Morgunblaðið - 09.10.1997, Blaðsíða 39
MORGUNBLAÐIÐ
MINNINGAR
FIMMTUDAGUR 9. OKTÓBER 1997 39
hún reynt mátt Drottins, hvernig
hann annaðist hana og gaf henni
styrk og kraft. Hún fékk einnig að
reyna hvað það er að hvílast á
grænum grundum og teyga af vatn-
inu sem huggari hennar gaf henni.
19 ára gömul eða n.t.t. 25. mars
1926, gekk hún að eiga lífsförunaut
sinn, Sigurgeir Guðmund Áskelsson
frá Bassastöðum við Steingríms-
fjörð og fyrstu árin bjuggu þau á
Hafnarhólmi. Þau eignuðust fimm
börn.
í Reykjavík bjuggu þau Olöf og
Sigurgeir lengst af á Ægissíðu við
Kleppsveg, þar sem Sundaborgin
er nú. Þar stunduðu þau sjálfstæðan
atvinnurekstur og framleiddu meðal
annars gúmmískó, sem þau seldu
víða um land. Samhliða skógerðinni
ráku þau kúabú í nokkur ár og
höfðu 10 kýr þegar mest var.
Eftir kúabúskapinn fengu þau
sér hænur og seldu egg í margar
verslanir og eins í heimahús. Þau
hjónin voru þekkt fyrir að hafa
heiðarleikann og Guðsóttann í fyrir-
rúmi. Eitt til tvö egg voru ævinlega
umfram vigt. Þannig kenndu þau
börnum sínum að koma fram í við-
skiptum. Þegar rýma þurfti Ægisíð-
una fyrir þeim byggingum sem nú
standa í Sundaborginni, fluttu þau
í Miðtún 88, en ráku þó hænsnabú
áfram og þá úti á Seltjamarnesi,
eða þar til Sigurgeir lést árið 1975.
Ólöf var afar dugleg og mikil
hannyrðakona. Meðan börnin voru
að alast upp, saumaði hún sjálf
fötin á börnin sín. Einnig var hún
dugleg við útsaum og pijónaði mik-
ið. Lopapeysur hennar voru vinsæl-
ar og pijónaði hún fyrir Álafoss-
verksmiðjuna og seldi einnig í versl-
anir hér í borg og jafnvel erlendis.
Ólöf var hagyrt og orti margar
tækifærisvísur. Hún var jafnan létt-
lynd og skemmtilegur félagi og
gerði oft að gamni sínu og átti létt
með að koma fyrir sig orði. Jafnvel
á sjúkrahúsinu gerði hún að gamni
sínu og sagði meðal annars við
nöfnu sína: „Þetta var nú meira
baðið.“
Hjartahlý var Ólöf og þeir sem
minna máttu sín snertu við hjarta
hennar og oft gaf hún bæði til
fangahjálpar og annarra líknar-
stofnana.
Árið 1955 urðu breytingar í lífi
þeirra hjóna. Sigurgeir veiktist og
var þeim bent á að láta biðja fyrir
honum bæði hjá Guðrúnu í Hafnar-
firði og eins hjá hvítasunnumönnum.
Vegna þessa fór hún að sækja kristi-
legar samkomur á þessum stöðum
og stundaði þær um nokkurt skeið.
Trúuð hafði Ölöf alltaf verið en hún
fann að eitthvað vantaði í líf sitt.
Boðskapurinn gekk út bæði í söng
og tali og hvatningin hljómaði,
„komdu til Jesú“. En þrátt fyrir
mikla leit fann hún hvergi þetta
persónulega samfélag við Jesú. Það
var ekki fyrr en einn predikarinn
útskýrði fyrir henni út frá heilagri
ritningu: „að hver sem ákallar nafn
Drottins mun frelsast," og „öllum
þeim sem tóku við honum (Kristi)
gaf hann rétt til að verða Guðs
böm.“ Þá laukst fagnaðarerindið
upp fyrir henni og meðtók hún Jes-
úm Krist sem sinn persónulega frels-
ara. Þetta sama ár, eða 28. októ-
ber, lét Ólöf skírast niðurdýfingu og
gerði hvítasunnusöfnuðinn að sínu
andlega heimili, og hefur hún verið
einn af stólpum safnaðarins. Hlýju
orðin og handtökin sem við hjónin
fengum frá henni við innsetningu
okkar sem forstöðuhjóna, geymum
við í hjarta okkar.
