Morgunblaðið - 09.10.1997, Síða 49
MORGUNBLAÐIÐ
FIMMTUDAGUR 9. OKTÓBER 1997 49
FRÉTTIR
23 sjóntækjafræðingar voru útskrifaðir.
Morgunblaðið/Ómar
Hópur sjóntækjafræðinga útskrifast
NÝVERIÐ var útskrifaður
fyrsti hópur íslenskra sjón-
tækjafræðinga. A síðasta ári
var haldið 240 tíma námskeið í
sjónmælingum og augnskoðun.
Ákveðið var að nota norska fyr- lega straum af kostnaðinum en
irmynd að slíku námskeiði og menntamálaráðuneytið styrkti
prófum. Kostnaður við nám- einnig námskeiðið. Námskeið-
skeiðið var um 3 milljónir inu lauk með skriflegu og verk-
króna. Stóðu þátttakendur aðal- legu prófi.
Ástralskur
predikari
á Hótel ís-
landi
ÁSTRALSKUR predikari, Peter
Roennfeldt, mun flytja fimm fyrir-
lestra á Hótel íslandi næstu daga,
og verður sá fyrsti í kvöld, fimmtu-
dag, og hefst klukkan 20.
Peter Roennfeldt er reyndur
predikari, „sem flytur lifandi og
kröftugan boðskap í stuttum nám-
skeiðum um mikilvægustu efni
Biblíunnar11, eins og segir í frétt
frá fundarboðendum. Túlkur verð-
ur dr. Steinþór Þórðarson. Að-
gangur er ókeypis að fyrirlestrun-
um og öllum heimill.
Pyrirlesturinn í kvöld nefnist
„Skírn heilags anda“. Nk. sunnu-
dagskvöld mun hann ræða um
Heilagan anda og kraftaverk.
Þriðjudaginn 14. október ræðir
hann um Heilagan anda og tungut-
alsgáfuna, fimmtudaginn 16. októ-
ber um Heilagan anda og Toronto-
fyrirbærið og sunnudaginn 19.
október um nýöldina og innsigli
hins lifandi Guðs.
Kvenfélag
Hallgrímskirkju
Erindi um
réttindamál
FYRSTI fundur Kvenfélags Hall-
grímskirkju á þessu starfsári verður
haldinn í kvöld, 9. október, kl. 20.
Þar mun Dögg Pálsdóttir hdl.
flytja erindi um ýmis réttindamál
sem m.a. varða ellilífeyrisþega,
erfðamál og réttindi sjúklinga til
að fá að sjá sjúkraskýrslur sínar.
Að erindinu loknu mun Dögg svara
fyrirspurnum.
Allir sem hafa áhuga á að hlýða
í erindi Daggar eru velkomnir á
undinn.
LEIÐRÉTT
Silfurtún
FYRIRTÆKIÐ Silfurtún vill af
gefnu tilefni koma á framfæri þeirri
leiðréttingu að Björn Ingi Sveinsson
er framkvæmdastjóri fyrirtækisins
og Friðrik Jónsson markaðsstjóri.
Afmælis-
fagnaður
ÁTTHAGASAMTÖK Héraðs-
manna eru 25 ára um þessar
mundir og efna í tilefni þess til
afmælisfagnaðar hinn 11. október
nk. á Hótel Björk í Hveragerði.
Stjórn samtakanna hefur ákveð-
ið að bjóða upp á ókeypis rútuferð-
ir frá BSÍ í Reykjavík kl. 18 með
viðkomu í Mjódd en hátíðin hefst
kl. 19.45 með borðhaldi.
Miðaverð er 2.500 kr. á mann
og hótelið býður upp á gistingu
fyrir þá sem það vilja.
Fyrirlestur um
stökkbreytta
DNA lígasa
ARNAR Pálsson MS nemi heldur
fyrirlestur föstudaginn 10. október
á vegum Líffræðistofnunar Há-
skólans sem nefnist „Markvissar
stökkbreytingar á DNA lígasa geni
Thermus scotoductus".
Erindið er haldið í húsakynnum
Líffræðistofnunar, Grensásvegi
12, í stofu G-6 klukkan 12.20.
Öllum er heimill aðgangur.
GUÐRÚN og Guðlaugur
Bergmann.
Námskeið um
samskipti
HJÓNIN Guðrún og Guðlaugur
Bergmann halda föstudagskvöldið
10., laugardaginn 11. og sunnudag-
inn 12. október samskiptanámskeið,
sem þau kalla Að elska mig og að
elska þig, í húsnæði Mannræktarinn-
ar, Sogavegi 108.
Á.námskeiðinu er fjallað um hina
ýmsu fleti samskipta svo sem sam-
skipti við sjálfan sig, lærð samskipti
úr flölskyldum, samskipti við maka
og börn og samskipti við fólk utan
flölskyldunnar.
