Morgunblaðið - 09.10.1997, Qupperneq 12
12 FIMMTUDAGUR 9. OKTÓBER 1997
MORGUNBLAÐIÐ
1
AKUREYRI
Bæjarsljórn Akureyrar um aðgengi fatlaðra að sundlaugum
Olíkir hópar með
ólíkar þarfir
Búnaðarbankinn á
Akureyri
Hraðbank-
ar á tveim-
ur stöðum
BÚNAÐARBANKINN á Akureyri
hefur opnað hraðbanka í útibúi sínu
í Geislagötu og er þar með fyrstur
banka á Akureyri að bjóða upp á
hraðbankaþjónustu á tveimur stöð-
um í bænum því hraðbanki er einnig
í afgreiðslu bankans í Sunnuhlíð.
Nýlega var lokið við að útbúa
aðstöðu nýja hraðbankans á austur-
stafni útibúsins í Geislagötu og
þangað geta viðskiptavinir komið á
öllum tímum sólarhrings ef svo ber
undir. Hraðbankinn í Sunnuhlíð er
mikið notaður að sögn forsvars-
manna bankans, þó svo að af-
greiðslutími sé takmarkaður við
þann tíma sem verslunarmiðstöðin
er opin, til kl. 20 á kvöldin og lokað
er á sunnudögum. Til stendur að
gera breytingar þar á, bankinn verð-
ur innan tíðar staðsettur þannig að
hann verði aðgengilegur allan sólar-
hringinn.
NOKKRAR umræður urðu um bætta
aðstöðu fyrir fatlaða í sundlaugum
á Akureyri á fundi bæjarstjórnar á
þriðjudag, en fulltrúar 8 félagasam-
taka og stofnana í bænum hafa beint
þeim eindregnu tilmælum til bæjar-
yfirvalda að gangskör verði gerð að
því að bæta þar úr. Fyrir nokkru tók
bæjarráð þá afstöðu að raunhæfast
væri að þeir sem mest eru fatlaðir
muni í framtíðinni nota þjálfunar-
laug sem verið er að byggja við
Kristnesspítala. Væri þá æskilegast
að Akureyrarbær muni stuðla að því
að byggingu hennar ljúki sem fyrst.
Þjálfunarlaug sem byggð var fyrir
söfunarfé við vistheimilið Sólborg á
sínum tíma hefur verið lögð niður.
Jakob Björnsson bæjarstjóri sagði
að forsvarsmenn hagsmunasamtaka
fatlaðra hefðu lýst þeirri skoðun
sinni að óhentugt væri að sækja
sundlaugina við Kristnesspítala.
Benti hann á að ekki væru nema
um 10 kílómetrar frá bænum og að
Kristnesi og fólk þyrfti á annað borð
að fara í bíl á sundstað.
Forgangsröðun
Fram kom í máli Ástu Sigurðar-
dóttur, Framsóknarflokki, að um
ólíka hópa fatlaðra væri að ræða,
sem hefðu ólíkar þarfir, ekki væri
unnt að uppfylla ítrustu þarfir allra
hópa og lagði hún því til að komið
yrði á fundi með fulltrúum samtak-
anna og bæjarins þar sem farið
yrði yfir málið og þarfir og kröfur
settar upp í forgangsröð.
Sigríður Stefánsdóttir, Alþýðu-
bandalagi, benti á að fötluðum væri
nauðsyn að hreyfa sig í vatni og því
brýnt að aðgengi að sundlaugum
væri gott. Vildi hún að betur yrði
farið yfir máiið.
Sigurður J. Sigurðsson, Sjálfstæð-
isflokki, taldi góða lausn að styðja
uppbyggingu laugarinnar á Krist-
nesspítala, þó svo að það hefði í för
með sér aukna akstursþjónustu.
Sagði hann alvarlegt fyrir bæinn að
standa andspænis því að aðgengi í
sundlaug sem verið er að byggja við
Sundlaug Akureyrar væri ekki nægi-
lega gott, en athugasemdir hefðu
borist þar að lútandi á lokastigi
framkvæmda.
Ófremd-
arástand
yfirvof-
andi
FULLTRÚARÁÐ grunnskóla
á Akureyri samþykkti ályktun
á fundi sínum nýlega, þar sem
ráðið lýsir áhyggjum sínum
vegna þess ófremdarástands
sem yfirvofandi verkfall
grunnskólakennara og fjöld-
auppsagnir þeirra munu hafa
í för með sér í skólum lands-
ins.
Fulltrúaráðið skorar á
samninganefnd sveitarfélaga
að skoða vel kröfur kennara,
svo varanlegur friður komist
á svo hægt verði að byggja
upp öflugt skólastarf. Álykt-
unin var send samninganefnd
sveitarfélaga og Sambandi
íslenskra sveitarfélaga.
Morgunblaðið/Kristján
„Reykj avíkumgning“
SÍÐUSTU daga hefur rignt duglega á Akureyri og
reyndar víðar um Norðurland. Finnst mörgum nóg
um, líkja ósköpunum helst við rigningar á sunnan-
verðu landinu. Virðist ekki ætla að stytta upp í
bráð og því eins gott að búa sig eftir veðri, taka
fram gúmmístígvélin og regnúlpurnar. Félagarnir
Eyþór, Daníel, Heimir og Elmar voru ekkert að
vola yfir hellidembunni og skelltu sér út í næsta poll.