Ólöf Gestsdóttir fékk hinsta kall-
ið að morgni 1. okt. sl., níræð og
rúmum mánuði betur. Hún kveið
ekki heimferðinni, því þangað lang-
aði hana að fara og sjá frelsara
sinn augliti til auglitis.
Nú hefur hún fullnað skeiðið,
varðveitt trúna og nú á hún hinn
óforgengilega sigursveig, sem
henni var geymdur á himnum.
Um leið og við vottum fjölskyldu
hennar okkar dýpstu samúð, þökk-
um við Guði fyrir traustan vin og
kæra trúsystur í Kristi Jesú.
Kveðja frá Hvítasunnukirkjunni
Fíladelfíu,
Ester K. Jacobsen og
Vörður L. Traustason.
SKULIJOHANN
GUÐMUNDSSON
+ Skúli Jóhann
Guðmundsson
fæddist í Reykjavík
14. janúar 1950.
Hann lést á heimili
sínu 30. september
síðastliðinn. For-
eldrar hans eru
Kristin Elisa Heið-
veig Skúladóttir frá
Hellissandi, fædd
15. október 1921,
og Guðmundur
Jónsson, frá Skál-
um á Langanesi,
fæddur 22. febrúar.
1921, dáinn 9. októ-
ber 1960. Þau slitu samvistir.
Seinni maður Kristínar er Jón-
as G. Björnsson, fæddur 6. ág-
úst 1929. Bræður Skúla voru
Jón Daníel Guðmundsson,
fæddur 31. ágúst 1947, dáinn
7. janúar 1980. Hann var giftur
Önnu H. Auðbergs-
dóttur. Þau áttu tvö
börn, og Óskar E.H.
Guðmundsson,
fæddur 9. ágúst
1951, dáinn 3. nóv-
ember 1978. Eftir-
lifandi er hálfsystir
þeirra bræðra,
Birna G. Jónasdótt-
ir, fædd 9. nóvem-
ber 1956. Birna er
gift Pétri Gunnar-
syni, bílstjóra, og
eiga þau tvö börn,
Jónas Guðbjörn og
Guðrúnu Elísabetu.
Lengst af bjó fjölskyldan í Vest-
urbænum en síðustu 12 árin í
Grafarvogi.
Útför Skúla Jóhanns fer fram
frá Áskirkju í dag og hefst at-
höfnin klukkan 13.30. Jarðsett
verður í Fossvogskirkjugarði.
Elsku bróðir minn, mikið þakka
ég þér fyrir allar góðu stundirnar
sem við áttum saman. Alltaf beiðst
þú eftir okkur um helgar til að
geta spjallað og hlegið. Og jólin
öll sem við áttum saman þegar fjöl-
skylda okkar kom saman heima
hjá mér. Ég eldaði uppáhaldsmat-
inn þinn og Pétur sló á létta strengi
og mikið var hlegið.
Sérkenni Skúla voru hvað hann
var alltaf kærleiksríkur og kurteis.
Hann mátti aldrei neitt aumt sjá
því þá var hann boðinn og búinn
að rétta fram hjálparhönd. Skúli
var mjög glaðlyndur og honum
þótti alltaf mjög gaman að fá gesti,
og þá sá hann um kaffíð. Skúli
ferðaðist mikið á yngri árum til
útlanda. Hann var mjög músíkalsk-
ur, spilaði á gítar, orgel og prófaði
fiðluna. Ennfremur voru útsaums-
myndir hans listaverk.
