Morgunblaðið - 09.10.1997, Blaðsíða 2
2 FIMMTUDAGUR 9. OKTÓBER 1997
FRETTIR
MORGUNBLAÐIÐ
Fjölmenni á stofnfundi Samtaka um þjóðareign
Krefjast þess að þjóðin
endurheimti fiskimiðin
FULLT var út úr dyrum á stofn-
fundi Samtaka um þjóðareign. Á
fundinum kom fram sú hugmynd
að efnt yrði til framboðs í næstu
alþingiskosningum þar sem þess yrði
krafist að þjóðin endurheimti yfir-
ráðarétt yfir fiskimiðunum. Jón Ara-
son, skipstjóri í Þorlákshöfn, var
kosinn formaður samtakanna.
„Félagið hefur það að markmiði
að stuðla að því að tryggja öllum
íslenskum þegnum jafnan rétt til að
hagnýta auðlindir íslenskrar efna-
hagslögsögu og vinna með öllum
lögmætum ráðum, þar á meðal lög-
sókn, að því að ná þessu markmiði
sínu,“ segir í fyrstu grein laga sam-
takanna.
Tryggvi Agnarsson lögfræðingur
sagði á fundinum að það væri lyginni
líkast hvernig því ágæta kerfi,
kvótakerfínu, hefði verið kiúðrað.
Hann sagði að stjómmálamenn
hefðu ekki áttað sig á hvað hefði
verið að gerast á síðustu árum. Nú
væri búið að binda svo um hnútana
að einstaklingar gætu gengið út úr
þessu kerfi með milljarða í vasanum.
Hann sagði að Alþingi hefði ekki
haft neina heimild til að ráðstafa
eign þjóðarinnar með þeim hætti sem
gert hefði verið. Það yrði stöðugt
erfiðara að vinda ofan af kerfinu,
ekki síst eftir að handhafar kvótans
fóru að selja hann í formi hlutabréfa
á almennum markaði.
Vantar pólitíska ákvörðun
Tryggvi sagði að það væri tvennt
sem væri verst við þetta kerfi. Ann-
ars vegar hefði fáum einstaklingum
og fyrirtækjum verið afhentir millj-
arðar á silfurfati og hins vegar
væri búið að koma í veg fyrir að
dugmiklir einstaklingar gætu hafið
útgerð. „Það vantar pólitíska
ákvörðun til að breyta þessu,“ sagði
Tryggvi.
Eiríkur Stefánsson, formaður
Verkalýðsfélags Fáskrúðsfjarðar,
sagði að líkast til styddu 60% fundar-
manna óbreytt kerfi í sjávarútvegi
og vísaði til fylgis núverandi stjóm-
arflokka í skoðanakönnunum. Hann
hvatti til þess að það yrði myndað
nýtt stjórnmálaafl til að fylgja þessu
máli eftir. Núverandi stjómmála-
flokkar væm ófærir um það. Fleiri
tóku undir þetta.
Valdimar Jóhannesson, einn af
þeim-sem stóðu að fundarboðinu,
sagði að hugmynd fundarboðenda
væri að vinna þessu máli stuðning
innan núverandi stjórnmálaflokka.
Það markmið yrði hins vegar að
nást fyrir næstu kosningar.
Eiríkur sagði að auðlindagjald
leysti ekki þetta vandamál. Auð-
lindagjald myndi aðeins verða til
þess að styrkja kvótakerfið í sessi.
Ónundur Ásgeirsson, fyrrverandi
forstjóri, tók undir þetta sjónarmið.
Margrét Óskarsdóttir, úr
Þykkvabæ, lýsti, eins og fleiri, yfir
ánægju með stofnun samtakanna.
„Loksins hef ég fundið félag sem
ég hlakka til að starfa í,“ sagði hún
og lýsti afstöðu sinni til stjórnkerfís
fískveiða með orðunum. „Við erum
öskureiðar."
Sj ávarútvegsráð-
herra í Namibíu
Ahugi fyrir
framhaldiá
samstarfi IS
og Fishcor
Á FUNDI, sem Þorsteinn Pálsson
sjávarútvegsráðherra átti með sjáv-
arútvegsráðherra Namibíu í gær,
kom fram mikill áhugi á frekari
þróunarsamvinnu milli landanna og
samvinnu við íslensk fyrirtæki.
