Morgunblaðið - 02.04.1997, Síða 1

96 SIÐUR B/C/D
73. TBL. 85. ÁRG.
MIÐVIKUDAGUR 2. APRÍL 1997 PRENTSMIÐJA MORGUNBLAÐSINS
Brothættur friður Israela og PLO
Kenna hvorir
öðrum um
sprengingar
Jerúsalem, Deir al-Balah, Washingfton. Reuter.
Reuter
Jámbrautarslys vegna
of mikils hraða
BILL Clinton Bandaríkjaforseti
sagðist í gær vera „persónulega
reiðubúinn til að gera hvað sem í
hans valdi stæði“ til að koma í veg
fyrir að úti yrði um friðinn í Mið-
Austurlöndum. Mun hann eiga fund
með Benjamin Netanyahu forsætis-
ráðherra ísraels í næstu viku í því
skyni en Clinton átti í gær fund
með Hussein Jórdaníukonungi.
Mikil ólga var í gær á svæðum
Palestínumanna, þrettánda daginn
í röð, en í gærmorgun létu tveir
Palestínumenn lífið í sprengingum
og ísraelskir hermenn skutu tvo
Palestínumenn til bana í óeirðum á
Vesturbakkanum. Kenna ísraelar
og Palestínumenn hvorir öðrum um
að Jiafa staðið að sprengingunum.
Israelsmenn fullyrða að Palest-
ínumennirnir tveir hafi ætlað að
gera sjálfsmorðsárásir og saka
Yasser Arafat, leiðtoga sjálfstjórn-
arsvæða Palestínumanna, um að
hafa ekki komið í veg fyrir starf-
semi herskárra hópa og samtaka á
Vesturbakkanum og Gaza.
Segja ísraelsk stjórnvöld að
mennirnir hafi ætlað að gera árás
í landnemabyggð á Gaza-svæðinu
en sprengingarnar urðu við veg,
skammt frá henni, skömmu áður
en bifreið með skólabörnum frá
landnemabyggðinni fór um hann.
Palestínumenn fullyrða hins vegar
að annar maðurinn hafi látið lífið
er handsprengju var kastað að hon-
um úr ísraelskum bíl. Engir ísraels-
menn særðust í sprengingunum.
ísraelsmenn neita því að
sprengju hafi verið kastað að öðrum
mannanna og segja sprengingarnar
dæmi um að sjálfsmorðsárásir Pal-
estínumanna séu að færast í aukana
að nýju. Hamas- og Jihad-samtökin
neita að hafa staðið að sprenging-
unum, segja þær verk gyðinga og
hafa heitið hefndum.
■ Netanyahu íhugar/22
SPÆNSKUR þjóðvarðliði kann-
ar brak lestar sem fór út af spor-
inu skammt frá Pamplona á
Spáni á mánudagskvöld en 19
manns fórust í slysinu. Nokkrum
klukkustundum síðar, í gær-
morgun, fór önnur lest út af
sporinu skammt frá Madrid og
fórust tveir í því slysi. Um 110
manns slösuðust í báðum járn-
brautarslysunum, sem talið er
að rekja megi til ofsahraða.
■ Var 100 km yfir/22
Ræðst
gegn
andúð á
Tyrkjum
Ankara. Reuter.
Forsætisráðherra Tyrklands,
Necmettin Erbakan, réðst í
gær harkalega á Vesturlönd
vegna ijölda árása á tyrk-
neska innflytjendur í ýmsum
ríkjum Evrópu. Sagði Erbak-
an ástæðu árásanna vera vax-
andi andúð á Tyrkjum og
hvatti eindregið til þess að
brugðist yrði við henni.
„Eg skora á ykkur í Vestri,
sýnið skynsemi. Stöðvið þetta
ofbeldi sem á sér stað á með-
al ykkar. Þið gerið ekkert
annað en auka á spennu .. .
og ýta undir tvöfalt siðferði,"
sagði Erbakan.
I gær slasaðist tyrkneskur
maður í eldsvoða á heimili sínu
í Haigerseelbach í Þýskalandi
en talið er að um íkveikju
hafi verið að ræða. Sex manna
tyrknesk fjölskylda fórst í
Hollandi í síðustu viku er
kveikt var í húsi hennar og á
mánudag dóu þrír Tyrkir í
eldsvoða í Þýskalandi en lög-
regla telur að um íkveikju
hafi verið að ræða.
Pakistan
Dregið úr
völdum
forsetans
Islamabad. Reuter.
