Morgunblaðið - 01.10.1997, Blaðsíða 38

38 MIÐVIKUDAGUR 1. OKTÓBER 1997
MORGUNBLAÐIÐ
Dýraglens
Ferdinand
Smáfólk
HOU) 0JA5/I PIPNT 60.. I
5CM00L / MEAN,I 60T TO
TOPAY? THEFRONTPOOR,
BUT I PIPN'T
I 5AT ON THE 5TEP5
FOR A WI4ILE..THEN I
OPENEPTHE POOR...
D0E5 ANYONE
IN THERE
NEEP ME7'
Hvernig var í skólanum í dag? Ég sat um stund á Þarf einhver hér Enginn svaraði svo að ég
Ég fór ekki... ég á við, ég tröppunum ... síðan inni á mér að fór heim ...
fór að útidyrunum, en ég fór opnaði ég dyrnar ... halda?!
ekki inn ...
BREF
TEL BLAÐSINS
Kringlan 1103 Reykjavík • Sími 5691100 • Símbréf 569 1329
Athugasemd vegna
ummæla Þórarins V.
Þórarinssonar
Frá Elínu Ernu Steinarsdóttur:
ÉG GET ekki orða bundist eftir að
lesa ummæli sem höfð voru eftir
formanni VSÍ, Þórarni V. Þórarins-
syni, í Morgunblaðinu 24. september
síðastliðinn.
Þórarinn talar um að óeðlilegt sé
að hópar opinberra starfsmanna
hækki umfram aðra. Þá segi ég að
hann getur einkum sjálfum sér um
kennt og öðrum viðsemjendum á veg-
um VSI, því að það voru þeir sem
stóðu í vegi fyrir frekari kjarabótum
á almennum vinnumarkaði þrátt fyr-
ir núverandi góðæri. Vill Þórarinn
kannski vera einvaldur í kauplagsþró-
un? Ég spyr líka hvort hann vilji
standa á móti því að stéttir sem hafa
verið gróflega sveltar á undanförnum
árum fái einhveija leiðréttingu?
Afleiðingarnar af launastefnu
undangenginna ára eru þær að al-
varleg vöntun er á leikskólakennur-
um og þeir endast stutt í starfi.
Veit Þórarinn kannski ekki að nýút-
skrifaðir leikskólakennarar hafa
fram að þessu verið með lægri laun
en ófaglærðir starfsmenn sem lokið
hafa sóknamámskeiðum sem tekin
eru í vinnutíma á fullum launum.
Tekið skal fram að þessi hópur er
ekki ofsæll á sínum launum. Það
má hins vegar á þessu sjá að ekki
hefur verið nein arðsemi í námi leik-
skólakennara nema fyrir æsku
landsins. Við höfum þurft að treysta
á að hugsjónafólkið hafi efni á að
fara í þriggja ára nám að stúdents-
prófi loknu án þess að það skilaði
því kauphækkunum að námi loknu.
Er ekki tími til að á þessu verði
breyting?
Ég minnist þess ekki að Þórarinn
hafi kvartað og talað um verðbólgu-
samninga þegar kjaradómur hefur
verið að færa útvöldum hópum
kjarabætur umfram aðra. Hópum
sem fyrir voru með allt önnur og
betri kjör en leikskólakennarar.
Kjaradómur taldi t.d. að borga þyrfti
hæstaréttardómurum aukaþóknun
til þess að „tryggja heiðarleika"
þeirra svo þeir þiggi ekki mútur.
Ekki er traustið mikið í garð þessar-
ar stéttar sem jafnvel fyrir leiðrétt-
ingu var margfalt fjárhagslega sjálf-
stæðari en leikskólakennarar. Ef það
er hægt að tryggja heiðarleika með
hærri launum, sem ég reyndar dreg
stórlega í efa, þá tel ég ekki síður
mikilvægt að þessar greiðslur gangi
til leikskólakennara. Það er þeirra
ásamt foreldrum og öðrum kennur-
um að kenna ungum íslendingum
heiðarleika og lengi býr að fyrstu
gerð. Ef Þórarinn hefur kvartað yfir
þessum „leiðréttingum" til hátekju-
manna og talað um að þær séu verð-
bólguhvetjandi bið ég hann að leið-
rétta mig.
