir Magnús.
Hjá Stöð 3 var fjöldi fyrrverandi
starfsmanna Stöðvar 2. Mesta at-
hygli vakti þegar Magnús E. Krist-
jánsson og fjórir menn með honum
færðu sig á milli stöðvanna 10. jan-
úar sl. Magnús hafði verið einn af
framkvæmdastjórum íslenska út-
varpsfélagsins. Hinir eru Jón Axel
Ólafsson, sem verið hafði dagskrár-
stjóri Bylgjunnar, Hannes Jóhanns-
son tæknistjóri, Magnús Viðar Sig-
urðsson framleiðslustjóri og Thor
Ólafsson, deildarstjóri söludeildar
ÍÚ.
Stjórnendur Stöðvar 2 brugðust
hart við brotthvarfi þeirra félaga,
töldu þá hafa brotið samkeppnislög
og hótuðu skaðabótamáli og lög-
banni. Á móti hótaði Stöð 3 forsvars-
mönnum Stöðvar 2 málssókn vegna
meiðyrða í garð mannanna fimm.
Stöð 2 kærði suma þeirra til Rann-
sóknarlögreglu ríkisins fyrir að taka
með sér skjöl úr eigu féiagsins en
henni var vísað frá eftir að mennirn-
ir höfðu við yfírheyrslur afhent meg-
inhluta þeirra gagna sem Stöð 2
saknaði. Við þetta virðist kærumál-
um hafa lokið, nema hvað a.m.k.
einn úr þessum hópi mun vera með
kröfur á hendur Stöð 2 vegna
ógreiddra launa og orlofs.
Venjulegir
ráðningarsamingar
Spurningar vakna um það hvaða
tryggingar fimmmenningarnar hafi
fengið þegar þeir skiptu um starf.
Magnús vill ekkert segja um samn-
ing sinn. Einar Kristinn Jónsson,
sem var stjórnarformaður Stöðvar 3
fram á laugardag, neitar því að þeir
hafi fengið einhvers konar baktrygg-
ingu. „Þetta voru venjulegir ráðning-
arsamningar, nema hvað þeir voru
aðeins til tveggja ára,“ segir hann.
í þeim voru venjuleg uppsagnar-
ákvæði. Einar Kristinn segir að
vegna þess að menn hafi átt von á
látum hafí verið um það samið að
Stöð 3 sæi um að starfslokin á Stöð
2 yrðu þeim félögum að skaðlausu.
Það mun hafa verið hluti af samn-
ingum eigenda íslenskrar margmiðl-
unar og íslenska útvarpsfélagsins
að fimmmenningunum yrði gefinn
kostur á sambærilegum störfum og
þeir gegndu þar áður hjá íslenska
útvarpsfélaginu. Jafnframt hafa nýir
eigendur stöðvarinnar lýst því yfir
að reynt verði að fínna störf fyrir
sem flesta af starfsmönnum Stöðvar
3 en þeir eru um 40 talsins.
Magnús E. Kristjánsson hefur
þegar hafnað boði um framkvæmda-
stjórastarf hjá Islenska útvarpsfé-
laginu og hefur ákveðið að láta af
störfum. Hefur þegar verið gerður
við hann starfslokasamningur. Ekki
er vitað um hina mennina fjóra,
hvað þeim verður boðið upp á. Búist
er við að málin skýrist á starfs-
mannafundi sem boðið hefur verið
til á Stöð 3 árdegis í dag.
Magnús E. Kristjánsson segist
eiga eftir að ganga frá ákveðnum
málum á Stöð 3, í samræmi við
starfslokasamning sinn, en framtíðin
sé að öðru leyti óráðin.
Fjöldi fyrrverandi
starfsmanna Stöðvar 2
Á annan tug fyrrverandi starfs-
inanna Stöðvar 2 voru í starfs-
mannahópi Stöðvar 3. í kjölfar
fímmmenninganna sem fluttu sig
yfír í byrjun janúar fóru Halldór
Kristjánsson, sem verið hafði inn-
kaupastjóri á markaðssviði ÍÚ, Ólaf-
ur Jón Jónsson, þjónustustjóri ÍÚ,
og Hreiðar Júlíusson klippari. Áður
höfðu komið til starfa á Stöð 3 Gunn-
ella Jónsdóttir, kynningarstjóri fyrir-
tækisins, Ingibjörg Gunnarsdóttir,
sölustjóri auglýsingadeildar, og Þóra
Gunnarsdóttir aðstoðardagskrár-
stjóri, en þær eru allar fyrrverandi
starfsmenn Stöðvar 2. Ymsir tækni-
menn hafa áður unnið hjá Stöð 2,
m.a. Þórarinn Ágústsson tæknistjóri
sem tengdist Stöð 2 í gegnum starf
sitt hjá Eyfirska sjónvarpsfélaginu
á Akureyri.