Þorsteinn sagði að greinilegur
áhugi væri fyrir áframhaldandi
samstarfí milli íslenskra sjávaraf-
urða og Fishcor, sem er í eigu nam-
ibískra stjórnvalda. Samkvæmt
heimildum Morgunblaðsins voru
blikur á lofti um frekara samstarf
milli ÍS og Fishcor en verið er að
endurskipuleggja fyrirtækið.
Þorsteinn sagði að á fundinum
með sjávarútvegsráðherranum
hefði verið farið yfír þróunarsam-
vinnu íslands við Namibíu bæði á
sviði hafrannsókna og í kennslu-
málum. „Þróunarsamvinnustofn-
unin er með verulega aðstoð hér
í sjómannakennslu bæði varðandi
stýrimenn og vélstjóra,“ sagði
hann. „Við ræddum einnig mögu-
leika á frekari samvinnu fyrir-
tækja og það kom fram mikill
áhugi hjá honum um áframhald-
andi samvinnu. Þeir eru feikilega
ánægðir með það sem Þróunars-
amvinnustofnunin hefur verið að
gera hér og telja að grundvöllur
að þeirra hafrannsóknum og veið-
um hafi verið lagður af íslending-
um.“
„Það er þegar talsverð samvinna
milli íslenskra sjávarafurða og
Fishcor, sem ÍS hafa átt aðild að,
og þar er greinilegur áhugi á að
halda áfram samstarfi á markaðs-
sviði við ÍS. Við heimsóttum einnig
fyrirtæki sem hefur selt hlut af
sínum afurðum í gegnum Coldwat-
er í Bandaríkjunum þannig að það
fer ekki á milli mála að þessi sam-
skipti hafa verið báðum aðilum til
hagsbóta."
-------------
Rafmagns-
laust hjá
Pósti og síma
ÚTVARPSSTÖÐVAR og útsend-
ingar Stöðvar 2 og Sýnar duttu út
á Norðurlandi í tæpa klukkustund
á ellefta tímanum í gærkvöld í kjöl-
far þess að rafmagnslaust varð í
Múlastöð Pósts og síma í Reykja-
vík.
Samkvæmt upplýsingum frá
Pósti og síma varð rafmagnslaust
þegar verið var að prufukeyra vara-
rafstöð Múlastöðvar til að kanna
hvort hún væri í lagi og gæti séð
stöðinni fyrir rafmagni en Raf-
magnsveita Reykjavíkur þurfti að
loka fyrir rafmagn þar í gærkvöldi
og nótt.
-----» ♦ ♦---
Jóhann og
Hannes Hlífar
unnu
JÓHANN Hjartarson og Hannes
Hlífar Stefánsson unnu skákir sínar
í fyrstu umferð Norðurlandamóts
Visa sem hófst í Reykjavík í gær.
Jóhann vann Gausel frá Noregi
og Hannes Hlífar vann Nilssen frá
Færeyjum. Þá vann Norðmaðurinn
Djurhuus Svíann Hillarp Persson
og Johnny Hector frá Svíþjóð vann
Helga Ass Grétarsson.
Þröstur Þórhallsson og hinn
norski Tisdal gerðu jafntefli og
einnig Danirnir Curt Hanesn og
Schandorff.
FULLT var út úr dyrum á stofnfundi Samtaka um þjóðareign.
Morgunblaðið/Ásdís
Ráðuneyti veitir tvívegís vínveitingaleyfi sem lögregla hafði hafnað
Synjuninni hnekkt vegna já-
kvæðrar umsagnar borgarráðs
DÓMSMÁLARÁÐUNEYTIÐ hef-
ur kveðið upp tvo úrskurði í sumar
þar sem synjun lögreglustjóra við
umsóknum veitingamanna um vín-
veitingaleyfi hefur verið hnekkt og
lögreglustjóra verið gert að taka
fyrri ákvörðun til endurskoðunar.
Aðspurður um skýringar á því vís-
aði Þorsteinn Geirsson ráðuneytis-
stjóri í úrskurði ráðuneytisins í
málunum tveimur. Þar kemur fram
að í öðru málinu taldi ráðuneytið
að veitingamaður hefði síðar upp-
fyllt skilyrði sem hann hafði ekki
gert þegar úrskurður lögreglu-
stjóra var kveðinn upp og því bæri
að veita bráðabirgðaleyfí meðan
umsókn hans væri tekin til með-
ferðar.