Ég man ekki heldur eftir að Þór-
arinn hafi kvartað yfir því hversu
há laun hann sjálfur þiggur en eftir
því sem ég best veit lepur hann ekki
dauðann úr skel. Hvernig getur
maður sem lifir í vellystingum, sóma
sins vegna, kvartað yfir að láglauna-
stétt fái leiðréttingu nema það sé
hans atvinna. Þórarinn er ekki við-
semjandi leikskólakennara, það er
ekki hans atvinna að skipta sér af
launaþróun þeirra.
Ein fullyrðing Þórarins í áður-
nefndu viðtali er að almennar launa-
hækkanir á íslandi séu langt um-
fram það sem gerist í samkeppn-
islöndum okkar. Það þykir mér und-
arleg staðhæfing miðað við hversu
miklir eftirbátar við erum í kaup-
greiðslum og ég hef ekki heyrt að
á því hafi orðið nokkur breyting til
batnaðar.
Að lokum vil ég varpa fram þeirri
hugmynd að e.t.v. væri eðlilegra í
nútíma þjóðfélagi að kaup og kjör
réðust af framboði og eftirspurn líkt
og annað í fijálsu þjóðfélagi, þannig
að ekki væri hægt að halda niðri
launum stétta með handafli. Stétta
eins og leikskólakennara og annarra
kennara þar sem framboð svarar
hvergi nærri eftirspurn.
ELÍN ERNA STEINARSDÓTTIR,
leikskólastjóri í Bakkaborg.
Berklar og bárujárn
Frá Dagmar Völu Hjörleifsdóttur:
KÆRU landar!
Hafið þið heyrt söguna um berklana
og bárujárnið? Hún er eitthvað á þá
leið að hægt væri með góðum viíja
að finna beint samband milli berkla
hjá íslendingum hér áður fyrr og
notkunar bárujárns. Þessi saga er
stundum sögð til að benda á fárán-
legt samband tveggja óskyldra at-
burða sem eiga sér stað samtímis í
þjóðfélaginu. Þessa sögu má nefni-
lega heimfæra upp á söguna um
ferðamennina og álverin í dag. Tveir
algjörlega óskyldir þættir, sem eru
að aukast samtímis í íslensku þjóðfé-
lagi í dag. Þetta tvennt á það þó
sameiginlegt að menn telja hvort
tveggja eyðileggja íslenska jörð og
andrúmsloftið umhverfis okkur.
Hvernig mönnum datt í hug að tefla
ferðamönnum á móti álverum er
mér hulin ráðgáta. Ferðamennska
hefur aukist jafnt og þétt á íslandi
og kemur að öllum líkindum til með
að halda áfram að aukast, nema ís-
lensk stjórnvöld setji ferðamanna-
bann á Island og yrði það þá fyrsta
fijálsa landið í heiminum sem það
gerði. Þá ætti samkvæmt „ferða-
manna-álverskenningunni“að vera
hægt að bæta við enn fleiri álverum
á íslandi án þess að auka við skað-
ann á fóstuijörðinni. Undir eðlileg-
um kringumstæðum ráðum við ekki
ferðamannastraumnum til landsins
nema að litlu leyti. Við getum aftur
á móti sett ákveðnar umgengnisregl-
ur, sem fylgt væri eftir af íslending-
um sjálfum. Aftur á móti ráðum við
fjölda þeirra mengandi stóriðjuvera
sem við dreifum um landið. Sú
mengun bætist því alfarið ofan á
hina margumtöluðu „túristameng-
un“. Það er sjálfsköpuð mengun sem
íslensk stjórnvöld kjósa að setja í
okkar ástkæru fóstuijörð.
Með von um betri tíð á íslandi.
DAGMAR VALA
HJÖRLEIFSDÓTTIR,
Kungshamra 56a,
170-80 Solna, Svíþjóð.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt tii að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.