Morgunblaðið - 09.10.1997, Síða 23

MORGUNBLAÐIÐ
FIMMTUDAGUR 9. OKTÓBER 1997 23
_______LISTIR_____
Kennari gengur
af göflunum
KVIKMYNDIR
Laugarásbíó
187 ★
Leikstjóri: Kevin Reynolds. Handritshöfundur:
Scott Yagerman. Kvikniyndatökustjóri: Ericson
Core. Aðalleikendur: Samuel L. Jackson, John
Heard, Tony Plana, Clifton Gonzáles, Kelly
Rowan. 119 mín. Bandarisk. Wamer Bros 1997.
ÞAÐ kveður við nýjan tón í skólastofu-
dramanu 187 (sem táknar morð í kokkabókum
lögreglunnar vestan hafs) og þó hann marki
engin þáttaskil þá gerir hann þessa þunglynd-
islegu mynd mun áhugaverðari en aðrar slík-
ar sem komið hafa frá Hollywood seinni árin.
Við erum t.d. blessunarlega laus við glóru-
laust gerviraunsæi fantasía á borð við
Dangerous Minds.
Það er enginn alvitur spámaður hér. Tre-
vor Garfield (Samuel L. Jackson) er aftur á
móti vonsvikinn maður eftir að hafa orðið
fyrir lífshættulegri líkamsárás frá hendi nem-
anda síns í Brooklyn. Ári síðar er hann ráð-
inn forfallakennari i bekk vandræðaunglinga
í sorahverfi í Los Angeles. Þar á hann ekki
aðeins í höggi við óþjóðalýðinn í kennslustof-
unni heldur einnig dáðlaus skólayfirvöld sem
líta á nemendurna sem fjárfestingu og þora
ekkert að aðhafast gegn þeim af ótta við
skaðabótakröfur. Garfield er breyttur maður.
Þessi fyrrum snjalli kennari finnur að árásin
hefur skaðað hann, segir eitthvað á þá leið
að hún hafi rænt hann neistanum og ástríð-
unni og óttaleysinu í einu lykilatriði myndar-
innar. Þó reynir hann sitt besta um sinn en
kemst ekkert áleiðis og tekur til örþrifaráða.
Ef sú mynd er rétt sem dregin er upp af
ófremdarástandinu i skólamálum í stórborg-
um Bandaríkjanna í 187 og öðrum slíkum,
þá líkjast þessar stofnanir meira útibúum frá
víti en menntasetrum. Hér fer meira að segja
fram vopnaleit á nemendum en það kemur
ekki í veg fyrir að skríllinn stjórni skólunum
og kennararnir mæta í vinnuna til þess helst
að fá launin sín. Hrottarnir hafa heilu skóla-
stofurnar á valdi sínu og þeir fáu nemendur
sem sýna áhuga hljóta bágt fyrir. Góði kenn-
arinn Garfield kemst ekkert áleiðis, tilraunir
hans til að bæta mannlífið og kennsluna í
viti mislukkast hver á fætur annarri.
Fram að þessu hefur myndin verið trúverð-
ug og forvitnileg þrátt fyrir ömurleikann og
vonleysið. Þegar Travis grípur til sinna ráða
missir hún marks, blóðidrifið og háfleygt
lokauppgjörið ber það sem á undan er geng-
ið ofurliði. Niðurstaðan er kunnugleg; í frum-
skóginum eiga lögmál hans að ráða.
Það sem uppúr stendur er leikur Jacksons
sem lætur jafn vel að leika vonlausan eitur-
lyfjaþræl (Jungle Fever), manndrápara (Pulp
Fictiorí) og velmenntaðan hugsjónamann.
Handritið á einnig góða spretti en myndin
er rótlaus, heykist úr áhugaverðu drama í
lokakafla sem veldur vonbrigðum með marg-
tuggðum, ofbeldisfullum svörum.
Sæbjörn Valdimarsson
KÓMEDÍULEIKHÚSIÐ:
Elfar Logi Hannesson og
Róbert Snorrason.
Kómedíu-
leikhúsið á
Vestfjörðum
KÓMEDÍULEIKHÚSIÐ, nýstofnað
leikstúdíó, frumsýnir gamansýning-
una Kómedíu ópus eitt á morgun,
föstudag, kl. 21, í Baldurshaga á
Bíldudal. Kómedían samanstendur
af nokkrum sögum, þar á meðal
Bósa sögu. Sögurnar eru settar upp
á nýstárlegan hátt og eru látbragðs-
leikur, spuni, frásögn og ýmsir
trúðatilburðir notaðir. Kómedía ópus
eitt var frumsýnt í Kaupmannahöfn
síðastliðið vor.
Önnur sýning verður laugardag í
Skjaldborgarbíói á Patreksfirði kl.
21, og þriðja sýning verður sunnu-
daginn 12. október kl. 21 í Dunhaga
á Tálknafirði. Einnig stendur
Kómedíuleikhúsið fyrir tveggja daga
leiklistarnámskeiði á Bíldudal um
sömu helgi. Þar verður tekið fyrir
látbragðsleikur, spuni, sögumennska
og trúðalist.
Einnig verður sýnt á Akranesi,
Selfossi og verða þær sýningar aug-
lýstar síðar. í lok október verður
sýnt í Möguleikhúsinu við Hlemm.
Kómedíuleikhúsið skipa þeir Elfar
Logi Hannesson og Róbert Snorra-
son, sem eru báðir fyrrverandi nem-
endur við The Comedia School í
Kaupmannahöfn. Skólinn sérhæfir
sig í hinu svokallaða „physical“-leik-
húsi, þar sem látbragð og notkun
líkamans sem verkfæri er í hávegum
höfð.
/WRIEL-JO

ugavegi 4,
ú 551 4473
Glæsilegí úrval af sófum, gjafavöru,
horðbúnaði og fleiru og fleiru.
—Sjón er sögu ríhari.
Sófar frá 106.000 kr.
Tryggðu Jyér
estu sætin
Heimsljósi
Heimsljós býÓur nú hina
heimsjyekktu spœnsku
Granfort sófa.
MynstraÓir sófar á
25%
afsláttur
Fimmtudag, föstudag
og laugardag veitum
við 25% afslátt
af öllum glösum.
sérstöku tilhoÖsverÓi.
Við erum í hláu húsunum við
Suðurlandsbrautina við hliðina á
McDonalds.
Opið: 10 til 18 virha daga og
10 til 16 laugardaga.
Suðuriandsbraut 54 (Bláu húsin) Sími 568 9511