Morgunblaðið - 24.10.1997, Blaðsíða 7
MORGUNBLAÐIÐ
FÖSTUDAGUR 24. OKTÓBER 1997 7
FRÉTTIR
*
Verkefnið Island án
eiturlyfja 2002
*
Islenska verk-
efnið vekur
athygli út-
lendinga
FULLTRÚAR ECAD, samtaka
evrópskra borga gegn eiturlyfj-
um, hittu fulltrúa verkefnisins
ísland án eiturlyfja 2002 á fundi
hér á landi um síðustu helgi.
Verkefnið hefur vakið nokkra
athygli erlendis.
Dögg Pálsdóttir, formaður
stjórnar islenska verkefnisins,
sagði að fundurinn hefði verið
liður í undirbúningi alþjóðlegrar
ráðstefnu, sem halda á í Stokk-
hólmi í maí á næsta ári. „Stokk-
hólmur er menningarborg Evr-
ópu 1998 og Svíar vilja gjarnan
nota tækifærið og halda ráð-
stefnu um fíkniefnavandann, í
samvinnu við ECAD,“ sagði
Dögg í samtali við Morgunblaðið.
Mengun í
höfnum á
ábyrgð sveit-
arfélaga
LÖGUM samkvæmt bera sveitar-
stjórnir ábyrgð þegar mengun verður
í höfnum og gera lögin jafnframt ráð
fyrir að hafnaryfirvöld hefji tafar-
lausar aðgerðir til að koma í veg
fyrir eða draga úr menguninni. Að
sögn Davíðs Egilsonar, forstöðu-
manns mengunardeildar sjávar hjá
Hollustuvernd ríkisins, er til búnaður
gegn mengun sjávar á Seyðisfírði,
sem þegar hefði átt að grípa til þeg-
ar olíumengunar varð vart í síðustu
viku. „Fyrsta regla er að slá utan
um oliuna þegar ekki er vitað um
umfangið og gera ráð fyrir að meng-
unin sé meiri en sýnist í fyrstu,"
sagði hann.
I lögunum er gert ráð fyrir að
Hollustuvernd ríkisins í samvinnu við
Landhelgisgæslu og Siglingastofnun
hafi lögsögu þegar mengun verður
utan hafnarsvæða. „Þetta er ekki
mjög skynsamleg skipting en svona
eru lögin,“ sagði Davíð og benti á að
í umhverfisráðuneytinu lægju fyrir
drög að reglugerð, þar sem reynt er
að taka á skiptingu ábyrgðar á
mengunarslysum.
„Fyrsta ábyrgð er hjá þeim sem
veldur menguninni og ef honum tekst
ekki að draga úr henni þá er lagaleg
ábyrgð á sveitarfélaginu ef óhappið
á sér stað á hafnarsvæði,“ sagði
hann. „Eftir að atburðurinn er orðinn
er beðið um lögregluskýrslu og í
þessu nýja kerfí er það ríkislögregl-
an, sem tekur skýrslu og tekur síðan
ákvörðun um kæru en það verður
að taka lögregluskýrslu til að fá hlut-
lausa lýsingu á allri atburðarásinni
á staðnum."
Davíð sagði að það færi eftir
umfangi hvort fulltrúar frá Hollustu-
vernd væru kallaðir til þegar um
hafnir væri að ræða en telur skyn-
samlegt þegar umfangið er jafn mik-
ið og á Seyðisfirði að leitað sé til
Hollustuverndar.
„Þennan skaða er mjög erfítt að
bæta þegar komið er út í umhverfið
og það er mjög erfitt að ná olíunni
þegar hún hefur dreift sér,“ sagði
hann. „Best er að ná henni sem
fyrst.“
Morgunblaðið/Arnaldur
FULLTRÚAR borga funda um fíkniefnamál, J. Ben Jenkins frá Kanada, Dögg Pálsdóttir, formaður
íslands án eiturlyfja 2002, Peter Rigby, breskur formaður stjórnar ECAD, og Torgny Petterson,
sænskur framkvæmdastjóri ECAD.
„Verkefni okkar, sem miðar að
eiturlyfjalausu íslandi árið 2002,
hefur vakið töluverða athygli og
stefnt er að þvi að gera því góð
skil á ráðstefnunni."
Bandarískar borgir
slást í hópinn
Dögg sagði að í Kanada hefðu
borgir bundist samtökum í bar-
áttunni gegn eiturlyfjum og einn-
ig í Bandaríkjunum. „Fulltrúar
kanadískra og bandariskra
borga hafa óskað eftir að fá að
taka þátt í starfi ECAD og þeir
lýstu hrifningu sinni á islenska
verkefninu. Það er mjög ánægju-
legt að fá slíka gesti, sem stappa
í okkur stálinu í stað þess að
vera með úrtölur."
Prófkjör Sjálfstæðisflokksins í Reykjavík 24. og 25. október 1997
Öflugur málsvari
Gerum prófkjör
sjálfstæðismanna
að glæsilegu
upphafi á harðri
kosningabaráttu
þar sem
Reykjavík verður
endurheimt
undan stöðnun
R-listans.
Komandi
borgarstjórnar-
kosningar
eru þær
mikilvægustu
í 16 ár.
Stefnum
samhent fram
til sigurs með
sterkan
framboðslista.
Júlíus Vífil í 4. sætið
Þekking og reynsla:
Júlíus Vífill býr yfir yfirgripsmikilU þekkingu og reynslu úr
viðskiptum og Ustum sem gefa honum góöa fótfestu og
víðsýni í flóknum viðfangsefnum borgarstjórnar.
Festa og forysta:
Við þörfnumst manns í borgarstjórn sem vaUnn hefur verið
til trúnaóarstarfa og nýtur trausts samferðamanna sinna.
Framsýni og ábyrgð:
í félagsmálastarfi hefur Júlíus Vífill reynst ráðagóður
baráttumaóur og boðberi nýrra tíma.
Kjörstaðir verða opnir:
Föstudaginn 24. október frá kl. 13-21 í Valhöll Háaleitisbraut 1.
Öll kjörhverfi saman.
Laugardaginn 25. október frá kl. 10-19 á sex stööum í sjö kjörhverfum.
Upplýsingar um prófkjörið í síma 515 1700.
Öflugt atvinnulíf:
Öflugt atvinnuUf undir forystu sjálfstæðismanna er
lykilatriði á komandi kjörtímabiU.
Skynsamleg fjármálastjórn:
Hvernig til tekst í rekstri Reykjavíkurborgar snertir fjárhag
okkar alUa og ræóur því hvað borgarsjóður hefur til ráðstöf-
unar til aö veita borgarbúum þá þjónustu sem þeir eiga rétt á.
Trúnaður:
Endurheimtum þann trúnað og þaó traust sem nauðsynlegt
er að ríki milU milU borgarbúa og kjörinna fulltrúa í
borgarstjórn.
Blómlegt mannlíf:
Einfalt stjórnkerfi, kröftugt lista- og menningarUf,
góðir skólar, öflug þjónusta við okkar yngstu og
elstu borgara, gerir Reykjavík að blómlegri borg.
Stuðningsmenn.
Kosninqaskrifstofan er að Suðurgötu 7 • Opió föstudag kl. 13-22 og laugardag kl. 10-19 • Sími 561 7640 • Símbréf 561 7643