Morgunblaðið - 24.04.1997, Blaðsíða 1

fHffrgmnitlflfrife
C
1997
FIMMTUDAGUR 24. APRIL
BLAD
Juventus sigraði örugglega
JUVENTUS sigraði Ajax örugglega 4:1 er liðin mættust öðru sinni í undanúrslitum Meistaradeildar
Evrópu í knattspyrnu í gærkvöldi. Frakkínn Zinedine Zidane átti frábæran leik og fagnar hér, annar
frá hægri, ásamt félögum sínum. í hinum undanúrslitaleiknum vann þýska liðið Dortmund lið Manchest-
er United 1:0 í Manchester og mætir því Juventus í úrslitum þann 28. maí í Miinchen.
Trúfan ráðinn
til Víkings
ALEXEI Trúfan hefur verið ráðinn þjálfari meist-
araflokks karla iijá Víkingi. Frá samningi var
gengið í gær og nær hann til þriggja ára en er
uppsegjanlegur af beggja hálfu. „Við stefnum að
því að eiga samstarf við Trúfan næstu þijú árin,“
sagði Sigurður Björnsson, formaður handknatt-
leiksdeildar Víkings, í samtali við Morgunblaðið
í gærkvöldi.
Sigurður sagði að Trúfan yrði þjálfari meist-
araflokks karla auk þess sem hann hefði yfirum-
sjón með starfi og skipulagningu yngri flokka
félagsins. „Þetta er fyrsta skrefið í að ná ákveð-
inni festu í uppbygginguna hjá okkur, en mikill
hugur er í mönnum um að byggja upp til framtíð-
ar. Trúfan er fyrsti þjálfarinn sem við ráðum
fyrir næsta tímabil en alls þarf að ráða þjálfara
hjá fjórtán flokkum," sagði Sigurður.
Varðandi leikmannahópinn fyrir næsta tímabil
sagði Sigurður að ætlunin væri að styrkja hópinn
eitthvað en þó væri stefnan sú að byggja á þeim
efniviði sem fyrir væri hjá félaginu.
Birgir Leifur
líklega áfram
BIRGIR Leifur Hafþórsson, kylfingur frá Akra-
nesi, tekiu- þátt í úrtökumóti fyrir sænsku móta-
röðina og í gær lék hann á fjórum höggum yfir
pari. „Þetta var í raun ágætt skor miðað við
hvað ég klúðraði oft klaufalega - hitti ekki nógu
margar flatir. Það var rok og kalt þannig að ég
er nokkuð sáttur við skorið,“ sagði Birgir Leifur
í samtali við Morgunblaðið í gær.
Það eru 312 kylfíngar sem keppa á tveimur
völlum og 100 fá rétt til að leika í sænsku mótaröð-
inni. „Ég er í kringum 20. sætið eftir fyrri daginn
á vellinum sem ég leik á. Ef ég held mínu striki
á morgun [I dag] þá á ég að sleppa inn. Annars á
ég að get gert miklu betur því ég lék ekki vel.
Það var einn sem grísaði á að leika á fímm högg-
um undir pari í gær, fékk einn albatros og Iék
eina braut á erni. Einn lék á einu höggi undir og
afgangurinn var yfír parinu þannig að skorið var
ekkert sérstakt,“ sagði Birgir Leifur.
Kolbeinn alþjóð-
legur júdódómari
KOLBEINN Gislason, fyrrum formaður Júdósam-
bandsins, varð um liðna helgi fyrsti Íslendingur-
inn sem hlýtur aiþjóðlegt dómarapróf í júdói.
Prófið tók Kolbeinn í tengslum við Opna breska
mótið og stóðst það með prýði. Með skirteinið
upp á vasann hefur Kolbeinn réttindi til að dæma
á öllum alþjóðamótum að undanskildum Ólympíu-
leikum og heimsmeistaramótum.
Vemharð með
Noregi
VERNHARÐ Þorleifsson, júdó-
maður, vonast til þess að keppa
fyrir hönd Noregs á Norður-
landamótinu sem fram fer síðari
hluta maí. Norska júdósamband-
ið hefur óskað eftir jeyfi Júdó-
sambands íslands (JSÍ), en hefur
ekki enn fengið svar.
„Norska sambandið er búið
að faxa til íslands og biðja Júdó-
sambandið um leyfi fyrir því að
ég fái að keppa fyrir Noreg á
Norðurlandamótinu. Málið er í
höndum JSÍ og ég bíð eftir svari
en held að þetta verði ekkert
á NM?
mál - þeir óskuðu mér að
minnsta kosti góðs gengis í blöð-
um þegar ég fór út. Og Norð-
menn segja mér að íslendingar
geti ekki komið í veg fyrir
þetta,“ sagði Vernharð við
Morgunblaðið, og segist stefna
að því að keppa fyrir Noreg í
fyrsta skipti á umræddu Norður-
landamóti.
Vernharð varð tvöfaldur
Norðurlandameistari á síðustu
tveimur mótum; sigraði bæði í
mínus 95 kg flokki og opnum
flokki.
Gísli varð sjöundi
á Opna breska
Gísli Magnússon úr Ármanni
varð um helgina í 7. sæti í
þungavigt á Opna breska mótinu í
júdó, en í hans flokki voru 18 kepp-
endur frá 8 þjóðum. Auk Gísla tóku
fimm íslenskir júdómenn þátt en
keppendur voru alls um 500 á mót-
inu frá 20 þjóðum. Allir íslensku
keppendumir voru að taka þátt í
mótinu í fyrsta sinn en það er eitt
sterkasta júdómót sem haldið er í
Evrópu ár hvert.
Gísli lagði breskan júdómann í
fyrstu umferð en varð síðan að játa
sig sigraðan í næstu umferð að lok-
inni viðureign við ísraelskan kappa.
Þar sem ísraelsmaðurinn komst alla
leið í úrslit fékk Gísli uppreisnar-
glímu og eygði möguleika á brons-
verðlaunum. Gísli bryjaði á að
leggja Frakka í uppreisnarglímunni
en í næstu umferð mætti hann 170
kg Spánverja og fór höllum fæti í
þeirri viðureign og var þar með úr
leik en Spánveijinn fékk síðar
bronsverðlaun.
Friðrik Blöndal, KA, vann eina
viðureign og tapaði tveimur, Bjarni
Skúlason, Selfossi, tapaði báðum
viðureignum sínum og þeir Þorvald-
ur Blöndal, Ármanni, Hilmar Harð-
arson, KA, og Magnús Magnússon
úr Keflavík urðu allir að láta í minni
pokann í fyrstu umferð og heltust
þar með úr lestinni.
Næsta verkefni landsliðsins í
júdó verður þátttaka í Norðurlanda-
meistaramótinu í Svíþjóð 24. og 25.
maí nk.
KÖRFUKNATTLEIKUR: EINKAVIÐTAL VIÐ GRANT HILL HJÁ DETROIT PISTONS / C2