Skúli lifði fyrir fjölskylduna og
foreldra sína sem reyndust honum
mjög vel. Skúli var verkamaður hjá
Eimskip í 18 ár og eignaðist hann
í starfí sínum marga vini. Skúla
þótti óskaplega vænt um vinnufé-
laga sína sem hann talaði mikið
um enda reyndust þeir honum vel
í gegnum árin. í maí sl. greindist
Skúli með alvarlegan sjúkdóm. Þá
lá hann á krabbameinsdeild Land-
spítalans í þijár vikur en var svo
heima eftir það.
Innilegar þakkir sendum við
læknum og hjúkrunarfólki sem
stunduðu Skúla á Landspítalanum
og hjúkrunarfólki í heimahjúkrun.
Skúli umgekkst mikið Guðrúnu og
Jónas. Guðrún var í miklu uppá-
haldi hjá Skúla enda var hún perlan
hans. Skúli undi sér mikið yfir
knattspyrnu í sjónvarpinu og oft
sátu þeir pabbi, Jónas og Skúli
saman yfir stórleikjum. í dag kveð
ég þig, Skúli minn, í hinsta sinn
með miklum söknuði. Megir þú
hvíla í friði.
Þín systir,
Birna.
Nú legg ég aupn aftur
Ó, Guð, þinn náðar kraftur
mín veri vöm í nótt.
Æ virst mig að þér taka
mér yfir láttu vaka
þinn engil svo ég sofi rótt.
(S. Egilsson.)
Mig langar í fáeinum orðum að
þakka Skúla fyrir samveruna á
þessari jörð. Ég á fallegar minn-
ingar um góðan dreng. Ég kynnt-
ist Skúla fyrir mörgum árum, og
mér er minnisstætt hve hann var
sérstaklega kurteis og hjartagóður
við alla. Árið 1978 fluttist Birna
systir hans í sama hús og ég og
tókst með okkur mikill vinskapur
og þá komst upp að Skúli væri
bróðir Birnu. Þá fékk ég fréttir
af Skúla. Minning hans er ljós í lífi
okkar.
Elsku Kristín, Jónas, Birna, Pét-
ur og fjölskylda, Guð gefi ykkur
styrk í ykkar miklu sorg.
Guðmunda.
Að hryggjast og gleðjast
hér um fáa daga.
Að heilsast og kveðjast
það er lífsins saga.
(PJ.Á.)
Það var sumarið 1987 sem við
kynntumst Skúla, Kristínu og Jón-
asi. Við vorum að flytja í nýtt hverfi
og eignast nýja nágranna. Þótt við
værum aðeins þriggja og sex ára
hófst samt vinátta sem hefur staðið
síðan. Þegar við fréttum af veikind-
um Skúla var okkur brugðið en
trúðum þó að hann myndi hressast
enda varla orðið misdægurt fram
að því.
Okkur langar að þakka Skúla
vináttuna öll þessi ár og vottum
Kristínu, Jónasi og fjölskyldu sam-
úð okkar.
Birgir Rafn og Anita.
Elsku Skúli. Fallinn er frá góður
drengur á besta aldri, í blóma lífs-
ins. Alltaf tókstu vel á móti okkur
hjónum þegar við komum til þín í
heimsókn þótt þú værir orðinn mjög
veikur. Þegar við komum til þín
kvöldið áður en þú lést ásamt Pétri
mági þínum bauðstu okkur kaffi
meðan verið var að hjúkra þér.
Þú hugsaðir alltaf mikið um alla
sem þú þekktir, þér var umhugað
um að allir hefðu það gott. Alltaf
talaðir þú mikið um mömmu þína
og fósturpabba og alltaf um elsku
systur þína. Það er mikið lagt á
móður þína, fósturföður og systur
að sjá á eftir þriðja syninum og
bróður sem allir hafa fallið frá á
besta aldri.
Mikið þótti okkur vænt um þegar
þú komst með okkur á veitingahús
um daginn þótt ekki væri þrekið
mikið. Þá sýndir þú hvern mann
þú hafðir að geyma. Þú ætlaðir aldr-
ei að þiggja matinn og vildir endi-
lega borga fyrir þig sem ekki kom
til greina af okkar hálfu.