PAKISTANSKA þingið samþykkti í
gær lög sem afnema rétt forseta
landsins til að reka ríkisstjórnir frá
völdum, skipa yfirmenn heraflans
og héraðsstjóra. Er vonast til þess
að með þessu sé endi bundinn á átök
forseta og forsætisráðherra í landinu
sem_ hafa verið áberandi síðustu ár.
„í dag hefst raunverulegt lýðræði
í þessu landi," sagði forseti neðri
deildar þingsins er lögin höfðu verið
samþykkt í gær. Þau leysa af hólmi
hina umdeildu stjórnarskrárbreyt-
ingu sem gerð var í forsetatíð Zia-ul-
Haqs hershöfðingja, sem var við völd
1977-1988. Hafa forsetar landsins
beitt henni í fjórgang sl. 8 ár.
----------» -------
Basajev í
ráðherrastól
Moskvu. Reuter.
TSJETSJENSKI skæruliðaleiðtog-
inn Shamil Basajev hefur verið skip-
aður fyrsti aðstoðarforsætisráðherra
Tsjetsjníu.
Basajev er eftirlýstur í Rússlandi
en hann stýrði gíslatökunni í Bud-
ennovsk árið 1995. Hann mun fara
með iðnaðarmál í stjórninni en auk
þess verður hann staðgengill Aslans
Mashkadovs, sem gegnir bæði emb-
ætti forseta og forsætisráðherra.
Rcutcr
Rúmkapphlaup
LITHÁÍSKIR háskólanemar tóku
þátt í óvenjulegu kapphlaupi um
miðborg Vilníus í gær en þá
kepptu tuttugu lið í því hveijir
kæmust fyrstir i mark með rúm
með manni í. Vegalengdin var
um 300 metrar og fylgir ekki
sögunni hversu hratt námsmenn-
irnir fóru með rúmin en af mynd-
inni að dæma máttu þeir, sem í
rúmunum voru, hafa sig alla við
að falla ekki úr þeim í látunum.
83 Albanir drukkna á Adríahafi
Neita að hafa
sökkt bátnum
vísvitandi
Tirana, Róm. Reuter.
STJÓRN Ítalíu vísaði í gær á bug
ásökunum um að ítalskt herskip
hefði siglt af ásettu ráði á albansk-
an bát í Adríahafi, en óttast er að
83 albanskir flóttamenn hafi
drukknað þegar báturinn sökk á
föstudag.
Beniamino Andreatta, varnar-
málaráðherra Ítalíu, sagði á ítalska
þinginu að stjórnin hefði boðið sér-
fræðingum albanska sjóhersins að
taka þátt í rannsókn slyssins. Hann
sagði ekkert hæft í ásökunum, sem
fram hafa komið í ítölskum biöðum,
um að herskipið hefði sökkt bátnum
vísvitandi því báturinn hefði siglt í
veg fyrir það.
Romano Prodi, forsætisráðherra
Ítalíu, áréttaði að atburðurinn yrði
ekki til þess að ítalir hættu við að
stjórna fjölþjóðiegum öryggissveit-
um, sem ráðgert er að senda til
Albaníu, þrátt fyrir hótanir
albanskra uppreisnarmanna um að
ráðast á ítalska hermenn í hefndar-
skyni. Margir þingmenn, þeirra á
meðal nokkrir stuðningsmenn
stjórnarinnar, hafa hvatt hana til
þess að fresta þvi að senda her-
menn til Albaníu og hætta tilraun-
um til að stöðva báta albanskra
flóttamanna á leið til Italíu.
400.000 manns hjálparþurfi
Nefnd á vegum Sameinuðu þjóð-
anna, sem hefur kannað ástandið í
Albaníu, sagði í gær að um 400.000
Albanir ættu á hættu að verða
hungurmorða og að dreifing mat-
væla yrði hafin áður en öryggis-
sveitirnar yrðu sendar til landsins.
Hún sagði að brýnt væri að koma
matvælum til 140.000 fátækra fjöl-
skyldna og um 8.000 manna á
sjúkrahúsum, munaðarleysingja-
hælum og elliheimilum.
Bashkim Fino, forsætisráðherra
Albaníu, fór í gær til suðurhluta
landsins í fyrsta sinn frá því upp-
reisnarmenn náðu svæðinu á sitt
vald. Fino ræddi við leiðtoga upp-
reisnarmannanna og sagðist hafa
leyst upp leyniþjónustuna illræmdu,
Shik, sem var stofnuð árið 1991
eftir hrun kommúnistastjórnarinn-
ar. „Við ætlum að byggja upp nýja
leyniþjónustu, með nýja ásjónu,“
sagði hann.
■ Uppreisnarmenn hóta/21