Amigos
í Tryggvagötu
Hins vegar taldi ráðuneytið að
lögreglustjóri hefði ekki gætt með-
alhófsreglu stjómsýslulaga þegar
hann synjaði veitingamanni um
framlengingu leyfis þrátt fyrir að
borgarráð hefði lagt til tímabundna
og skilyrta framlengingu leyfís.
í fyrra skiptið var um að ræða
rekstur í veitingahúsinu Amigos í
tumhúsinu við Tryggvagötu. Maður
tók við rekstri veitingamanns sem
hafði skilað inn vínveitingaleyfi sínu
í apríl og rak staðinn áfram leyfis-
laust þar til 26. ágúst sl. að lög-
reglustjóri veitti honum frest til 2.
september að sækja um leyfi ella
yrði lokað. Gerð var krafa um að
umsókninni fýlgdi vottorð lífeyris-
sjóða og Gjaldheimtunnar í Reykja-
vík um skuldastöðu fyrirtækisins.
Veitingamaðurinn taldi þann
áskilnað ólögmætan og skilaði ekki
þessum gögnum. Starfsmaður lög-
reglustjóra synjaði þá um leyfisveit-
ingu þar sem gild umsókn hefði
ekki borist innan tilskjlins frests.
Veitingamaðurinn kærði synjunina
til ráðuneytisins. í bréfaskriftum
við ráðuneytið lagði lögmaður veit-
ingamannsins svo fram vottorð
nokkurra lífeyrissjóða um skil fyrir-
tækisins á lífeyris- og stéttarfélags-
gjöldum og yfirlýsingu Gjaldheimt-
unnar um skil vegna staðgreiðslu
launamanna og um áætlun annarra
opinberra gjalda.
Með tilvísun til þess að veitinga-
maðurinn hefði þá uppfyllt áskiln-
að lögreglustjórans og borgarráðs
um að leggja fram þessi vottorð,
lagði ráðuneytið fyrir lögreglu-
stjóra hinn 24. september síðastlið-
inn að taka umsókn veitinga-
mannsins um áfengisveitingaleyfi
til meðferðar og gefa út áfengis-
veitingaleyfí til bráðabirgða meðan
umsóknin væri til meðferðar.
Borgarráð samþykkti
endurnýjun Tetris í Aðalstræti
Hitt tilvikið snerti veitingamann
í veitingahúsinu Tetris, Aðalstræti
4b. Hann fékk veitingaleyfí til
reynslu í 6 mánuði frá ágúst 1996
til febrúar 1997, sem lögreglu-
stjóraembættið framlengdi meðan
umsókn um endurnýjun var til
meðferðar. Þeirri meðferð lauk
með því að umsókn um endurnýjun
var synjað, að sögn vegna síendur-
tekinna brota veitingamannsins á
áfengislögum og barnaverndarlög-
um í tengslum við rekstur veitinga-
hússins.
Borgarráð hefði þó mælt með
því að leyfi veitingamannsins yrði
framlengt til 1. ágúst 1997 með
þeim skilyrðum að hljóðeinangrun
yrði bætt, dyravarsla aukin og
reglum um fjölda gesta og aldurs-
takmark framfylgt.
Brot á meðalhófsreglu
Veitingamaðurinn kærði synjun
lögreglustjóra til dómsmálaráðu-
neytis. I úrskurði ráðuneytisins seg-
ir að í málinu liggi fyrir að hinn
lögbundni umsagnaraðili, borgaryf-
irvöld, fallist á að leyfi verði veitt
til 1. ágúst 1997 með tilteknum
skilyrðum. Það mat lögreglustjór-
ans að réttara hafi verið að synja
veitingamanninum um endumýjun
í stað þess að binda það þeim skil-
yrðum sem borgin lagði til hafi
ekki verið í samræmi við meðalhófs-
reglu 12. greinar stjómsýslulag-
anna. Því var ákvörðunin felld úr
gildi og lagt fyrir lögreglustjóra að
gefa út vínveitingaleyfi með þeim
skilyrðum og til þess tíma sem
umsagnir borgarráðs og félags-
málaráðs Reykjavíkur mæltu fyrir
um.