Kynni okkar hófust snemma í
bernsku þegar föðurbróðir minn
Jónas og móðir þín hófu búskap.
Aldrei féll skuggi á okkar kynni.
Því miður kynntist konan mín þér
alltof seint.
Aldrei kvartaðir þú eða talaðir
um veikindi þín. Þínir nánustu ætt-
ingjar hugsuðu alltaf mjög vel um
þig, móðir þín, fósturfaðir, systir
og mágur, og börnin þeirra, en aldr-
ei vildir þú láta hafa mikið fyrir
þér. Núna þegar Skúli er allur kem-
ur yfír okkur söknuður en minning-
in um góðan mann er björt.
Við hjónin og fjölskylda okkar
biðjum guð almáttugan að geyma
þig og styrkja fjölskyldu þína í þess-
ari miklu sorg. Elsku Skúli, hvíl þú
í friði.
Þínir vinir,
Guðmundur og Áslaug.
Kristján Gunnarsson, Anný Antonsdóttir,
Þórir Gunnarsson, Ragnheiður Baldursdóttir,
Stefán Jónsson, Eva Óskarsdóttir.
Ástkær eiginmaður minn og faðir okkar,
SVERRIR BJÖRNSSON,
Sólvallagötu 39,
Reykjavík,
lést á heimili sínu þriðjudaginn 7. október.
Laufey Helgadóttir,
Matthías Sverrisson,
Þráinn Sverrisson.
Eiginmaður minn, faðir okkar, tengdafaðir, afi
og langafi,
AXEL EYJÓLFSSON
frá Seyðisfirði,
Sólvallagötu 3,
Reykjavik,
verður jarðsunginn frá Dómkirkjunni í Reykja-
vík föstudaginn 10. október kl. 10.30.
Blóm vinsamlegast afþökkuð, en þeim, sem vilja minnast hans, er bent á
líknarfélög.
%
Jóna Jensen,
Sigríður Jensen Axelsdóttir, Ingvar Hauksson,
Níls Jens Axelsson, Hólmfríður Sigurjónsdóttir,
barnabörn og barnabarnabarn.
+
Ástkær móðir okkar, tengdamóðir og amma,
GUÐBJÖRG RUNÓLFSDÓTTIR,
Efriey I,
Meðallandi,
verður jarðsungin frá Langholtskirkju í Meðal-
landi laugardaginn 11. október kl. 13.30.
Þeim, sem vilja minnast hennar, er bent á
Rauða kross íslands.
Sætaferð verður frá BSÍ kl. 9.00.
Þórir Bjarnason
Guðgeir Bjarnason, Sigrún Sæmundsdóttir,
Arndís Eva Bjarnadóttir, Gunnar Þorsteinsson,
Runólfur Bjarnason, Anna Arnardóttir,
Gunnhildur Bjarnadóttir, Sigurjón Einarsson,
og barnabörn.
+
Ástkær eiginkona mín, móðir okkar, tengda-
móðir og amma,
KRISTÍN KARLSDÓTTIR,
Brimhólabraut 6,
Vestmannaeyjum,
sem lést 30. september sl., verður jarðsungin
frá Aðventkirkjunni í Vestmannaeyjum föstu-
daginn 10. október kl. 16.00.
Þeim, sem vildu minnast hinnar látnu, er bent
á Systrafélagið Alfa.
Arnmundur Þorbjörnsson,
Ásta Arnmundsdóttir, Sigurður Jónsson,
Gyða Arnmundsdóttir, Viðar Aðalsteinsson,
og barnabörn.
Lokað
Vegna útfarar LÁRUSAR Á. LÁRUSSONAR, sölustjóra, verður
fyrirtækið lokað eftir hádegi á morgun, föstudaginn 10. október.
Ekran ehf.,
Vatnagörðum 6, Reykjavík.