Seinni Kröflu-
vélin gangsett
í næsta mánuði
BORFRAMKVÆMDIR við Kröflu,
sem staðið hafa yfir frá því í lok
apríl sl., hafa gengið vel og að
mestu samkvæmt áætlun. „Við vor-
um að ljúka við holu 31 sem er
næstsíðasta verkefnið af fimm. Sú
hola lofar góðu að því er best verð-
ur séð á þessu augnabliki," sagði
Ásgrímur Guðmundsson, verkefnis-
stjóri við gufuöflun hjá Orkustofn-
un,_í samtali við Morgunblaðið.
Ásgrímur segir að eftir sé að
hleypa holunni upp en eftir það
verði hægt að mæla hversu mikla
gufu hún gefur. Holan þarf að hitna
upp eftir borframkvæmdirnar og í
næsta mánuði ætti að liggja fyrir
hversu öflug hún er. Starfsmenn
Jarðborana hf. í áhöfn Jötuns, hafa
borað þijár nýjar háhitaholur, end-
urunnið eina holu og eru að hefjast
handa við holu sem byijað var á í
fyrra. „Þar með verður þessum
framkvæmdum líklega lokið sam-
kvæmt áætlun i ár,“ sagði Ásgrím-
ur.
15 MW til viðbótar í byrjun
í stöðvarhúsi Kröfluvirkjunar er
unnið að niðursetningu á seinni
vélasamstæðunni. Kristinn Ingason
staðarverkfræðingur segir að gang-
setning hennar sé fyrirhuguð eftir
næstu mánaðamót og að rafmagns-
framleiðsla ætti að geta hafist í
kringum miðjan nóvember.
Rafmagnsframleiðsla í virkjun-
inni er nú um 30 MW með einni
vél en stefnt er að því að auka
hana um 15 MW með gangsetningu
seinni vélasamstæðunnar í næsta
mánuði og um 15 MW til viðbótar
á næsta ári.
Kristinn segir þó ljóst að áður
en hægt verði að framleiða full 60
MW í virkjuninni þurfi að fara í
framkvæmdir við skiljustöð og að-
veitu og verði það gert á næsta ári.
Um 70 starfsmenn
á svæðinu
AIls eru um 70 manns að vinna
á Kröflusvæðinu þessa dagana, við
borverkið, tengingn borhola veit-
unnar, niðursetningu vélasamstæð-
unnar, rafmagnsmál og fleira. Vet-
urinn hefur ekki gert vart við sig
enn að neinu marki, ef undanskild-
ir eru dagar í byijun september.
„Menn hafa ekki átt í vandræðum
með útivinnuna en hún er nú langt
komin,“ sagði Kristinn.
Rannsóknastofnun Háskólans
á Akureyri og kennaradeild
Háskólans auglýsa ráðstefnuna:
Gildi mats og matsaðferðir
í skólastarfi
Tími: Laugardagurinn 11. október kl. 9.00.
Staður: Fiðlarinn, ráðstefnusalur, 4. hæð Alþýðuhússins.
Meðal efnis: Félagslegur veruleiki skólastarfs,
sjálfsmat í framhaldsskóla, prófatriðabankar sem leið til
gæðastjórnunar, umfjöllun um TIMSS rannsóknina
og margt fleira.
Þátttakendur: Fagfólk sem starfar að skólamálum.
Ráðstefnugjald kr. 3.000, hádegisverður innifalinn.
Skráning fer fram í afgreiðslu háskólans,
sími 463 0900, bréfsími 463 0999,
netfang: maria@unak.is
HASKÓLINN
A AKUBEYBI
Morgunblaðið/Kristján
Viðskiptabanni
á Kúbu mótmælt
NEMENDUR í Menntaskólanum
á Akureyri mótmæltu viðskipta-
banni Bandaríkjanna á Kúbu
með fundi í Borgarbíói í gær,
en þann dag, 8. október, voru
30 ár liðin frá því Che Guevara
féll í Bólivíu. Fundurinn var
haidinn í samvinnu við ýmis sam-
tök á höfuðborgarsvæðinu.
Safnast var saman við Iþrótta-
höllina og farið í kröfugöngu á
fundarstað.
Framlög til
fíkniefnavarna 1
verði stóraukin
ALÞÝÐUSAMBAND Norðuriands
tekur undir áhyggjur og variíaðar-
orð þeirra sem beijast gegn þeirri
sífellt vaxandi neyslu fíkniefna
sem íslenskt samíélag stendur
frammi fyrir. í ályktun þingsins
sem haldið var á Illugastöðum um
síðustu helgi kemur fram að brýna
nauðsyn beri til að þeir sem að
baráttunni koma efli samvinu og
samstarf sitt, svo vænta megi
árangurs í glímunni við vímuefna-
vandann.
Stjórnvöldum og sveitarstjórn-
um beri skylda til að auka stórlega
fjárframlög til þessara mála svo
auka megi fræðslu og forvarnir
gegn þessum vágesti. Eina raun-
hæfa vonin um árangur í barátt- s
unni gegn fíkniefnabölvaldinum sé
samstillt átak þjóðfélagsins alls.