Sú nýbreytni er að þetta námskeið
er haldið í Reykjavík en undanfarin
tvö og hálft ár hafa Guðrún og Guð-
laugur búið undir Jökli þar sem þau
hafa ásamt félögum sínum í Snæ-
fellsás-samfélaginu rekið mannrækt-
armiðstöð. Þar hafa þau sérhæft sig
í samskiptaþættinum með námskeið-
um og einkavinnu. Námskeið þeirra
er byggt upp á fyrirlestrum og verk-
efnum í veglegri vinnubók sem er
innifalin í námskeiðsgjaldinu og er
tilgangur námskeiðsins að opna fólki
sýn inn á nýja fleti samskipta og
kenna því aðferðir til að breyta og
bæta samskipti sín.
Skora á dóms-
málaráðherra
AÐALFUNDUR Félags áfengis-
varnanefnda á Austurlandi haldinn
á Egilsstöðum 5. október sl. skorar
á dómsmálaráðherra að sjá svo um
að 16. gr. a í áfengislögum um
áfengisauglýsingar sé virt og í heiðri
höfð og á brotum á henni sé ský-
laust tekið, segir í fréttatilkynningu.
Finnur í stað
Halldórs á Hót-
el Borg
FINNUR Ingólfsson, iðnaðar- og við-
skiptaráðherra, verður frummælandi
á fundi á Hótel Borg í hádeginu í dag
og ræðir um stjómmálaviðhorfið. Ráð-
gert hafði verið að Halldór Ásgríms-
son yrði fundarboðandi, en í fréttatil-
kynningu segir að af því geti ekki
orðið af óviðráðanlegum ástæðum.
■ Á STJÓRNARFUNDI í
Verkamannafélaginu Hlíf hald-
inn 6. október sl. var eftirfarandi
ályktun samþykkt: „Stjórn Hlífar
tekur heils hugar undir ályktun
stjórnar Verkamannafélagsins
Dagsbrúnar frá 22. september sl.
þar sem harðlega er mótmælt
ákvörðun stjórnar Atvinnuleysis-
tryggingasjóðs að færa öll sam-
skipti atvinnulausra undir eina
nefnd á höfuðborgarsvæðinu.
Með þeirri nýju skipan er atvinnu-
laust fólk slitið úr eðlilegu sam-
bandi við stéttarfélag sitt, sem
veitir því margskonar þjónustu á
ýmsum sviðum jafnhliða umsýslu
og útborgun atvinnuleysisbóta.
Stjórn Hlífar telur eðlilegt að
sérstök úthlutunarnefnd og um-
sýsluskrifstofa atvinnuleysisbóta
yerði staðsett í Hafnarfirði eins
og verið hefur en svæðið sem um
er að ræða nær yfir Hafnarfjörð,
Garðabæ og Besstastaðahrepp
með um 27 þúsund íbúa. Hingað
til hefur þetta fyrirkomulag
reynst vel og engin ástæða til
breytinga hvorki félagsleg né
fjárhagsleg."
■ í ÁLYKTUN um kjaramál sem
blaðinu hefur borist frá Skóla-
stjórnarfélagi Norðurlands
vestra er lýst yfir „miklum
áhyggjum vegna hins alvarlega
ástands sem við blasir í grunnskól-
um landsins ef ekki kemst skriður
á kjaraviðræður skólastjóra og
kennara við sveitarfélögin. Fund-
urinn styður heils hugar samn-
inganefnd Kennarasambandsins í
viðræðunum og hvetur alla skóla-
stjóra og kennara að standa sam-
an í baráttunni," segir í fréttatil-
kynningu. Þá er þess krafist að
launanefnd sveitarfélaganna komi
að samningaborðinu af meiri al-
vöru en lýsir sér í þeim tilboðum
sem nefndin hefur lagt fram til
þessa.
■ AÐALFUNDUR Foreldra- og
kennarafélags Laugarlækjar-
skóla haldinn 6. október 1997
samþykkti eftirfarandi: „Fundur-
inn lýsir yfir hryggð sinni vegna
þess að tveir kennarar skólans
hafa sagt upp störfum sínum sbr.
grein í Morgunblaðinu 18. septem-
ber sl. Þá vill fundurinn skora á
sveitarstjórnir í landinu að ganga
strax til samninga við kennara.
Vonast fundurinn eftir að kjör
kennara verði bætt svo kennsla
geti haldið áfram í grunnskólum
landsins."
* Verð miðast við að greitt sé með ATLAS- eða Gullkorti EUROCARD og að ATLAS- ávísun
sé notuð. Innifalið: Flug og gisting í tvíbýli með morgunverði á Bewley's hótelinu,
akstur til og frá flugvelli erlendis, íslensk fararstjóm og flugvallarskattar.
SamviiiiJuíerúirLaiJilsýii
Nú býðst ATLAS- og Gullkorthöfum
EUROCARD einstök ferð til gleðiborgarinnar
Dublin á frábæru verði.
kr.
Takmarkað sætaframboð.
Bókanir hjá Samvinnuferðum - Landsýn í síma 569 1010.