Morgunblaðið - 02.10.1997, Síða 15

MORGUNBLAÐIÐ
FIMMTUDAGUR 2. OKTÓBER 1997 15
FRÉTTIR
LANDIÐ
BRÁÐABIRGÐAMATSAL hefur verið komið fyrir í kjallaranum,
SKÓLAHÚSIÐ og ldðin í kring fullbúin.
lögðum hugmyndir af mismunandi
klæðningu á mjög mismunandi
verði fyrir framkvæmdanefhdina
og niðurstaðan varð sú að ákveðið
var að klæða allt húsið með galvan-
iseruðu járni. Efnið er sterkt, þarf
lítið viðhald og er endingargott,"
segir Einar og Þorsteinn grípur inn
í að fulltrúum skólans hafi strax lit-
ist vel á hugmyndina. „Klæðningin
er skemmtileg og mismunandi birta
hefur þau áhrif að liturinn er sífellt
að breytast. Annar kostur klæðn-
ingarinnar felst í því að nánast
ómögulegt er að nota GSM-síma í
byggingunni.“
Tíu ára verkefni
Fyrstu áætlanir gerðu ráð fyrir
að kostnaður við hina nýju skóla-
byggingu næmi um 670 milljónum
króna. Nú þykir hins vegar ljóst að
heildarkostnaðurinn muni fara upp
í rúmar 700 milljónir króna. Kostn-
aður er þegar orðinn 376 milljónir
við rúmlega 3.000 fm. Samningur
ríkis, Garðabæjar og Bessastaða-
hrepps gerir ráð fyrir að ríki greiði
60%, Garðabær 35% og Bessastaða-
hreppur 5% fjárins.
Fyrsta skóflustungan að nýju
byggingunni var tekin í september-
mánuði árið 1994. Framkvæmdaá-
ætlun gerði ráð fyrir að
flutt yrði í húsið um ára-
mót. Framkvæmdir hafa
hins vegar verið á undan
áætlun og hófst kennsla í
fyrri hluta fyrsta áfanga
hússins í haust. Fyrsti
hlutinn felur í sér skrifstofur skól-
ans, 21 kennslustofu og bókasafn í
miðju byggingarinnar. Á fyrstu
hæð hefur verið komið upp bráða-
birgðaaðstöðu fyrir nemendur.
Seinni hluti fyrsta áfanga felur í
sér að gengið sé frá fleiri kennslu-
stofum og aðstöðu fyrir kennara á
þriðju hæð ásamt því að gengið
verður frá hluta rýmis á 1. hæð þ.á
m. fyrirlestrarsal. Verkinu verður
væntanlega lokið næsta sumar.
Framkvæmdir í öðrum áfanga
fela m.a. í sér stóra viðbyggingu
með eldhúsi, mötuneyti og sal sem
hægt er stækka út í mötuneytið og
Tölvukosturinn
sá besti í
skóia á öilu
landinu
rúmar hann þá 600 manns. Gert er
ráð fyrir að verkinu Ijúki árið 2001.
Breytir gríðarlega miklu
Þorsteinn segir að nýja bygging-
in breyti gríðarlega miklu fyrir
skólastarfíð. „Ég get byrjað á því
að nefna að umgengni hefur batnað
verulega. Nú fara allir úr skónum í
inniskó hér frammi. Nemendur
borða í matsalnum og ekki annars
staðar og ákveðið hefur verið að
banna reykingar. Reykingar eru
ekki aðeins bannaðar í byggingunni
heldur á allri lóðinni. Ekki gengur
alveg þrautalaust að framfylgja
banninu. En við erum svona smám
saman að þrengja að reykingafólk-
inu og ætlum fljótlega að bjóða upp
á ódýr námskeið í að hætta að
reykja," segir hann.
Hann tekur fram að ekki megi
gleyma því að gerð hafi verið sér-
stök forsögn fyrir stofnbúnað skól-
ans. Nú þegar hafi 80 afar full-
komnar tölvur verið keyptar til
skólans. „Með því skrefi leyfi ég
mér að segja að tölvukostur skólans
sé sá besti í skóla á landinu öllu. Að
sama skapi er allur búnaður f
raunastofum mjög góður.“
Þorsteinn tekur fram að ákveðið
hafi verið að nota tækifærið og
—--------kynna sérstaka skóla-
stefnu í nýju skólahúsi.
„Skólastefnan felur í sér
skilgreiningu á verksviði
hvers og eins og almenna
stefnu skóláns. Sjálfur hef
■ ég lagt áherslu á að skól-
inn sé samfélagsskóli (Community
School) og bæjarfélagið taki þátt í
starfi skólans af krafti. Nýja húsið
gefur okkur aukna möguleika í því
sambandi og til að vera með hvers
kyns uppákomur og námskeið inn-
an veggja skólans.“
Að vígslu byggingarinnar lokinni
koma núverandi og fyrrverandi
nemendur skólans fram í sérstakri
skemmtidagskrá. Opið hús verður í
skólanum fram til kl. 22, á laugar-
daginn milli kl. 10 og 17 og sunnu-
daginn milli kl. 13 og 17. Ibúar
Garðabæjar og Bessastaðahrepps
eru sérstaklega velkomnir.
Morgunblaðið/Sig. Fannar.
FULLTRUAR Selfossbæjar ásamt Arnari Þór vefara og fulltrúum atvinnu- og ferðamálanefndar Selfoss.
Morgunblaðið/Jón G. Guðjónsson
BÓNDABÆRINN Reykjaríjörður sem er að fara í eyði.
Ný heimasíða
Selfossbæjar
Selfossi - Atvinnu- og ferðamála-
nefnd Selfoss hefur í samvinnu við
Tölvu- og rafeindaþjónustu Suður-
lands unnið að gerð heimasíðu sem
m.a. er ætlað að kynna stjórnkerfi
bæjarins. Arnar Þór Oskarsson hjá
Vef, internetþjónustu, og Magnús
Már Magnússon hafa haft yfirum-
sjón með verkefninu.
Heimasíðan hefur ekki bara þann
tilgang að kynna stjórnkerfið, held-
ur einnig atvinnulífið á Selfossi. Að
sögn Bergsteins Einarssonar, for-
manns atvinnu- og ferðamálanefnd-
ar, er framtíðin sú að á vefnum
verði hægt að nálgast öll þau fyrir-
tæki sem eru nettengd. Einnig
verða á vefnum upplýsingar um
hvað er á döfinni í bænum.
Slóðin inn á Selfossvefinn er
www.selfoss.is. og miðað við þá um-
ferð sem nú þegar hefur farið í
gegnum vefinn er verkefnið þarft
og hvað útlit og gæði varðar stenst
Selfossvefurinn fyllilega samanburð
við það besta sem er á vefnum í dag.
Enn einn
Árneshreppi - Enn fækkar í Árnes-
hreppi nú þegar Reykjarfjörður
fer í eyði nú í haust. Guðfinna
Guðmundsdóttir og Kristín Herdís
Magnúsdóttir hafa búið tvær einar
í allmörg ár með u.þ.b. 60 fjár.
Að sögn Guðfinnu er hún búin
bær í eyði
að búa um 43 ár í Reykjarfirði og
nú sé hún hætt búskap enda séu
þær Dísa orðnar fullorðnar. Hún
sagði þær búnar að fá hús á
Hólmavík og þangað myndu þær
flytja þegar búið væri að fella fé
og ganga frá.
VERomoDA BESTSELLER
Kringlunni,
Sími 568 6244.
Laugavegi 95—97,
sími 5521444.